فرارات الدبل

[يوكن]

هل تركب فرارات دبل على يوكن 2001 وكم سعرها وش فايدتها ، ارجو من أهل الخبرة افادتي .

[هويدي]

سعرها 450 الى 500 عند السليماني وفايدتها تفصل الدفرنس الامامي

بحيث انه مايدور مع المشي بدبل او بدون دبل اذا صار على وضعيه 4×2

واليوكن اتوقع ما يركبله لانه عكوس قدام مو دفرنس

[البريدي]

الله العلم انه مايركب على اليوكن لان القير اوتوماتيك
اما بنسبه للعكوس الفرارات تركب على الاندكروزر وهو عكوس
وذلك لا يمنع من انك تمر السليماني

[salih100]

ما تركب على اليوكن لانها موجوده من الوكاله في الكرونه وهي عباره عن حساس لمى تشبك الدبل يشبك الدفرنس الامامي في العكوس ولمى تفك الدبل يفصل الكرونه عن العكوس وتلقها مثل دقمة السلف معلقه وسط الكرونه .,,,,,

[مغلي]

الظاهر انها ماتنفع لليوكن........ لأن اليوكن فيه فرارات كهرب مخفيه وممكن تشوفها لما تفك الكفر والهوب الامامي بتلاحض مثل الماسوره الصغيره خاشه في راس العكس وهالماسوره بلاستيك(لي) وشكلها يم الكبوت خارج منها سلك كهرب

[يوكن]

ما تركب على اليوكن لانها موجوده من الوكاله في الكرونه وهي عباره عن حساس لمى تشبك الدبل يشبك الدفرنس الامامي في العكوس ولمى تفك الدبل يفصل الكرونه عن العكوس وتلقها مثل دقمة السلف معلقه وسط الكرونه .,,,,,
الله يجزاك ألف خير كفيت وفيت ( طيب الشروكي 2000 تركب عليه وتقبل تحياتي )

[يوكن]

الظاهر انها ماتنفع لليوكن........ لأن اليوكن فيه فرارات كهرب مخفيه وممكن تشوفها لما تفك الكفر والهوب الامامي بتلاحض مثل الماسوره الصغيره خاشه في راس العكس وهالماسوره بلاستيك(لي) وشكلها يم الكبوت خارج منها سلك كهرب

معلومات جيدة مشاء الله عليك الله يجزاك خير اخوي تقبلو خالص الشكر والتقدير

[عاشق الدينالي]

مشكور اخوي ممكن أسأل إذا تركب على اليوكون الدينالي

[سوبر VTC]

حساس الكارونة الامامي يفصل العكوس و الكارونة عن بعض :good:

عند شبك الدبل الخفيف او الثقيل
يقوم الحساس بشبك الكاورنة مع العكوس
بدليل ارفع الموتر من الامام بعفريته
تلاحظ الكفر يدور بيدك :good:
عند شبك الدبل و السويتش مفتوح
طبعا الموتر مرفوع
راح يتوقف دوارن الكفر :good:
لان الحساس شبك العكوس مع الكارونة

موفق