ربعي ياهلي ................؟ طلب صغير

[أيام العبور]

السلام عليكم ورحمة الله وبركاته



طلب صغير اذا ما عليكم امر


ابي برنامج يصغر الصور واقدر احط توقيعي بالصوره


احبابي الكشاته لاتكشتون فيني :D


ودمتم سالمين

[أيام العبور]

وعليكم السلام ورحمة الله وبركاته


يابعدي والله ياخشم الحصان



البارحه في طول ليلي وانا أد وور * في خيمة التصوير جاني بلايا

صوره بوسط البر واصور بــــبــحور * ساري ابو لـيلى فذيك الزوايا

جالس قبال النت تقول نـاطـــور * ابـغـا هوا نفسي وغايــت منايا

ساعة لقيت الي..؟ غدا البال مـسرور * لاكن طلع مغلق وكدر صــفايا

واليوم انا محتار ياخشم مجـــــبور * ليت القدر ياحصان يسمع ندايا

واليوم قلبي من هوى البال مخطـــور * الله عـلا المحـبوب زيــن الحلايا

اشـفــق عـلا شـوفه تـقول مسحـور * عـــسى الـغـلا ويـاه مـاله نـهــايا

وختامها مية هلا والف مشكــــور * و تـســلم يمـيـنك ياكـثير العطايا


ما لقيت الي ابيه بخيمة التصوير:(
البرامج الموجوده منتهيا وماتفتح

[الطبيب]

اخوي ابو ليالي

خذ الروابط هذي

ولعل الله يكتب فيها الشفاء لصورك وجهازك

وعلى فكره

كل موضوع تقراه ثلاث مرات بعد كل وجبه مره

ثمن تتروش وتنام على جنبك الايمن

وبعد ما تصحا تقرا وردك والاذكار

ثمن تطبق اللي بالدروس
:)

الرابط الاول

للمتألق دائما ( القماري )

http://www.mekshat.com/vb/showthread.php?s=&threadid=15176

وتراي جربت الرابط وما زال شغال زي الحلاوه

وهذا الرابط الثاني

للأخ ( المعزب ) مكشات

http://www.mekshat.com/vb/showthread.php?s=&postid=93952#post93952

والرابط الثالث والاخير

لاخوك الفقير الى الله << الله من التواضع

الطبيب

http://www.mekshat.com/vb/showthread.php?s=&threadid=16354


واسمحلنا يا الغالي من القصور


هذا والله اعلم

والسلام ختام

[أيام العبور]

جار الزمان ولابقاغير ذكراي _ مع من صوابه داخل الجوف هاوي

ياصاح يادكتور نوري وظلماي _ عندي عقب فرقا العشير امتساوي

عليك بعد الرب يالقرم شكواي _ والجرح زاد ولا لقيت المداوي

انخاك لومنتا بخيصن بدعواي _ لاشك سندت المثل يالعطاوي

عليك يفرز الوغا صايب الراي _ ياطيري النادر عطيب الأهاوي

جرح الهوى يامعدن الجود بلواي _ وانخاك حيثك لأفخر الطيب حاوي

ويش حيلتك بالي شفوقن بلاماي _ وانا على قربه شفوقن شفاوي

شوقي له اعظم من ظما الارض للماي _ واشد من شوق الغريب الجلاوي

خلن خليلن جامعن داي ودواي _ وعليه طاويني من الجود طاوي

الي نظرني وارسل الطرف بغضاي _ الله لحد ضيعت ماكنت ناوي

هومنوتي بالبيض شفي وسلواي _ وغيره من الخفرات ماني مهاوي

شد ورحل زين التواصيف بقفاي _ واصبح عقب قربه بعيدن نحاوي

يااهل الجبيل الزين مايسمع انداي _ مسافتن دونه اخبوت ومهاوي

عليه اجاوب نايح الورق يغناي _ مجروح كاويني من الحب كاوي

واليوم عنزت المثل وانت منصاي _ انت الشجاع ان كان فيها نخاوي

باغيك تاصل من ذكرته ابمبداي _ بغيت ميصاله ولاني بقاوي

ماقدر مجيه سبة اعداه وعداي _ ناسن على بغضي تطق الغناوي

ترا اسمها يوصف اذا كنت سراي _ دليل للساري بعيد المناوي

وياقوتتن تذكر اذا كنت شراي _ وريحان يوصف طب قلبن شقاوي

وموج البحر مايقطعه كل مشاي _ وانت الفهيم برمزها والغطاوي

ابديت لك غاية ضميري ومعناي _ وانت الطبيب وبالمثايل رهاوي

والخاتمه ندعي عسى يقبل ادعاي _ يحفظك ربي من جميع البلاوي

اهدء خاص من ابو ليالي للأخ الغالي الطبيب وللأخ الغالي عايد السندي ولأهل الجبيل
ولكل من قراها...............؟ سلامي واحترامي لكم

[الطبيب]

واثريك شاعر منت بسيط

الا شاعر من فحول الشعراء

والله ما عمري تمنيت اني اكون شاعر كثر ما تمنيت الآن علشان لو اجاريك شوي بها الؤلؤ اللي نثرت بهذي الصفحه

وتمدح فيه اخوك الطبيب

وترا طلبي فوق كان مزحه

ولا دريت اني قدام بحر غزير مجمه

لعل الايام كفيله باني احاول اني ارد الجميل

لك كل التحيه والاحترام


هذا والله اعلم

والسلام ختام

[أيام العبور]

انت الحكيم وبالمثايل رهاوي


سنايدي الغالي الطبيب يابعدي تسلم ومبارك عليك الشهر الكريم


افرحني ردك عساك سالم



يغناي ÷ بغناي


وتمنياتي لك بالتوفيق

احلا تحيه والسلام

[الطبيب]

عسى الله يقدرني على رد الجميل

http://www.mekshat.com/vb/showthread.php?s=&threadid=24364

هذا موضوع ( خاص بالصور ) طازج توي منزله بالمنتدى

عليك فيه لعل الله ينفعك به

هذا والله اعلم

والسلام ختام

[أيام العبور]

والله انك ماقصرت

يابعدي عشت وعاش من جابك

الله يجزاك خير