تم ولله الحمد والشكر تركيب ياي استرالي للمفخره لاندكروزر 2008 [الأرشيف]

مشاهدة النسخة كاملة : تم ولله الحمد والشكر تركيب ياي استرالي للمفخره لاندكروزر 2008

خيال النفود

07/11/2009, 06:30 PM

بفضل من الله سبحانه وتعالى
تم التركيب بعد تعب وجهد وجهيد
ورشة مرات بصناعيه القديمه

بس المشكله اللي ضايقتني انه توهق في تركيب الياي الامامي
لانه اللي سمعت عنه الياي الامامي انه لازم مساعد خاص له
والمساعد الخاص للامامي سعره 1190 وغير متوفر بالرمايه حاليا
المهم قلت خل نجرب ونشوف وش راح يصير
وركب الخلفي بربع ساعه
وبهذلنا الامامي بهذله وجلست من الساعه عشر صباحا الي 3 الظهر
وأخر شي ظبط
المشكله بالظبط انه مو راضي يطبق الياي الاسترالي على مساعد الوكاله
وقالي بنسوي تسخين قلت الشكو لله سو تسخين
طبعا التسخين بس براس الياي عشان توسيعه فقط
وسخنه وركبه وطبق
ويوم ركبهم بالموتر وقسنا بالمتر طلع كل كفر له ارتفاع
وزاد الطين بله
وقلته شفلي حل
وقام فكهم كلهم من جديد وبدلهم وخل اليمين يسار واليمين يسار
وتحسن الوضع وصار الفرق بس مل 2 تقريبا
وبقت مشكله انه من قدام الكفرات الاماميه ملخبطه شوي
والسبب ان الموتر ارتفع
رحت للعضيب وسويت له وزن وظبط ولله الحمد
الصراحه تعب وقلق . واتوقع لو اني مركب المساعد الاسترالي كان ماصار اللي صار
والمشكله انه مخلص المساعد الخاص
قلت بنفسي خل نجرب ونشوف
التكلفه
ياي خلفي 650
امامي 550
شغل اليد 250
الوزن عند العضيب 150
اخليكم مع الصور

http://www.mekshat.com/vb/../pix/upload03/images131/mk12239_1x1.jpg

القديم والجديد خلفي

http://www.mekshat.com/vb/../pix/upload03/images131/mk12239_1x2.jpg

تركيب الخلفي

http://www.mekshat.com/vb/../pix/upload03/images131/mk12239_1x3.jpg

الامامي بعد الفك

http://www.mekshat.com/vb/../pix/upload03/images131/mk12239_1x4.jpg

طريقة التثبيت صراحه شغلانه

http://www.mekshat.com/vb/../pix/upload03/images131/mk12239_1x5.jpg

تسخين راس الياي للتوسيع فقط

http://www.mekshat.com/vb/../pix/upload03/images131/mk12239_1x6.jpg

عند العضيب

http://www.mekshat.com/vb/../pix/upload03/images131/mk12239_1x7.jpg

موتري قبل الرفع

http://www.mekshat.com/vb/../pix/upload03/images131/mk12239_1x8.jpg

هذا بعد الرفع مع العلم ان كفراتي ميشلان مو دنلوب وحجمه اصغر بشوي من الدنلوب
مبدائيا الرفعه زينه لاني بركب بالون 900 وان شاءلله راح يكون الارتفاع حلو

http://www.mekshat.com/vb/../pix/upload03/images131/mk12239_1x9.jpg

ارتفع وجه الموتر وفرق كبير عن اول

http://www.mekshat.com/vb/../pix/upload03/images131/mk12239_1x10.jpg

قبل هالتعديل الاخير لموتري كان نازل شوي من ورا وجه من قدام مرتفع اكثر
الحل رحت للورشة الرمايه عند للفريدو
والحمدلله بدلت عنده الياي الخلفي واللي كان مقاسه على كلامه 3 سم مو 2 سم
طبعا مشكلة فروع الرمايه كل شخص يعطيك حكي ولا يدرون عن المقاسات
اي واحد يبغى يتأكد من القطعه والمقاس يتصل على الفريدو ولا يمره بورشتهم اللي على امتداد طريق التخصصي عند ميد . ولا يكلم السوداني ياسر اللي بفرع التخصصي عزالله انه رجل وماقصر معي
بدل لي الياي وكنت مستخدمه ثلاث ايام ورجعته وركبت مقاس 4 سم وصار موتري روعه ورفعته حلوه بالحيل ولله الحمد . طبعا باقي بركب كفرات البالون ولا راح استعجل ابي الي نهاية هالشهر ان شاءلله

