المساعد الشخصي الرقمي

مشاهدة النسخة كاملة : --------ابي جـــــــــــــواب؟؟؟


برق نجد
09/10/2004, 11:13 AM
السلام عليكم ورحمة الله وبركاته
صبحكم الله بالخير وظهركم وعصركم وبين عشوين
هل مساعدات (جبيرل) الامريكية تركب على الهايلكس
وهل يجي منها اصلي وتجاري
واخيرآ اقدر اتحكم بها في الترفيع والتنزيل
ووين القاها في الرياض
ولكم جزيل الشكر...
SilverSniper
09/10/2004, 12:15 PM
يا هلا أخوي عاشق الدخل... وكلنا عشاق الدخل... واللي ما يعشق الدخل فاته ثلثين عمره... :)
نعم.. مساعدات جبريال تركب على الهايلكس.. فيه منها أصلي وتجاري... الأصلي له وكيل في صناعية دوير الخرج.. ما أذكر اسم المحل بالضبط... التحكم في الارتفاع مدري عنه... ويا هلا والله... ملاحظة .. (( معك دخل.. مشتهيه وهالعمل رابطني الله يعين ))
برق نجد
09/10/2004, 01:07 PM
الله يعافيك ياخويSilverSniper
ابشر بسعدك بس الموسم الجاي ان شاء الله الفريزر فاضي
والدخل راح.
عروان
09/10/2004, 01:42 PM
مساعدات جبريال تركب على الهايلكس أكيد.

لكن اللي ورى يركب مساعدات زيت أبو ثلاث طقات.

واللي قدام مساعدات غاز.

طبعاً كلهن جبريال.


بس ترا اللي قدام مثل حقات الوكالة ما بتلاحظ فيهن فرق. أما اللي ورى ممتازات خصوصاً أذا حطيتها على الطقة الثانية" الوزنية الوسطى".

أما بالترفيق والتنزيل ماعندي خبرأذا فيه نوع مخصص للترفيع والتنزيل. زور الوكيل ويفيدك. أو اذا أحد من الشباب عند خبر لا يبخل عليننا.


أطيب تحية
برق نجد
10/10/2004, 06:15 AM
اشكرك اخي عروان على مرورك
المشكلة
معي هايلكس2003 ومركب تانكي في الصندوق
اذا حملت العفش والعزبة نزل الموتر
وانا ابي مساعدات ورى وقدام ترفعه؟؟
عروان
11/10/2004, 10:35 AM
أخوي عاشق الدخل

ما أظن أن هناك نوع من المساعدات ترفع الهايلكس. الهايلكس من الخلف سوستات (سست) هي الل تتحمل الوزن و ماهو المساعد. المساعد وظيفته يمتص الصدمات فقط.

ولكن

من أجل سلامتك وسلامة السيارة. أحسب الاوزان اللي تحملها على الهايلكس و تأكد من الكتلوج حق السيارة هل الوزن اللي عليها ما تعدى حمولتها القصوى.

ترا الموتر اذا زدت علية الحمل وطامرت في في البران بيتأثر و ينظـّر سواء الشاصي أو القير أو الدفرنش والمكينة بعد.

أيضاً اقراء الكفرات وش مكتوب عليها تلقى في الحمولة القصوى للكفرات. اذا زاد الحمل يمكن ينفجر الكفر عليك.


بالسلامة أن شاء الله.
تبريزة
11/10/2004, 10:56 AM
بسم الله الرحمن الرحيم

اخوي خذ العلم ولا يهونون الربع

ورا اذا انت راعي تحميل ركب مساعدات لاند كروزرالسعر (100 ريال للطقم) بس يبيلها تلحيم قواعد شوي
ولا ركب نوعيه اسمها مونرو السعر (80 ريال للطقم) ،،، واذا المقصد التطعيس اغلب الشباب يفضلون مونرو
بس من ناحيتي جربتهن للتطعيس كلهن مامثل الجابريال ابو ثلاث طقات وحطه على النص
الكلام اللي راح كله عن اللي ورا


وبالنسبة للمساعدات القدام
ركب مساعدات مرسيدس اسمهن (بلستاين) سعرهن( 220 ريال تقريبا للطقم) وتريبكهن عايدي يركبن على طول بس للتطعيس يبيلهن واحد محترف وعنده خبره بالتركيب

وهذا اللي عندي

ودمتم
اخوكم
تبريزة
برق نجد
11/10/2004, 01:56 PM
عروان
-------
تبريزة
مشكورين وماقصرتوا والله يعطيكم العافية...