لاندكروزر استخدام مع صوره

[ابوعمر الهذلي]

السلام عليكم ورحمة الله ،،

احبتي اعضاء منتدى مكشات ،،


هذي موتري لاندكروزر استخدام امريكي من ولاية تكساس، موديل 2000 vxr
اخذته ماشي 75 الف ميل
والحين 92 الف ميل
المميزات : مقاعد جلد ، فتحة سقف، سي دي 6 اسطوانات، دفع رباعي مستمر، تراكشن كنترول، سخانات مراتب ، تحكم الكتروني بالاسيات ، نوافذ خلفيه الكترونيه، نظام حمايه عن السرقه متطور جدا+ تكييف خلفي منفصل+ حاملات للامتعه فوق السطح+ تظليل اصلي
العيوب : عدم وجود خزان وقود اضافي ، عدم وجود ثلاجه

الحقيقه، اخذته بمبلغ 68 الف ريال ، فيه مشكلة الفرامل ABS ، فشلت الفراملABS وحطيت فرامل عاديه لجيب جكسار ومشى الحال الحمد لله،

عندي سؤال : الكفرات اللي عليه مشلان ولكنها من 2006 ، اسمع فيها اصوات في الخط ،، هل هذي طبيعة المشلان ام ان تاريخ الكفرات له دور،، وما افضل انواع الاطارات اللي تنصحون فيها للخطوط الطويله ،، وللرمال

هذا رابط اول ماجربته اوف رود ، عاليوتوب :
http://www.youtube.com/watch?v=wp9bh_acWsA

وهذي صوره
http://www.mekshat.com/pix/upload03/images131/mk138120_ffder5.jpg

[ابوطاقية]

ماشاء الله تبارك الله
الله يعطيك من خيره ويكفيك شره
بالنسبه للصوت اغلب مشلان يطلع صوت لاكن صار لها ثلاث سنوات انتبه منها على السرعات العاليه
واذا بتغير كفرات خلها مع بداية الصيف والكفرات هذي قطعها بطلعات البر بالشتاء

[ابوسعد931]

مشاء الله عليه

[الماطور]

الله يعطيك خيره ويكفيك شره وبنسبه للكفرات انصحك بكفرات مكسس لينه وعريضه وفي الرمل تريح الموتر ومنتازه علي القار وانا مجربها مجرد نصيحه

[كبسولة2]

مشكلة الجيب الأستخدام الأمريكي يهربد بسرررررعة

أما المواصفات فهي 10 على 10

[بواسامه]

مشكلة الجيب الأستخدام الأمريكي يهربد بسرررررعة


وش دعوه
وش يفرق عن الخليجي
كان به زود فهم اولى به منا ياكبسوله
مواصفاتهم صح والسلامة اعلى

[خالد030]

عليك بالدنلوب او البرجستون

[راعي الطلعات]

ماشاءالله تبارك الله

الله يعطيك خيره ويكفيك شره

وبالنسبة للكفرات عندك نوعين من الكفرات ممتازه بالنسبة للاندكروزر مثل دنلوب وانا استخدمها على الجيب اللاندكروزر بس سعرها غالي

وعندك الهنكوك لينه وسعرها معقول

وبالتوفيق

[ابوناصر426]

ماشاء الله تبارك الله
الله يعطيك خيره ويكفيك شره
بالنسبة للكفرات عليك بالدنلوب

[العرمه]

الله يطعمك خيره ويكفيك شره


بس انت تبي تبيع والا تبي تنشد عن الكفرات ؟

واذا تبي تبيع كم حدك ؟

[m-a-z-d]

السلام عليكم ورحمة الله وبركاته..
يالطيب انا بايع جي اكس ار موديل 98 تماتيك مكيفين خلفيه عاديه(استبنه)
ماي 406ألف بــ58 الف ...
يعني لو انم اللي معك خليجي كان سعره من 75 ال 80 الف..

عموما الله يعطيك خيره ويكفيك شره..قل آآمين

[فيصل التميمي]

الكفرات مافية مثل اليوكوهما

[ابوعمر الهذلي]

واذا بتغير كفرات خلها مع بداية الصيف والكفرات هذي قطعها بطلعات البر بالشتاء

عز الله باقطع والديها ;)
تسلم يالغالي عالنصيحه

[ابوعمر الهذلي]

وبالنسبة للكفرات عندك نوعين من الكفرات ممتازه بالنسبة للاندكروزر مثل دنلوب وانا استخدمها على الجيب اللاندكروزر بس سعرها غالي

وعندك الهنكوك لينه وسعرها معقول

وبالتوفيق

تسلم يالحبيب
بس الدنلوب حق خطوط طويله او حق رمال افضل؟

[ابوعمر الهذلي]

السلام عليكم ورحمة الله وبركاته..
يالطيب انا بايع جي اكس ار موديل 98 تماتيك مكيفين خلفيه عاديه(استبنه)
ماي 406ألف بــ58 الف ...
يعني لو انم اللي معك خليجي كان سعره من 75 ال 80 الف..