هذا عطي الله الياي الاسترالي وعزالله انه عز
http://up4.m5zn.com/9bjndthcm6y53q1w0kvpz47xgs82rf/2009/10/18/06/l7nby2tnm.jpg (http://up4.m5zn.com/9bjndthcm6y53q1w0kvpz47xgs82rf/2009/10/18/06/l7nby2tnm.jpg)

وهذا الرقم حق الامامي والخلفي طبعا الخلفي رقمه 721 والامامي 700
وأهم شي اي احد يبغى يشريه يتأكد من هلارقام هذي
الامامي ارتفاعه 2.50 سم
والخلفي 4 سم
يعطيك خلطه حلوه ورفعه مناسبه للجلد والنفود

http://up4.m5zn.com/9bjndthcm6y53q1w0kvpz47xgs82rf/2009/10/18/06/jn90cg0xb.jpg (http://up4.m5zn.com/9bjndthcm6y53q1w0kvpz47xgs82rf/2009/10/18/06/jn90cg0xb.jpg)

وهذا موتري بعد الرفعه وحطيت لكم اكثر من صوره عشان تشوفون الموتر مع كل زاويه

http://up4.m5zn.com/9bjndthcm6y53q1w0kvpz47xgs82rf/2009/10/18/06/r6i0n3abh.jpg (http://up4.m5zn.com/9bjndthcm6y53q1w0kvpz47xgs82rf/2009/10/18/06/r6i0n3abh.jpg)

http://up4.m5zn.com/9bjndthcm6y53q1w0kvpz47xgs82rf/2009/10/18/06/q8kaloil9.jpg (http://up4.m5zn.com/9bjndthcm6y53q1w0kvpz47xgs82rf/2009/10/18/06/q8kaloil9.jpg)

تم التعديل بواسطة سوبر VTC

خيال النفود

07/11/2009, 06:41 PM

اعذروني اول الصور ماطلعو مادري ليه

وترا المقصد كله من هالموضوع ابي يستفيد الكل البعيد والقريب
وعشان تسهل على كل شخص اذ جاء يفكر يركب ياي .وبدون مايروح يتعب ويدور ويسأل الورش.
وألاهم عندي انكم ماتنسونا من دعوه صالحه
وهذا كل اللي ابيه

ابو عود

07/11/2009, 06:46 PM

ليش ما ركبته عند الرمايه وريحت راسك من الورش وخرابيطهم

ابو يمن يتفلسف عليك وهو ماعنده سالفه

خيال النفود

07/11/2009, 07:03 PM

ليش ما ركبته عند الرمايه وريحت راسك من الورش وخرابيطهم

ابو يمن يتفلسف عليك وهو ماعنده سالفه

عزيزي الرمايه ماعندهم تركيب لياي الامامي
على كلامهم وكلام اللفريدو وياسر انه مايقدرون يركبون الياي الامامي
والخلفي سهل تركيبه وبعشر دقايق يركبه اللفريدو بس الامامي مايقدرون
عشان كذا اطريت اركبه بورشه
اتمنى انه وصلت المعلومه

خالد030

07/11/2009, 08:54 PM

ماشاء الله تبارك الله ............

خيال النفود

08/11/2009, 05:44 AM

ماشاء الله تبارك الله ............

ياهلا وغلااااااااااااا
وشكرا على مرورك يالغالي

البوعينين99

08/11/2009, 06:22 AM

ماشاء الله تبارك الله .

ماقصرت على الموضوع , الحين الي يبي يركب مساعدات أستراليه للـ2008 عنده كل العملومات الي يبي

موسم الخير

08/11/2009, 06:48 AM

مبروك اخوي ماشاء الله يعطيك خيره ويكفيك شره

هويدي

08/11/2009, 07:12 AM

ماشاء الله الف مبروك

مع البالون بيطلع كلام ثاني ـ كل ماتأخرت بتركيبهن بيرفعون اسعارهن حسبي الله عليهم

بالتوفيق يالغالي

ســـرحـــان

08/11/2009, 11:27 AM

تقرير طيب .... مشكور ويعطيك خيره ويكفيك شره ...

