ديماكس أم ددسن دفرنسين

[سامي بن سعد]

السلام عليكم
أحب أخذ رأي أخواني اهل الخبرة
انا محتار بين ديماكس دفرنسين قير عادي أو ددسن دفرنسين قير عادي
الرجاء المساعدة

[التعـ King ـديل]

الددسن ارخص قطع لكن يقولون ان الديماكس قوي بالنفود

مع اني اشوف ان الددسن ماينقصه شي غير سواق ماهر

والله يعينك على متعصبين التويوتا اصبر وبينقز لك واحد يقول الهلي والهلي

تقبل مروري

[سامي بن سعد]

شكرا ياملك التعديل
وننتظر مشاركات لاعضاء

[Nasser-ahah]

ولله أنا من رأي تاخذ لك D-Max تيربو 3.0 سي سي 138 حصان
دفرنسين جير عادي جنط 17 قزاز كهرب قفل مركزي وكل هذا بـ77 ألف ريال جديدة عداد أصفار

[Nasser-ahah]

لكن ميزه الهلي ما يطيح سعره عند البيع ويكد ويمد هي السيارة الإولى اللي تحمل الكد والمد

[VXR.2007]

http://www.mekshat.com/vb/showthread.php?t=229098


طرمبة الديز غالية

[Nasser-ahah]

http://www.mekshat.com/vb/showthread.php?t=229098


طرمبة الديز غالية


هذا ياخوي تلقاه ما عمره غير فلتر الديزل
فا تراكم التراب بالطرمبة لين خربت

[كنق القمري]

عليك باالدماكس كد ومد اقوى مافيه محركاته بس فيه عيب الدبل يعاكس اذاكان استعما له باالعفرته اسئل مجرب يتحمل الجور والمكده ولا يعاكس معك ابدا

[ابوطاقية]

ابعد عن الطرمبه الاكترونيه
وعلى فكره ترى فيه واحد عارض متسبوشي ديزل غمارتين دبل جديده جايها شوي برد وسعرها مناسب اعتقد 50 الف

[سامي بن سعد]

شكرا يا اخوان
بس ما ادري بالنسبة للبيع بعد الاستعمال هل الديماكس يشد قيمته ؟؟؟؟؟؟

[تربو]

شكرا يا اخوان
بس ما ادري بالنسبة للبيع بعد الاستعمال هل الديماكس يشد قيمته ؟؟؟؟؟؟

غالب السيارات الديزل يطيح سعرة بعد الاستعمال والدليل شف اسعارهن بالمعارض

[سامي بن سعد]

طيب بالنسبة للقوة والتحمل

[شامخ ألهيلا]

انحش عن الديماكس وخل بينك وبينها مسافااااااااااااااااااااااااااااااات
قطع غيااااااااااار نااااار
صيااانه نااادر احد يعرف لها
قطع الغيار ماتلقاااها الا في محلات معينه

ام عزيز وووووووبس
السعر للدسن متمااسك
ماتبحل فيه عند البيع الكل يبي يشتري
سلعة سريعة البيع في المعارض
الصياانه اللكل يعرف لها
قطع الغيااار في البقاله والقرى والخطوط السريعه
الاكسسورات متووفره

[فتى التويم]

والله وانا اخوك كنت مثلك محتار بين الديماكس والددسن الدبل

يعيب الديماكس انه ديزل وان الدبل زرار

ويعيب الددسن ان المرتبه الخلفيه دمااااااار وعزمه مهوب اللي انت تبي


فلذلك اخترت الددسن لانه اول شي شيك في مخباك

وان صيانته بسيطه وقطعه متوفره

ولله الحمد ماشتكيت منه ابد ابد


والامر لك

[مركزالعبد]

الددسن

نصيحة اخ والله

عليك بالددسن ،، وماتندم ابد ان شاء الله

يكفيك بالايسوزو قربعة صوت المكينه + قيمة طرمبة الديزل لو خربت عليك

يبي لك تخلي الربع يقطون معك

[ابن حلاسه]

