وش رايكم ::: (((((( أفصل تناكي ماء ستيل أو الومنيوم )))))) [الأرشيف]

مشاهدة النسخة كاملة : وش رايكم ::: (((((( أفصل تناكي ماء ستيل أو الومنيوم ))))))

نفود الطوقي

04/11/2009, 08:22 PM

السلام عليكم

يا أخوان

أنا أبغى أشتري أو أفصل تانكي ماء
ومحتار أفصل ستيل أو ألومنيوم
وودي آخذ أرائكم ماهو الأفضل منها
من كل النواحي ، وبالذات من ناحية تغير الطعم والريحة
وأيهم يعيش أكثر

وماهو أفضل محل لتفصيل أو بيع التاونك بالرياض

أرجو من الأعضاء التفاعل
مشكورين

ابوحمد666

04/11/2009, 09:55 PM

اخوي البدر
الالمنيوم ولا تتعداه لا صداء ولا ريحه ولا طعم وخفيف
اما التفصيل ما عندي خبر والله كاني اذكر محل البريه يفصلون في حي الراوابي
تحياتي لك

نفود الطوقي

05/11/2009, 12:24 AM

مشكور يا أبوحمد666
ونحن بانتظار أراء ونصائح بقية الأعضاء
إن شاء الله مايقصرون معنا

أبوياسر1

05/11/2009, 12:40 AM

الي أعرفه الاستيل أغلى وأثقل ويتحمل الضربات خاصة للي يركبه تحت السياره ما مثله لك ولزمن :)
لكن ارخ جيبك :)

نفود الطوقي

05/11/2009, 12:49 AM

مشكور يا أخي أبو ياسر1 على مرورك وتعليقك
بالنسبة لمشكلة الضربات فيمكن تفاديها بعمل تلبيسة للتانكي ، وبعدين ترتاح من خوف الضربات

أبوياسر1

05/11/2009, 12:53 AM

انا أتكلم عن الي يركب تانكي خارجي ما يلبس..بجوار الدفرنس
يعني مع المناقز والجر بالطلعات الاستيل اقوى
لكن الداخلي أنا معك لبسه وقضينا :)

نفود الطوقي

05/11/2009, 01:11 AM

مشكور يا ابو ياسر
لكن وش رايك لو ركبت تانكي خارجي الومنيوم
ولبسته تلبيسه قويه
مثل اللي عند اليحيى اللي عند مقبرة النسيم
وسعره حوالي 1000 ريال
هل ممكن يتحمل الضربات والمناقز ويغني عن الستيل ،أو ما يتحمل ولا يغني عن الستيل

وأرجو افادتي عن سعر الستيل إذا كنت تعرف ذلك وكم سعره ( أعني الخارجي)
وهل تعرف محل جيد يفصله

اتعبناك معنا
جزاك الله خير

الادعج

05/11/2009, 01:45 AM

والله ياخوي اشوف تانكي الامنيوم عند السنيدي مايقعد ابد ورخيص جدا مقارنه بالستيل ..انا يامحاتسيك ركبته قبل امس عند السنيدي ببريده 100 لتر ملبس جاهز لمنيوم بــ580 ريال طبعا داخلي خلف المرتبه الثانيه

