الي يدورله طير يتفضل...

[تمياط]

بسم الله الرحمن الرحيم

السلام عليكم ورحمة الله وبركاته ..

اخباركم طيبين ..

يشرفني ويسعدني اني اخدم كل صقار

اخواني الي يدور طير يبي يشريه

فانا مستعد اني ادورله الطير الي يبيه

بس يقول نوع الطير ومقاسه والسعر وشكرا

[عبيد الله]

يشرفني ان اكون اول من يرد على موضوعك وتعرف انا مبتدي ولا اعرف الي يصلح لي وان وجد مايتعدى1000 ريال وشكراااااااااااااااا تقبل مروري

[تمياط]

يشرفني ان اكون اول من يرد على موضوعك وتعرف انا مبتدي ولا اعرف الي يصلح لي وان وجد مايتعدى1000 ريال وشكراااااااااااااااا تقبل مروري



اهلا بك يالغالي طيب يالغالي فيه مقاس صغير شياهين جبلي 11×11 تصلحلك عند واحد من السوق

[بن نقا]

بيض الله وجهك ياعاصم

[ابو امنه]

الله يعطيك العافية

[الخيال111]

السلام عليكم ابغي طير صايد قرناس ثالث او رابع طلاع وراكد على التكية قياسة17في 17 وعلية حلفة من راعية انه صايد ويشرط علية ومافية عذروب والسعر مايتعدى العشرة واسمحلي على الاطالة

[تمياط]

هلاوالله الخيال ابشر ان شاء الله نبحثلك باسرع واقت انت تبي حر وافي ؟؟

[الخيال111]

صحيح وعساك على القوة بس تكفا يكون الرجال ثقة راعي الطير ويحلف انه صايد عندة ومافيه الطير خلة او عذروب

[الخيال111]

وسعرة مايتعدى العشرة الالف ريال ياطويل العمر

[تمياط]

الخيال111 شيك على الخاص

[منصور بن محمد]

السلام عليكم ورحمة الله وبركاته

الله محييك ياولد عمي

يابو سعد

لواحد من ربعي يبي شاهين او وكري مقاس 13 × 13 او اكثر

سعره ما يتعدى 1800 ريال

وان بغيت ترسلنا على احد من اهل هالديار حنا متواجدين بها ..

بريده
الرس
البكيريه

منطقة القصيم كامله لين تصل عقلة الصقور

و الرياض

وتبوك
حقل

تيماء

باختصار

بالشمال وبنجد حاضرين ربعنا بهالديار

والمدينه طبعاً

[الادغال]

عساك على القوة اخوي عاصم الحربي وارفع لك القبعه على هذه المبادرة الطيبة جدا

وبالفعل انت راح تفيد المبتدئين والمحترفين على حدا سوء ولك تحياتي اخوك الصغير الادغال

[هداد11]

اخوى عاصم ياقل جنسك هالوقت الله يكثر من امثالك ويوفقك
ما استغنى عن مساعدتك ادور فرخ بحرى مثلوثه وحش من 13,5 الى 14 عرض وتسوى خير جعلك تسلم

[قرناس ارامكو]

الله يعطيك العافية

[alkreze]

بيض الله وجهك يابوسعد.

[شامان 28]

الله يعطيك العافيه

[الخيال111]

لا واللة ودي بطير الصايد عند اهلة يالحربي

[شامان 28]

الله يوفقك بفعل الخير بيض الله وجهك

[عبيد الله]

السلام عليكم ورحمة الله وبركاته اخوي عاصم والطيب عادة ربعك وين مكانك ولوتكرمت ترسل جوالك او الاميل للمفاهمة

[ديوان العرب]

والله انت منت سهل ياعاصم هههههههههه اللهم ارزقني ورزق مني

[طير الحمام]

عاصم شااكر لك هالمبادرة الطيبه

وانا ادور لي شيهانه..صيده ..
والحجم مو مهم 14 او 15

وانا بتبوك..

