المساعد الشخصي الرقمي

مشاهدة النسخة كاملة : خبراء و عشاق الباثفندر >> ارجو الافادة


شاطيء السلّجة
06/11/2009, 02:52 PM
الاخوة عشاق و خبراء و ملاك الباثفاندر
تحية طيبة و بعد

إن شاء الله معزم اشتري باثفاندر جديد بإذن الله
و يا ليت تفيدونا في بعض النقاط :

1- الباثفاندر الجديد هل يجي القير عادي و الا كلو توماتيك ؟
2- بخصوص الدبل شفته عند واحد من الشباب بمفتاح ( مو قير )
هل يجي دبل قير و الا كلو زي كذا
و اذا كان زي كذا وش رايكم فيه ؟
يعني دبل ممتاز و الا مشي الحال ؟
3- وش الأنواع اللي يجي فيها ثلاجة ؟ و الا كلها بدون ثلاجة ؟

4- وش افضل مزاياه و اش عيوبه

5- وش النوع اللي تنصحوني فيه ؟




و شاكر و مقدر لكم افادتكم سلفاً




تحياتي
خالي الذيب
06/11/2009, 03:12 PM
السلام عليكم ورحمة الله


من ناحية القير انا عندي 2008 تماتيك وعايدي بنفس الوقت
الدبل كله يجي بمفتاح ولاشفنا مشاكل معي او مع الزملاء
الثلاجة نهائيا مافيه وهذا عيب
السيارة رائعة جددددددددا مع توفيق الله فهي سيارة سيدان بالخفه والسرعة والمناورة وبالصحاري خذ ولد وللعائلة رحابة مع ثلاث مراتب
العيوب حاجتين :
1 - تانكي البنزين صغير نوعا ما وتحتاج اكبر سعة اوتانكي احتياط
2 - كفرات شد البلد قاسية جدا وهاذي مقدور عليها
النصيحة لاتكثر المواصفات اهم شئ تكييف مركزي وقير تماتيك ومثبت سرعة والباقي زود ماله داعي


والله يعطيك من خيرة ويكفيك شرة هو ولاغيره
والله الموفق
شاطيء السلّجة
06/11/2009, 04:10 PM
هلا فيك اخوي
مشكور على المعلومات الرائعة
افهم من كلامك ان مافيه قير عادي ؟؟
لأني ارغب بالعادي مو التماتيك




تحياتي
ابوناصر426
06/11/2009, 05:34 PM
هلا فيك اخوي
مشكور على المعلومات الرائعة
افهم من كلامك ان مافيه قير عادي ؟؟
لأني ارغب بالعادي مو التماتيك




تحياتي

الباثفاندر الجديد مافيه قير عادي فيه قير توربنك مثل قير السفاري التماتيك، بس عندك الاكستيرا اخو الباثفاندر فيه قير عادي
لكن من واقع تجربة، القير التروبنك حق الباث قوي.
شاطيء السلّجة
07/11/2009, 01:41 AM
الباثفاندر الجديد مافيه قير عادي فيه قير توربنك مثل قير السفاري التماتيك، بس عندك الاكستيرا اخو الباثفاندر فيه قير عادي
لكن من واقع تجربة، القير التروبنك حق الباث قوي.

بيض الله وجهك اخوي ابو ناصر على الافادة ...



تحياتي
مرير الشوق
07/11/2009, 09:18 AM
اخوي القير يجي تماتيك وعادي حلوووو مرره استخدامه مثل الباترول

والدبل ازرار ...

وبصراحه اذا شريته ركب كفرات بالون ... يطلع الموتر شـــــــــــــــــــئ حلوو وسكبه

والله يوفقك
ابوناصر426
07/11/2009, 03:57 PM
اخوي القير يجي تماتيك وعادي حلوووو مرره استخدامه مثل الباترول

والدبل ازرار ...

وبصراحه اذا شريته ركب كفرات بالون ... يطلع الموتر شـــــــــــــــــــئ حلوو وسكبه

والله يوفقك

حيالله مرير الشوق
قبل كم يوم كنت بالثمامة و شفت باث 2008 مركب كفرات بالون، بصراحة الموتر طالع سكبه.
شاطيء السلّجة
08/11/2009, 12:28 AM
مرير الشوق
ابو ناصر
الف شكر على الافادة
يا ليت تشرحون وش تقصدون بكفرات بالون !؟




تحياتي