اشتريت باترول 2009 رقم 2 بس فيه ملاحظات ( مقطع فديو )

[bandrr]

السلام عليكم ورحمة الله

اشتريت باترول 2009 رقم 2 ( قولوا مبروك ) :) طبعا لاتحسبوني كاش تراه ايجار منتهي بالتهليك والشكوى لله :( والحمد لله الموتر ممتاز ومريح على الاخر ماشالله


المهم ودي اسئلكم كم سؤال لو سمحتم لي :

عن نظام الامان فيه لان اللي اعرفه في السيارات انك لو قفلت الابواب بالريموت مايفتح الا بالريموت ولو فتحته بالمفتاح على طول يشتغل صوت جرس الامان والتنبيه بس الي عندي عادي اقفله بريموت وافتحه بمفتاح ولاجاب خبر :mad:
مدري الباترول طريقته يجي بس ريموت فتح وقفل بدون امان والا فيه مشكله عندي ؟


وثانيا البانزين اي نوع يناسب له 91 والا 95 لاني سئلت بالوكالة وماحولك احد طبعا بعضهم قال عادي اي نوع والثاني قال 95 ومو متاكد عاد انا احتياط عبيت 95 وودي اتمنى ب 91 ارخص واوفر خصوصا للباترول وش رايكم ؟


وطبعا مافيه هزاز دوف لوك اقدر اركب فيه ؟؟؟؟ :rolleyes:



مقطع عن فوائد الدوف لوك في الباترول :

http://www.youtube.com/watch?v=9Zvvbt0Y6do&feature=player_embedded


http://www.youtube.com/watch?v=9Zvvbt0Y6do&feature=player_embedded

[ابو الكيف]

الف مبروك ... تكسره بالعافيه :d

بالنسبه للبنزين انصحك بـ 95 لانه اقوى عزم للموتر.

[bandrr]

الله يبارك فيك يااخوي وشكرا على النصيحه ... وبانتظار رأي وتجارب باقي الاخوة الكرام

[abu_nayf]

الله يعطيك خيرة ويكفيك شرة

وان شاء الله الاخوان مايقصرون معك

[bandrr]

اللهم امين ويجزاك خير اخوي

[أبووليد..]

الله يطعمك خيره ويكفيك شره ..
أنا معي مثل حقك مااعبيه إلا 91 وماشي ممتاز ولله الحمد ..
لكن الأفضل 95 ومابينهن شي من ناحيه العزم ..

والله يوفقك

[bandrr]

الله يجزاك خير يااخوي ولك بالمثل ويبارك لك

الصراحه فرق سعر البانزين ال 91 عن 95 كبير اشوي واحترت بين ودي اوفر وبعد ودي بالانسب للسيارة يعني لو طلع 95 الشكوى لله نصبر ونتحمل صرفية الباترول لاني حطيت 95 وفللته التانكيين ب حوالي 75 وعندي مشاوير كثيره يعني بيستهلك


يعني اللي جربوا 91 هل لاحظوا اي فرق ؟

[عاشق الفرعه]

الله يعطيك خيره ويكفيك شره

[كورابيكا]

يفيدونك الشباب


تقبل مروري

[ابوطاقية]

مبروك والله يطعمك من خيره ويكفيك شره
بالنسبه للبنزين 91 بالمدينه و95 اذا طلعت للبر

[التعـ King ـديل]

الف مبروك .. الله يطعمك من خيره ويكفيك شره

الموتر فيه امان .. لاتخاف بس تقدر تفتحه بالمفتاح الخاص وبالريموت لان هالحركه علشان لو تعطل الريموت ماتقعد بها

بالنسبه للبنزين 95 اقوى عزم وانظف للموتر ولا يصرف واجد مثل ال 91

بالنسبه للدف لوك منت محتاجه ماشاء الله تبارك الله الفتك مايحتاج الا دبل خفيف ونقص الهواء 25

[Riyadh City]

مبروك يالغالي والله يباركلك فيه

مالي خبرة بالبات لكن حبيت ابارك لك وتستاهله

[النيساني]

الله يعطيكـ من خيره ويكفيكـ شره
ومن واقع تجربه أخوي بندر الـ95 أزين للموتر وأنشط,

[ابوعمر الهذلي]

الف مبروك الموتر والله يعطيك من خيره ويكفيك من شره
بالنسبه للبنزين راجع الكتلوج وشوف ايش مكتوب فيه
احيانا يكتبون
91 95 leaded

[رياح الشرق1]

