باركولي تكفون الله يجعل امكم وابوكم في الجنه امين

[خشم الحصان]

الاخوه الغالين
السلام عليكم
اخواني في الله ابشركم انفكت العقده والسبه الاخ الكبير(طبيب) طيب وشو الموضوع انا ابقولكم قمت اعرف انزل الصور وشوفو توقيعي صورة خشم الحصان تكفون باركولي ادري انها سبيره كنها بلاطت رخام بس مهيب مشكله نوديها لم الصناعيه ويقصون منها شوي المهم اني قمت اعرف:D :D :D انقهرو يالي منول تعيرون فيني سبير وشايب ولاهنا شوف وهم معروفين الحمد الله علي كل حال .
طبيب جاء دورك وشلون اخليها صغيره الله لا يصغرك ولا يهينك شف عاد لا تقول معرف تراك موهقن وذكرتني بهاك النكته الي بيتعلم الطيران وياخذ كتاب تعلم الطيران ويقراه المهم انه طار يوم بغي يهبط لقا في اخر الكتاب في العدد القادم نشرح كيف تهبط عاد انت هبطآ ياخيي وخرو عن المدرج لا ندبج علي احد ثم نبلش به
اللهم اجز اخونا (طبيب) عنا كل خير
اخوكم
خشم الحصان

[خشم الحصان]

اخواني الغالين
السلام عليكم
نسيت اعلمكم ان الموضوع كاتبه الاخ الغالي(رحال) بس الي دلن عليه الاخ الحبيب(طبيب) الغفله
الله لا يحرمهم الاجر والمثوبه امين والله يجزاهم عنا بدخول الجنه امين
اخوكم
خشم الحصان:D :D

[صقر]

مبروك ياخشم

اثاريك عرنون وحنا ما درينا.. :D

ونبغى معلومات وافية عن هالخشم ... وليش اخترته ؟؟

بارك الله فيك.

[السمح]

مبروك ..
وهذي محاولة يابوجراح لتصغير التوقيع بحيث يصبح ملائماً
إن جاز لك وإلا الله لا يصغرك على دربك للعمل باكر انطله باقرب .... :D

http://www.mekshat.com/pix/upload/images6/mk95_kalhsan.jpg

[خشم الحصان]

الاخوه الغالين
السلام عليكم
حياكم ربي كلن بسمه
........................
الاخ الحبيب ومشرفنا
(صقر) الله يبارك فيك ويغفر لنا ولك امين ومشكور يابعدهم علي مرورك والمشاركه بس ياخيي وشو عرنون
هو يوكل ولا ينشرب ولا هو حجابه (يعني نحجب ) ماناكله اخاف انها من كيسة سيف الرعد الي جابها من الساحل ;) افهمها عموم الله يجزاك عنا بدخول الجنه ياخيي
اما طلبك بكتابة موجز عن هالخشم ابشر يابعدهم ابنشد الشيبان ويا مشرفنا (ميراج) وعن قريب ان شاء الله
اما ليش اخترته بيجيك الرد
اخوك
خشم الحصان
..........................
الاخ الغالي ومشرفنا
ابو تركي (السمح)
حياك ربي يابعدهم ومشكور يالغالي علي مساعدتك في تصغير الصوره وانا موافق علي التصغير مشاء الله عليك اي ورشه صلحتها عنده الله لا يضرك امين ياخيي وعلي قولتك (إن جاز لك وإلا الله لا يصغرك على دربك للعمل باكر انطله باقرب .... ) لا والله ياخيي مانيب راميه والي مهديه ابو تركي بس ودي انك تكتب فيه ابو جراح اذا ما عليك امر الله لايصغرك ولا يهينك وتراني احتريك انهج علي يابعدهم وخله زبرقه يعني دوكره صح الله يغفر لنا ولك امين
اخوك
خشم الحصان
((ابو جراح))

[الطبيب]

