عرض مهو صاحي من شركة دودج

[العرّاب]

مساكم /صبحكم بالخير اعضاء وزوار افضل موقع عربي للكشتات

اليوم وانا اقراء في جريدة عكاظ ليوم الاحد 13/11/1430 العدد 15772 اعلان من شركة المتحدة لسيارات .

عرض على دودج (دورانجو) محرك هيمي 5,7 بقوة 355 حصان 8 سلندر بـــ 88.999 رس.


وعرض على (دودج رام) محرك هيمي 5,7 بقوة 345 حصان 8 سلندر بــ 74.999 رس .

فالمهم في الموضوع شوف هنا وشوف الاسعار في لدى عبداللطيف جميل لشركة تويوتا فبقيمة 88 الف والله ما تجيب لك (فورتشنر) 4 سلندر من شركة تويوتا لا وبعدين لا نفس الحجم ولا الامكانيات ولا الجودة اللي بيقدمة لك جيب (دورانجو) .

وايضا 74 الف ما تجيب لك (هايلكس) فل كامل . اما (دودج رام ) محرك 8 سلندر يعني دبل حجم وقوة محرك الهايلكس . وايضا حجم السيارة والحوض الخلفي دبل الحجم من حيث السعة و وزن الحمولة .

فالشرهه علينا احنا نطاوع هرج العالم ولا ندري وين هي مصلحتنا , وانا عارف تقولون هذا جالس يروج لشركة دودوج , لاكن لا والله العلي العظيم اني لا ليه فيها ناقتاً ولا جمل . مع والله من المقاطعين للبضاعة الامركية . ×

[بدراان]

بصراحة عرض مهوب صااحي بالنسبة للرام 5.7

بسألك عرضهم علي الرام الغماره ولا غمارتين ؟

[قدر مكتوب]

الدوج رام اي مقاس ؟؟؟؟؟؟؟

اذا كان حوض صغير نفس الجمس مقاس 1500 انا باكر بعون الله عندهم

[ابوطاقية]

اتوقع العرض على موديلات 2009فقط

[4800VTC]

عرض مناسب والدوج معروف بالقوة والنشاط
والاسعار جيده بالنسبة لسيارات هاليومين

[الادعج]

ماقصرت يالغالي على الخبر
لكن.... الدوج موتر عندك يوم وشهر بالورشه
ماسمعت بيت الشعر اللي يقول
^^الدوج دجوا اهله باسبوع....عجزوا عن التتن يشرونة^^

[mazenk15]

والله الدوج ناس واجد ماترغبه أبداً ماندري ليش

وعقبال باقي الوكالات تخفض لنا

وتقبل مرـوـرـي

[بو خليفه]

الدرانجو ودي اشتريه لكن عيب الامريكي عند التوقف المكيف لا يبرد

[hightech]

والله اني احب الدوج و ودي اعيد الكره مره ثانيه في اي سياره من شركة جيب بس

كل ماتذكرت الشركة العربيه المتحده للعود قصدي للسيارات طقتني ام الركب من

ذكريات سيئه مع الشركة ياخي مجموعة دخلاء اجل يخرب عندي حاجه في القير

والا بالقوه يرغموني اني اشتري القير كامل بحجة ان القطعه ماتجي بلحالحها

واخر شي اشتريها من برا بعشرين ريال:eek: والله العظيم ان هذا اللي حصل معي

مع الشركة سيئة الذكر وعلشان كذا اقول لا لشركة جيب الحراميه .

[ابوشجاع911]

الدوج قطع الغيار نار نار وتعامل الوكاله زفت زفت . . . . والله اعلم

[abo.a]

هج حط رجلك اجلس بدون سياره احسلك من دووج ابو جميل عارف بضاعته صح

[الصمان 2]

دودج رام DODGE RAM



http://www.mekshat.com/pix/upload03/images118/mk12239_01_ext_phtgal.jpg


دودج رام 2009 تفوز بجائزة الشاحنة الدولية لعام 2009

.

شاهد هذا الرابط للأخ : الضاحي


http://www.mekshat.com/vb/showthread.php?t=213761






.

[خالد بن الوليد]

انا جربتهم من واقع خبرة
لما تروح لهم بالوكالة البياع ابتسامته توصل 40 :D سم شوي وينشق وجهه لين يبيعك ، وعقبها دور خوويك
لا الورشة ولا قطع الغبار زي الناس وقبل هذا كله التعامل غير طيب مع الزبائن بالورشة ، وأسعار الصيانة نار وشرار.
فتضطر انك يا تروح للبحرين او الكويت بالذات من تودي سيارتك للصيانة واسعار معقولة عند الوكيل وحسن التعامل مع البشر ، ومنها تمشي كمن يوم مع عيالك .
دوودج أنحش :no2: .

[بن سليمان]

عرض مغري بس شكلها للسياحي وبدون دبل والوان معينه
احيانا السياره ما يكون فيها عيب العيب يكون في وكيلها

[لن أمل من العطاء]

عرض مغري بس شكلها للسياحي وبدون دبل والوان معينه
احيانا السياره ما يكون فيها عيب العيب يكون في وكيلها
هذا الكلام
الوان محدده
انواع محدده
ويمكن يقولوا خلصت
ويمكن ان تروح للوكالة تجد غير العرض هذا

لان دايم تجد في اخر اي عرض لاي شركه
(يجب ان تتطابق الشروط على الزبون)

وطبعا لا يوجد من تطابق عليه الشروط

[البوعينين99]

أنحش عن الدوج , ماهي مبالغه لكن عن تجربه .