طير الحمام

[moafaq999]

ابيض وجه يالحربي يالذيب
وماهي غريبة على اهل الطيب امثالكم
لك كل الشكر

[رماني زماني]

اخوى عاصم ياقل جنسك هالوقت الله يكثر من امثالك ويوفقك
ما استغنى عن مساعدتك ادور فرخ بحرى مثلوثه وحش من 13,5 الى 14 عرض وتسوى خير
ارجو ارد في اقرب وقت
بعد اذن المشرفين هذا رقم جوالي0569603444

[نواف نجد]

انا ادور طير شيهانه المقاس ما يهم بس تكوون مدهله والسعر 1200وتحت

[تمياط]

السلام عليكم ابشرو اخواني كل الي طلب ان شاء الله باسرع وقت ممكن ادورلكم وانا مكاني ببريده وهذا الايميل a111_a333@hotmail.com

[تمياط]

انا ادور طير شيهانه المقاس ما يهم بس تكوون مدهله والسعر 1200وتحت


اهلا بك اخوي نواف

فيه واحد عنده شيهانه جبليه للبيع الطول 12 والعرض 12
الطير وحش مطروح قبل شهر واعلفه على الدس
وهذا جوالي للي يبي الطير او بيسوم 0557695351
مكان الرجال بالرياض وشكرا

[تمياط]

الي يبي الطلب موجود ياطير الحمام
يوجد لدى احدالاخوه شاهين بكر صيدها العام وهي فرخ 30 حبارى في ايران والشاهين ايراني وباقي معها ثلاث ثلاث وريشها نظييييييييييف مررررة والطير جاهز ويدعى .
العرض 15ونص والطول 14 ونص

[تمياط]

والي يبي وكري

الطير وكري قرنلس بكر

وحش طرح السنة

مقاسه 14 والعرض تقريبا اكثر


الرابعه من الجناحين منكسر راس الريشه

الطير سليم ولله الحمد وينقز على اليد واذا فرعته يركد شوي ويكفخ شوي

موقع الرجال الرياض

[تمياط]

طبعا الي يبي يعطييني سعي الله يجزاه خير

[abo_hoor]

مشكور اخوي على موضوعك ومساعدة شباب جزاك الله خير

[تمياط]

ابو هوار : لاشكر على واجبك

[المغتر2]

اخوي الحر الشامي الوافي 17 17 فرخ وحش يكون احمر
كم يجيب سعره
ارجو الرد في اسرع وقت
بيض الله وهك ومشكوور
ومشكوووووور

[فتى الوداي]

الله يعطيك العافية وماقصرت يالغالي

[حر الجوف]

الله يوفقك ان شاء الله

[تمياط]

اخوي الحر الشامي الوافي 17 17 فرخ وحش يكون احمر
كم يجيب سعره
ارجو الرد في اسرع وقت
بيض الله وهك ومشكوور
ومشكوووووور
لقيتلك حر وافي 17*17 على ماعتقد صيني علومه حباري كروان وجناحه طيب مره صامل على حمامته*راكد على التكيه البيع ب7000 ريال احد له نضر يرسل على الخاص وشكراااا

[الساكتون]

الي يبي الطلب موجود ياطير الحمام
يوجد لدى احدالاخوه شاهين بكر صيدها العام وهي فرخ 30 حبارى في ايران والشاهين ايراني وباقي معها ثلاث ثلاث وريشها نظييييييييييف مررررة والطير جاهز ويدعى .
العرض 15ونص والطول 14 ونص
السلام عليكم

الشيخ الطير كم سعره ؟؟؟

ووين موقعه ؟؟؟

وهل فيه توصيل؟؟؟؟

[ولد الخويطر]

السلام عليك اخوي عاصم الحربي مسااك الله بالخير كنت ادور حر شامي او اشقر ويكون صايد وراكد على التكيه وطلاع وشرط يكون له جواز وتقبل تحياتي اخوك ولد الخويطر

[راعى شاهين]

طبعا الي يبي يعطييني سعي الله يجزاه خير
ههههههههههه عاصم الحربى والله انى ابقول وش عندك على هالمبادره بدون مقابل بس انت سبقتنى برد:j

[جم ولسن JW]

عاصم الحربي ابشر بالسعي

بس مثل ماعلمتك

وعاى مايقولون مايخدم بخيل

[تمياط]

السلام عليكم

الشيخ الطير كم سعره ؟؟؟

ووين موقعه ؟؟؟

وهل فيه توصيل؟؟؟؟


هلاوالله يقول مسيوم ب12000
موقعه بالرياض على معتقد
والله يالغالي الضاهر مافيه توصيل

[تمياط]

الي طلب فابشور ان شاء الله ادورلكم وشكرا

[منصور بن محمد]

عصام ويش صار على الملواح ؟

بانتظارك

ارسلت لك رساله ولا رديت

[تمياط]

والله يالغالي ماخابر وان شاء الله ادورلك وشكرا

[نواف نجد]

اهلا بك اخوي نواف

فيه واحد عنده شيهانه جبليه للبيع الطول 12 والعرض 12
الطير وحش مطروح قبل شهر واعلفه على الدس
وهذا جوالي للي يبي الطير او بيسوم 0557695351
مكان الرجال بالرياض وشكرا


هذي ماهي مدهله ولالي نظر فيها انا ابي وحده مدهله وخالصه وسليمه ومو شرط انها تكوون فرخ اي عمر

[قرناس شماالي]

مشكور اخوي على الخدمه للعضاء ومقصرت

[شامان 28]

بيض الله وجهك علي المجهود

[راعي نايف]

ابغى لي طير وكري اوشاهين والسعر من 1500 وتحت تكفى باسرع وقت او ارسل رقمك على الخاص الله لايهينك

[الرجل الطموح]

الله يجزاك الخير
ماتقصر على الموضوع

[الخالدي 12]

السلام عليكم اخوي انا ابي طير نوعه يكون وكري او شيهانه والمقاس اي مقاس وتكون بالدمام واذافيها صيحه عادي وبسعر400أو500 اذا ممكن وللتواصل بعد اذن المشرفين الايميل ha.tem@windowslive.com

[صاحب نوماس]

الله يعينك على كثرة الطلبات

وعساك على القوة

[راعي صعيب111]

السلام عليكم
ابي طير احمر راسه كااااااااااااشف شرط صايد السن رابع ودون
ميقصر من5- 16

[ولـد الدوادمي]

والله مانستغني عن الفزعة يا عاصم

نبي لنا وكري من الـ14 *14 وطالع

وإلا شيهانة بحرية وإلا جبلية من الـ13 ونص * 13 ونص وطالع

ولاعدمناااك

[ياس البوادي]

الله يعطيك العافيه ما قصرت لاول مره يعرض موضوع بهذا الشكل ولو كنت من ادارة المنتدى لقدمت لك جاهزة تشجيعية نظرا لما يخدم منتسبي هذا الموقع المميز والذي ينتفع به كل صقار عربي محافظ على تراث الاجداد اشكرك كل الشكر وعسى الله يوفقك انشاء الله اخوك يــــــــــــــــــــاس البوادي

[شنوان]

بيض الله وجهك

[قناص الهمله]

الله يجزاك خير

[صقار شياهين]

الله يوفقنا وياك ياعاصم ماشاء الله عليك بس ابي اقول ان السعي حق من حقوقك ولا فيها شي انت تتعب وهذا حق تعبك ولا وشوله تعب نفسك

[ياس البوادي]

السلام عليكم انا ابغى جرناس شاهين يكون بكر او ثنو يكون مقاسه 16 طول والسعر لا تنشد عنه ولا يهمك انا شراي afc2@hotmail.com اوعلى الخاص وخذ وقتك

[تمياط]

ابشرو اخواني انا ابدور الطيور الي طلبتوها وان حصلت ابقولكم وشكرا

[الخالدي 12]

مشكووووووووور ومتقصررررررر لكن لاتنساني أنا أول واحد ههههههههههههههههههههههه

[همي رضى ربي]

طيب استفسار عن أقل طير للصيد كم يكون ؟؟ ويكون جاهز للصيد ومدرب .. بغض النظر عن منظره وشكله وزينه !!

أهم شيء أنه يكون رخيص السعر ومدرب ع الصيد .. هذا أهم شيء !!

[تمياط]

همي رضى ربي : ايه فيه ناس ترغب الشكل وفيه ناس ترغب الطبوع ووفيه ناس ترغب الطبوع والشكل انت وش تبي طير امر
الخالدي : اتوقع ماتلقى زي السعر ذا

[مشبر البران]

بيض الله وجهك وما قصرت

[تمياط]

فيه شيهانه للبيع
http://www.mekshat.com/vb/showthread.php?t=242311

[الخالدي 12]

انشاء الله تلقى انا ابيه اتعلم عليها وانشاءالله سنه القادمه نشتري طير ماعليه الكلام ....

[99 نيسان]

السلام عليكم كيف الحال ياعاصم خاطري بقرناسة الطول 13 في 13
ياليت تشوف لنا شي والمكان الدمام والسعر من 1000 وتحت ان شاء الله تحصل لنا شي لن خاطري بقرناسة السنه ذي بتعلم عليها

[ابو صمعان]

السلام عليكم
ياخوي أنا أبي طير شاهينة جبلية سعرة أقل من1200 ويكون مقاسه11×11وتكون مدربة وصايدة كراوين وهذا رقم جوالي أرجو الدر سريعا
0565585667:j :no2::j الطير يكون في الدمام
إذا ما وجد الشيهانه
الجبلية ياليت وكري تتوفر علية نفس الشروط

[99 نيسان]

وينك ياعاصم وانا شوف لي نفس طلب اخوي ابوصمعان

[ابو صمعان]