اقول اخوي مبروك الموتر با النسبه للبنزين صدقني ما في فرق با النسبه للاستهلاك لاني عندي في اكس ار 8 سلندر وما اعبيه الا اخضر لان الجيوب فيه توفير كبير بين الاحمر والاخضر با النسبه للسعر ومره عبيت احمر وسافرت 400 كيلو قلت خلني اشوف الفرق طلع نفس الصرف ما يفرق بشي ابدعن الخضر وبا النسبه للجودة الاخضر فهوممتاز ولا فيه اي مشاكل للسياره فقس عل سوريا ولبنان وهم سياراتهم بي ام وبنوراما ورنج وغيرها من السيارت الفخمه وبنزينهم اخس من الاخضر بمليون مره ويعبون منه ما بالك ببلد النفط المهم البانزين 91 ممتاز ويناسب جميع السيارات .......تحياتي

[abofahd55]

انا مع ابو وليد ميه بالميه

[محمد الجميلي]

ياأخ صاحب السفاري2 السلام عليكم

أولا مبروك والله يعطيك خيره ويكفيك شره

ثانيا أنا عندي سفاري 2 مديل 2008

مكتوب على غطا تانكي البنزين 91 من قبل الحمراني

وجربته ممتاز ولا به مشاكل

وثالثا بالنسبة للريموت كما ذكرت ليس به منبه

والديفولك الهزاز لا أعلم عنه شي وغير موجود عندي

ولك والأعضاء أرق تحية

[البوعينين99]

أولا ألف مبروك والله يبارك لك فيه

بخصوص الدفلك تقدر تركب دفلك من شركه ARB ممتاز وتقدر تركبه للدفرنسين - الامامي / الخلفي , لكن سعره غالي .


الله يجزاك خير يااخوي ولك بالمثل ويبارك لك

الصراحه فرق سعر البانزين ال 91 عن 95 كبير اشوي واحترت بين ودي اوفر وبعد ودي بالانسب للسيارة يعني لو طلع 95 الشكوى لله نصبر ونتحمل صرفية الباترول لاني حطيت 95 وفللته التانكيين ب حوالي 75 وعندي مشاوير كثيره يعني بيستهلك


يعني اللي جربوا 91 هل لاحظوا اي فرق ؟

طيب ؟ وش حاله الي يعبي تانكي واحد حجمه 80 لتر بـ80 ريال ؟ :D


الشكوى لله !

[راعي السيل]

اذا تبي تعرف كيف يشتغل تنبيه سرقة السيارة ، اترك نافذة السائق مفتوحة واطفئ السيارة وانزل منها وقفلها بالريموت ، ثم افتح القفل يدوياً من داخل السيارة (يعني كأنك كسرت قزازة السواق ودخلت يدك وفتحت القفل يدوياً) ، وان شاء الله يشتغل الانذار.

[أبووليد..]

الله يجزاك خير يااخوي ولك بالمثل ويبارك لك

الصراحه فرق سعر البانزين ال 91 عن 95 كبير اشوي واحترت بين ودي اوفر وبعد ودي بالانسب للسيارة يعني لو طلع 95 الشكوى لله نصبر ونتحمل صرفية الباترول لاني حطيت 95 وفللته التانكيين ب حوالي 75 وعندي مشاوير كثيره يعني بيستهلك


يعني اللي جربوا 91 هل لاحظوا اي فرق ؟

حياك الله أخوي ..
مافيه فرق إلا من ناحيه الدراهم وعلى حسب لحافك مد رجليك :D :D

95 للسيارات الحساسه وذات التقنيه العاليه (الألمانيه )...

[الشراري النبك]

يفيدونك الشباب


تقبل مروري

[التعـ King ـديل]

اقول اخوي مبروك الموتر با النسبه للبنزين صدقني ما في فرق با النسبه للاستهلاك لاني عندي في اكس ار 8 سلندر وما اعبيه الا اخضر لان الجيوب فيه توفير كبير بين الاحمر والاخضر با النسبه للسعر ومره عبيت احمر وسافرت 400 كيلو قلت خلني اشوف الفرق طلع نفس الصرف ما يفرق بشي ابدعن الخضر وبا النسبه للجودة الاخضر فهوممتاز ولا فيه اي مشاكل للسياره فقس عل سوريا ولبنان وهم سياراتهم بي ام وبنوراما ورنج وغيرها من السيارت الفخمه وبنزينهم اخس من الاخضر بمليون مره ويعبون منه ما بالك ببلد النفط المهم البانزين 91 ممتاز ويناسب جميع السيارات .......تحياتي

مع احترامي الشخصي لردك .. انا كنت اعبي 91 على باترول 97 وكنت اسافر الامارات واعبي فل من الخرج واذا وصلت لحرض لان فيه النص والمسافه بين الخرج وحرض 180 اذا قلنا 180×2= 360 كيلو

