سؤال لخبراء التطعيس

[مهندس/م]

مساااااكم الله بالخير ؛؛؛
أخوكم في الله عليمي تطعيس ؛
وعندي استفسار ؛؛
يقولون لا تستخدم الدبل لا الثقيل ولا الخفيف وانت تسوق موترك بالنفود ؛
لأن الدبل يؤثر على مكينة السيارة ؛؛
هل هالكلام صحيح ؟؟
وإذا ما استخدمت الدبل وشلون أسوق بأمان وبدون غرازات ؟؟؟؟

[خشم العرمة]

أول شي أسعد الله مسائك
ثاني شي منهم اللي يقولون؟؟؟ الوكالة ولا العيال في الاستراحة ولا سوالف نت؟؟

على كلامك أجل الدبل ديكور المصنع حاطينه عشان اللي يركب معك في الموتر يقول ما شاء الله موترك فية دبل
ــــــــــــــــــــ
شف وانا اخوك الدبل ماحطوة في الموتر الا للنفود والطلعات القوية والثلج والطين
لين صرت في النفود نسم الكفرات على 15 وحط الموتر في نمرة 2 وشغل الدبل الخفيف وطف المكيف وتوكل على الله
واذا غرزت ولا جيت تسحب موتر ثاني مغرز اشبك الدبل الثقيل
بالتوفيق

[ahmad995]

متى ما حسيت انك بحاجه للدبل شغله ,, عاد فوق نفود تحت طلحه جنب بقاله .. انت ابخص بالموقف
وتحس بثقل بالسيارة

[مهندس/م]

أول شي أسعد الله مسائك
ثاني شي منهم اللي يقولون؟؟؟ الوكالة ولا العيال في الاستراحة ولا سوالف نت؟؟

على كلامك أجل الدبل ديكور المصنع حاطينه عشان اللي يركب معك في الموتر يقول ما شاء الله موترك فية دبل
ــــــــــــــــــــ
شف وانا اخوك الدبل ماحطوة في الموتر الا للنفود والطلعات القوية والثلج والطين
لين صرت في النفود نسم الكفرات على 15 وحط الموتر في نمرة 2 وشغل الدبل الخفيف وطف المكيف وتوكل على الله
واذا غرزت ولا جيت تسحب موتر ثاني مغرز اشبك الدبل الثقيل
بالتوفيق

هههههههههههههههه
اشكرك على سرعة تجاوبك معي ؛؛
أفهم من كلامك ان استخدام الدبل الخفيف ما يؤثر ع الموتر ؛
وكذلك لابد من استخدامه ؛؛
لا عدمناك ؛؛

[مهندس/م]

متى ما حسيت انك بحاجه للدبل شغله ,, عاد فوق نفود تحت طلحه جنب بقاله .. انت ابخص بالموقف
وتحس بثقل بالسيارة

مشكووووور اخوي على الرد
بس كأن الشاص اللي بالتوقيع مو شابك الدبل ؟؟؟!!!!!

[bader_2.0.1.0]

صبحهم بالخير انشاء الله
اخوي اهم شي انك اتنزل الهواء على 15 مثل ما قال الرجال ولا ترى بتغرز فالشارع اسئل مجرب واذا مشى معك فالنفود راح ايتكسر الهواء ثم الهواء ثم الهواء لازم اتنزل منه ...

والله يعطيك خير جيبيك ويكفيك شره والله يستر عليك وعلى المسلمين اجمعين

[4800 VTC]

الدفرنسات هي الي تأثر مع مرور الزمن

بس بطح 15 او 10وعشق خفيف وتوكل على الله وتمش وتتبع الدروب الزينه ولا تمغل

ورفق على نفسك وما راح يجيك شي بأذن الله

[تاج1426]

مثل كلام الاخوان
اول شي خل الخساره في الكفرات ولا غيرها يعني نقص الهوا وما تحتاج لدبل ثقيل
ثاني شي الدبل الخفيف ماعندك فيه مشكله حتى لو اسرعت لكن الدبل الثقيل استخدامه في مناطق التغريزات مثل السيوف وغيرها واللي تخاف منها واذا كان القير عادي استخدم الثالث والرابع والخامس وما تندم
تحياتي

