غسيل البستم ,,, فوائد وأضرار ,,,

[هبوب الصبا]

السلام عليكم

حيا الله الإخوان

مريت على مغسلة السارات وسالت العامل عندك بستم ؟ قال لا ... وقال انصحك بغسيل السيارة بستم كل شهر او شهرين مرة لأنه يحافظ على تشحيم السيارة وتصير مظبوطة وقال واحد من الشباب انتبه من غسيل البستم لأن السيارة يظهر فيها طقطقه وأصوات ,,, عاد حنا احترنا وقلت اشاور النشامى شرواكم وسلامتكم

[براد نجد]

هلابك ياهبوب الصبا والله شف وانا اخوك فية بستم عن بستم اذا كان البستم غسيل ماء وصابون فقط ان شاء الله مايضر حتى ولو كان بين فترة وفترة اما اذا كان بستم ديزل فيظر عليك الصوف والربلات والليات وغيرة الا بشرط انه اذا غسله بديزل لازم يغسله بعدة بصابون ويكثف الماء علية0 واسف على الأطالة00

[لحن الوداع]

يا هلا وغلا اخوي

غسيل البستم ما فيه اي مشكله اذا كان مويه وصابون وتغسل السياره كل ما حسيت انها

وسخه او بعد موسم الامطار

وبعدين تشحمها وخاصه بعد موسم الامطار

انا كل فتره اغسل السياره مويه وصابون فقط والعامل يفرك بطن الموتر وهذا ما يضر

بلعكس تحافظ على السياره واللي يقول تظر طيب المويه وصابون اهون من

المطر في اول نزوله لانه كله عباره عن زيوت واوساخ وقار وغيره اللي موجوده على ازفلت ,,

[ابوطاقية]

غسل بستم كل يوم بس بدون ديزل واحرص بعد كل غسيل يرش السياره بمويه حلوه بعد المالح

[الرأي الآخر]

الصابون او الديزل
اعتقد انها فعلا تطلع اصوات جديدة بعد البستم

[مقدام النت]

انا عندي فورد قراند ماركيز وكل ماغسلت بستم رحت اغير كويلات وقيمة الكويل الواحد 120ريال وهو فيه 8كويلات ولكن اللي يحصل خرابه ثلاثه او اثنين كل غسيل بستم

والان لي فترة ماغسلت بستم والحمدالله ماغيرت كويلات

[الاصلي]

موتري جلس عندي خمس سنوات غسلته مرتين بس ماضره قل الغسل
افضل بستم الغسيل بالبخار
سلام

[قطب 999]

غسل بدون ديزل ولا مكينه خاصه التاليه اللي فيها كمبيوتر وحساسات كثيره

[مروووق]

يعتمد على وشهي السيارة بالبدايه !!

مثلا اذا سيارة سيدان عاديه ، اعتقد ماله داعي الديزل او غسيلها بستم. يكفي الماء الحلو

بس اذا سيارة دفع رباعي وفيها سست او دفرنشات فـ يحتاج تشحيم وديزل وبستم

تحياتي

[AMAZ]

الحذر ثم الحذر من غسيل المكينة .يعدم الكويلات ويدخل على البواجي وتبداء المشاكل في الكهرباء والسياره تكون ماهي صافيه وانت غسلت 30 ريال تخسر يمكن 1000 ريال وياليتها ترجع مثل اول .
اما غسيل اسفل السياره ينصح به بعد المطر من شان ينزل الطين ولا فيه اي ضرر . لكن ابعد عن الديزل . ماء وصابون .

[العواد 2]

غسل السيارة كامل بستم كل شهر مركامل تحافض على السيارة من تحت

[البوعينين99]

عليكم السلام

ماينصح بغسل المكينة بتاتا .
لكن فيه رش من AC Delco خاص لتنظيف المكينة
http://www.americanmuscle.nl/acdelcoengineshampoo.jpg



وإذا تبي تغسل السياره من تحت غسلها لكن أهم شي ان الغسل يكون بدون ديزل .. لان الديزل يعدم الربلات وأسأل مجرب .

[بعيد الهقاوي9]

شوف الضرر من الديزل لانه ينشف الجلد والليات لاكن ماء وصابون مايضر
واحرص انك تغطي الدينمو و الديلكو أو الكويلات بكيس كذا ما راح تلحقك اضرار
بتاتا انشاء الله

[بدوي جنوبي]

اهم شيى عند الغسيل
غطى كمبيوتر السياره بكيس

وحاول لا يكثر الماء على المكينه

بالتوفيق

[nono_55555]

مشكورين على الردود لكن اش نسوي بعد ما طاح الفاس فالراس، الواحد يشتري سيارة ثم يروح يغسلها بستم قبل لا يتهنى فيها بسبب قلة المعرفة بذلك، لكن أتمنى التوضيح من أهل الخبرة ما الأشياء التي يجب فحصها أو استبدالها بعد غسيل البستم، غسلنا بستم سيارتين الأولى بعد الغسيل جات أعراض الضعف وتفتفة وخراب الدينمو وتنسيم لي وتنسيم ريديتر وضعف بكهرباء السيارة وهي جديدة ما مر على موديلها 3 سنين وبعتها، والثانية غسلتها وصارلها نفس أعراض الأولى، الأخ الي قال غطي الدينمو انا جيت غطيته بكيس قبل ما أغسلها بسبب مجرد إحساسي انه راح يخرب لكن الي يغسل شاله واكمل تغسيل وطنشت!