ولد وايل يسألكم عن....

[ولد وايل]

السلام عليكم ورحمة الله

اخواني عرضت علي ونيت تاتا Tata غمارتين 2005 دفرنسين

بـ 9000ريال

ابي اعرف سعر قطع الغيار وخراباتها

[Riyadh City]

طال عمرك ما أعرف عن الموتر الا أنه صناعه هندية

والشباب يفيدونك

[الفياض***]

ما اعرف عنها شي لكن 9000 مهي شي

لو تقنص عليها وتجي وتبيعا بخسارة

ما عندك مشكلة

[العود&& الازرق]

لا تعليق ؟؟؟؟

[ولد وايل]

سئلت شريطي قالي القطع حقتها غاليه جدا وسعرها بالمعارض لايتجاوز عند الشريطيه 5000ريال وقليل تواجدها بالمعارض

[ولد وايل]

طيب هل فيه جديد

[شامخ ألهيلا]

يامرحبا ياولد وايل

اخوي تاكد هل هي دفرنسين لان اذكر مانزل الا دفرنس بس شكلها مرفع تقوول دفرنسين
من ناحية استعمالها اشوفها بالريااض منتشره بكثرة
والهنوود يعرفوون لها لانها سيارااتهم
وقطع الغيار حسب ماسمعت انهم مغلينها شوي بس ارخص من الياباني

اسعدك ربي

[يكفيني نظرة]

ولد وايل ما نصحك تاخذها والا ان اخذتها وخربت عليك بالبر شب بها وتدف بضوها باين انها ماينشد بها الظهر جربت انا الدير اللي تشبه الهايلكس بس صينيه وخبطت عقب مامشت 15 الف ووضبناها وبعناها غير انها بالخط طبلونها 140؟؟؟
نصيحه لاتوهق عمرك بها...

[سواق شيوخ]

أخوي ولد وايل نصيحتي لك اتركها ولا تفكر فيها من واقع تجربه مكينتها ما طول معك سنه اذا كانت وكالة على يدك فما بالك مستخدمه بالرغم من انها ما يستخدم للجيوش والعسكر غير التاتا والسكانيا بس ربعنا يستوردون الرديئ من واقع تجربه ابعد بقوهـ

[برق الشمال AM]

والله ياجماعه الموتر وكياله الجبر حسب ماسمعت وقطع غياره نار ومن الأفضل غض النظرعنه مالك ومال المشاكل ووجع الرأس ياخوي

[ولد وايل]

جزاكم الله خير اخوااااااااااااااني

[مزهب الطراقي2]

يالبناخي

انحش وخلك مع الدارج والموجود بالسوق بالسيارات وغيرها

[ولد وايل]

من يخبر لي ددسن قديم غماره للبيع