طريقة زيادة التورك ( العزم ) باسهل الطرق واوفرها

[Turbo RB]

السلام عليكم ورحمة الله وبركاته

اخواني اعضاء منتدى مكشات ويا اهل الطلعات والمقانيص والعلوم الطيبة

هذا ثاني مواضيعي والي حاب اتشارك فيه معاكم بعض التجارب الي اثبتت فعاليتها ونجحت نجاح تام

بعد ما طرحت موضوع الكهرباء في السيارة وتطويرها وتعديلها وبعض الاجهزة اللازمة لها

حاب اني اكتب عن طرق زيادة العزم في السيارات سواء الدفع الرباعي اوغيرها

وقبل هذا حاب اشرح كذا مصطلح وكذا مفهوم علشان تسهل عملية الفهم الكامل للموضوع واهدافه

وبرضوه اذا فيه احد عنده فكره والا خرجت له فكره بعد ما عرف المصطلحات يقدر يفيدنا بفكرته
.................................................. ............................
.................................................. ............................
.................................................. ............................

كلنا نعرف يا اخوان انو المكينة عبارة عن ارقام بس وش هذي الارقام وكيف هي مسمياتها

فخلونا نبداء وحده وحده

القوة الحصانية ( Horsepower ) : تعبر عن عدد الاحصنة التي ينتجها المحرك وهي مصطلح لقياس قوة المحرك الناتجة .

عزم الدوران ( Torque ) : وقيمته تعبر عن قوة الاحتراق من البستن الى عمود الكرنك
وهذا هو محور حديثنا وبنرجع له .

نسبة الانضغاط ( Compression Ratio ) : ودائما ما تعبر بقيمة منسوبة الى رقم واحد
يعني محرك الكمبرشر فيه 10 تكتب القيمة 10: 1 وهي تعطي قيمة انضغاط الوقود في السلندر
وتعني ايضا قدرة البستن او البساتن على ضغط الخليط من البنزين والهواء قبل لحظة الاحتراق .

طبعا فيه السعه اللترية والحجم و و و .... الخ لاكن هالثلاث مصطلحات هي الي تنفعنا في موضوعنا

.................................................. ..
.................................................. ...
.................................................. ...


نرجع الان للتورك او عزم الدوران

بالنسبة لسيارات التطعيس وسيارات البر والسيارات الي نمشي بها في اماكن وعره او رملية

او او .... الخ وقيس عليها .

هالسيارات تحتاج الى القوة الحصانية لاكن تحتاج الى التورك ايضا وهو مهم جدا بالنسبة لها السيارات

طبعا زيادة التورك يكون بطريقتين

الاولى : نسميها الطريقة الداخلية او داخل المكينة وهي عن طريق اعادة توضيب المحرك باستخدام
قطع تسمى بساتن الضغط العالي او بساتن التورك وتشتمل على القطع التالية :

بساتن - اذرعة بساتن - بلوف نار و هوا - سبائك - كامات - سست - عمود كردان
ويجب ان تكون مصنوعه من سبائك معدنية مقاومة للحرارة والضربات
واجود هالقطع هو المصنوع من سبيكة الفولاذ او التيتانيوم المشطوب بالليزر
ويجب ان تتنبه ان القطع لزيادة العزم لان هناك قطع لزيادة الهورس بور وهي لسيارات الدرق
طبعا مشكلة هالطريقة هي الاسعار حيث متوسط التكلفة يبلغ حوالي 17 الف ريال تقريبا

الثانية : نسميها الطريقة الخارجية او زيادة التورك عن طريق زيادة نسبة الانضغاط عن طريق
زيادة نسبة الهواء والوقود الداخل للسلندر

وهذي الطريقة بحر من الخيارات وراح اذكر على عجالة ثلاث خيارات وافصل الثالث وهو يهمنا

الطريقة الاولى عن طريق التيربو او التوربين ولها متطلبات وعيوبها غلاء التكلفة .

الطريقة الثانية عن طريق السوبر تشارج ولها متطلبات ايضاء ولها نفس عيب التيربو في التكلفة .


الطريقة الثالثة وهي الاوفر والاقل سعر وهي اضافة بعض القطع الخفيفة الي ترفع التورك والهورس بور
بنسبة ممتازة لاكن كل قطعه لها مميزات وفروقات

يعني القطعه يجي منها مقاس للتورك ومقاس للهورس بور ومقاس لللسرعات العالية ووو... الخ

واحنا نبغى المقاسات الخاصة بالتورك وهي .

1- فلتر هواء متوسط الحجم من شركة hks او aem او k&n

2- انبوب التوصيل بين الفلتر والثلاجة ويسمى ( انتيك ) ولازم يكون شورت يعني قصير في الطول
لان اللونق او الطويل يعطي قوة حصانية بس ما يعطي تورك والعكس في الشورت .
ولازم يكون مصنوع من مادة ما تكسب حرارة فيبر كربون او استيل مبطن او بولي اثلين .

3 - هدرز ومو لازم بالنسبة للتورك يعني يعطي قوة خفيفة بس التورك يعطيه اقل

4 - اقزوست باك بدون دبة الرصاص يعني مسار الهواء بدون معوقات

5 - طرمبة بنزين من شركة معروفة على حسب عدد السلندرات وانا افضل هولي او aem

6 - سيور معدلة + بكرات تورك .. لان فيه ناس يخلط بين بكرات التورك وبكرات التسارع
بعضهم يشري بكرات تسارع ويقول التورك ضعيف والعكس يصير فانتبهو لها النقطه

7 - بواجي ذات شرارة قوية ومصنوعه من مادة غير قابلة للتسخين وشركة zex هي الافضل
في هذا المجال ويليها شركات مثل سبايدر و ngk

8 - اسلاك بواجي اصلية حتى تظمن وصول كهرباء ممتازة للبواجي والافضل هي msd و بوربست

9 - كويل من شركة معروفه يعطي كهربه قوية وبرضوه msd هي الافضل


اخواني اتمنى اني قدرت انزل صور لاكن ضيق الوقت ما اسعفني

ولاكن باذن الله تعالى راح انزلها في رد على هذا الموضوع

اتمنى قدمت شي فيه فايده واعذروني على القصور ولو فيه زود ما نرفضه الي عنده شي يحب

يضيفه ومنه نستفيد اتمنى انه ما يبخل علينا

واعذروني لو لقيتو اغلاط املائية عاد مشوها لا تدققون

لكم خالص دعائي بالتوفيق
اخوك Turbo RB

[حان الرحيل]

مشكور .......ولا تحرمنا ابداعاتك

[قطب 999]

اهل العقول براحه

[العنابي 616]