واحد من الأهل عنده دوج دورانجو 2008 ماخذه جديد وكاله ,,,

انا طلعت في الموتر وجات مره وقفته وانا مشغل المكيف أرتفعت الحراره فوق النص هذا وهو توه جديد ماشي 2000 كيلو بس !!! قلت لراعيه خذه ووديناه وكالته قالوا خلوه عندنا بعد مارحنا نستلمه سالناهم وش المشكله قالوا ركبنا مروحه خارجيه , !!! راعي الموتر من حقه انه يرجع الموتر وياخذ غيره جديد لكن السالفه بتطول وبتصير دوشه مع الوكيل ورايح جاي وهذا إذا جابوا له موتر غيره لأن هذا كان " آخر حبه " لكن راعي الموتر مايبي يصدع راسه وثانيا الموتر حرارته زانت بعد تركيب المروحه فخلاه , والموتر الحين عنده لكن المكيف يهرب فريون الله أعلم من وين.

الوكيل إن ماخاب ظني هو بهبهاني في البحرين .

والسموحه على الإطاله .

[يكفيني نظرة]

اللي يبحث عن اجله يشتري من دوج والدلاله على ذلك هم مسمين انفسهم دوج= يعني اشتر سيارتنا وتلقائيا تبي تخرب عليك ودوج على رجليك بين الورشات اسأل مجرب .

[شمالات نجد]

مع احترامي للجميع وشكري لصاحب الموضوع على حرصه لما فيه النفع لأخوانه

الدوج انتهى من زمان

سلام

[السنع كله]

نصيحة لله فروا من هذه الماركة فراركم من الاسد

[الفرزدقي]

يا خوان متى ترتفع رتبت الشخص

[ابويارا1001]

اعتقد ان هذي اسعار السياحي جدا جدا


وأردى لون


وبدول دبل

واذا ان جيت تبيع بعد سنه بنص السعر تقريبا

[.أبوعبدالرحمن]

الدوج ما خربه الا وكيله

[ايدي باور]

اعتقد ان هذي اسعار السياحي جدا جدا



وأردى لون


وبدول دبل


واذا ان جيت تبيع بعد سنه بنص السعر تقريبا






تكفى على يدك

ابي واحد 2008 ب40000

[Magellan]

بصراحة عرض جيد
أعرف كم زميل معي في الدوام معهم دورانجو 2007 ويمدحونه
طبعا دبل
وترى موديل 2008 كان فيه عرض مو صاحي من جد
دورانجو Slt دبل بـ97 الف
تصور تخشيبه وحساسات خلفيه ومراتب كهرب أمامية ودخول عن طريق الآزرار ومكيف الكتروني

[ابوعمر الهذلي]

انا جربتهم من واقع خبرة
لما تروح لهم بالوكالة البياع ابتسامته توصل 40 :D سم شوي وينشق وجهه لين يبيعك ، وعقبها دور خوويك
لا الورشة ولا قطع الغبار زي الناس وقبل هذا كله التعامل غير طيب مع الزبائن بالورشة ، وأسعار الصيانة نار وشرار.
.

فعلا الاسعار مغريه جدا والسيارات من افضل السيارات قوه واداء
بس الصيانه وقطع الغيار محتكره عندهم
يايصلخون جلدك بأسعار خياله كل مره تشيك عندهم
او يسوون معك عقد صيانه بقيمة 10 الاف ريال لا والقطع عليك
الوكيل المتحده سيئ جدا وهذا سبب بعد الناس عنهم
حرام هالسيارات الجباره يمسكها وكيل زي ((المتحده))

[بنزرت]

dog..............

[التعـ King ـديل]

الدوج رام موتر بطل كان عندي 96 قير تماتيك دفرنس واحد ياشيخ كنت اقطع به اماكن مايمشي فيها الفكسار بالدبل

موتر ماعليه كلام واعطاله مو كثيره للي يعرف له بس عيبه قطع غياره غير متوفره بشكل سهل فقط

[ديرتي]

فر منه فرارك من الأسد

[abu fares]

شكل سيارت الدودج موب زين بالمرة بغض النظر عن قوة وغيرها

[عبدالعزيز-1]

سيارات دودج كانت سيئه في الماضي لكن الان تحسنت نوعا ما

[مطلق السلمان]

سيارات الدوج الحديثة من لم يجربها يقول بأنها سيارة محترمة وكشخة و .....ألخ ، بعض الزملاء أشترا من الدوج وما سرك حالة في البداية كثرة خرابات وهي توها جديدية كأنك شاري سيارة موديل 85 وبعدين إذا جيت تعرضها في السوق تبغا تبيع ما تلقى زباين والشريطية " قصابين السوق " إلى ما ندر جاهزين لك بيكسورون ضهرك بسومة توجع.

[الشاص عز لهله]

الي متى هذي حالتنا مع الوكالات والله لو هي في بلاد الكفار شغلك يخلص و غصبن عليهم ليه حنا و حنا المسلمين ما نخاف الله وش الحل يا ناس ووش السبب

[حسن الذروي]

والله ودنا بهذه الأسعار على بقية الشركات

[moooj]

السيارة قوية الى ابعد حد وفيها نشاط مو طبيعي انا رحت للوكالة وجربتها (دورانجو) بس فيها عيبين ما اقدر اتنازل عن واحد منهم :
1- صوت تنسيم الهوا من القزاز والأبواب وبشكل مزعج ويبدأ من سرعة 80 كلم
2- صوت المكينة كنها راكبة معاك على السيت (ولا احتمل هذا الأزعاج)
والي زاد الطين بلة سمعة الوكيل طيب الذكر.....

الزبدة ... اننننننننحش ولا يحوشك...

[محمدالسعدي]

مشكووووووووووووووووور