محتـار!! اخذ الهايلوكس 2010

[جمـر الـغـضـى 11]

السلام عليكم ورحمة وبركاتة

اخوااني محتار بالهايلوكس 2010 انا ناوي اشتريها بس متردد وابيكم تنصحوني اتوكل على الله واخذها ولا وش رايكم .. ؟؟ وش العيوب الي شفتوها بالهلي طبعا هي ماتفرق عن 2009 كثيراً .. المهم يآخوان انا استعمالي لها للبر والرحلات والخط والمشاوير بتاع كلو :D

بإنتظار ردودكـم .. !

[عزٍيزٍ]

وعليكم السلام ورحمة الله وبركاته

آذا بتآخذ دفرنسين بنزين ,, آنصحك وبقوهـ :good::good:

وبالتوفيق ان شاء الله

[راعي الطلعات]

اذا انت ناويها للبر خذ لك 4x4

[جمـر الـغـضـى 11]

يعطيكم العافيه على النصايح لا ماابغى 4×4 .. ابي العادي لاتخاف دام انا اسوق ماني مغرز هههه .. انا ابي سلبياتها على الخط وبالبر .. من تجربة

[قدر مكتوب]

اذا انت طاره بالبر خذ هايلوكس لو موديل 80 تبي تعرف تمشيها بالبر زي سلام عليكو

2010 و2009 و 2008 نفس الشي مايفرق غير الخط اذا عاجبك خط 2010 توكل على الله والهايلوكس موتر بر بس وين السواق !!!!

[ابا سديم]

لقد صدق في كلامه ياعزيزي وتوكل على الله

[ك ح ن 027]

وعليكم السلام ورحمة الله وبركاته

استخر وتوكل على الله الموتر مافيه كلاااام

[الرأي الآخر]

اذا انت طاره بالبر خذ هايلوكس لو موديل 80 تبي تعرف تمشيها بالبر زي سلام عليكو

2010 و2009 و 2008 نفس الشي مايفرق غير الخط اذا عاجبك خط 2010 توكل على الله والهايلوكس موتر بر بس وين السواق !!!!

:good: :good: :good:

[ذيب عالية نجد]

إذا بتشتري هايلكس
لاتشتري إلا غمارتين أوسعلك وأريح
والله يعطيك من خيرها ويكفيك شرها مقدماً
تحياتي لك

[باثفندر]

إذا انت ما شريت قبل هايلكس ولا إستخدمتها ،، انصحك تجربها يومين من أحد أخوياك ،،

[moafaq999]

الهلي ماعليه كلام ولا يحتاج مشاور
اشتر اي موديل ولاتخاف موتر بر وخط وديره
قوة وعزم واستهلاك قود خفيف ولا تعرف الورش والخرابات
وسعرها فيها
لك كل الشكر

تقبل مروري

[سفاري91]

ياخوي ....
استاجر لك وحده واكرفها
يوم يومين
وش السياره بدال ماتدفع 77الف علي الفاضي شفلك اجار مامشت واجد وجربها
وعسا الله يوفك .

[GX.R 2003]

السلام عليكم
يقولون ان الهايلكس من 2006 الى 2010
بالخط يرده الهوا

[القناص4800]

توكل على الله

توي مطلع 2010 دفرنشين

وجربته بالنفود وبالخط ولا فيه احسن منه

[صحيح]

خذ دبل وتوكل على الله اذا متاهل خذلك غمارتين وبنزين لا تقرب الديزل من ناحبة العزم في البر وخاصة اذا كنت بتأخذ بدون دبل .
واستاجرلك يوم هايلكس دبل من محلات الايجار .
والله يوفقك.
صحيح.

[جمـر الـغـضـى 11]

جزاكم الله خير انا بتوكل على الله واخذ هلي 2010 غمارتين بس ماني مستعجل شوي لما تطلع علومها .. وبالنسبه للغراز على الددسن 92 ماعمري غرزت ..