[بدوي جنوبي]

نوع سيارتك يا المهندس ؟

[ابرق نثيل]

الدبل محتمل يخرب في الحالات التالية :
* تعشيق الدبل الثقيل في الزلفت والانطلاق بالموتر بسرعه تتجاوز 50 كلم
* تعشيق الدبل الثقيل والطاره لافه في اقصى اليسار او اليمين
* تعشيق الدبل الثقيل من الخفيف بدون ايقاف الموتر عزيزي قايد المركبه .
* اثناء تعشيق الدبل من خفيف الى ثقيل في حالة وقوف يدك بين التعشيقتين لان ذلك يسبب تطاحن التروس . حرك يدك بسلاسه
* اذا صعب عليك التعشيق من ثنائي الى رباعي لاتعسر التعشيقه ارجع متر او مترين لين يلقم الدبل معك.
* لابد من تعشيق الدبل كل شهر مره حتى تتم عملية التزييت (دوران الزيت) داخل الدبل .

عشق دبلاتك الخفيفه في الطعس وانت منسم 18 او 15

[طير المحبه]

وشو موترك يالذيب ؟ وكم موديله ؟

[أبوغيث 2003]

يقولون لا تستخدم الدبل لا الثقيل ولا الخفيف وانت تسوق موترك بالنفود ؛
لأن الدبل يؤثر على مكينة السيارة ؛؛



خرابيط وكلام فاضي

انا ما قد دخلت النفود الا وانا شابك الدبل الخفيف لاني ادخل بدون تنسيم<<<لاني اتعيجز اتفخ الكفرات الله يكرمكم


وما قد خرب علي الدبل الحمدلله

[وادي الريمة]

وش ذا التعليمات الجديده دبل بدون استعمال الله يكون في العون
الشباب ماقصرو افادوك
وانا اقول بدون تعليق
والله يستر عليك وعلى جميع المسلمين
وبالتوفيق

[التعـ King ـديل]

ماازيد على كلام الجماعه شي نسم الكفرات وتمشى بالدبل الخفيف وارفق على حلالك وبس

اخوي ابو غيث انت معك طير شلوى الباث مايحتاج منك الا دقه دبل خفيف وبس

عسى الله يبارك لكم في مواتركم جميع

[وارد بيشه]

ماازيد على كلام الجماعه شي

فالكم التوفيق

[ابومحيميد]

اذا كنت بترتاح بالمشي وتريح موترك بعد

حط كفراتك على 10 وامش بدون ماشتغل الدبل

واذا غرزت ماعندك مشكلة شغل الدبل

والدبل وانا اخوك مافيه مضره على المكينة الا في السرعات العالية

[شامخ ألهيلا]

اخوي من تدخل النفود نسم الكفرات وشغل الدبل الخفيف وتمشى براحتك
الي يقول نسم الكفرات ولا تشغل الدبل هذا يبي يجيب العيد في الكلتش عندك

انت ذكرتني في الشيبان الي يشترون سياره مكيف و يقطع السير يقول المكيف يخرب السياره
واول مايخبط في المواتر مواترهم

[ياوجودي]

اخوي من تدخل النفود نسم الكفرات وشغل الدبل الخفيف وتمشى براحتك
الي يقول نسم الكفرات ولا تشغل الدبل هذا يبي يجيب العيد في الكلتش عندك

انت ذكرتني في الشيبان الي يشترون سياره مكيف و يقطع السير يقول المكيف يخرب السياره
واول مايخبط في المواتر مواترهم

وأول مايخبط مواترهم صدقت ههههههههههههههههههههههههههههههههههههههههههههه

[راعي الطلعات]

نسم شوي الكفرات على الـ25 او الـ20

وتمش بين النفوذ واذا احتجة الدبل حطه بالخفيف وان حسيت انك علقة حطه بالثقيل وعلى شوي شوي وبكذا راح تعرف لأستخدام الدبل في يوم واحد

بالتوفيق