خيال النفود

08/11/2009, 03:03 PM

ماشاء الله تبارك الله .

ماقصرت على الموضوع , الحين الي يبي يركب مساعدات أستراليه للـ2008 عنده كل العملومات الي يبي

ياهلا وغلا
ومشكور وماقصرت

خيال النفود

08/11/2009, 05:19 PM

ماشاء الله الف مبروك

مع البالون بيطلع كلام ثاني ـ كل ماتأخرت بتركيبهن بيرفعون اسعارهن حسبي الله عليهم

بالتوفيق يالغالي

عشان كذا انا استعجلت فيهم وترا مركب تقريبا قبل ثلاث اسابيع
وصراحه طلع الموتر من احسن مايكون وبطعوس ماخذ هم انه يصفق وجه الموتر
حتى ارتحت وصرت ماخاف على الونش
لانه قبل لا اركب الياي اذ جيت بطلع طلعات طويله يصفق الصدام والونش بالطعس
بس الحين ولله الحمد ارتفع الموتر وصار تمام التمام حتى الراحه روعه
صح ان مطبه شوي قاسي بس مريح موتري ومريحني
الف شكر على مرورك اخوي

ابوطاقية

08/11/2009, 05:39 PM

ماشاء الله تبارك الله
عندي سؤال فني
بالنسبه لمساعد الوكاله ماينفقع بعد مده بعد ماطال عليه الياي؟

ابن دهيمان

08/11/2009, 05:52 PM

معليش وش فايدة الـ ياي الإسترالي؟؟؟

خيال النفود

08/11/2009, 05:56 PM

ماشاء الله تبارك الله
عندي سؤال فني
بالنسبه لمساعد الوكاله ماينفقع بعد مده بعد ماطال عليه الياي؟

ولله اني مادري يالغالي
الموتر جديد وتوه ماتضح قدام الناس وش المشاكل اللي تصير فيه
وبنسبه للمساعدات حتى لو انفقعت ماعندك مشكله سعرهم رخيص ومتوفره 190 ريال
اشكرك على مرورك الكريم

ساير22

08/11/2009, 06:06 PM

الله يبارك لك
طيب أخوي وش حسيت أنه تغير في قيادة الموتر ؟
وشكرا

ابوجود2009

08/11/2009, 06:08 PM

الضاحي

08/11/2009, 08:21 PM

مشكور اخوي على التقرير الحلو

بعد اذنك هذي الصور اللي حطيت روابطها في موضوعك

http://www.mekshat.com/pix/upload03/images131/mk12239_1x1.jpg

.....

http://www.mekshat.com/pix/upload03/images131/mk12239_1x2.jpg

.....

http://www.mekshat.com/pix/upload03/images131/mk12239_1x3.jpg

.....

http://www.mekshat.com/pix/upload03/images131/mk12239_1x4.jpg

.....

http://www.mekshat.com/pix/upload03/images131/mk12239_1x5.jpg

.....

http://www.mekshat.com/pix/upload03/images131/mk12239_1x6.jpg

.....

http://www.mekshat.com/pix/upload03/images131/mk12239_1x7.jpg

.....

http://www.mekshat.com/pix/upload03/images131/mk12239_1x8.jpg

.....

http://www.mekshat.com/pix/upload03/images131/mk12239_1x9.jpg

.....

http://www.mekshat.com/pix/upload03/images131/mk12239_1x10.jpg

تقبل مودتي وسلامي
.