نفود الطوقي

05/11/2009, 05:54 AM

الادعج

05/11/2009, 07:49 AM

اخوي الأدعج مشكور

لكن اللي شريته أنت
هل فيه قواطع داخليه ، وكم عددهن
أو مافيه قواطع
،

وهل عليه ضمان
وماهي المقاسات اللي عندهم

بارك الله فيك

ونحن بانتظار أراء بقية الاخوان

مايقصرون ان شاء الله

ههههههه اخوي الشي الوحيد اللي يوم دخلت البيت وتذكرته هو القواطع:eek: .قل ياولد الحين هالتانكي اللي انا بازنبه به قواطع ولا لا:confused: ....وعلى طول اخذت الجوال وكلمت واحد من الشباب مركب نفسه قبل سنه تقريبا واسئله ...قالي .....لا لا ابشر ابشر به قواطع لاتخاف لكن مادري كم عددهن بالظبط;) ...وسئلته طيب تسمع صوت الماء به مع البطانيج ...قالي شي خفيف مره وحتى لو به 1000 قاطع لازم تسمع صوت الماء يعني القواطع ماتمنع صوت الماء نهائيا لكن تخففه
اما من ناحيه الضمان قالولي اذا عبيته وصار فيه تهريب ولا طعم على طول رجعه ان كان تهريب صلحناه اما المده مادري كم بالظبط:confused:
واما المقاسات يوم اركبه كان عندهم 80 لتر و 100 لتر وفيه نوعين الواقف خلف المرتبه ..والمسدوح على الشنطه ....لكن اغلب الناس تركب الواقف لعده اسباب منها:
1/مايأثر على السياره من ناحيه الحمل ...لن الواقف يكون حمله على الدفرنس مباشره:good: ,,,,اما المسدوح بالعكس يكون الحمل منتشر على مؤخره السياره كامله:no2:
2/من ناحيه المساحه اللي ياخذها التانكي من الشنطة متساوين لاواقف ولا مسدوح ...يعني اذا كان واقف التانكي تقول انه اخذ علي المساحه اللي خلف المرتبه ولا خلاني استفيد منها:mad: ...لكنه خلاك تستفيد من المساحه اللي كان بياخذها منك التانكي المسدوح على الارض والعكس تماما;)
اتمنى اني افدتك....................شكرا

الرسيفر

05/11/2009, 12:57 PM

والله اللي أعرفه الألمنيوم أفضل من الستيل الحالي

وهذا كلام واحد عنده مصنع توانك ويفصل توانك سيارات

ابن عكاش

05/11/2009, 01:52 PM

اخوي البدر
الالمنيوم ولا تتعداه لا صداء ولا ريحه ولا طعم وخفيف
اما التفصيل ما عندي خبر والله كاني اذكر محل البريه يفصلون في حي الراوابي
تحياتي لك
نفس الكلام

أبوغمارة

05/11/2009, 02:22 PM

عن اذنك اخوي البدر

ابأسأل الشباب عن تفصيل التانكي تحت السيارة عند الاستبنة للددسن كم يكلف ؟؟ ووين الورشة الزينة والرخيصة في الرياض ؟؟؟ وهل يجي منه جاهز ولالا ؟؟

وشكرا لكم

نفود الطوقي

05/11/2009, 02:54 PM

مشكور يا اخوي الادعج ، وما قصرت
وانا اليوم دقيت على السنيدي ، وقالوا لي فيه مقاسين
80 لتر ، وسعره 580 ريال
100 لتر وسعره 630 ريال
وكل واحد فيه قاطعين

نفود الطوقي

05/11/2009, 02:56 PM

اخوي
الرسيفر
ابن عكاش

أشكركم على مروركم وأرائكم

لاتكب البيالة

05/11/2009, 03:01 PM

السلام عليكم
الستيل اغلى واثقل لكن يحصل به غش سواء بالحام او بنوع الستيل بعضهن مخلوط يعني يصدي
اما الالمنيوم اخف ارخص اضعف يعني ممكن ينعوج
نصيحتي ركب المنيوم
واذا رغبت بالستيل فيه موضوع لاخونا ترهيم بمنتدى الادوات مفصل استيل بنفسه اضمن بالشغل

ترهيم

05/11/2009, 03:42 PM

السلام عليكم

مساء الخير على الجميع ...

اخي الكريم بنسبه لموضوع التانكي الستيل تفضل ...

http://mekshat.com/vb/showthread.php?t=218261

بسعر وموضوع كامل شامل قمة بعمله بنفسي وبارخص سعر موجود في السوق وباجود انواع الستيل لان الي بسوق اغلبه مضروب يقومون بخلط الستيل بالحديد .. تستطيع تمييز ذالك عن طريق مغناطيس ..