مشكور يا اخوي وما قصرت
معلومات مهمة وجديدة

[معترض الشعيب]

ما شاء الله عليك

ياليت تزودنا بمثل هالمعلومات وهالموضيع المفيده

الله يوفقك ويجزاك عنا كل خير

[saad52]

الله يعطيك الف عافيه عالموضوع الجميل

[capricorn99]

اخوي Turbo RB
احب اقول لك انك ممتاز وموضوعك متميز من عدة نواحي (تعريف الموضوع، انواع التعديل المتاحة، ارخصها او اوفرها، باختصار تفاصيل كل تعديل) اسلوبك جدا راقي ومرتب اتمنى لك التوفيق وان يحذو حذوك الكثير من اعضاء المنتدى المتميزين.:good:

[Turbo RB]

اخواني الكرام


حان الرحيل

العنابي 616

معترض الشعيب

saad52


بارك الله فيكم وفي مروركم وردودكم

الي تشجع الشخص انه يستمر حتى في وجود المعوقات

وردودكم هي شهادة اعتز بها وشرف اتوسم به

اتمنى ما تحرموني من مروركم وردودكم

رحم الله والديكم ويجزاكم خير

الاخ قطب 999 ما ادري وش تقصد بما كتبت ولاكن انا ممن يحسنون الظن

واذا كان على الشغله هذي فهي تحتاج عقل وتفكير وحسابات وتجارب وليست مجرد اقتراحات

و اآراء نطرحها وننفذها لان بعض الاخطاء الناتجة عن التعديلات العشوائية والغير مجدولة

ومطبقة نظريا وفيزيائيا قد تؤدي بنتائج مخزية او خسائر فادحة جدا

اتمنى ارى تفاعلك مع اخوانك بشكل ايجابي اكثر فان لم تكن مهتم او غير متابع لهذا العلم

فارجوا ان تطبق الحكمة العظيمة (( اذا كان الكلام من فضة فالسكوت من ذهب ))

وارجوا ان تكون ذا بصمة مميزة في عباراتك وخطاباتك وما تكتب . لان من خلف شاشة الحاسوب

الاخرى هو اخو لك في الاسلام وتجمع بينكم العقيدة واللغة والاطار القبلي والعادات والتقاليد

وما نعت الرجل بالجنون الا من كبائر الاهانات ولكن قلت لك انا ممن يجسنون الظن ولهذا اشكر

مرورك وقرائتك لما كتبت

[Turbo RB]

اخوي Turbo RB
احب اقول لك انك ممتاز وموضوعك متميز من عدة نواحي (تعريف الموضوع، انواع التعديل المتاحة، ارخصها او اوفرها، باختصار تفاصيل كل تعديل) اسلوبك جدا راقي ومرتب اتمنى لك التوفيق وان يحذو حذوك الكثير من اعضاء المنتدى المتميزين.:good:

اخوي الكريم capricorn99

احب اقولك انك ممتاز بمرورك وبردودك واحب اشكرك من اعماق قلبي

على هذا الرد الي يعكس ثقافتك واطلاعك و دقة ملاحظتك وتركيزك في قراءة الموضوع

اتمنى ما تحرمنا من شوفت ردودك في المستقبل

ومرورك شرف بحد ذاته

يعطيك الف عافية والله يجعلك بالجنة وكل مسلم

[جهام القصيم]

جهود طيبة بارك الله فيك ونفع بك

[عاشق الفرعه]

يازين الموتر وهو مجاه تعديل

[Turbo RB]

اخوي جهام القصيم

اشكرك على مرورك واتمنى تعم الفائدة


اخوي عاشق الفرعه

اذا كان التعديل بطرق حديثه وقطع اصلية من شركات ذات سمعة جيدة
وجودة عالية و مصنوعة عن طريق خبراء وعلماء في مجالهم فصدقني ان التعديل
بهذا الشكل افضل للاستخدام .
اذا كان البستن المصنع من بلد السيارة مصنوع من الحديد المطلي بالكروم يعيش 15 سنه
فأكيد ان البستن المصنوع من سبيكة الفولاذ المكونه من الحديد والكروم والنيكل راح تعيش اكثر بكثير

اخي علم تعديل السيارات تطور تقدر نيسان تنزل لمكائن الفتك بساتن تيتانيوم لاكن خليني اقولك
ايش المانع
اذا كان بستن الفتك الحديد سعره 400 ريال فان بستن التيتانيوم سعره المتوسط حوالي 1900 ريال
طيب الفرق بينهم 1500 ريال . اذا لو صنعت نيسان مليون فتك ببساتن حديد وقلنا 6 ضرب 400 = 2400 ريال فان التكلفه حوالي 2400000000 ريال
ولو صنعتها من تيتانيوم راح تكون التكلفه 6في 1500 =9000 وتساوي 9000000000 ريال
الفرق راح يكون حوالي 7 مليار لذلك الشركات المصنعه تصنع الافضل في اقل تكلفة
وعلى فكرة معدن التيتانيو او بالاصح سبيكة الفولاذ بالتيتانيوم تتحمل درجة حرارة خرافية وضغط مو معقول
ولذلك يتم شطبها وتشكيلها صناعيا بواسطة الليزر وليس التعدين التقليدي او الفيزيائي

اتقبل وجهة نظرك بكل صدر رحب واتمنى اني اقنعتك والا تراك لازم تقنعني ههههههه

[تناهيت]

اخوي تيربو ......... اشكر لك هذه المعلومات القيمة واعجبني جدا ترتيبك في تقديمها على حسب الأمكانيات المتاحه للشخص وايضا الهدف واوافقك الرأي أن التزويد يعتبر بحد ذاته علم من العلوم الحديثه فقد ترى جهل الكثير به وقد ترى ايضا تخوف من البعض بالمجازفة للدخول حتى في أولوياته ولاكن صدقني انه مجرد ما الشخص يبداء بخطوة اولى فيه لن يرضى بها حتى يصل الى آخر ما توصل علم التزويد من امكانيات فلا تستغرب تجاهل البعض لأننا للاسف متأخرين جدا في تنميه هذه الهواية وقد صاحب ذلك قله النشاطات التي تساعد على النهوض بها من قبل الجهات المعنية ...


اخوي شاكر ومقدر لك جهودك وكم اتمنى ان تعطينا نبذه عن البرمجه وعلاقتها في زيادة التورك والهورس باور وما مدى تأثيراتها على المدى البعيد على المحركات الجديدة بالطبع لأنها هي الوحيدة التي تقبل ذلك ..