[بوارق]

اخوي انا عندي 2008 مشالله تبارك الله سياره في الخط تمشي مشي غير طبيعي وفي الطعوس قويه مشالله روح الشميسي تلقيني كل خميس وجمعه انصحك لا تاخذ ابو دبل لانو ثقيل مره ويصرف بنزين خذ العايدي وتوكل على الله ويكفيك شره نصيحه منى اذا اخذت العايدي ركبلو كفرات عراض يسير نصب وراسي ولا يردك شي تبغا وادي تبغا بحر تبغا طعوس تبغا تحمل تبغا سفر تبغا مقاومه تبغا طريحي خخخخخخخخخخخخ

[كاتم الصوت]

تويوتا بانوعها ما يبغلها مشوره هي مادحه نفسها
والله يوفقك ويعطيك من خيرها ويكفيك شرها

[محمد الظاهري]

والله مالك غير الهلي اسئل مجرب

[فيصل التميمي]

توكل على الله وخذه

[مفك 14]

عيوب الهايلوكس صوت هوا من ربل الابواب الامامية عند السرعة

تجمع الماء عند تشغيل المكيف عند رجول الراكب

وهذي العيوب تتصلح على الضمان عند عبداللطيف جميل مجاناً

وفيه عيوب بسيطة مثل الكفرات صغيرة وقاسية بس تقدر تركب كفرات خط وتغير الجنوط من 15 الى 16 حقت مرسيدس وهي متوفره بكثره

وفيه عيب ان الصدام الامامي بلاستيك وينفك بسرعة لانه بكلبسات
واما الشي الزين فيها
1 خفيفة وعزمها قوي
2 ماتصرف بنزين وبنزينها اخضر يعني رخيص وكويس
3 واسعة ( الغمارتين )

وماتحس بالمشي وماتنتبة الى وانت تمشي على الفصلة 190كم من رساوتها وخفتها ولا كانك راكب سيارة كانك جالس بمجلسكم وهذا الى سبب الكثير من الحوادث لانك اذا كنت تمشي من 140 الى 190 صعب انك توقف بسرعة اذا طلع لك شي على الخط مثل بعير او ماشابه

هذه تجربتي للهايلوكس 2008 غمارتين

[بن نويشر]

ميتسوبيشي 200 ل ماكينة 6 سلندر ومنظر أجمل ومواصفات ما تحصلها في الهايلوكس .. وتراه مكده وحمار شغل ..

والتجربة أكبر برهان ،،،

[الولماني]

توكل على الله

توي مطلع 2010 دفرنشين

وجربته بالنفود وبالخط ولا فيه احسن منه
عفواً أخوي القناص 4800
بكم أخذته لأني أفكر أشتريه.

[برقا]

والله نصيحه لاتاخذ الموديلات الجديده كانت تبيه للبر خاصه خذ من موديل 2002 الى 2005 واستخر الله على كلن ترى الاولين كانو يستخيرون على بصله وهي بصله
والله يوفقك والمسلمين اجمعين

[طير المحبه]

و الله الرأي رأي جيب ..

بس الرغبه و درآهم تحكم الواحد ..

كانك متردد إستخر الله ..

و الخيره فيما إختاره الله

[س6ك7ب]

توكل على الله أخوي وحيد واستخير
وخذ الهايولكس
ترى ما في مثله
وأنت الكسبان

[هاوي غماره]

الله يكتب اللي به الخير
اخوي انصحك صل صلاة استخارة وشكرا~

[.أبوعبدالرحمن]

توكل على الله واشتر

[هاوي غماره]

وخفتها ولا كانك راكب سيارة كانك جالس بمجلسكم وهذا الى سبب الكثير من الحوادث لانك اذا كنت

والله ياخوي بالنقطه ذي مااوافقك الراي انت صادز الهلكس مريح قسم بالله ياهي تكسر الضهر كسر

[حااكم]

اخوي انا ماانصحك بهايلكس البر تفكك والبدي خفيف

[MRW]

التويوتا المدبله من 2006 الى 2009 ما ادري عن 2010

العمود حق القير يفلت مع البطناج القوي

لكن اذا فلت عشق وانت ماشي

وبالخط والطلعات اللي ما فيها مطبات قويه السيارة على كيفك

من واقع تجربه

[جمـر الـغـضـى 11]

جزاكم الله الف خيـر وان شاء الله اول ما اشتري السياره بحط صوره يالغاااليـين ..

[مكشاتي 2012]

ابد توكل على الله ولوه دفرنشين افضل

[رياح الشرق1]

اخوي انا انصحك با المدبله الا اذا انك تبي عاد العاديه وراغبها اما با النسبه للمديل انا انصحك خذلك 2008 او 2009 اما جديده مخزنه او مستحدمه استخدام بسيط لان يقولك فرق في 2010 حول ال10 الف وعل وش عل ها الخط بس حراام...تحياتي