المساعد الشخصي الرقمي

مشاهدة النسخة كاملة : من وده يجرب ارساله يوم الخميس الجاي ؟؟


راعي عنيزة
20/05/2002, 01:38 AM
سلامن عليكم

وش رايكم نجرب الارسال يوم الخميس القادم ما بين 9 -12 ليلا

حددوا الوقت المناسب والقناة المناسبه

ملاحظه : الي يرد يلتزم بالوقت مهب يواعد والا جت الصدقيه اشكل ;)
الخبير
20/05/2002, 01:58 AM
السلام عليكم
حيا الله راعي عنيزة ، يا اخوك وش تبي تراسل به ، انا الصراحة متحرك يعني ما عندك احد 100 كلم اذا كان الارسال غير طبيعي ، يعني يالله يالله دايركشن ، حتى الستيشن ما يجيبك ؟
راعي عنيزة
20/05/2002, 07:59 AM
هلا والله بالخبير
انشالله براسل بالدايركشن ولا تستهين بالسيار وانا اخوك خصوصا اذا صار تمركزك صح (يعني اختار ارفع نفود تقدر توصل له ويكون مجاله مفتوح من جميع الجهات بدون عوائق ) ويا حبذا بعد لو تشبك عليه امبي توب تيك 200 ابو 700 ريال مثل حق ابو فجر وباذن الله يوصل ارسالك
وان ما وصل عاد الشكوى لله يكفي انك تتراسل مع الموجودين في القناة وتجرب معاهم وابو فجر ما يقصر انشالله يبلغنا سلامك يا خلفهم
السمح
20/05/2002, 08:56 PM
:no: أنا ودي إني أعرف مثلكم .. ياحسرة ماش ما نيب يمكم .. لاتقول وش يدخلك ،،، ما أقدر أشوفك في موضوع ولا أدخل وأنثر شوي من اللقافة اللي أنت خابر ياخال ..
ياشيخ لو أطمع إني أبسمع صوتك النثري لأشتري أمبلفاير بـ 1400 مهوب 700 :D ( إيه هين )
ومع ذلك أبدخل وأسلم على أبوفجر وأقول له بلغ سلامي لكل الموجودين .. بااااي
راعي عنيزة
21/05/2002, 12:32 AM
يا شيخ لا تحدني ابيع الوايت وانقل للرياض واقدم على وظيفة مستشار بالديوان واشتري الارض الي قدام بيتك واطق فيها عماره 7طعشر دور واحط فوقها اطلق اريل عشان نسمع صوتك النثري :p :D :p
راعي عنيزة
22/05/2002, 07:31 AM
بعد اذن ابو سليمان (شقران) يكون التجمع على مكتبه 146050 في تمام الساعه العاشرة مساء والغايب يعلم الحاضر او هي العكس :D
شقران
22/05/2002, 07:14 PM
ياهلا والله ومرحبا ارحبو ارحبو يالله انتحييهم.

ان متواجد من يوم الربوع بعد 10 والخميس بعد تسعه والجمعه بعد تسعه نبا نخليها صباحية انشاء الله.

تحياتي
خوي راعي كيف
22/05/2002, 07:55 PM
تراني معكو يالربع وماجود ف الوقت المحدد ولو ان الارسال الله بالخير بس الجود من الماجود :(

لو مايجي الا نسمع :D ((( شين الحلايا ))) هو اقرب واحد لي

والله اعالم اني ادور ارفع محل بالديرة وادفن غيري بالارسال ;)
راعي عنيزة
22/05/2002, 09:36 PM
شقران #
الله يحييك في مكتبك :D
مشالله شكلك ذي الايام 24 ساعه مراسلات
ايه يبا شعلييييييك يحق لك الجو فاتح ومنفتحة نفسك للمراسلات ;)

# خوي راعي كيف
نحتريك يالملحط لا تصيف :)
الهيثم
23/05/2002, 12:43 AM
السلام عليكم ورحمة الله وبركاته
أخي العزيز شقران أرجو التوجيه إلى الدوادمي حتى يتسنى لنا مراسلتكم بعد الغيبة الطويله ولك تحياتي
شقران
23/05/2002, 10:49 AM
هلا والله براعي الدوادمي والله الساعة المباركة وينكم يارجال وين السواح وين ابومحمد وش دعوه يالربع من زمان ماتطلعون يالغالي ليتك تبلغ ابومحمد وابومحمد يطلعون معك وابشر بعزك بنوجهلكم انشاء الله ياريحة هلي .

شقران