باترول03

08/11/2009, 09:25 PM

يعطيك العافية

سوبر VTC

08/11/2009, 09:55 PM

معليش وش فايدة الـ ياي الإسترالي؟؟؟

فائدته
يخلي الموتر راسي
لان الياي يركب لسيارات الرالي الصحروايه
يمسك توازن الموتر
خصوصا اهل الطير و القنص
و اللي عنده تانكي ماء و عزبه...الخ
يركب استرالي لان اعرض من حق البلد
يعني مهما حملت بالموتر ما ينزل من ورا
الاسترالي يجي 3 مقاسات
الافضل الوسط مهب لين و لا عضل
يجي بعده رقم 1 لين شوي
اذا حبيت ترفع موترك
تقدر تركب كعكات ارخص من الياي يكلفن حول 200ريال

سوبر VTC

08/11/2009, 09:59 PM

للفائدة

هذا موضوع بتاريخ 2005

السلام عليكم ورحمة الله وبركاته
اخواني اعضاء وزوار مكشات الكرام كثر الكلام والطلب والاستفسار عن طريقة رفع سيارات الدفع الرباعي بعد التحميل اثناء الرحلات وخاصه الصوالين نيسان او تويوتا ولا يهون اليوكون وغيره وخاصه اذا تم تركيب تانكي ماء بالسياره وبما ان اخوكم لديه نفس المشكله وصابر عليها لكن هالسنه نزلت سيارتي جداً طبعا تويوتا 2001

وبعد تسألات واخذ الاراء من المعارف والاصدقاء والاعضاء بمكشات
البعض يقول البالاونات ممتازه والبعض يقول تنفقع اثناء المطامر والسواقه الدفشه بالبر للي مثلي :D وتحتاج انفخ نسم البلونات وغاليه السعر كذلك وبناء على ذلك
استقر الامر ان يكون رفع السياره عن طريق تركيب اليايات الاستراليه رقم 863 او مقاس 400 علما انها تبداء من مقاس 200 و 400 و 600 حسب الارتفاع المطلوب للسياره ونوعها وانا قلت خير الامور اوسطها
واليكم بعض التفاصيل المصوره عن اليايات الاستراليه وبما اني اذا بديت الحربثه بالسياره ما اوقف غيرت مساعدات جديده اللي هي مينورو امريكي صناعة امريكيه

اولا
اليايات الاستراليه مقاس 400 ورقم 863 وقيمتها 495 ريال لجميع المقاسات لدى الرمايه

الصوره الاولى
الياي اسمه وشكله ومواصفاته

http://www.mekshat.com/vb/../pix/upload/images11/mk3016_mesaadaat6.jpg

من زاويه اخرى

http://www.mekshat.com/vb/../pix/upload/images11/mk3016_msaadaa3.jpg

صورة الياي وهو مركب بالسياره ويتضح حجمه مقارنه مع شد البلد بالصوره التى بعدها

http://www.mekshat.com/vb/../pix/upload/images11/mk3016_mesaadaat8.jpg

وهذه صورة ياي الوكاله فرق في سمك الياي

http://www.mekshat.com/vb/../pix/upload/images11/mk3016_mesaadaat10.jpg

وهكذا اصبح شكل الموتر بعد الرفع ويقال ممن استخدمه انه ينزل من 3 الى 5 سم بعد فتره من الاستخدام وكذلك البعض يقص منه عشان ما ترتفع السياره بهذا الشكل (لكن بعد فتره يلين وتنزل السياره اكثر من اللازم وهذا السبب الذي منعني من القص )ويمكن اقصها لاحقا بعد التجربه ) نظراً لكثر مطامري بالبران (صحيح انه مرتفع شوي لكن الوعد الحموله وكثر المطامر وكذلك مااذكر ان تانكي الماء صار فاضي بالديره او خارجها )
وللمعلوميه تم رفع وجه السياره قليلاً من اجل التوازن والشكل الخارجي للسياره

معلومه ::اليايات الموجده بالسوق حاليا تختلف عن القديمه من ناحية الليونه القديمه اقسى من الجديده حسب كلام اللي جربوا الاثنين

http://www.mekshat.com/vb/../pix/upload/images11/mk3016_mesaadaat9.jpg

ثانيا

المساعدات
كذلك اختلفت الاراء البعض يقول شد البلد افضل والبعض الاخر يمدح مساعدات مينورو الامريكيه وهي افضل بكثير من مساعدات جبريل القديمه وتم اختيارها وتركيبها وهي تأتي اماميه وخلفيه لكن انا ركبت الخلفيه حاليا لان الاماميه باقي فيها عمر وبعد التجربه نشوف