تحياتي الخالصة

[Under_net]

السلام عليكم ورحمة الله وبركاته

الصراحة استمتعت بالشرح ومنتظرين الصور ، ويبين عليك خبير في تقنية السيارات

ماشاء الله


بخصوص بعض الردود أرجو أن تعذرهم لأن الإنسان عدو مايجهل ، كثير من الناس ربط فكرة التزويد بالطيش ! فقط ، لو علموا ميكانيكية السيارة وأن التزويد منه المفيد مثل زيادة كفاءة السيارة من أداء مقارنة بالطاقة المستهلكة ، وأيضا القوات العسكرية أو المرور تقوم بتزويد سياراتها ( الحكومة تزود) :d ، وبعض الناس يظن أن التزويد كله مضر ، بالعكس وكالات السيارات العالمية قد توفر سيارة عادية وأخرى من نفس النوع عليها سوبر شارج أو تيربو مثل الرنج والكيان ( الوكالة تزود وتبيع بأغلى ) وأنت ممكن تزود بنصف القيمة :d

شكرا لك استاذي

[Turbo RB]

اخوي تيربو ......... اشكر لك هذه المعلومات القيمة واعجبني جدا ترتيبك في تقديمها على حسب الأمكانيات المتاحه للشخص وايضا الهدف واوافقك الرأي أن التزويد يعتبر بحد ذاته علم من العلوم الحديثه فقد ترى جهل الكثير به وقد ترى ايضا تخوف من البعض بالمجازفة للدخول حتى في أولوياته ولاكن صدقني انه مجرد ما الشخص يبداء بخطوة اولى فيه لن يرضى بها حتى يصل الى آخر ما توصل علم التزويد من امكانيات فلا تستغرب تجاهل البعض لأننا للاسف متأخرين جدا في تنميه هذه الهواية وقد صاحب ذلك قله النشاطات التي تساعد على النهوض بها من قبل الجهات المعنية ...


اخوي شاكر ومقدر لك جهودك وكم اتمنى ان تعطينا نبذه عن البرمجه وعلاقتها في زيادة التورك والهورس باور وما مدى تأثيراتها على المدى البعيد على المحركات الجديدة بالطبع لأنها هي الوحيدة التي تقبل ذلك ..


تحياتي الخالصة

اخي الغالي اشكر لك مروورك وتعليقك الاورع الي يرد الروح وتسلم يمينك على التعقيب الرائع
الي استطعت من خلاله معرفة جانب من شخصيتك المغامرة والمتطلعة للافضل
واشكرك على الكلمات التي تدل على ثقافة واسعه واطلاع في هذا العلم الذي مازال الكثير يراه نوع
من انواع المراهقة و اللعب .

اخوي اولا حاب اقولك الرسالة وصلت والعلم تممناه ولا اقدر اردك ونفس الاسم موجود هناك بتلقاه

اما عن البرمجه وسؤالك الي سالته وطلبك للنبذه البسيطة فخلني اقولك ان البرمجه جزء اساسي

من اجزاء التعديل والتطوير للهورس بور والتورك .

باذن الله راح انزل موضوع متكامل عن البرمجة ولا يهمك لاكن بما انك طلبتها مقدر اردك
وراح اذكر معلومات مختصر عن البرمجة واليتها و تعدلها لكن قبل هذا ابغى اوصل معلومه
المحرك بعد التصنيع يكون له اقل قوة واقصى قوة ومهمة اليوني شيب او الكمبيوتر او المشغل
حسب ما يسمونه الناس كل منطقة يسمونه شغله . المهم هالقطعه الالكترونية مهمتها توزيع المهام
على الحساسات والبلوف الالكترونية والكتاوت والمنظمات وبوابات الفتح والغلق وووو .. الخ
والتوزيع يكون حسب اقل قوة لتشغيل المحرك واقصى قوة للمحرك في حال الحاجة لاكن ؟؟....
الشركات تضع برنامج محدود للحفاظ على اشياء كثيرة منها الاستهلاك والتلوث والضجيج والعمرالافتراضي والراحه مع محاولة الوصول لافضل النتائج طبعا الكمبيوتر موضوع كبير بحد ذاته
وحاولت اني اختصر قد ما اقدر .
الان اقولك كيف البرمجة تعطي نتائج افضل .
اذا نبغى نبرمج كمبيوتر ونعطي افضل نتائج نراجع اول شي قوة تحمل المحرك وتكون في كم قطعه
اهمها عمود الكردان وكم يتحمل شوط كرنك والبساتن وكم اقصى ضغط لها والبلوف وكم مساحت الفتح فيها

بعد مانعرف امكانيات النمحرك القصوى وقوة التحمل فيه نقوم برفع نسب الهواء الداخل والهواء والوقود الداخل والنسبة غاز العادم ونسبة الانضغاط
وبعدها نفتح السيفتي للrbm فاذا الشركة مقفلته على 7500 لفه نخليه 8200 لفه وهذا اهم شي
لان لما يقولك قوة المحرك 300 حصان عند 7500 لفه فالمتوقع انه عند 8200 لفه راح تكون القوة 340 حصان وبهذه الطريقة

طبعا البرمجه تكون بثلاث طرق :
1- مسح برنامج الوكاله وتنزيل برنامج معدل على نفس الكمبيوتر .
2- التهكير على كمبيوتر الوكاله مع الحفاظ على البرنامج الاساسي وهذا يتطلب وجود يونيشيب
يتركب ويتوصل بكمبيوتر الوكالة .
3- تغيير كمبيوتر الوكالة بكمبيوتر من شركة تعديل سيارات وهذا اكثرها تكلفه

تقبل تحياتي واعذرني على الاطاله

[راكان 11]

ماشاء الله عليك
الله يعطيك العافيه يا اخوي

[الشعيبات]

الف شكر لك .......وبتوفيق
بس يالغالي حنا منعرف للأمور هذي ياليت تدلنا على بعض الورش او المختصين
من شان نقدر نعدل عندهم....
وياليت في المنطقه الشرقيه على حسب معلوماتك...وكم تصير التكلفه للي يبي يعدل

[asdali]

بارك الله فيك اخوي توربو

اذا كان المحرك سعة 3000 سي سي وقوة 188 حصان هل سينفع معه الفلتر الرياضي لزيادة العزم التورك
وليس الاحصنة ؟يعني مثلا القومة من 0 الى 60 تحديدا؟

تقبل اطيب التحايا

[قطب 999]

اخواني الكرام




حان الرحيل


العنابي 616


معترض الشعيب


saad52



بارك الله فيكم وفي مروركم وردودكم


الي تشجع الشخص انه يستمر حتى في وجود المعوقات


وردودكم هي شهادة اعتز بها وشرف اتوسم به


اتمنى ما تحرموني من مروركم وردودكم


رحم الله والديكم ويجزاكم خير


الاخ قطب 999 ما ادري وش تقصد بما كتبت ولاكن انا ممن يحسنون الظن


واذا كان على الشغله هذي فهي تحتاج عقل وتفكير وحسابات وتجارب وليست مجرد اقتراحات


و اآراء نطرحها وننفذها لان بعض الاخطاء الناتجة عن التعديلات العشوائية والغير مجدولة


