احببت أن طرح موضوع بخصوص خزان الوادي

[فزوع]

احبتي السلام عليكم ورحمة الله وبركاتة واسعد الله اوقاتكم بكل خير وعافيه
في هذه الايام الكل على قدم وساق وتشاهد اماكن بيع لوازم الرحلات مزدحمه من الزبائن .
ولا يخفى على كثير من الكشاته مدى حاجة الكشاتة الى الماء بل هو العنصر الاساسي .
كما تعلمون هناك كثير من الانواع المختلفه من خزانات المياه
ولكن ؟
ما هو الافظل
بل بعض خزانات المياة اعتقد ان السعر مبالغ فيه
وحيث اني منذ فتره متابع في المنتدى وطول بحث احببت أن اعرض خزان من قائمه من الانواع لعل نجد الاجابه الوافيه من استعمل هذا النوع وهو خزان الوادي
من حيث الجوده والقوة وهل هناك ملاحظات مثل خروج اصوات الماء بشكل مزعج ومن اشترى 90 لتر نائم هل هو افضل من القائم
نرجو من يملك الخبرة بعد التجربه لا يبخل علينا
ودمتم سالمين:no2:

[شلفا تبوك]

يا مرحبا ومسهلا انا مجرب خزان الوادي القائم لكن عيبه ان ماله الا مخرج واحد للماء
لكن الجوده عاليه ولاعليه اي ملاحضات ثانيه وشكرا

[فزوع]

يا مرحبا ومسهلا انا مجرب خزان الوادي القائم لكن عيبه ان ماله الا مخرج واحد للماء
لكن الجوده عاليه ولاعليه اي ملاحضات ثانيه وشكرا
تسلم اخوي كيف الاصوات الماء وكم سعة التر
نرجو من الاحبه التفاعل في الموضوع حتى نجد الاجابة الشافيه لكل شخص

[ساقان]

اخذت خزان 90 لتر او85 مكتوب عليه مصنع القصيم وبسعر 350 ريال وله مخرجين للماء ومضمون .. طبعا لاهو واقف ولا فرش

[عاشق الفكسار]

حياك الله اخوي
بالنسبة للخزان له معي سنتين ولا ازين منه
الصوت فيه صوت خفيف واذا تبي الصوت يروح لبس التانكي عازل
استعملت 90 لتر قائم ومنسدح واذا تبي النصيحة خذ القائم لتستفيد من الماء كله بخلاف المنسدح ما تستفيد من الماء كله الا لازم ترفع وجه الموتر في طعس ولا غيره

الزبده >> 90 لتر قائم ممتااااز

[شاص]

الخزان القائم أفضل من الأرضي (المنسدح) لأنك تستفيد من كمية أكبر من الماء دون الحاجة لرفع السيارة إمالتها

[نفود الطوقي]

اخوي فزوع
أشكرك على الموضوع
أنا كنت ناوي أكتب موضوع عن خزان الوادي
90 لتر الواقف ، وش راي الاخوان فيه
وهل صوت الماء فيه مزعج سواء كان مليان أو لا،
وذلك عندما امشي وألف يمين ويسار وعندما اكون في البر،

اضم صوتي الى صوتك

نرجوا ونأمل من الاخوان ألا يبخلو علينا بآراءهم ونصايحهم
كما يقال اسال مجرب ولاتسأل طبيب

[فزوع]

للرفع
ودمتم سالمين

[براد نجد]

هلابك اخوي والله انا اللي معي خزان الوطني وجودتة مثل الوادي بس اللي يفرق الضمان الوادي اربع سنين ضمان والوطني سنتين طبعاً الواطني ارخص بكثير من الوادي واذا تبي شوري حط مسدوح على شان ماياخذ عليك مكان وتحط العزبة فوقة 0وتحياتي لك00

[راعي طفات]