معلومات عن مساعدات مينورو الامريكيه ومواصفاتها وانا شخصيا اول مره اشوفها واسمع عنها

الاولى يتبين انها مخصصه لسيارات الدفع الرباعي

http://www.mekshat.com/vb/../pix/upload/images11/mk3016_mesaadaat1.jpg

معلومات عنها وياتي منها انواع كما هو موضوح بالبروشور المرفق لكل انواع السيارات لكن الوكيل يقول ان فيه نوع اضعف ووقفو بيعه ولآن ينصح بالنوع اللي هو رفلكس reflax للتويوتا بالذات وضمانه سنه من الوكيل وقيمته 150 ريال للواحد ووجدت كم واحد يمدحه ويأتي كذلك للنيسان الباترول لونه اصفر

http://www.mekshat.com/vb/../pix/upload/images11/mk3016_mesaadaat7.jpg

شكل المساعد مونورو نوع رفلكس ويتضح بالصوره التاليه مقاسه مع مساعد شد البلد مشابه له كثيراً من ناحية الحجم

http://www.mekshat.com/vb/../pix/upload/images11/mk3016_mesaadaat4.jpg

مقارنه بين القديم والجديد شكلا

http://www.mekshat.com/vb/../pix/upload/images11/mk3016_mesaadaat5.jpg

هذا مالدي وامل ان اكون اضفت شيء للفائده

والسلام

المترو ابو ناصر
http://www.mekshat.com/vb/images/misc/progress.gif

على هذا الرابط

اليايات الاستراليه بالصور لرفع الجيوب ومساعدات مينورو الامريكيه لحفظ التوازن (http://www.mekshat.com/vb/showthread.php?t=37227) ‏

خيال النفود

09/11/2009, 01:35 PM

الله يبارك لك
طيب أخوي وش حسيت أنه تغير في قيادة الموتر ؟
وشكرا

ياهلا ومرحبا
حسيت ان الموتر متماسك
وبالجلد عز ورساوه وراحه
وحسيت اني مافي امل افكهم لأنهم ريحوني
طبعا هالكلام بس للحقين البر والنفود
ام حقين الديره ماراح يصلح لهم

خيال النفود

09/11/2009, 01:44 PM

السلام عليكم اخوي
انا معي جي 2009 مركب ياي خلفي لاكن كلمت ورشه الدفع الرباعي اللي في ام الحمام قبل مستشفى العيون بالرياض على اليمين وانت جاي من التخصصي قالي لازم تغير المساعد قيمه الواحد 800ريال عشات تركب ياي امامي

وانت الصادق سعره 1190
ورتا لون الكرتون حقه ابيض
واخر علمي فيه انه ماوصلهم شي وخلصت الدفعه اللي عندهم
اذ تبي العلم الاكيد مر على اللفريدو وراح يقولك فيه عنده ولا لا
انا قالو لي كذا لازم المساعد وكلامهم صحيح
عشان كذا اطريت اني اسخن الياي من الطرف عشان يتوسع ويطبق عليه المساعد حق الوكاله
وطبق وظبط ولله الحمد
ووفرت على نفسي 1190 ريال ولله الحمد
والحين مركبهم على موتري لي 3 اسابيع تقريبا وكل شي تمام التمام ولله الحمد والشكر
وطلعت فيه للنفود اربع مرات
صراحه وبكل صدق انك ماودك تنزل عن الموتر
لا يحك وجه ابد ابد
ا

خيال النفود

09/11/2009, 01:46 PM

خيال النفود

09/11/2009, 01:48 PM

فائدته

يخلي الموتر راسي
لان الياي يركب لسيارات الرالي الصحروايه
يمسك توازن الموتر
خصوصا اهل الطير و القنص
و اللي عنده تانكي ماء و عزبه...الخ
يركب استرالي لان اعرض من حق البلد
يعني مهما حملت بالموتر ما ينزل من ورا
الاسترالي يجي 3 مقاسات
الافضل الوسط مهب لين و لا عضل
يجي بعده رقم 1 لين شوي
اذا حبيت ترفع موترك
تقدر تركب كعكات ارخص من الياي يكلفن حول 200ريال