عموما الله يعطيك خيره ويكفيك شره..قل آآمين

آمين ياللحية الغانمة

مافكر في البيع الا اذا جابلي قيمه زينه

انا باستخدمه لين يقول فكني

بس اذا عندك سومه جاده هاتها:)

[ابوعمر الهذلي]

مشكلة الجيب الأستخدام الأمريكي يهربد بسرررررعة

أما المواصفات فهي 10 على 10

لا ياشيخ، اللاند السعودي والخليجي والامريكي واحد بس الفرق في المواصفات فقط
كلها فخر الصناعه اليابانيه

واعتقد الجيب اللي عندي قطع غياره لكزس LX470
انا حاولت اغير فلتر قير شريت حق فكسار ماركب
شريت حق الكزس وطابقه

شكرا على تعليقك يالغالي

الاخوه :
فيصل التميمي
العرمه
ابوناصر426
ابوسعد931
الماطور
بواسامه
خالد030

شاكر لكم مروركم وتجاوبكم الله يحفظكم

[سوبر VTC]

و عليكم السلام و رحمة الله

الله يطعمك من خيره و يكفيك شره

وش سويت بلمبه النور الصغير
اخبره بالنهار دايم والعه مع فتح السويتش
مع احد الربع لكزس امريكي م2001
دايم والعه معه

على فكره
يركبون له تانكي بنزين سعودي
يكلف تقريبا مع الشغل حول 2200ريال
و الثلاجه يكلف تركيبه مع الشغل تقريبا
حول 1000 الى 1300


موفق

[ابوعمر الهذلي]

و عليكم السلام و رحمة الله


الله يطعمك من خيره و يكفيك شره


وش سويت بلمبه النور الصغير
اخبره بالنهار دايم والعه مع فتح السويتش
مع احد الربع لكزس امريكي م2001
دايم والعه معه


على فكره
يركبون له تانكي بنزين سعودي
يكلف تقريبا مع الشغل حول 2200ريال
و الثلاجه يكلف تركيبه مع الشغل تقريبا
حول 1000 الى 1300



موفق





يالغالي لو بغيت اركب ثلاجه وين تنصحني اروح
وانت قصدك اركب خزان وقود اضافي؟
ماعتقد يحتاج لانه الخزان صحيح واحد بس انه كبير 100 لتر

وبالنسبه للاضواء النهاريه انا محتاجها يمكن اروح تركيا انشالله عليه يقولون يعطون مخالفه اذا ماشغلت الانوار في النهار تصدق عاد:)

[AMAZ]

بخصوص الثلاجه بدل ماتروح وتعدل انصحك تشتري ثلاثة متحركه موجوده عند السنيدي وعند ساكوا افضل واكبر وماريح تستخدمها الا وقت السفر .
الاستخدام الامريكي افضل بمراحل من السعودية حيث ان وزن السياره اثقل . من حيث المقارنه لا يوجد مقارنه مع الجي اكس ار لانه الاستخدام الامريكي كله مواصفات في اكس ار .

[ابوعمر الهذلي]

بخصوص الثلاجه بدل ماتروح وتعدل انصحك تشتري ثلاثة متحركه موجوده عند السنيدي وعند ساكوا افضل واكبر وماريح تستخدمها الا وقت السفر .
الاستخدام الامريكي افضل بمراحل من السعودية حيث ان وزن السياره اثقل . من حيث المقارنه لا يوجد مقارنه مع الجي اكس ار لانه الاستخدام الامريكي كله مواصفات في اكس ار .

شكرا اخي الكريم على التعليق والنصيحه
بس ليه يقولون سعره اقل من السعودي عند البيع رغم انه افضل؟
انا قالولي اقل من السعودي ب 10 الاف معقوله؟؟
صراحه افضل اشتري من امريكا وانا متاكد من استخدامهم بالفحص على اني اشتري سعودي خابر ربعنا يجلدون فيه جلد في هالبران
وعموما هو VXR مكتوب عالبطاقه الجمركيه محرك V8
عندي استفسار ثاني:
هل اقدر اغير مقياس درجة الحراره الى المئوي بدل الفهرنهايت الموجود حاليا عليه؟ وفين اسويه؟

[سلطان الغامدي]

اخوي لما تسرع الكفر يطلع الصوت صح او خطا ادا صح الكفر مايمش بالسرعة العالية

[سوبر VTC]

يالغالي لو بغيت اركب ثلاجه وين تنصحني اروح
وانت قصدك اركب خزان وقود اضافي؟
ماعتقد يحتاج لانه الخزان صحيح واحد بس انه كبير 100 لتر
وبالنسبه للاضواء النهاريه انا محتاجها يمكن اروح تركيا انشالله عليه يقولون يعطون مخالفه اذا ماشغلت الانوار في النهار تصدق عاد:)



اخبر الكهربائي العثيم عندنا ببريده
يركب الثلاجة
و التانكي يركب تانكي سعودي كبير حق فكسار او جيكسار او لكزس
بنفس مكان تانكي موترك
يركب بالملي :good:
اما تركيا النظام نظام :D:p:D
اذا وقفك البوليس انتبه تنحاش :p
موفق

[ابومعزي]

ماشاء الله تبارك الله
الله يعطيك خيره ويكفيك شره
اما بالنسبة للكفرات فالنوع هذا من المشلان ممتاز ولكن عيبه دعسته خشنه عشان كذا يطلع صوت مع الخط وانا قد استخدمته ماصدقت انه مسح شوي وغيرته على طول

[zyarahmy]

احسن شي للجيب الدنلوب

تبغاه بر والا خط

[الهدد يابعدهم]

ماشاء الله الله يعطيك خيره ويكفيك شره

[bader_2.0.1.0]

الله يعطي خيره ويكفيك شره

والله يرزقك ويستر عليك وعلى المسلمين اجمعين ... اميــــــــــــــــــــــــن

[ابوعمر الهذلي]

الاخوه:
ابو معزي
الهدد يابعدهم
bader_ 2.0.1.0
zyarahmy

تسلمون على التعليقات والنصايح