لمن عبيت الاحمر 95 من الخرج ومشيت للأمارات على نفس الموتر مشيت من الخرج لحد الحدود السعوديه الاماراتيه بدون توقف لافي حرض ولا في غيرها والحمدلله وصلت محطه سحاب والبنزين باقي فيه يمكن 3 ريال

المسافه من الخرج لحد محطه سحاب كالتالي من الخرج لحرض 180 + 265 لحد محطه سحاب = 445 كيلو - 360 كيلو = 65 كيلو فرق مع العلم اني لمن وصلت لمحطه سحاب في الموتر تقريبآ 6 لتر

[ابوسعد931]

الله يبارك لك فيما عطاك

[مدمن فتك]

الفتك ماشاء الله مايحتاج دفلك ابد

[bandrr]

عاشق الفرعه

كورابيكا


مشكورين على المرور نورتم

[bandrr]

مبروك والله يطعمك من خيره ويكفيك شره
بالنسبه للبنزين 91 بالمدينه و95 اذا طلعت للبر

الله يبارك فيك بس ماودي اخلط على الموتر اخاف يكون فيه تاثير

[bandrr]

الف مبروك .. الله يطعمك من خيره ويكفيك شره

الموتر فيه امان .. لاتخاف بس تقدر تفتحه بالمفتاح الخاص وبالريموت لان هالحركه علشان لو تعطل الريموت ماتقعد بها

بالنسبه للبنزين 95 اقوى عزم وانظف للموتر ولا يصرف واجد مثل ال 91

بالنسبه للدف لوك منت محتاجه ماشاء الله تبارك الله الفتك مايحتاج الا دبل خفيف ونقص الهواء 25

الله يبارك فيك يااخوي بس الصراحة تعجبت من الامان اللي فيه ماسمعت له صوت جرس والظاهر انه ريموت بس

ومشكور على نصايحك الحلوووه

[أبوزيد20006]

مبروك والله يعطيك خيره ويكفيك شره

[bandrr]

مبروك يالغالي والله يباركلك فيه

مالي خبرة بالبات لكن حبيت ابارك لك وتستاهله

ويبارك فيك ويرحم والدينا ووالديك

[bandrr]

الله يعطيكـ من خيره ويكفيكـ شره
ومن واقع تجربه أخوي بندر الـ95 أزين للموتر وأنشط,

الله يجزاك خير ونصيحتك على راسي

[bandrr]

الف مبروك الموتر والله يعطيك من خيره ويكفيك من شره
بالنسبه للبنزين راجع الكتلوج وشوف ايش مكتوب فيه
احيانا يكتبون
91 95 leaded

المشكلة غطاء البنزين مافي شي مكتوب عليه اخوي ابوعمر راجعت الكتالوج ولقيت مكتوب :

الوقود الموصى به :

محرك البنزين :

استخدام بنزين غير معالج بالرصاص ذورقم اوكتان 91 (ron ) اواعلى

تنبيه :

لاتستخدم البنزين المعالج بالرصاص ان استخدام البنزين المعالج بالرصاص سوف

يتلف المحول الحفار ثلاثي الاتجاهات

عاد طق وشو المحول الحفار ثلاثي الاتجاهات ووش قصدهم هم ينصحون بـ 91 والا يحذرون منه مافهمت شي :confused: :( :no2:

[سديراوي 13]

الوقود الموصى به :

محرك البنزين :

استخدام بنزين غير معالج بالرصاص ذورقم اوكتان 91 (ron ) اواعلى




السلام عليكم
حسب الكتالوج استخدام البنزين 91 مايضر الموتر ومناسب للسيارة
او اعلى يعني تبي تعبي بنزين 91 مافيه اي مشكله واذا انت حريص زياده عن اللزوم عب 95

وعلى البركه الموتر

[أبوياسر1]

عب 91 وما عليك...
أخواينا عسكر بالشمال معهم باترولات قديمة وجديده..
المحطه الي عندهم مابه إلا 91 وما يعبون إلا منه وماشيه مواترهم زي الحلاوة..

وبالنسبه لدفلك..
كود تفك الدفرنس الخلفي الوكالة وتسقطلك دفرنس عليه دفلك..وهذي شغلته شغله وما انصحك به..