مع ابو نسب ديماكس 2005 والرجال محافظ جدا ع الموتر وسواقته راكده وتقول شايب

خرب عليه الكمبيوتر حق السياره تحت المرتبه ولا حصله الا بالتشليح بـحول ال3000 الاف
والدبل اكثر من مره يعلق عليه واذا شبكة يعيي لا يفصل الا بالوكاله وجميع مكاين القزاز خربت عليه وصيانتها مكلفه الرجال تعب منها
وكان شاريها 78 الف فل كامل وباعها ب39 الف قبل سنه ونصف

عليك بام عزيز الددسن وش حليلها وذفه وحليوه وتمسك السعر واي عليمي يسوي لها صيانه والله يكتب لك الصالح

تقبل تحياتي ودمت بخير

[nomas1]

عليك بالنيفارا من نيسان تسابق الجيوب طبعا الدبل تجي ديزل اسئل مجرب ولا تساء طبيب اطلق من الديماكس تجيب طبلونها بسرعه ثبات الجيوب ومركب جيوب وسيعه ودبل قوي لا طوفك الديزل تيربوه والله انها قويهلابعد الحدود وا>ا لك بالانجليزي دش مواقع الاستراليه واقراء عنها

[الادعج]

عليك بام عزيز لامن الليالي غدن سود
ام عزيز لو تطيح من فوق جبل وتشغله تشتغل ماتقول:no2:
حبيبه الشعب الدتسن

[قناص خلاوي]

لو انا مكانك ما اخذت الا ددسن
صدق ان الديماكس فزة وراحة واقوى شوي
لكن الددسن فيه الصبر ومسك السعر وقلة الخرابات ورخص القطع بالنسبة للديماكس
وان طعت الشور خذ ددسن ديزل دفرنسين من 2004 وفوق
سعر الـ 2006 النظيف ببحر الـ 45 الف
وتراه اقوى عزم من الديماكس وصبور وزبونه قريب

[عاشق الشتاء]

هلي ولا ددسن انحش عن الديماكس عله

[رحال300]

تبي نصيحه اخ لائخيه انحش عن الديزل كله وخاصه التيربوو
التيربو غالي مره بحدود 7000ريال للدسن والديماكس 9000ريال تقريبا
الطربميه ب15الف ريال خير ان شالله
وخرباته تكلف واجد يعني انت توفر منا والموتر ياكلك منا
عندك مثلا سيفون الددسن الديزل الدفرنسين ب35ريال اما البنزين ب10ولخربت ب15ريال
حنه ورنه وحراره با الديزل والفرق بسيط جدا في التعبئه
يعني ددسن بنزين تعبيه اخضر فل ب22ريال لاقطعت ب25 الديزل ب17 ريال فرق 5 ريال في الفل واريح من جميع النواحي لا اصوات ولا حراره ولا رنه ولاعزم وش جاب لجاب يارجل والصيانه ارخص وارغب عند البيع
صدقني فكر اكثر قبل ماتشري ديزل
والديزل اول اجي معك لاكن حاليا الحمدلله البنزين رخيص مره ومايحتاج الديزل
وبتوفيق اخي الكريم

[عبدالرحمن السالم]

والله الدسسن الدفرنسين مامثله .. بالشعيب وبالنفود والله تمشي وممشاه زين والله كان سواقتك من النوع الهاديه وكانك من إلى يجلد خذ هايلكس .. بس الددسن مايعلى عليه بصراحه .. خالي ولد خالي كلهم معه ددسن دفرنسين مايشتكون منه ابد والله وبحايل ماهو بالرياض .. ابد توكل على الله وخذ لك ددسن

[إبن هاشم]

يآخوك خذ لك ددسن ..
وآلله آنهآ رخيصه ،، وحليله ،،

[طير المحبه]

أذكر مع الوالد ديماكس .. الصراحه حلوه ونشيطه بالبر ..