السلام عليكم ورحمة الله وبركاته

هذا موضوع لتصغير الصور حجما وقياسا

تصغير القياس تروح له بواسطة تغيير حجم

واتبع الخطوات اللي مشروحه بالصور

هذا موضوع طويل كتبته من مبطي

http://www.mekshat.com/vb/showthread.php?s=&threadid=16354


وهذا شرح تصغير الحجم

1- بعد اختيارك للصوره والضغط عليها مرتين ( دبل كلك ) رح لزر ( تحرير الصوره )

http://www.mekshat.com/pix/upload/images6/mk810_hos1.JPG


2- ثم اختار زر ضغط الصوره

http://www.mekshat.com/pix/upload/images6/mk810_hos2.JPG


3- حط المقاس اللي انت تبي بالمربعات اللي فوق

او النسبه المئويه لتصغير الصوره بالمربعات اللي تحت

http://www.mekshat.com/pix/upload/images6/mk810_hos5.JPG


واذا تبي شرح اوفر واكثر حاظرين ولا عندنا اغلى منك يا ابو جراح


مع اطيب تمنياتي لك بالتوفيق والسداد

ويكفي دعائك لاخيك بظهر الغيب

فهو والله عندي اغلى من كنوز الارض

هذا والله اعلم

والسلام ختام

نسيت لا اقول لك .................






















يا الشـــــــــــــــــــايـــــــــب :D :D :D :D :D

[المترو]

تدري ليش ابارك لك
تعال معي
V
v
v
v
v
v
v

v
v
v
v
v
v
v

v
vv
v
v
v
v
v
v
عشان دعوتك لوالدينا والله يرزقك الجنه ووالدينا وولالديك قل امين
ومبروك التعلوم على الصور وتصليح العكوس بالجهزات

اخوك الرحال2003
الله يرحم والديك ويرزقهم الجنه ووالدينا قل امين

[المربد]

مـبـروك الف !!

وعقبال ما تفتح منتدى

أثـريـك تـذاكـر من ورانا

والطـبـيـب ماهي كثـيرة عليه الفزعات، حيث انه سبق وانـقـذ نـي من مأزق الله يـســتـر عراه ويرحم والديه.


بس انت الحين وشلون تقعد تتشرط على ابو تركي (السمح)؟ هو سكرتير عندك، هذا جزاه اللي ساعدك او شفت اسمه سمح قلت استغله ،
لكن الشرهة عليه اللي موسع صدره على هالشيبان.










(ما احب الفتنة ابد)

[* ضب *]

انا من يوم شفت اسمك وانا اقول انك من هاك الديار .. لكن بعد التوقيع ثبت شرعاً
7
7
اذا انت سبير زي توقيعك لا توهق وتحاول تهبط خلك فوق احسن للمدرج

الف مبروك وعقبال تنزيل الافلام

تقبل تمنياتي لك بالتوفيق

[عنـاد]

وعليكم السلام ورحمة الله وبركاته

مبروك يا خشم الحصان عقبال ما تعرف وشلون تطفي الكمبيوتر بدون ما تمكع فيشه :D

يا خالي خشم دوك ذي بمناسبة انك عرفتا وشلون تصغر الصورة وتضبطها واعتبرها هديه مني :)



ياللي تقول سعيد غيّب ماشيف ........ حسبي على اللي بالظليمة دهاني
ان جاء الشتاء بذودٍ مواليف ......... وان جت ليالي الصيف مع البناني
الله يا وجدي على هاك الهفايف ...... يم الطريف ويم خشم الحصاني
ونفوح الي قالو على دارهم ريف ....... لا شك قطع القلب خمس الوزاني


البناني : اللي يبنون او الاستادية( اسالو خشم تراه ابخص واحد بالاستاديه بحكم انه لاحقن عليهم)

الطريف : بداية عرق البلدان من قبل القصب شوي ويسمى طريف الحبل
خمس الوزاني : راتبه وهو خمس وزنات من بر او طحين او قمح او تمر

[بركان]

اخوي الغالي/ خشم الحصان
ابو جراح
وش يصير لك يوسف الجراح؟؟؟

عسى مهوب خشمك كبر خشم هالجبل والا ليش اخترت هالاسم؟؟؟
عرفت لك كلمتين في (الكمبوتر !!!) وفزعت جماعة الربع تقول كانكم تصورون حلقة طاش ما طاش الا طاش!!!!