ومطبقة نظريا وفيزيائيا قد تؤدي بنتائج مخزية او خسائر فادحة جدا


اتمنى ارى تفاعلك مع اخوانك بشكل ايجابي اكثر فان لم تكن مهتم او غير متابع لهذا العلم


فارجوا ان تطبق الحكمة العظيمة (( اذا كان الكلام من فضة فالسكوت من ذهب ))


وارجوا ان تكون ذا بصمة مميزة في عباراتك وخطاباتك وما تكتب . لان من خلف شاشة الحاسوب


الاخرى هو اخو لك في الاسلام وتجمع بينكم العقيدة واللغة والاطار القبلي والعادات والتقاليد


وما نعت الرجل بالجنون الا من كبائر الاهانات ولكن قلت لك انا ممن يجسنون الظن ولهذا اشكر



مرورك وقرائتك لما كتبت


بارك الله فيك اختلاف الراي لا يفسد للود قضيه ولولا اختلاف الاراء لبارت السلع وهذا راييي في موضوع التزويد والتعديل والتبديل لما تسبب من خساره لمالك السياره من ناحيه ونزول سعرها عند البيع لعدم رغبة المشترين اما الذهب والفضه عمله صعبة المنال لا توجد الا عند اهل الجاه والغنى والله يقويك

[Turbo RB]

السلام عليكم ورحمة الله وبركاته

الصراحة استمتعت بالشرح ومنتظرين الصور ، ويبين عليك خبير في تقنية السيارات

ماشاء الله


بخصوص بعض الردود أرجو أن تعذرهم لأن الإنسان عدو مايجهل ، كثير من الناس ربط فكرة التزويد بالطيش ! فقط ، لو علموا ميكانيكية السيارة وأن التزويد منه المفيد مثل زيادة كفاءة السيارة من أداء مقارنة بالطاقة المستهلكة ، وأيضا القوات العسكرية أو المرور تقوم بتزويد سياراتها ( الحكومة تزود) :d ، وبعض الناس يظن أن التزويد كله مضر ، بالعكس وكالات السيارات العالمية قد توفر سيارة عادية وأخرى من نفس النوع عليها سوبر شارج أو تيربو مثل الرنج والكيان ( الوكالة تزود وتبيع بأغلى ) وأنت ممكن تزود بنصف القيمة :d

شكرا لك استاذي

الشكر لله تعالى الذي من علينا بوجود اناس مثلكم بيننا ذات ثقافة واسعة واطلاع وتطوير
اما الردود المناقضة والمعارضة فلن توقف مسيرة امتدت سنين وجهد وتعب و عناء
عندما يقتعن الانسان بفكرة ويهواها ويتعلمها ويطور امكاناته وقدراته ويوسع معرفته بها وينتقل فيها
من جزء نظري الى جزء عملى ثم يبحث وينعلم ويستفيد من الجديد ويعتبر بتجارب السابقين
فانه لن يتاثر بكلمة كتبها شخص قد لايعلم ان المسمى العلمي للمحرك هو ( آلة كارلنوت )
ولو سالته عن مسمى آلة الاحتراق الداخلي لقال لا اعلم

اشكر لك المجهود الذي بذلته لكتابة الاسطر التي هي عندي بماء الذهب

اما الصور فاقولها ابشر بعزك وخلنا نبدى فيها

فلتر هواء متوسط الحجم من AEM

http://www2.0zz0.com/2009/03/21/21/339179376.jpg (http://www.0zz0.com)

مجموعة فلاتر شركة K&N وكل نوع له استخدامه

http://www8.0zz0.com/2009/03/21/21/427307190.gif (http://www.0zz0.com)

مجموعة فلاتر من شركة HKS

http://www8.0zz0.com/2009/03/21/22/617621769.jpg (http://www.0zz0.com)

اقوى فلاتر شركة HKS وهو مصمم لاي استخدام سرعة عزم تسارع عادي او للتيربو او السوبرشارج
والمشكلة انو موجود في السوق شبييه ومقلد وصناعته صيني وهذا يضر الثلاجه

http://www10.0zz0.com/2009/03/21/22/745795629.jpg (http://www.0zz0.com)


مايسمى بال( انتيك ) وهذا هو الشورت والي يعطينا عزم افضل

http://www13.0zz0.com/2009/11/09/18/823946812.jpg (http://www.0zz0.com)


وللمعرفة هذا هو ( الانتيك ) اللونق - الطويل وهو عدو التورك - عزم الدوران
لاكنه مناسب جدا جدا للسرعات العالية وهذه نقطة قوته

http://www12.0zz0.com/2009/03/23/11/116049236.gif (http://www.0zz0.com)

هذا ما يسمى بالهدرز وهو ممتاز للتعديل لاكن بالنسبة للعزم والتورك يكون سعره اكبر من فائدته
هذا هدرز لمحركات 2JZ وعدد سلندراتها 6 وهو محرك مشهور جدا

http://www13.0zz0.com/2009/11/09/18/203926347.jpg (http://www.0zz0.com)


صورة للاقزست طبعا هذه عينه لان كل سيارة لها اقزوست خاص بها وبضغط محركها
وهذا مثال

http://www14.0zz0.com/2009/11/09/18/697190991.jpg (http://www.0zz0.com)


صورة للبواجي الرياضية او امعدلة والي شرارتها اقوى
هذا نوع ممتاز وما ينزل منه اصلي من الشركة الاساسية الا موديل واحد بكذا مقاس

http://www13.0zz0.com/2009/11/09/18/624695606.jpg (http://www.0zz0.com)


هذا بوجي مع شرح من ZEX

http://www13.0zz0.com/2009/11/09/18/190827849.jpg (http://www.0zz0.com)


صورة لنوعية من اسلاك البواجي وهي تعتمد على المساحة للسلك الداخلي

http://www14.0zz0.com/2009/11/09/18/811288068.jpg (http://www.0zz0.com)


وهذي صورة للكويل من شركة MSD

http://www4.0zz0.com/2009/03/23/12/181672079.jpg (http://www.0zz0.com)


وهذا ديلكو من نفس الشركة

http://www12.0zz0.com/2009/03/23/12/272117531.jpg (http://www.0zz0.com)


طبعا هذي صور للمثال وليست للحصر ولك ان تتخيل عدد الشركات الي تمتلك مواقع بيع قطع تعديل
على الانترنت فما بالك بغيرها فقط اكتب في قوقل ( CAR PARTS )
اتمنى ان اكون وفيت الصور الي تكفي واعذروني على القصور

اخوكم Turbo RB

[NEWASSER]

الله يجزاك خير على المعلومات القيمه
والى مزيد من الابداع
تحياتي

[Turbo RB]

اخوي راكان 11 - يعطيك الف على مرورك



الف شكر لك .......وبتوفيق
بس يالغالي حنا منعرف للأمور هذي ياليت تدلنا على بعض الورش او المختصين
من شان نقدر نعدل عندهم....
وياليت في المنطقه الشرقيه على حسب معلوماتك...وكم تصير التكلفه للي يبي يعدل

اخوي الشعبيات

الله يعطيك العافية ويقويك ويشد عزيمتك

اهم شي ماهو مكان بيع القطع وورش التلغيم المهم انك تعرف اسعارها الحقيقية وتتاكد ان ما احد يلعب
عليك بالاسعار تصدق وانا اخوك بغيت يوم اكزوست مانفويلد من شركة اسمها سكربيو المهم
سعره في موقع امازوون خوالي 49 دولار وشحنه يكلف 30 دولار يعني كلها الشغله
تكلف حول ال400 ريال ورحت لمحل الله يهديه بس وطلبت القطعه بالرقم البارت نبر يعني هي
هي المهم قال بكره نتصل عليك ونقولك التكاليف واليوم الثاني اتصل وقال القطعه تكلف 1200 ريال
بعني كان بيصلخني اكثر من 800 ريال تتخيل ؟؟؟؟

فانا اقولك استشير اهل الشغله الي توثق فيهم ولو حولك احد له في هالشغله بينفعك
انا اقدر انفعك وادلك على مكانها بالشرقية عندكم اعرف كذا محل هناك بالقطيف وسمعتهم طيبه
وبعد فيه واحد بالدمام بس والله ما ادري عنه اكثر من كذا

انت عطني نوع سيارتك وموديلها وانا باذن الله اعطيك لسته بالي يصلح للموتر ولا يضره
اما التركيب فالحمدلله رب العلمين من فضل الله اركب قطع التعديل بيدي واوزنها وابرمجها بدون
ما اظطر اروح ورشه فنصيحتي لو تبي تعدل تعلم اساسيات التعديل وبعدها توكل على الله
اما بالنسبة للسعر على حسب الناتج من التعديل يمكن تلقى بكرة عزم وشدادها ب 300 ريال
وتلقى موديل ثاني من نفس الشركة ب 2000 ريال كل تعديل له سعره
الله ييسر لك ويعينك ويسهلها معك
×

[محسن اليامي]

اخويTurbo RB مع إني لست من أصحاب التزويد إلا إنه يعجبني أسلوبك الراقي والمميز وطريقة شرحك يدل على ثقافتك العالية مشكوور ويعطيك العافيه

[Turbo RB]

بارك الله فيك اخوي توربو

اذا كان المحرك سعة 3000 سي سي وقوة 188 حصان هل سينفع معه الفلتر الرياضي لزيادة العزم التورك
وليس الاحصنة ؟يعني مثلا القومة من 0 الى 60 تحديدا؟

تقبل اطيب التحايا

حياك الله اخوي

اسمع انا فداك انت تتكلم عن موضوع ثاني وهو التسارع

والتسارع يعتمد على ثلاث اشياء

القوة الحصانية والعزم وزيادة عليها الحجم وهو اهم نقطه في التسارع

يعني سيارة قوتها 180 حصان وحجمها 600 كيلوجرام
تسارعها اكبر من سيارة لها نفس القوة ولاكن حجمها 1000 كيلو جرام

الفلتر مايعطي القوة الحصانية الي على بالك انما يعطي عزم خفيف اكثر من بلاد السيارة

يعني لو ركبت فلتر على سيارتك يمكن تعطيك 190 الى 191 حصان فقط يعني من 2 الى 3 حصان زيادة

لاكن لو ركبت طقم مداخل ومخارج الهواء من مواد بدرجة متوسطه توصل الى 30 - 35 حصان زيادة
يعني لو ركبت فلتر + انتيك + هدرز + اقزوست = 30 الى 35
اما لو ركبت القطع الاربعه حقت الهواء + برمجة = يمكن تتعدى ال50 حصان زيادة

اما لو ركبت القطع الي موجودة في الصور كلها + برمجة راح توصل الى 70 حصان زيادة
ويصير مجموع قوة الموتر حوالي 250 حصان بس لازم تكون القطع مصنوعه بدقة ومواد عالية الجودة
وصناعة موثوقه ومضمونه وفني متمكن يركبها

اتمنى اني ققدرت افيدك

تقبل تحياتي

[aBo 7SeEeN]

اخي وحبيبي Turbo RB


سلمت أنامل خطت ماكتب


كتبت فابدعت


سطرت فاتقنت


ك أرفع قبعتي..ودام عزك وقلمك


مشاركه فاقت الجمال استمر استمر وتأكد انني بانتظار كتابات ومواضيع اخرى لك من منحنى أخر ومنعطف اكثر جمالا واشراقاً.وسامحيني على ردي المتواضع واعذرني لاني لست في سطوة القلم لاضاهي مواضيعك وكلماتك الرقيقه


تقبل مروري المتواضع

[قاصد الصمان]

ما شاء الله
نفع الله بعلمك

[ابومازن2]

لا ادري ماذا اقول لك سوى .... الله يعطيك العافية والصحة ورحم الله والديك وبارك الله فيك .
اخوك / ابو مازن

[جهراوي]

والله ماشالله اخوي معلوماتك وافيه بسوالف التلغيم:good:
انا صار لي سنه بادي بالتلغيم
معاي بليزر 2007 ركبت له سستم كي اند ان(البايب+الفلتر) وركبت له مروحه تركب داخل البايب تشتغل على الكهرب لها كتاوتها الخاصه ولها حساس تحت دعسة البانزين يشغلها وشلت دبت التلوث وان شالله ناوي على مروحة كهرب بدل المروحه الستوك الي عليه
بس انا احب اعدل سيارتي بنفسي
يعني كل الي عليه انا مركبه بنفسي معاد القزوز لين مالي باللحيم
البرمجه ممكن ابرمجه انا بنفسي؟؟
يعني هل في برنامج ووايرات تنباع عشانن ابرمجها لين المحلات اسعارهم فوق والشغله بسيطه وانا احب اتعلمها
رحت لواحد يبرمج قالي القير بروح يبرمجه والمكينه بروح والتراكشن بروح كل شي بسعر
ووصلني لين ال3000ريال!
اشتريلي تيربو ابرك--هههههههههههههههه
عمومن انا مشروعي عقب المروحه والبرمجه هدرز
بعد الهدرز تيربو حصلته في ebay ب400دولار تيربو جارج كامل مع المبرد والاهواز والبيبات والكلبسات وكل شي و مجربينه على بليزر ستوك صعد من 290 إلى 400حصان
هذا وهو ستوك اجل الي عليه هدرز وبرمجه كم بيوصل