و الددسن حيله ميت ..

[حادي العيس]

صاحب الموضوع \ مساك الله بالخير
لي مداخله بسيطه على بعض الردود : الحين بعض الناس يذم الايسوزو وهو حتى ماجربه ولا ساقه بس من مبداء مع الخيل ياشقراء ..!!
فيه رد يرفع الضغط حقيقه يدل على ان راعيه ماجرب الايسوزو : يقول ان الايسوزو حيله ميت ههههههههههه
ياخوي تعال انت بسيارتك وسيارات العائله ابقلصها في بعض واسحبها بالديماكس صدق ان الناس مطفيه النور ..!
اما خربات الدبل ياخوي الناس فيها جهل مايعرفون طريقه التشغيل :p
أما من ناحيه من يقول خرب كمبيوتر الدبل فالدبل ماله كمبيوتر ابداً اللي تحت المرتبه كتاوت الدبل ولو جاني برمجته له مجاني بس مشكلته انه يروح لناس مهيب فاهم ويلعبون عليه ..:eek:
سيدي لا تحتار بين السيارتين ابداً لان مافيه مقارنه بحكم التجربه ( مو بس الكلام )!! الددسن نظلمه اذ قارناه بالايسوزو فرق بين السيارتين وكلها لصالح الديماكس من حيث الرحابه وقوة البدي والعزم الاقوى والراحه مهوب مناطز الددسن .والسرعه .واذا انك تبي تستخدم السياره لفتره طويله ترى مافيه اجدر من الديماكس ابد ..
ومن هالمنبر ادعوك لتجربه الديماكس ( سيارتي ) بما أني بروح احج :)
جربها وشف العزم العزم اللي يبيض الوجه .
وأتمنى ان تعتبر ردي مو تعصب بس هذا راي بعد ماجربت انواع سيارات الدفع الرباعي والمحركات ( ذوات الصندوق ) .;)

تقبل تحياتي.

[m-a-z-d]

صاحب الموضوع \ مساك الله بالخير

لي مداخله بسيطه على بعض الردود : الحين بعض الناس يذم الايسوزو وهو حتى ماجربه ولا ساقه بس من مبداء مع الخيل ياشقراء ..!!
فيه رد يرفع الضغط حقيقه يدل على ان راعيه ماجرب الايسوزو : يقول ان الايسوزو حيله ميت ههههههههههه
ياخوي تعال انت بسيارتك وسيارات العائله ابقلصها في بعض واسحبها بالديماكس صدق ان الناس مطفيه النور ..!
اما خربات الدبل ياخوي الناس فيها جهل مايعرفون طريقه التشغيل :p
أما من ناحيه من يقول خرب كمبيوتر الدبل فالدبل ماله كمبيوتر ابداً اللي تحت المرتبه كتاوت الدبل ولو جاني برمجته له مجاني بس مشكلته انه يروح لناس مهيب فاهم ويلعبون عليه ..:eek:
سيدي لا تحتار بين السيارتين ابداً لان مافيه مقارنه بحكم التجربه ( مو بس الكلام )!! الددسن نظلمه اذ قارناه بالايسوزو فرق بين السيارتين وكلها لصالح الديماكس من حيث الرحابه وقوة البدي والعزم الاقوى والراحه مهوب مناطز الددسن .والسرعه .واذا انك تبي تستخدم السياره لفتره طويله ترى مافيه اجدر من الديماكس ابد ..
ومن هالمنبر ادعوك لتجربه الديماكس ( سيارتي ) بما أني بروح احج :)
جربها وشف العزم العزم اللي يبيض الوجه .
وأتمنى ان تعتبر ردي مو تعصب بس هذا راي بعد ماجربت انواع سيارات الدفع الرباعي والمحركات ( ذوات الصندوق ) .;)



تقبل تحياتي.

100 على 100 كل اللي قاله صحيح..الله لا يهينك..