تقبل تحيات اخوك أبوياسر ,,,

[الادعج]

اول شي الف مبروك على الفتك وتكسرة بالعالفية ان شاء الله
ام بالنسبه للدف لوك فنصيحتي خله على ماهو عليه لانك لازم تفك الدفرنس وتلعبه شوي ...وحرام موتر جديد تسويبه هالسواه

[بعيد الهقاوي9]

مبروك الموتر وبالنسبه للبنزين مافيه فرق لان السيارات الحديثه جميعها نصحونا
بستخدام ممتاز 91 ....وخلك ذكي لما تعبي

[kellahd]

اولا مبروك و نازلة عليك بالبركة

ثانيا : البنزين اذا انت صاحب سرعات عالية فعليك بالـ 95 ولو ما تعبي الا اذا اردت ان تسرع
اما اذا حدودك من الـ 130 و تحت فلا تفكر في الـ 95 عبي من الـ 91 و على طول

بارك الله فيك

[محمد الحمود]

انا اتوقع ان بنزين 95 افضل وانظف لموترك

[محمدالعريني]

على البركه الموتر الله يطعمك من خيره ويكفيك شره (ماشاءالله تبارك الله)

انا معي مثل موترك وما اعبي الا 91 وانا راعي سفريات وخطوط وسرعه والحمدالله مافيه الا العافيه واساسا تعليمات المصنع تنصح بال 91
والدعوى فيها توفير اكثر من 20 ريال في التانكيين وترا الدعوى شي نفسي ما يفرق ابد عن واقع تجربه

[صقراليمامة]

خلك على بنزين 95 لانه كان عندي سيارة كابريس 93 وكان ينتع ويطفي وانا ماشي يوم رحت للمهندس قال عب بنزين 95 وتعال بعد شهر وعبيت ولا عادرجعت له والموتر سلك وبالله التوفيق

[ابوعراده]

الله يبارك لك فيه وتراها مواتر مافيها كلام بس ابي اسألك
بكم اخذت السياره لأني ناوي وحده ومن وين وكم الأقساط والدفعات

[هويدي]

مبروك عليك الموتر الله يطعمك خيره ويكفيك شره

والله يقضي عنا وعنك والمسلمين الديون

عن نفسي كنت اعبي احمر وحولت للأخضر بعد الازمه الاقتاديه :)

بس لاحظت ان الموتر يخف عزمه واذا دعست بقوه يطقطق

لذلك صرت اعبي بالديره اخضر ولا بغيت النفود عبيت احمر

[ابوعمر الهذلي]

المشكلة غطاء البنزين مافي شي مكتوب عليه اخوي ابوعمر راجعت الكتالوج ولقيت مكتوب :

الوقود الموصى به :

محرك البنزين :

استخدام بنزين غير معالج بالرصاص ذورقم اوكتان 91 (ron ) اواعلى

تنبيه :

لاتستخدم البنزين المعالج بالرصاص ان استخدام البنزين المعالج بالرصاص سوف

يتلف المحول الحفار ثلاثي الاتجاهات

عاد طق وشو المحول الحفار ثلاثي الاتجاهات ووش قصدهم هم ينصحون بـ 91 والا يحذرون منه مافهمت شي :confused: :( :no2:

قصدهم يقبل النوعين 91 95

[4800VTC]

مبروك...يعطيك خيره ويكفيك شره
ما تنلام اخذتة كاش ولا تقصيد موتر يستاهل التعب من شانة

[bandrr]

مشكورين الله يجزاكم خير ويرحم ووالدينا ووالديكم الصراحة استفدت من تكرمكم بالردود والظاهر بستمر هالفترة على الـ 95 مدام الموتر ماكمل الالف كيلو

بالنسبة للي سئلوني عن طريقة اقساطه احب اقولكم اني كنت محتار بين التايوتا والنسيان رغم ان قلبي يرف للباترول

المهم رحت لوكالة جميل الرحمن خان لتايوتا اسئلهم عن عروض الايجار لمنتهي بالتهليك خصوصا الجي اكس ار 8 سلندر

قالوا التهليك عندنا من غيرنا هلك ومص الشعب واستغلهم غير جميل الرحمن خان وطقته :mad: المهم تدفع 54000 اربعة وخمسين الف مقدم وكل شهر 3300 ريال ويطلع عليك بحدود 264000 مائتين واربع وستين الف :eek: جد جنوووووووووووون واستغلال :mad: قلت لهم خلوهااااا تصدي وموديلها يعدي الله لايبارك لكم :good:

طلعت لنسيان قالوا عندنا عرض ايجار منتهي بالتمليك ( تصفيه على موديلات 2009 ) بدون مقدم بدون دفعة اولى على الباترول رقم 1 والباترول رقم 2

واخذت الباترول رقم 2 قير تماتيك ( طبعا سعره كاش 146000 ) بدون مقدم وبقسط شهري 2800 ريال ويطلع كامل بحدود 199000 والله يعين على قضاء الدين وتسهل باذن الله :good:

[المميـز]

ماشاء الله تبارك الله ... مبرووووك الموتر ... والله يعطيك خيره ويكفيك شره
خير ما اختررررررررت :good:

انصحك بالبنزين 95 والفرق 10 ريال بالفل

والاخوان ماقصروا معك بالردود الله يجزاهم خير