وياليت تعطيني رايك بالبليزر هل راح يتحمل هذا بالنسبه للقير والمكينه والبككس (الدوفرنش)
مع العلم ان السيفتي ماله على ال6500rpm
وشنو تنصح فيه

أعتذر على الإطاله

[هاوي فتك]

وعليكم السلام ورحمة الله وبركاته

اخي Turbo RB أهنيك بصراحه على أسلوبك الجميل ومعلوماتك الاجمل التي تدل على خبرتك في عالم التزويد

الله يجزاك خير ويزيدك علم
بعد قرائتي لموضوعك الفريد من نوعه طرت علي اضافات بسيطة و أسئلة كثيرة :confused: تجهز بس للأسئله الصاروخية :D وتحملني شوي تراني مازلت مبتدئ طبعاً اذا ماعندك مانع :)


الأسئله :
س/ المكينة ذات الراس الواحد تعتبر أقوى بالتورك ( العزم ) أكثر من المكينه ذات الرأسين . لماذا ؟

س/ تغيير تروس الكرونه بتروس ذات سرعه أقل ( حاشره ) هل يزيد التورك ( العزم ) ؟

مثلاً : تغيير دفرنس خلفي للفتك الأوتو بآخر لفتك قير عادي

س/ هل صحيح ان الجي اكس او الجيب الربع طبعاً تويوتا محركاته من دفرنسات وقير ومكينه لا تتحمل تعديل أكثر من 378 حصان خاصتاً ( القير ) على عكس النيسان طبعاً الباترول الذي تتحمل محركاته التزويد لغاية تقريباً 1500 حصان ؟

س/ اذا عندك مثلاً فتك فووول أستروكر بدون تيربو ولا سوبر تشارج & وفتك تيربو مع كمبيوتر موتك او هالتوك . ايهما يتفوق من ناحية 1- التسارع طبعاً من صفر
2- التورك ( العزم ) ؟؟

آخر سؤال :)
س/ بالنسبه للـ vtc ماهو نوع ومقاس الكام المناسب للي يبي عزم فقط ( للتطعيس ) ؟ وحفة الهد ( مسح الرأس ) كم ملي ؟ وهل بتزود حرارة ؟


باقي أسئله كثيره ... ولكن نكتفي بهذا القدر حتى أشعار آخر :p :D

وعندي اضافه بسيطه على الموضوع وهي :

* تغيير المراوح المكانيكية بمراوح كهربائيه.

* كلما كان الهواء الداخل للماكينه بارد كلما زاد ادائها ونلاحظ ان اغلب السيارات المزودة يقومون بفك واحدة من الشمعات الأمامية التي تكون من جهة الفلتر الرياضي طبعاً وذلك لدخول هوا بارد مباشره الى الفلتر.

* تخفيف الوزن يلعب دور كبير في زيادة العزم بمعنى الأشياء اللي مالها داعي في السيارة مثل: الأستبنه ( الأسبير ) _ المراتب الخلفيهة _ وغيرها من الأغراض الزائده وغير ضرورية نزلها من السيارة للحصول على أداء أقوى :good:

* فر الديلكو او تغييرهـ بديلكو رياضي

* وأخيراً وليس بآخر تنزيل وجه السيارة من أجل الهواء وأنسيابية مرورة من مقدمة السيارة .



وأخيراً < ناشـب :D في ردود من البعض الذين لاتعجبهم مبدأ التزويد ويعتبرونه نقص عقل او طيش او .... إلخ

ردي لهم لن يكون أجمل من هذا الرد للأخ Under_net




السلام عليكم ورحمة الله وبركاته

الصراحة استمتعت بالشرح ومنتظرين الصور ، ويبين عليك خبير في تقنية السيارات

ماشاء الله


بخصوص بعض الردود أرجو أن تعذرهم لأن الإنسان عدو مايجهل ، كثير من الناس ربط فكرة التزويد بالطيش ! فقط ، لو علموا ميكانيكية السيارة وأن التزويد منه المفيد مثل زيادة كفاءة السيارة من أداء مقارنة بالطاقة المستهلكة ، وأيضا القوات العسكرية أو المرور تقوم بتزويد سياراتها ( الحكومة تزود) :d ، وبعض الناس يظن أن التزويد كله مضر ، بالعكس وكالات السيارات العالمية قد توفر سيارة عادية وأخرى من نفس النوع عليها سوبر شارج أو تيربو مثل الرنج والكيان ( الوكالة تزود وتبيع بأغلى ) وأنت ممكن تزود بنصف القيمة :d

شكرا لك استاذي







وآسف على الأطاله أخي الكريم


تقبل مروري

[قناص شدا]

مبدع اخي الكريم اتحفتنا بهالموضوع الرائع كصاحبه اهنيك من كل قلبي واللهم لاحسد

موضوع مهم لأهل التزويد وهذا ماكنا ننتظره من اصحاب الخبره والتجربه في هالمجال هذي المواضيع المفيده وألا فلا


سجلني من المتابعين لموضوعك الى النهايه



لك رسالة على الخاص اتمنى الرد عليها



ولك فائق احترامي

[ابن عكاش]

يعطيك العافيه وبصراحة الشباب من تالي طلعو بلاوي السيارات ووش فيها من قوة ووش مافيها من عيوب
الله يوفقك وينفع بك

[نورس2]

ما قصرت
علوم طيبة يا ال Rb

[Turbo RB]

اشكر كل من دعم الموضع

الصراحه ياشباب تفاعل غير عادي يجبر الشحص في طرح الاكثر والاكثر

يا اخوان انا من صميم قلبي اشكركم كل باسمه شكر خاص

واعذروني لو ما ذكرت الاسماء والا كل واحد منكم حقه موضوع رد بحاله

انا ودي نتعلم من بعض واخواننا الي سألوا حق علينا نجاوبهم

[Turbo RB]