الله يجزاك الف الف الف خير
على تعديل موضوعي وأظهار الصور
وبيض الله وجهك وجزاك الله الجنه
ومأقصرت اخوي شاكر ومقدر

عريان

09/11/2009, 01:53 PM

ماشاء الله عليه كذا سكبه الله يكفيك شره

alanaziB52

09/11/2009, 02:06 PM

مشاء الله تبارك الله

الله عطيك خيره ويكفيك شره

شامخ ألهيلا

09/11/2009, 03:28 PM

خيال النفود

09/11/2009, 03:43 PM

ماشاء الله تبارك الله الله يعطيك خيرة يارب ويكفيك شره
اخوي الياي الامامي كم كلفك شغل يد لان المساعد داخل فيه ويغلون سعره الصناعيه حسب كلام اخوي

انا ركبت خلفي لموتري 2002 جي اكس عند الدفع الرباعي ب 650 ريال
كل نفس الشعر عند الرمايه

هلابك اخوي
الامامي والخلفي تركيب 250 ريال
والوزن عند العضيب 150 ريال
هذا طبعا غير سعر الياي
وانا كاتب لكم التفاصيل بأول موضوع
طبعا احسن ورشه ورشة مرات
اللي بصناعيه القديمه وذا ييبي يروح يروح بدري لهم لانه دايم زحمه عندهم وهذا رقم ابو علي صاحب الورشه
دق وتفاهم معه
وذا قالك سعر اكثر قله انه خويي ابو بندر مركب عندكم 250 ريال
0506436883 ابو علي

خيال النفود

09/11/2009, 08:55 PM

ماشاء الله عليه كذا سكبه الله يكفيك شره

الله يعطيك العافيه ويجزاك خير
والف شكر على مرورك

ابوناصر426

09/11/2009, 09:41 PM

ماشاء الله تبارك الله
شغل حلو
بس ودي انبهك لنقطة مهمة

الياي والمساعدات الاسترالية تلغي ضمان السيارة

هذا الكلام قاله لي احد الاصدقاء

أبوزيد20006

09/11/2009, 10:10 PM

ماشاء الله تبارك الله ............

خيال النفود

10/11/2009, 01:30 PM

ماشاء الله تبارك الله
شغل حلو
بس ودي انبهك لنقطة مهمة

الياي والمساعدات الاسترالية تلغي ضمان السيارة

هذا الكلام قاله لي احد الاصدقاء

ياهلا وغلا اخوي
بنسبه للضمان اانا موتري من اليحي وماعليه ضمان
وحتى لو هو من ابو جميل وعليه ضمان غيرتهم وحطيت استرالي
الضامن الله سبحانه وتعالى
أهم شي كل بعد شهر شيك على الموتر من الصدام للصدام وأنشالله ماعندك مشكله
وموتري سته سلندر وقير عادي مافيه اي تتعقيد ولله الحمد
وغير انه سبب هالرفعه والتعديل كله عشان حماية موتري من الطعوس والبطانيج
وألف الف شكر لك اخوي على هالنصيحه

فهد550

10/11/2009, 01:54 PM

مبروك اخوي ماشاء الله يعطيك خيره ويكفيك شره

نفود الطوقي

10/11/2009, 01:58 PM

الله يعطيك العافية

خيال النفود

10/11/2009, 05:01 PM

ماشاء الله تبارك الله ............

شكرا على مرورك

محمد-الرس

10/11/2009, 05:29 PM

ماشاء الله=-=-=-=-=-=-

طرد الهوى

10/11/2009, 06:19 PM

ماشاء الله الموتر ارتفاعه زين الله يعطيك خيره ويكفيك شره

بدوي جنوبي

10/11/2009, 09:21 PM

ما شاء الله شغل عدل
تم تقييم الموضوع

بالتوفيق

المميـز

10/11/2009, 10:24 PM

خيال النفود

11/11/2009, 04:58 PM

ماشاء الله تبارك الله ... الله يعطيك خيره ويكفيك شره

الموتر طلع نصبه ومع البالون يبي يطلع أنصب :good:

مايعيب رفعة الموتر من وراء إلا الحره اللي تطلع بالعمود :(

ألف شكر لك اخوي على الموضوع الرائع :good:

وننتظر جديدك ...