اقول انسخ التوقيع اللي زينه لك اخونا السمح تراه وذف وزين بس انتبه لا تنسخ معه توقيع السمح ترى العليميه يسوونها.!!!

الله يعين العيال عليك ستهملهم والسبب قعدتك عند (هالكمبوتر!!!) تعدل وتبدل وتقص وتنسخ وتلون وأخرتها
(الله اكبر) قم صل الفجر!!!

بس يبي لنا وقت على شان نتعود على ابو جراح!!!

تسلم وماقصرت والله يغفر لك ولوالديك فهذا الدعاء الجميل عودتنا عليه يا ابو خشم قصدي ابو جراح!!

تحياتي وتقديري.

[عروان]

السلام عليكم ورحمة الله وبركاته


ما شاء الله عليك يا أبو جراح

أنت أثبتت أن المثل اللي يقول العلم في الصغر كالنقش على الحجر ماهو كامل. .... :D


ما شاء الله عليك بديت تعرف تحمل الصور في المنتدى و ان شاء الله بتعرف كيف تصغر وتكبر الصور و تكتب عليهم توقيعك بعد.

بس واظب على حظور المدرسة بعد العصر وأن شاء لله كل شي بيستوي. :D



الله يوفقك و يرضى عليك و من يقراء

[فـ(الجـوف)ـتى]

الف الف مبروك

وجزاك الله خير على الدعوه لوالدينا جعل والدايك للجنه 0



الف مبروك اخوى 0

[أبو يوسف]

ما شاء الله
مبروك الف مبروك
بس اقول جا في ردك على صقر التالي :


اما طلبك بكتابة موجز عن هالخشم ابشر يابعدهم ابنشد الشيبان ويا مشرفنا (ميراج) وعن قريب ان شاء الله

لاتحاول تبرهن لنا انك صغير
خلاص حنا تأكدنا من هالشي
مشكور ورحم الله والدينا ووالديك
مع التحية

[أبو فالح]

السلام عليكم ورحمة الله وبركاته

يا بعدهم توقيعك هذا ما هي سالفة طبيب ولا غيره .. هذا توقيع محترفين ، من يوم ( الأنترنت ) من طين والناس تقصر عن شغللك وجمال توقيعك .. لكن الله يستر لا يطب علينا ( البردعي) ويحقق با السالفة .. بصراحة اللّي يقدر يصلح ها التوقيع ، ما هي غريبة عليه يصلح قنبلة نووية .. لكن أرجع وقول الله يستر ..

حول التوقيع :

- قريبآ سيتحول هذا الموقع ( منتديات الخشم )

- إذا أردت التصفح .. تقدم ربع ساعة وعساه يفتح .. أنت نسيت التوقيع الأنيق .

- أقتر ح إحداث خيمة جديدة بعنوان ( خيمة خشم .. خشم الحصان )

- يستاهل خشم الحصان يكون مشرف .. يعني كل المؤهلات عنده .. إلا التوقيع إيعرف يوقع .. طيب وش تبون .

- موهبة خشم الحصان الفذّة مستحيل أمشيه دون أهريفي .. قم با الواجب يا خلفهم .

- الطبيب تسبب على شايبنا .. يبي يروح شهر ها الصيام ، إبتكار تواقيع .


أخيرآ

الموهوب .. خشم الحصان ........ ألف ألف مبروك .