والله ماشالله اخوي معلوماتك وافيه بسوالف التلغيم:good:
انا صار لي سنه بادي بالتلغيم
معاي بليزر 2007 ركبت له سستم كي اند ان(البايب+الفلتر) وركبت له مروحه تركب داخل البايب تشتغل على الكهرب لها كتاوتها الخاصه ولها حساس تحت دعسة البانزين يشغلها وشلت دبت التلوث وان شالله ناوي على مروحة كهرب بدل المروحه الستوك الي عليه
بس انا احب اعدل سيارتي بنفسي
يعني كل الي عليه انا مركبه بنفسي معاد القزوز لين مالي باللحيم
البرمجه ممكن ابرمجه انا بنفسي؟؟
يعني هل في برنامج ووايرات تنباع عشانن ابرمجها لين المحلات اسعارهم فوق والشغله بسيطه وانا احب اتعلمها
رحت لواحد يبرمج قالي القير بروح يبرمجه والمكينه بروح والتراكشن بروح كل شي بسعر
ووصلني لين ال3000ريال!
اشتريلي تيربو ابرك--هههههههههههههههه
عمومن انا مشروعي عقب المروحه والبرمجه هدرز
بعد الهدرز تيربو حصلته في ebay ب400دولار تيربو جارج كامل مع المبرد والاهواز والبيبات والكلبسات وكل شي و مجربينه على بليزر ستوك صعد من 290 إلى 400حصان
هذا وهو ستوك اجل الي عليه هدرز وبرمجه كم بيوصل

وياليت تعطيني رايك بالبليزر هل راح يتحمل هذا بالنسبه للقير والمكينه والبككس (الدوفرنش)
مع العلم ان السيفتي ماله على ال6500rpm
وشنو تنصح فيه

أعتذر على الإطاله

لا تعتذر على الاطاله وحياك الله وحيا علومك

خليني ابسط المسأله واشرحلك التعديل كيف ما كان في خطوات معدودة وانت قيس عليها

في التعديل سواء اي نوع من تعديل اداء المحرك فيه خطوات لاقل خسارة ممكنه

بغض النظر عن مروحه وغيرها خليني ادخل معك في البرمجه سيدة

انصحك اخوي ما تبرمج الا بعد ما تركب سستم الاير كامل والفيول كامل

او نخلي لغتنا ابسط يعني ما ابرمج السيارة الا اذا عدلت نظام الهواء وانتهيت منه ونظام الوقود

لو برمجت وبعدين ركبت هدرز راح يصير لك امر من اثنين يا ما راح تستفيد من الهدرز...

يا العزم والقوة تطيح معك وتحس الموتر اضعف من اول

لان الكمبيوتر مبرمج على ارقام وما تفتح البلوف سواء بلوف النار او البارد الا بالقدر القديم والمبرمج مسبقا

وبهذي الطريقة راح يكون نقطة خلل لضغط المكينة الي يلعب كل من الهدرز والاقزوست في وزنيته

اكبر دليل الدبه المخرومه في السيارات القديمه

علشان كذا انصحك ركب الهدرز وبعدين برمج

اتمنى اذا عندك مقدرة تشتري هدرز مستورد لان الاسعار عندنا نار وصنايعيه مايزبطون اللحام

ومعروف انه اهم مافي الهدرز اللحام الا اذا انت بتنسخ حق الوكاله بنفسك وتهتم في الصنعه وتضبطها
على رواقه لا تزيد اكثر من انش عرض على حق الوكاله الا اذا بتركب سوبرشارج

بالنسبة للبرمجه فيه وايرات متنوعه اشكال والوان واجهزة البرمجه اسعارها مو مرتفعه مرره

يعني تقدر تاخذ جهاز برمجه في حدود ال2500 ريال بس محدود الامكانات

انا افضل انك ما تبرمج وانما هكر اوفر واسهل و بدون تغيير وفمته لبرمجة الوكاله

انا ما اعرف كم هو مقاس كيبل البليزر والا كان اعطيتك الرقم بس خلني اشوف واحد من الربع

عنده بليزر واشوف كم الرقم المناسب للكيبل

انصحك اخوي ما تغير برمجة القير لانها غلطه اكثر الشباب يطيحون فيها

لان القير بوكس الاستوك ما يتحمل ضغط الزيت زي قير الريس او الدرفت

واذا زودت النسب وخليتها نسب متفاوته او حشرتها راح تهرب الصوفه وراح يتعطل القير حبه حبه

بالنسبة للتيربو كت لازم يتغير الهدرز حق بلد السيارة الا كم نوع من انواع الهدرزتيربو

واشهرها الهدرز الي نسميه الشنب ويجي تقريبا نفس الابعاد في كل ماصورة

تاكد انك اذا اخذت تيربو كت لازم يكون معه القطع هذي كلها :
( التوربين - البيبات - الانتر كولر - الداون فالف - والقزاقيت - غير الكلبسات - وجلد التوصيل - وعداد البوست )

لان التيربو كت ما يركب بدن هالقطع ولو نقصت قطعه ما يركب ابد

بالنسبة للمحرك حق البليزر يتحمل عادي لو برمجت التيربو على اللو بوست
اما لو بترفع التيربو على الهايق بوست فصدقني راح يطير البستم قدام عينك هههههههه

انصحك لا تستعجل في شغلتك وخلها على رواق

المهم لاتركب اي قطعه الا وانت متاكد من قياساتها وتاثيرها

لا تنسى اذا بتركب تيربو وراك طرمبة زيت لازم ينشبك عليها وبكذا لازم كرتير اكبر

التيربو موضوع كبير بهد ذاته وباذن الله لنا موضوع عن التوربين والسوبر شارج

تقبل تحياتي

[دله وفنجال]

السلام عليكم...


هلا وغلا بخوي الغالي Turbo Rb ...

الله يعطيك العافيه ويخليك على هذه الموضوع الجميل والوافي والمعلومات القيمه...

اخوي الغالي عندي Vx-r 2001 وودي اعدل عليه انا الحين مركبله كت استيل تايواني بدون الشعبه الي طالعه من المكينه لاني مالقيته وكثير انصحوني بلشعبه الي تكون من حديد سويدي بس ماحصلنا وياليت تدلنا على احد يبيعه او موقع احصله عنده .وكذلك فلتر هواء وبواجي من نفس نوع الفلتر . والحقيقه الموتر فرق معي خاصه بلنفود حسيت ان عزمة بس فرق عن اول لاكن ماهوب واجد بس انت خابر الادمي طماع وودي والله تنصحني وشلون اقوي التورك عندي . مع العلم انه كثير قالولي ان هلمكاين (V8) مايعدل عليها لانها ماتتجاوب مع التعديل مثل السته اسرندل 4500 سي سي تايوتا او الـ4800 سي سي ...
ووشي افضل القطع الاضافيه الي تنصح فيها وهل اعادة البرمجه راح يفرق على الموتر .. وكذلك التيربو لاني حصلت تيربو صغير قيمته 4500 ريال يعطي 20 حصان زياده ولا يبيله شغل مثل الكبار...

ااسف على الاطاله وكثرة الطلبات بس والله من زمان ادور واحد نصوح وفاهم بس مالقيت...

