رجه الشاص

[الايام]

السلام عليكم

عندي مشكله بجيب شاص توه جديد 2009

المشكله ان فيه رجه غير مقبوله ابدا عند سرعة 40 وسرعة تقريبا 95 نفضه مزعجه وتحسسك ان معك دردعه مهيب جديده

ابي المشوره من اخواني المكشاتيه الكرام

[هاوي سمر]

وعليكم السلام

هلا فيك اخوي الايام

ومبروك الموتر والله يعطيك من خيره ويكفيك شره

ونا بعد مثل المشكله شريت شاص جديد بتاريخ 2 رمضان

وحصل فيه رجه ووديته للوكاله

وشيكو عليه قالو الموتر سليم ميه بالميه

بس لاحظت ان الموتر مطبه متغير علي

عايرت الكفرات حصلتهم حاطين بهن 60

يعني تراسينهن هواااء بس راحت الرجه

ويوم نقصت هواء الكفرات رجعت الرجه

وشكرا

[مواسي الطعوس]

طبيعيه هذه الرجه ....سببها الدفرنس الامامي مع الياي ...لكن الشاص مساعداته الاماميه قويه تفيثد في تقليلها . ونفس هذه الرجه توجد في الباترول القديم ....وعلاجها : تدبيل المساعد (حق الدركسون) واصحاب الربع التويوتا يدبلون المساعد وتلقى عندهم الخبر اليقين .....وحدد مكانك يدلونك على الورشه .

[طرد الهوى]

اخواني نفس المشكله حصلت معنا

وقلنا من الجنوط الشنبر غيرناها بعريضه ونفس المشكله

وديناه الوكاله وقالوا نفس الكلام الموتر ميه الميه

واكتشفنا بعدين ان الذراع اليمين فيه فضاوه وزناه والحمد لله زالت المشكله

هذا ما حصل معنا والله يوفقكم

[الايام]

الله يعطيكم العافيه على هالردود وبانتظار المزيد من الاخوان قبل لاوديه الوكاله ويلعبون فيه

[عبدالله الضويان]

اخوي انا معي 2008 وجته رجه مهيب طبيعيه
وديته لميزان العضيب وقالو لي بعد الكشف عليه ان الرمان منحل وشدوه وفعلا راحت الرجه

[sa3d]

لاتستعجل تغير شي الى وانت متاكد...راجع الخاص

[Waleed1]

السلام عليكم

طبعاً شئ متغير بالموتر جنوط معوجة ذراع فية فضاوة الرمانة فيها مشكلة، لاكن كان عندى ونيت دوج اللة يرحمة وحقيقة كان موتر جبار بمعنى الكلامة لاكن كل يوم متعطل.

عموماً كان عندى رجة مو طبيعية وتعبت معاها وغيرت وبدلت ةمافية فايدة. لاكن شفتلى موتر شفر محطوط على الذراع الامامى الكبير جنبين ومن الجه الثانية مثبت فى الشاصى.

ورهمت جنبين أو مساعد وأنتهت المشكلة

وشكراً

[الشاص وبس]

فيه موضع للمشرف سوبر حول الرجة ذي رهيييييب سويت اللي يقول وراحت ياليتني مسويها قبل اخسر

[.أبوعبدالرحمن]

يمنع رفع المواضيع القديمة

يغلق