من مميزات الواقف أنه لايؤثر على نزول السيارة من الخلف

وقد يكون صوت الماء فيه أخف

ومن مميزات النائم أن مكان التعبئة قريب من الباب الخلفي

ومما يلاحظ عليه أنه لايأخذ السعة الكاملة عندما يتم تعبئته وفوقه عفش بحيث يضغط عليه بشكل بسيط


ويكفي ميزة حسن التعامل الذي تجده من المسؤولين عن التوزيع وطيبتهم جزاهم الله خير

وفق الله الجميع لما يحبه ويرضاه

[يكفيني نظرة]

اخوي ساقان من وين اخذت التانكي 90 لتر اللي تقول مكتوب عليه مصنع القصيم وهل عليه ضمان؟
وايضا اخوي براد نجد وين ينباع خزان الوطني؟
الله يجزاكم خير جميعا..

[نفود الطوقي]

يا اخوان
أهم سؤال نبغاكم تجاوبون عليه الله لايهينكم
هل الخزان الواقف حق الوادي
إذا حطيت فيه ماء سواء مليان أو لا
تسمع صوت رجة الماء فيه إذا لفيت يمين أو يسار
وإذا كان هناك صوت لرجة الماء ، فهل هو قوي ومزعج
وهل هناك حل لهذا الصوت

تكفون لاتخلونا

انا عجل

[فزوع]

نرجو من الشباب اهل الخبره الآيبخلو علينا حتى تعم الفائده

[qppd]

احسن خزان راية هو خزان الفرات من صنع موسسة رفيق الدرب سعتة 90 منسدع ومصنوع من الستانلس ستيل 304 ومضمون 10 سنوات

[abo-lma]

انا مركب تانكي الوادي فرش

وتدري وش محليه اذا قضى من الماء وبغيت تنزله تشيله بيد وحده من خفته

وغير كذا الفرش تحط عفشك و أغراضك وكانك منت مركب تانكي وفوق هذا ماشالله عليه يتحمل

ولكن اذا كان الماء فيه نص تسمع الخضخضه ولكن ماهيب بلحيل ماهيب مزعجة

عمومآ عني أنا أشوف أنه مناسب جدآ لي وقايم بالواجب

وفيه حاجة ثانية أبتأكد منها وراجع أعطيك خبر عنها

موفقين خير

[نفود الطوقي]

مشكور يا qppd
و ابو مها
لكن يا qppd
خزان الفرات كم سعره ووين مكانهم
وهل عندك رقمهم





أرجو من بقية الأعضاء
أن يتحفونا بأرائهم
لأني محتار جدا
فانا خائف من الازعاج إذا ركبته
لأنه مافيه قواطع

[يكفيني نظرة]

تكفون يالحبايب اللي يذكر نوعية خزان عند وسعته لايقصر علينا بذكر مكان البيع والمدينه واذاحصل تلفون المحل عشان كلن يستفيد ولكم وافر الدعاء.
اخوكم: يكفيني بس نظرة.:)

[برق بن رعد]

خزانات رفيق الدرب من اللي جربها يا شباب

[خالد 999]

السلام عليكم ورحمة الله وبركاته
انا ركبت خزان الوادي 145لتر تقريباً الواقف
فيه مميزات وعيوب
من مميزاته خفيف جداً مقارنة بالتوانكي الاخرى (اذا كنت تفك وتركب)
ومن عيوبه
اذا نقص الماء شوي الله يعينك على الصوت (صوت قوي جداً)
لكن يقولون لبسه ويخف شوي وهذا ممكن يكون حل بحيث يخف
الصوت بنسبة 50%
لكن المشكله الاخرى يهز السياره حتى ولو كانت محمله
هذا مالدي من واقع تجربه

[عالي المراقيب]

السلام عليكم ,,,,,,,,,,,,,,,,,,,
اعضاء وزوار منتدانا الغالي
عندي

3اجهزه للبيع:-
جهاز276cعربي خريطة دار موجه الاصدار الثامن(بس البطاريه ماتشحن)مع كامل اغراضه
وجهاز176انجليزي
وجهاز 3plus

[ابو ولــيــد]

هلا اخوي
كم سعر 176 انجليزي