عيوبه .. لايعيبه إلا الوزن الثقيل .. اما الطعم واللون انه يتغير الستيل معروف مايحتاج لك ولزمن وتورثه لعيالك :) كانه جيك من زجاج لاصداء ولا تغيير ..

اما بنسبه للالمنيوم بنالنسبه للوزن فهو خفيف جداُ عيوبه لايتحمل الصدمات .. ان قررت تصلح تانكي المنيوم انا انصحك تفصله بنفسك وبالحجم الي تبي افضلك بكثير لان الموجود بالسوق مغشوش كذالك مثل الستيل وافضل الانواع بالنسبه للالمنيوم هو النوع الكوري وللاسف توجد انواع صينيه مكتوب عليها كوري ..
صعر الصفيحه كامله كوريه اصليه ب180 ريال ..

ارجو اني اكون افدتك ..

نفود الطوقي

05/11/2009, 04:36 PM

اخوي ابو غمارة
فيه ورشة اليحيى بالرياض
حول مقبرة النسيم
بفصلون تانكي تحت السيارة
وغويلين شوي
وهذا رابطهم
http://www.t63ys.com/a3lan/yahya/yahya.htm

الفياض***

05/11/2009, 04:42 PM

الستيل افضل

ابوطاقية

05/11/2009, 05:56 PM

الافضل الامنيوم
وافضل الامنيوم البحريني النقي
وافضل التلحيم بواسطه غاز الميق
وهذي صور لنوعية التلحيم بغاز الميق

http://media.merchantcircle.com/4060628/Custom%20aluminum%20tank%20005_medium.jpeg
http://media.merchantcircle.com/4060628/Custom%20aluminum%20tank%20009_medium.jpeg

Abu Saad

05/11/2009, 11:59 PM

المنيوم طبعا.
المميز في صناعية الدائري لاتدور غيره ... شغل نظيف ومضمون ورخيص.
وبالتوفيق

نفود الطوقي

06/11/2009, 02:22 AM

مشكور يا اخوي لاتكب البيالة على نصيحتك ورأيك

نفود الطوقي

06/11/2009, 02:29 AM

اخوي ترهيم
الموضوع نور بمروررك
ومشكور على تعليقك ورأيك

ورأيت إلى الموضوع الذي كتبته عن الستيل
صراحة موضوع ممتاز إلى أبعد درجة

لكن يااخوي وش رايك بالخزان الألومنيوم اللي عند السنيدي والبرية، يجي جاهز وملبس ، وفيه قواطع، ويقولون اننا نضمنه ضد تغير
الطعم والريحة والتهريب
ومتى ماوجدت فيه تغير بالريحة والطعم أو تهريب فرجعه لنا ، ونضمنه لك
وسعره معقول حوالي 600 ريال
وتحس من تعاملهم أنهم صادقين وواثقين من شغلهم

نفود الطوقي

06/11/2009, 02:33 AM

مشكور يا اخوي الفياض***
على مرورك ونصيحتك

نفود الطوقي

06/11/2009, 02:40 AM

مشكور يا اخوي ابو طاقية
على مرورك ونصيحتك

واتوقع ان التانكي اللي بالصور
تانكي أصلي ومتعوب عليه
هل تعرف أحد بالرياض يركبه
ياليت تعطينا رقمه الله إذا كان عندك
الله لايهينك
جزاك الله خير

نفود الطوقي

06/11/2009, 02:44 AM

مشكور يا اخوي
Abu Saad

هل ممكن تعطينا رقم ورشة المميز
لو تكرمت
جزاك الله خير
وهل تعرف احد ركبه

حكم ساحة

06/11/2009, 02:45 AM

الي أعرفه الاستيل أغلى وأثقل ويتحمل الضربات خاصة للي يركبه تحت السياره ما مثله لك ولزمن :)
لكن ارخ جيبك :)

الله الله معك حق ياخوي
من خلال تجربتي

1- الستيل لو يجلس الماء سنة ماتغير أبداً بشرط تلحيم التانكي بأسياخ ستيل لمنع الصدأوليست أسياخ حديد كما يفعل بعض الورش وممكن أن تجرب ذلك باختبار الملاحم بالمغناطيس لأن الستيل لايعلق بالمغناطيس