[ابوطارق]

مبروك خشم الحصان
ويازين دعاك رحم الله والديك

[ريف النشاما]

مبروك ياخالي ابو جراح التوقيع

أجل انت كنت طاير وقعت أشوى ياحيي

وتقطعه بالعافيه:)

وسلامتك

[صاروخ]

مبروك يا خشم الحصان على هذا التوقيع

وانا ما اشبهه الا بضلع عندنا فى بريده على الدائري الشرقي اول ما تدخل من طريق الرياض يجي على يمينك ......... لا وأسم الضلع معروف عندنا ب ( خشم على ) يعني كله خشم x خشم

على العموم الف مبروك

[نقا هشال]

هههههههههههههههه

الف مبروووووووووووووك

[الطبيب]

السلام عليكم ورحمة الله وبركاته

شف يا جد جد جد جد جد جد جد جد جد جد ............الخ جدي

الظاهر انك مظيع نظارتك ها اليومين

شف هذا توقيعك

سويت له تصغير بنفس الطريقه اللي وريتك اياها

والله انه طلع احسن من توقيعك اللي تقل جدار :)

شف الصوره هذي واحكم

وترا التصغير 90 % بس

http://www.mekshat.com/pix/upload/images6/mk810_khashmhsnp240.jpg


هذا والله اعلم

والسلام ختام

[laith]

السلام عليكم ورحمة الله وبركاته

مبروك .. مبروك يابو جراح على التوقيع ...

الله يعطيك خيره ويكفيك شره .. وهالله هالله في التوقيع عاد ... ارفق به واحرص عليه !:good:

بمعنى لاترزه بكل المواضيع ... موضوع ايه ........ وموضوع لا !:D

[خشم الحصان]

الاخوه الغالين
السلام عليكم
نحتري البقيه ولا اطب خذو راحتكم تطنزو ايييههه الله كريم نقش في الحجر والثاني جد جد جد جد والثالث خال
ماتقول خوا جنب العدو ياريف النشاما منيب صابر الوعد عند باب المدرسه عند الطلعه
راجع راجع
اخوكم
خشم الحصان:mad: :mad:

[مشغول]

هلا وغلا بك ابو محمد

بالمناسبة هذي برسلك الصور حقت كيف تستخدم الونش .. العام الماضي في الصمان :)

وبمعرفتك تنزل الموضوع :D

وخذ هذه هدية

http://www.mekshat.com/pix/upload/images6/mk3045_kashem.jpg

ارجو ان تعجبك .. بس وش قصة ابو جراح :rolleyes:

[راعي المدّى]

الفاتن .. الغالي ... اللذيذ خشم الحصان
ابو محمد
ياعساه مبارك وعليك يتبارك { عليك سعيد ومبارك .. وتوقيعك علينا يتبارك }.

صورة رائعة يابو محمد وكل عام وأنت بخير

أخوك :
راعي المدّى
ابوابراهيمsishay@hotmial.com

[الخيال]

مبرووووووووووووووووووك
مبروووووووووووووووووووك


مبرووووووووووووووووووك
مبروووووووووووووووووووك


ياخشم الحصــــــــــــــــــــــــــــان


بس ماعلا قة خشم الحصان بأبو جراح

وإنشاء اللة هذا الشهر الكريم خير عليك وعلى الأمة الأسلامية

[طيب الخوة]

الف مبررررررررررررررررررك اخوي خشم الحصان

وهذي اهداء
http://www.mekshat.com/pix/upload/images6/mk9671_horse.jpg

امل ان تنال رضاك

[هبوب]

يازين ريح الروض لافاح بين النفود وبين خشم الحصاني

[خشم الحصان]

الاخوه الغالي
السلام عليكم ورحمة الله وبركاته
اخواني ودي والله ارد عليكم كلبكم بس ماش كثرتو ويبس ريقي مع هالرمضانيه لاكن ان شاء الله ابحاول اني ارد ولو علي دفعات (صارت تقصيد سياره) بس لا تزعلون علي تكفون والمقصد انتم ععرفتوه هو المباركه
ومشكور كل شخص كتب او شارك او اهداء لي شي
اخوكم
خشم الحصان