الف شكر لك اخوي
بس مافهمت عليك بالحره اللي تطلع بالعامود
قصدك عامود الكردان تطلع فيه حراره ولا كيف ااخوي ؟؟؟

خيال النفود

11/11/2009, 05:26 PM

ماشاء الله الموتر ارتفاعه زين الله يعطيك خيره ويكفيك شره

الف الف شكر لك اخوي
والف شكر على كل من مر على موضوعي

خيال النفود

11/11/2009, 06:42 PM

ما شاء الله شغل عدل
تم تقييم الموضوع

بالتوفيق
الله يعطيك العافيه
والتقيم مرورك الكريم
وألف شكر لك أخوي

خيال النفود

11/11/2009, 09:35 PM

الله يعطيك العافية

يعافيك ربي وشكرا على مرورك

الجندي2005

11/11/2009, 10:24 PM

الله يعطيك من خيرة ،،،،،،،،،،،،،،،،،،،،،،،

ما قصرت يالذيب ،،،،،،،،،،،،،،،،،،،،،،،،،،،،،،،،،،،،

معاذ الخنيني

11/11/2009, 10:33 PM

ماشاء الله
تبارك الله
جزاك الله خير

خيال النفود

11/11/2009, 10:40 PM

الله يعطيك من خيرة ،،،،،،،،،،،،،،،،،،،،،،،

ما قصرت يالذيب ،،،،،،،،،،،،،،،،،،،،،،،،،،،،،،،،،،،،

ألف شكر لك ياذيب
يعافيك ربي

خيال النفود

11/11/2009, 10:54 PM

مكرر بالغلط

عاشق دفرنسين

16/11/2009, 11:31 AM

فيصل التميمي

16/11/2009, 01:11 PM

ماشاء الله تبارك الله الله يطعمك خيره ويكفيك شرة توء ماظبط المفخرة

خيال النفود

16/11/2009, 01:28 PM

الله يعطيك العااافيه طيب اخوي السعر 550ريال للخلفي وانا سيارتي 2006 طبعا الامامي وزن اتوقع مسمار بس ال550ريال للواحد او الثنين ياليت تفيدني اخوي انتظر ردك
الله يعطيك العااافيه لاهنت

هلا ومرحبا اخوي
انت موضوعك سهل
تركب بس ياي خلفي وسعره 550 على ماعتقد طبعا هالسعر حق قطعتين ياي
بس ركب عند اللفريدو تبع ورشة الرمايه
وتراني حاط رقمه ومكانه بالموضوع حق تركيب الياي
وشكرا على المرور اخوي

صقراليمامة

16/11/2009, 02:50 PM

شغل سنع وشكرا

الباحث_6610

16/11/2009, 05:39 PM

الله يعطيك العافية على الموضوع
وصراحة افادتنا الصور ومشكووووووور يالغالي:good2:

هارون97

18/11/2009, 02:02 PM

شرينا الياي خلفي من الرمايه 721 التركيب اليوم انشاءالله العصر مشكور للزملاء جميعاً وخاصه خيال المفخرة

Q-قطر-Q

18/11/2009, 02:04 PM

ماشاء الله تبارك الله

صقرحايل

18/11/2009, 02:04 PM

ماشاءالله تبارك الله
والله يعطيك العافيه

خيال النفود

23/01/2010, 09:44 AM

شرينا الياي خلفي من الرمايه 721 التركيب اليوم انشاءالله العصر مشكور للزملاء جميعاً وخاصه خيال المفخرة

مشاءلله تبارك الله وهذا احسن مقاس بس يبغالك تركب امامي بعد عشان يرتفع من قدام وياليت تتحفنا بالصور وبالتفاصيل

سيف الظفير

23/01/2010, 10:17 AM

واااااااااافي

خيال النفود

30/01/2010, 02:18 PM

ماشاءالله تبارك الله
والله يعطيك العافيه

الله يسلمك وشكرا على المرور اخوي

هاوي البر

30/01/2010, 02:22 PM

مشاء الله تبارك

العاذر

30/01/2010, 03:59 PM

والله حرام سياره جديده وتتعبث فيها لوه موتري دخلته غرفة النوم والله كا رثه من جد:mad: