وش رايكم بهالسواق الهندي

[الادعج]

السلام عليكم
صباح /مساء الخير
الصراحة وانا اقلب باليوتيوب لقيت لي مقطع تغريز لباترول قديم ...لا والسواق هندي بعد:p ..ولانسم الكفرات:( ..ولا شبك الدبل باول شي:mad: .. فقلت باول شي عزالله اللي هكس ولاطلع;) ...لكن صار العكس تماما:eek: ...ماودي احرق عليكم المقطع ..مع العلم ان الباترول 4500 وكلبليتر بعد ...


http://www.youtube.com/watch?v=w3r84jzmsK8&feature=player_embedded (http://www.youtube.com/watch?v=w3r84jzmsK8&feature=player_embedded)
.
..
...
....
.....
......
.......
........
لكن السؤال اللي يطرح نفسه...
الفضل من بعد الله يعود للسواق ..ولاالموتر:confused: :confused:

[ابو زنه]

السيارة سنعة

والسواق شاطر..

[Avalanche]

ما شاء الله عليه ....

[الييرق]

كلياتهم خيوووووووه

بعد الله

[shaheenshah]

حياك الله

حسب كلام راعي المقطع في اليوتيوب ان الباترول vtc 4800

هذي مهيب تغريزه واحس ان السواق يستهبل

[ابو احمد 2]

بفضل لله ثم السايق لمحترف ماشاء الله عليه خبره

[سيف الظفير]

عز الله انه سواااق والموتر يطرب

[السد الغزير]

شكله سواق رحلات سفاري

لان لوحته ابو ظبي

[نعناع الجبل]

vitkيبرد كبدك ولايفشلك

[قرم العيال]

http://www.youtube.com/watch?v=EQxII84LkwI&feature=related

[البوعينين99]

شلون كلبليتر وهو فتك :d ؟

على العموم تسلم على المقطع . والموتر والله أعلم فـيه دفلـك.

[الصاعق///]

والله ذيب .. أول ما طلع ما كمل قدام .. لا عود رجع ثم كسر يمين علشان ما يشقص ..
مشكور أخوي على المقطع

[العنابي 616]

السواق فاهم

[حر الجوف]

مشكووور والسواقه تعتمد
على السواق وهذا رايي

[تشتاق]

الرجال يسوق !!

لكن على حسب كلام راعي المقطع أن السواق اسمه فيصل !!

[VIP-503]

والله يسوووق مشاء الله علية فهمها صح و الموتر طرب تقبل مروري

[عطيب المضاريب]

والله السيارة كفووو والسوااق يستهبل

[أبوياسر1]

مشكور عالمقطع..

والسواق واضح انه فاهم

[الادعج]

شلون كلبليتر وهو فتك :d ؟

على العموم تسلم على المقطع . والموتر والله أعلم فـيه دفلـك.

لايالغالي مالك لواء الجيب موديل 98 كلبليتر وذا قصدك اللصقه اللي على الباب VTC 4800 ترا هاذي تشرى من محلات الزينة بـــ10 ريال والموتر سياحي مافية دف لك

[التعـ King ـديل]

الرجال فاهم والموتر يبرد التسبد

نيسان وبس ولك في التوقيع خير دليل

[الادعج]

حياك الله

حسب كلام راعي المقطع في اليوتيوب ان الباترول vtc 4800

هذي مهيب تغريزه واحس ان السواق يستهبل
انا معك ياخوي ان هاذي مهيب تغريزة ..لكنها العن من التغريزة ..واللي تسمى ^المعولق ..او..المثولث:no: ^ وبالحاله هاذي اذا ماصار معك ^دف لوك^...قشر بصل ازين لك:( ..الا مع السواق الماهر بالحالات هاذي ..وكل شي بعد توفيق الله

[wafian]

الموتر طال عمرك نيسان

[الكايف 1]

وعليكم السلام ورحمة الله وبركاته :
حياك الله يا /الادعج
الا الموتر يبرد الكبد
والسواق ماهوب مطفوق وشكله راعي بران وهو صغير

[ابوحمد666]

السياره فيها هواء 40
لكن الباترول يطربك طرب وانا اشهد انه خوي
لو جويب ابو مقيص كان تلاقيه متروجح بعد ما نزل يمين
واللي يقول فتك اسمع صوت الكبريتر ولا بعد مو بخاخ ولا هو دفلك
تحياتي للباترول ودلهي

[ساري 111]

ولانسم الكفرات:( ..ولا شبك الدبولانسم الكفرات:( ..

وش يدريك انه مانسم ؟؟ مستحيل يطلع من هالتغريزه إلا واقل تقدير كفراته بهم 20 وإلاكان تشوفه يبطنج

الامر الثاني الدبل مشبوك ولاحظ كفر قدام بالثواني 15 و16

شكرا

[الادعج]

وش يدريك انه مانسم ؟؟ مستحيل يطلع من هالتغريزه إلا واقل تقدير كفراته بهم 20 وإلاكان تشوفه يبطنج

الامر الثاني الدبل مشبوك ولاحظ كفر قدام بالثواني 15 و16

شكرا

انا قصدي يالغالي انه فصل الديل تقريبا من الثانية 20 الى الثانية 30 عشان ماينزل خشم الموتر وتحفر كفرات قدام ...وبعد كذا شبكه:good: ...وهذا يدل على انه سواق متمرس وعارف وباخص الامور..ولايهون الموتر ^وتطلع هنا فوائد الدفرنس الامامي ..التي يتميز بها الباترول عن غيرة^ ...اما بخصوص تنسيم الكفرات فارجو انك تلاحظ بطن الكفر عقب ما طلع من المثولثه ^بطن الكفر معتدل ولاهوب فارش^

[mazenk15]

ماشاء الله عليه
لاكن وش دراك أن السولق هندي؟؟

مشكور عالمقطع

[الادعج]

^^^^^^^^^^^^^^^^^^^^^
هههههه لا بس شف ربعة اللي معه وحس اللي يصور

[مستر غربال]

مشكوور اخوي

[راعي الطلعات]

السواق ما عنده سالفه بس هو حاول واجتهد

لكن اعطي السياره كل الفظل بعد الله على الخروج

يكفيك 4800

ولا فيه احد يغرز في زي كذا :)

مشكوور على المقطع والله

[الادعج]

السواق ما عنده سالفه بس هو حاول واجتهد

لكن اعطي السياره كل الفظل بعد الله على الخروج

يكفيك 4800

ولا فيه احد يغرز في زي كذا :)

مشكوور على المقطع والله
يعطيك العافية اخوي ..بس ترى الموتر 4500 ..واللصقه اللي على الباب من محلات الزينة;)

[وسيع البنايد]

يا عنك انها مواتر

نيسان على كل لسان

[الربذي]

اللهم صل وسلم على محمد وعلى ال محمد
وعليكم السلام الي يقول ماهي تغريزه مايعرف بتغاريس الا تغريسه وصعبه وبعدين السواق فاهم شف وشلون يلفلف الدركسون يمين ويسار ولايدوس قوه

[راع الحيزى]

الله يسلم الدفلوك ....ويبدو لي انها تجربه للدفلوك...شوفوا اثر الكفرات ...راجع بالريوس لين علق الموتر !!

[الادعج]

الله يسلم الدفلوك ....ويبدو لي انها تجربه للدفلوك...شوفوا اثر الكفرات ...راجع بالريوس لين علق الموتر !!

سلامتك يالغالي ...الباترول هذا موديل 98 او 99 وسياحي بعد ^سلوقي^ ..مايجي فيه دف لك:no2:

[نفود الطوقي]

مقطع عجييييب

[Riyadh City]

يا حبكم للتحليل

واضح أن المسئلة إختبار وتجربة للسيارة وفشخرة قدام اخوياه لان التغريزة واضح انها مفتعله

[الادعج]

السيارة سنعة

والسواق شاطر..

عزالله انك صدقت;)

[مدور خير]

.

السيارة بعد توفيق الله ما عليها كلام وهو سواق يعجبك

.

[الادعج]

ما شاء الله عليه ....

مشكور على المرور

[الادعج]

كلياتهم خيوووووووه

بعد الله

نفس الكلام يعطيك العافيه

[صيياد الحباري]

هذا فنان وسلم لي عليه ياأخوان التفكير له دور كبير

[همس الغدير]

بارك الله فيك

[بن سليمان]

الباترول ما عليه كلام ومعانده غلطان

لكن صاحب المقطع اللي منزل المقطع باليوتوب يقول : اسمه جون وانهم طالعين برحله بريه لبني ياس في فبراير 2008 واسم السواق فيصل
والمحرك 4.8 يعني 4800 VTC
ويقول بعد الموتر فيه تعديلات


Hi, I am John and am happy to share the experience of our desert drive along with my friends. This is a clipping taken during our desert trip in Feb 2008 to Baniyas West, Abu Dhabi in UAE. My friend Faisal is the one behind the wheel of this wild beast i.e. Nissan Patrol 4.8 liter VTC engine, equipped with upgraded terrain suspension and modified heavy duty torsion bar. Observe that he was stuck deep on the side of the dune slope and just imagine that he just missed a high potential flip over. The car was successfully recovered by his brother Kochumon who is a veteran in the desert/dune bashing.

طبعا جون اطلق على الباترول لقب الوحش البري

هذا كلام جون ما ادري هو عنده سالفه او من جنبها :j

[الادعج]

^^^^^^^^^^^^^^^^^^^^^^^^^^^^^^^^^^
لا اجل طلع اسمه جون وانا احسبه ...ابو صديق... :D
ويقول انه الموتر فتك 4800 ..:confused: :confused: ...مادري والله بس يبدولي وبشده انه 4500 من شكله ومن صوت المحرك وصوت الكلبليتر على العموم الله يعطيك 846484649 عافيه يابن سليمان على الترجمه

[بن سليمان]

^^^^^^^^^^^^^^^^^^^^^^^^^^^^^^^^^^

لا اجل طلع اسمه جون وانا احسبه ...ابو صديق... :D

ويقول انه الموتر فتك 4800 ..:confused: :confused: ...مادري والله بس يبدولي وبشده انه 4500 من شكله ومن صوت المحرك وصوت الكلبليتر على العموم الله يعطيك 846484649 عافيه يابن سليمان على الترجمه

اللي يسوق اسمه فيصل واللي منزل المقطع اسمه جون يمكن جون ابو صديق:D

[شمالات نجد]

http://www.mekshat.com/pix/upload03/images132/mk55181_patrol.jpg

الله يعطيك العافية

حبيت أنبه أن الملاحظ الكفرات منقص هواها وأعدت المقطع أكثر من مره

كذلك يوجد به دف لك للدفرنس الخلفي

كذلك الموتر شكله مرفع بيايات استرالية أو نحوها

أما صوت المكينه كنه صوت مكينة موتري أنواع القرقعة بالنمره الثانية إذا برد عزمه :)

الباترول ما يختلف فيه اثنين لكن..

ولكن يعرف المقصود بها!!

أكرر شكري لك

بالتوفيق لك وللجميع

سلام

[الادعج]

بفضل لله ثم السايق لمحترف ماشاء الله عليه خبره

شاكر مرورك

[المكشات]

أعجبني بسواقته شي واحد



الرررررررركادة


أما مكينته 4500 مابها كلام الصوت واضح

[moafaq999]

مشكوووووووووووور
على كلام صاحب المقطع بدون دبل بس اشوف الدبل شغال
والبترول نعم الخوي
شكرا على العموووووووم

[الادعج]

عز الله انه سواااق والموتر يطرب

مايحتاج طال عمرك;)

[الادعج]

شكله سواق رحلات سفاري

لان لوحته ابو ظبي

العلم عند الله

[الادعج]

vitkيبرد كبدك ولايفشلك

مايحتاج الــV T C ومرورك الكريم برد تسبدي بعد

[الادعج]

http://www.youtube.com/watch?v=EQxII84LkwI&feature=related

مشكوووور على الاضافه يالقرم

[مواسي الطعوس]

من صوت الماكينه واضح جدا انها 4500 .


** وش ذبح عشاق الباترول الا هالتعليق الرائع ..... تعليق طررررررررررب للخط والبر .

[خزان الوادي]

دعوة لجميع (العملاء والاعضاء )

للمشاركة بمسابقة المنتدى لافضل 3 مواضيع للاطلاع على الشروط الرابط :

http://www.mekshat.com/vb/showthread.php?t=236655 (http://www.mekshat.com/vb/showthread.php?t=236655)

مع تمنياتنا للجميع بالتوفيق

خزان الوادي

[مكشات414]

يعطيك العافية ..