السلام عليكم
أخوي عاصم اللطير إلي طلبتة ياليت تخليها ثنين واحد لي واحد لولد عمي
ونفس الشروط إلي انا طالبها

[الفياض***]

ماشاء الله تبارك الله .. الله يوفقكم,,

[تمياط]

ابشرو شباب اخواني الي يبي طير يرسل على الجوال 0505872588 لان انا مشغول بالمره مادخل النت كثير والاربعاء الجاي ان شاء الله ابروح ادورلكم في كل مكان وشكرا

[تمياط]

راعي صعيب طلبك موجود فيه حر 16*16 احمر كاشف راكد وسليم وصايد على ماعتقد كراوين وطيرانه طيب وريشه طيب عمره 3 او4 على ماعقد والطير فيه صيحه خفيفه على االبرقع ومكان الطير بريده وحد الرجال 5000ريال

[تمياط]

راعي صعيب طلبك موجود فيه حر 16*16 احمر كاشف راكد وسليم وصايد على ماعتقد كراوين وطيرانه طيب وريشه طيب عمره 3 او4 على ماعقد والطير فيه صيحه خفيفه على االبرقع ومكان الطير بريده وحد الرجال 5000ريال

[تمياط]

ابن صمعان : وين مكانه واصبرلي شوي لاني مشغول يالغالي وانا ابسافر الاربعاء الجاي وادورلك طلبك يالغالي

[ابومحمدالمري]

الحربي الله يعطيك العافيه انا ادور شاهين اهم شي يكون صايد الحمام والكروان

والشي الثاني السعر من 1500 الي 2000 يليت يكون في الخفجي او الكويت او النعيريه

وتسلم

[ولد الذيد1]

الله يعطيك العافيه

[محمد النعيمي]

الله يوفقك

[ابو صمعان]

الدمام الله لا يهينك

[الخالدي 12]

السلام عليكم ابي شيهانه او وكري سعر 1200

[راعي نايف]

الله لايهينك ابغى شيهانه جبليه بسعر زين باسرع وقت

[ولد الخويطر]

السلام عليك ياعاصم ما رديت لي خبر وانا اخوك طلبت منك من فتره حر شامي اوحر اشقر يكون صايد وطلاع وراكد على التكيه وشرط يكون له اوراق او جواز. وسلامتك ياعاصم

[تمياط]

ولد الخويطرطلبك موجود فيه حر 16*16 احمر كاشف راكد وسليم وصايد على ماعتقد كراوين وطيرانه طيب وريشه طيب عمره 3 او4 على ماعقد والطير فيه صيحه خفيفه على االبرقع ومكان الطير بريده سوم6000ريال وقريب بالحيل

[تمياط]

فيه طير
عند واحد حر بكر 16 16 جنااحه طيييب بالحييل
ذابح كراوين مع اهله منهن تعليق بالغيم
وقبل امس علمته على حبارى تعلوم طيب
الطير شجاع ومابه عذاريب ابد
الركاده 70%
يهد على صنعة 880

[راعى شاهين]

عصام كم عليه وانا صامل بالطير

[الهواوي 502]

عاصم دور لي جير سيبيري توه مطروح ههههههههههههههههه


الله يجزاك خير

[ولد الخويطر]

مرحبا عاصم الطير له جواز او اوراق ؟ وجزاك الله خير

[الغطغط]

ياخوي دور وكريه طيبه ولا تكون غاليه

[عاشق الفتك 20]

بيض الله وجهك يا ولد عمي والله يكثر من امثالك

[ابومحمدالمري]

الحربي الله يعطيك العافيه انا ادور شاهين اهم شي يكون صايد الحمام والكروان

والشي الثاني السعر من 1500 الي 2000 يليت يكون في الخفجي او الكويت او النعيريه

وتسلم

وش علومك يالحربي

[ابوفهد البركي]

اخوي عاصم دورلي فرخ جاهز شرط الصحاه مقاسه فوق 16 شكرا بعد اذن الاداره هذا رقمي 99728546 00965

[أبو صقر1]

السلام عليكم أخوي أنا مبتدء و أبيلي وكري أو شيهانه و أنا في الكويت

[أبو صقر1]

إذا كان فرخ يكون أحن و يعطيك العافيه

[اوه]

السلام عليكم
اخوووي ابو عاصم
ارغب في شراء طير جير من انتاج مزرعة فلكن سنتر فرخ او قرناس بكر يكوون جناحه طيب (مقاسه 16 الى 16 ونص)
وشكراً

[ابو محسن1]

السلام عليكم
يابو حرب شوف الطب هذا ولاتنساني يابن العم
http://www.mekshat.com/vb/showthread.php?t=244374