2-تانكي الألمنيوم غير مقاوم للصدمات وقابل للكسر

3-أفضل ورشة من وجهة نظري هي ورشة المواهب بصناعية العويضة على شارع مسجد العويضة

4-كلفني تانكي هايلكس علوي صاج 2 مل سعة 97 لتر 1500 ريال

ترهيم

06/11/2009, 02:52 AM

السلام عليكم

اخوي البدر ماعليش عندي سؤال وش نوع الموتر والتانكي تبيه داخلي ولا خارجي ؟

نفود الطوقي

06/11/2009, 02:58 AM

اخوي ترهيم
الموتر باثفندر 2006 (الشكل الجديد)
وأبغاه داخلي

نفود الطوقي

06/11/2009, 03:03 AM

مشكور يا اخوي
حكم ساحة
لكن هل ورشة المواهب
تلحم التانكي بأسياخ ستيل أو أسياخ حديد
وهل شغلهم مضمون مرة
يعطيك العافية

حكم ساحة

06/11/2009, 03:15 AM

لا شكر على واجب ياخوي
كلنا كنا مثلك محتارين حتى سمعنا وجربنا سوء خزان الألمنيوم لأن الماء إذا نقص فيه يصبح مثل الشوربه بسبب ألتآكل مع ارتجاج الماءداخله
نعم التلحيم بأسياخ ستيل والمشرف على الورشة سعودي
جرب اختبار الملاحم بالمغناطيس عند استلام التانكي

نفود الطوقي

06/11/2009, 12:47 PM

مشكور يا خوي حكم ساحة

لكن ما تلاحظ ان 1500 ريال
مبالغ فيها شوي

سوبر VTC

06/11/2009, 02:20 PM

أبوغمارة

06/11/2009, 06:24 PM

......مكرر

أبوغمارة

06/11/2009, 06:25 PM

و عليكم السلام و رحمة الله

ركب المنيوم خفيف جدا :good:
اذا كان التانكي كبير اهم شي القواطع
عشان الماء ما يتحرك و يلعب
تانكي جيب 80 او 100لتر على شكل مستطيل
سعره عندنا ببريده من 450 الى 550ريال
و التلبيس تقريبا ب130
مع احد الربع 80لتر
مركبه على باترول
متى ما خلص منه ينزله بالبيت
خفيف جدا :good:
و لا ياخذ مكان بالموتر

موفق

أخوي الله يرحم والديك ذكر لي واحد من الربع انه فصل تانكي رخيص ببريدة عندكم وقال ان محله اول ماتدخل بريدة وانت جاي من الرياض بعد الجامعة على اليمين عند الورش ممكن اخوي الله يجزاك خير تعطيني ارقام المحلات اللي هناك ان مريت من عندهم عشان استفسر منهم قبل ما اطق مشوار والله يجزاك خير

سوبر VTC

06/11/2009, 10:58 PM

أخوي الله يرحم والديك ذكر لي واحد من الربع انه فصل تانكي رخيص ببريدة عندكم وقال ان محله اول ماتدخل بريدة وانت جاي من الرياض بعد الجامعة على اليمين عند الورش ممكن اخوي الله يجزاك خير تعطيني ارقام المحلات اللي هناك ان مريت من عندهم عشان استفسر منهم قبل ما اطق مشوار والله يجزاك خير

حياك اخوي
جزاك الله خير
اذا انت تقصد الورش اللي جنوب بريده على نفس طريق الجامعه و عنيزة
مكانهم مقابل سوق التمر من شرق
فهم شغلهم كله توانك حديد :no:
لكن
يوجد بصناعيه الرواف محل الصمان (شرق بريده عند المحكمة العامه)
هو اللي يفصل توانك المنيوم :good:

موفق

حكم ساحة

07/11/2009, 12:42 AM

مشكور يا خوي حكم ساحة

لكن ما تلاحظ ان 1500 ريال
مبالغ فيها شوي

أخي الغالي صحتك بالدنيا
وينك عن العالم ؟؟
كل الناس حولوا القدور والأباريق والأواني من معدن إلى ستيل
بسبب تأثير المواد الناتجة من تفاعل المعدن مع الجو المحيط على المخ وترسب المعادن فيه وفي أعضاء الجسم وهو من مسببات مرض الزهايمر
وبعدين الستيل لك وللزمن
وقيمته فيه

أبوغمارة

07/11/2009, 12:26 PM

حياك اخوي
جزاك الله خير
اذا انت تقصد الورش اللي جنوب بريده على نفس طريق الجامعه و عنيزة
مكانهم مقابل سوق التمر من شرق
فهم شغلهم كله توانك حديد :no:
لكن
يوجد بصناعيه الرواف محل الصمان (شرق بريده عند المحكمة العامه)
هو اللي يفصل توانك المنيوم :good:

موفق

الله يجزاك خير
طيب الستيل هل أحصله عند المحل اللي ذكرت ؟
والله يعطيك العافية

سوبر VTC

07/11/2009, 08:13 PM

الله يجزاك خير
طيب الستيل هل أحصله عند المحل اللي ذكرت ؟
والله يعطيك العافية

وياك
لا ما عنده ستيل :no2:
الستيل قديم و ثقيل جدا :no:
لك و للزمن المنيوم :good:
ان بغيت رقم الورشة او الاحداثيات علمن
موفق

أبوغمارة

07/11/2009, 08:21 PM

وياك
لا ما عنده ستيل :no2:
الستيل قديم و ثقيل جدا :no:
لك و للزمن المنيوم :good:
ان بغيت رقم الورشة او الاحداثيات علمن
موفق

طيب هل الالمنيوم عملي ؟ وهل يضمنونه ؟

والله يعافيك في الدنيا والاخرة عطن رقمهم واحداثيتهم الله يجزاك خير

سوبر VTC

07/11/2009, 09:06 PM

طيب هل الالمنيوم عملي ؟ وهل يضمنونه ؟

والله يعافيك في الدنيا والاخرة عطن رقمهم واحداثيتهم الله يجزاك خير

ههههههههه
الله يهديك قل امين :)
لا لا مهب عملي :D
عشان تكون بالصورة
محلات الرحلات اللي ببريده و عنيزة
السنيدي + عروق الشمال + غنام + فهد + المبارك + المرباع
كلهم ما يبيعون الا المنيوم
الالمنيوم مع احد الربع 80لتر مركبه على باترول مفصله على وقته قبل
6سنين ب650ريال من عروق الشمال
ما تغير لا طعم و لا ريحه و لا صدا
توكل على الله و خذ المنيوم
و راح تدعيلي :)
الارقام تحصلهن على الخاص
موفق

احساس الصمت

07/11/2009, 09:49 PM

ههههههههه

الله يهديك قل امين :)
لا لا مهب عملي :D
عشان تكون بالصورة
محلات الرحلات اللي ببريده و عنيزة
السنيدي + عروق الشمال + غنام + فهد + المبارك + المرباع
كلهم ما يبيعون الا المنيوم
الالمنيوم مع احد الربع 80لتر مركبه على باترول مفصله على وقته قبل
6سنين ب650ريال من عروق الشمال
ما تغير لا طعم و لا ريحه و لا صدا
توكل على الله و خذ المنيوم
و راح تدعيلي :)
الارقام تحصلهن على الخاص
موفق

الله يجزاك خير ارسل لي الارقام اذا ماعليك كلافه
موفق

سوبر VTC

07/11/2009, 09:58 PM

الله يجزاك خير ارسل لي الارقام اذا ماعليك كلافه
موفق

طيب اقرا اللي تحت :mad::mad:
نيم على عيونك :D

لارقام تحصلهن على الخاص
موفق

نفود الطوقي

08/11/2009, 09:48 PM

مشكور يا اخوي
حكم ساحة
سوبر Vtc