[الادعج]

والله ذيب .. أول ما طلع ما كمل قدام .. لا عود رجع ثم كسر يمين علشان ما يشقص ..
مشكور أخوي على المقطع

شفت شلون ..عزالله انه سواق;) ...شاكر مرورك تاج راسي

[mngahi]

خبرة صح و السيارة صح

[mngahi]

يعطيك خيرها و يجنبك سحبها

[الادعج]

السواق فاهم

شاكر مرورك

[ونش]

السواق مشغل الدبل واضح والكفرات كبار مع التنسيم خلاص

[البديوى]

مشكور على المقطع

[الادعج]

مشكووور والسواقه تعتمد
على السواق وهذا رايي

السواق مايحتاج ..والموتر مايهون;)
شاكر مرورك

[ابو مكازي2002]

http://www.youtube.com/watch?v=OsJLPR-CdhQ&feature=related
عاد هنا شوفو الدلاخه
تحياتي

[الادعج]

الرجال يسوق !!

لكن على حسب كلام راعي المقطع أن السواق اسمه فيصل !!

شاكر مرورك

[ابو بدر 2000]

والله انه طااره ..

[الادعج]

والله يسوووق مشاء الله علية فهمها صح و الموتر طرب تقبل مروري

:good: :good: :good: :good: :good: :good: :good: :good: :good: :good:
شاكر مرورك

[السنع كله]

كنا في نفود الثويرات وبعض الجيوب مغرزه الا وينزل واحد من علوالطعس تفضل تفضل جلس قهويناه الا يافلان ماتخاف تغرز وسيارتك ددسنومن دون دبل قال انت ماتدري ان البخص احسن من دبل

[الادعج]

والله السيارة كفووو والسوااق يستهبل

شاكر مرورك

[الادعج]

مشكور عالمقطع..

والسواق واضح انه فاهم

تسلم على المرور

[ابو شقران]

الموتر له نسبه 30% والسواق له نسبه70%يعني السواق فاهم وهذا راي

[نومـ11111س]

ياخي احس ماهيب تغريزة

[حديب الضميان]

من ملا حظتي للمقطع تبين ما يلي :
1- الدبل شغال ( الثقيل بعد)
2- الدف لوك شغال ( مسألة اللي يقول الموتر سياحي ما فيه دف لوك وش دراك انه ما ركب انت طليت بوسط الموتر ناهيك عن السواق طفى الدبل لاجل يعلق بالموتر انت ما تشوفه يلف يمين ويسار وقام الكفر الايسر الخلفي يدور )
3- تم تنسيم الكفرات
لو جميه هذي الاشياء مع غشيم طلع واقول 30% للسواق 70% للسيارة

[bader_2.0.1.0]

السواق صدره وسيع ما شاء الله ويسوق بعض الناس لغرز شب على الموتر
يعطيك العافيه على المقطع

[الادعج]

الرجال فاهم والموتر يبرد التسبد

نيسان وبس ولك في التوقيع خير دليل

مايحتاج طال عمرك

[الادعج]

الموتر طال عمرك نيسان

وانا اشهد ..
كنق الصحاري دق دق خشومها دق ....دق دق خشوم اللي تريد السبقيا

[الادعج]

وعليكم السلام ورحمة الله وبركاته :
حياك الله يا /الادعج
الا الموتر يبرد الكبد
والسواق ماهوب مطفوق وشكله راعي بران وهو صغير

:good: :good: :good: :good: :good: :good: :good: :good: :good: :good: :good: :good: :good: :good:

[الجرنـاس]

وش يدريك انه مانسم ؟؟ مستحيل يطلع من هالتغريزه إلا واقل تقدير كفراته بهم 20 وإلاكان تشوفه يبطنج

الامر الثاني الدبل مشبوك ولاحظ كفر قدام بالثواني 15 و16

شكرا


انت صح :good: :good: :good:

[فيصل التميمي]

والله ونعم السواق طالع الموتر

[الادعج]

السياره فيها هواء 40
لكن الباترول يطربك طرب وانا اشهد انه خوي
لو جويب ابو مقيص كان تلاقيه متروجح بعد ما نزل يمين
واللي يقول فتك اسمع صوت الكبريتر ولا بعد مو بخاخ ولا هو دفلك
تحياتي للباترول ودلهي

هههههههههههههههههههههههه:D :D ....جيوب ابو مقيص اجل :D :D