تسلم ولاعدمناك يالغالي...

[Turbo RB]

هاوي فتك

وعليكم السلام ورحمة الله وبكاته

بنسويها زي الاختبارات النهائية انت سين وانا بانزلها جيم

رقم الاجابه ترجعلها في رقم السؤااال ههههههههههههههههههههههههه

خليني اتعبك بين الصفحتين

ج 1 : ياصاحبي المحركات الي تجي سنقل كام ويسمونها بعد soch هذي يجي لها كام واح فقط

هو المتحكم في بلف الدخول وبلف الخروج ولانه نفس القطعه المتحكمه في بلف الدخول والخروج

وبكذا ما تحتاج غير بكره تيمن واحدة يكون حجمها كبير وهذي تصب في صالح التورك

وسير التيمن يجي اقصر من الراسين . المحركات الي تجي راسين يسمونها تون كام doch

وهذي ممتازة في التسارع بس العزم اضعف من السنجل لاسباب :

بكرة التيمن في السنقل اكبر وتصب في مصلحة التورك اما بكرات التون كام تجي اصغر وتصب في
مصلحة التسارع وعلشان وجود البكرتين يتولد نسبة فراغ بسيطه ماهي موجوده في السنقل.

سير التيمن في السنقل يكمل لفته اسرع من التون كام لانه اقصر وبكذا يسد اي فراغ او يكون

مضغوط على طول فما فيه مجال تفويت او ارتخاء لانه يفك بلف النار والبارد وهو المسؤال لحاله .

حجم الكام في محركات السنجل كام اكبر من محركات التون كام وبرضوه تصب في مصلحة العزم

واكيد ياشباب عبارة doch و soch تعني الكامات اذا سنقل او تون

وان شاء الله تكون عرفتو هالمعلومه ونقدر من خلالها التفرقه بين السنجل كام والتون كام


ج 2 : على حسب حشرة التروس ونوعيتها يعني النسب محشورة الى اي مدى ؟؟

في حشر تروس علشان التسارع وفيه علشان التورك وفيه حشر نسب علشان التشارع والتورك سوا

عموما النسب المحشورة تزيد التورك وتعطيك تسارع بس السرعه القصوى تقل معك

اما تفويت النسب يقلل التسارع والتورك بس يعطيك سرعة قصوى اكبر من السابق

انا ارى انه الكرونا لما تكون موضبة بتروس من معادن صلبة وتكون نسبها محشورة راح تعطيك

تورك قوي جدا والكرونا في سيارات الدفع الخلفي اساسية في رفع التورك .

اما شغلت قير الفتك العادي والاوتو ما اقدر اجوم او اعطيك اجابة وانا ما جربتها فاعذرني .


ج3 : المعلومه صحيحه بس الارقام فيها شوية نفسير

محركات تويتا دائما ما تنتج بضغط عالى يعني المحركات مهما كانت لم تصمم بطريقة مرنه

مثل بعض شركات السيارات وتويتا من الشركات الي محركاتها تكون محدودة المساحات ومرتفعة الضغط

وبكذا لو زودنا عليها راح يتعدى الضغط الحد الاعلى وتتعط القطعه الاضعف ثم الي بعدها

الي اعرفه ومتاكد منه انو غير محرك ال 2jz لتويوتا لايوجد محرك ممكن تركب علية اكثر من 150 حصان

بالنسبة لنيسان فهي تصنع محركاتها بضغط منخفظ وعلشان كذا يتحمل التعديل وهذا الي معطي

نيسان افضلية على التويوتا بالنسبة لتعديل المحركات .

جيربوكس الباترول يتحمل الين 1000 حصان عادي واعرف اشغاص عندهم فتك فوق ال 1100 حصان والقير بوكس شد بلد لاكن يجب اغيير الشفت كت كامل ويتركب له مبرد زيت

ج4 : الاستروكر والتيربو موضوعين لهم نفس الهدف لاكن التيربو تفوق على الاستروكر

لما احشر راس مكينة على بق بلوك او غير البساتم الى بساتن ضغط عالي وهي وكلها الطريقتين

علشان تكبير مساحة المكينة فلما اغير البلكه او اجوف البساتم هذا يعطيني نسبة وقود وغاز ممتازة

ويعطيني قوة حلووو جدا لاكن التيربو افضل ولعدة اسباب

اولا التيربو كل ما زادة الدعسة يزيد الضغط الين يوصل للماكسموم ولاكن بشكل تدريجي

وسريع في نفس الوقت يعني ضغط التيربو عند 3000 لفه راح يكون الدبل عن 6000 لفه

وراح يكون الضعفين عن 9000 لفه شايف التفجير الي قاعد يصير ؟؟؟

بينما الاستروكر بضغط ثابت من والى لان الغرفه تستقبل كمية ثابته لاكن التيربو يضغط كمية اكبر مع زيادة اللفات

واشرحها ابسط اذا كان الستروكر يعطيك 7 لتر فاكيد راح تكون 7 لتر في 1000 لفه او 9000 لفه

اما التيربو لو يضغط 40 سم مكعب عند 3000 لفه راح يضغط 80 سم مكعب عند 6000 لفه

و 120 سم مكعب عند 9000 لفه فصدقني اذا كانو زي ما تقول التيربو راح يرووووو ح

الا اذا االستروكر علية طقم نوس او فل هوايات مع سيستم فيول مع ثلاجة معدلة ممكن يقربون من بعض

عموما بالتيربو نقدر نوصل لقوة اكبر بكثير من الاستروكر

لاكن بالنسبة للتسارع يمكن يطلع الاستروكر اول 30 متر بعدها يشتغل المنفاخ ويطير

اما العزم الاستروكر والتيربو متقاربين الا اني ارجح الاستروكر لان العزم فيه اثبت من التيربو

ومستواة ما يتغير زي التيربو الي يكون عزمه على درجات

لاكن ما قلتلي ايش الاستروكر بالضبط الي قاعد تقارنه هل هو اكبر من 7 لتر او اقل ؟؟



ج5 : بالنسبة لمقاس الكام للتطعيس اشوف انو كل ما كبر الكام كل ما اعطاك عزم بس لو زاد

الحجم راح يكون على حساب التسارع وهذي نقطه مهمه علشان كذا تختار واحده من ثنتين

ياتاخذ كام متوسط وبكة كبيرة يا كام كبير وبكرة صغيرة علشان تعادل التسارع والتورك

او فيه كامات مع بكراتها جاهزة للشي هذا اما رقم ما اقدر احدد لك رقم الا بعد ما اعرف كم القوة الاجمالية
للهورس بور والتورك والكمبرشر وكم كام تون او سينقل

اما مسح راس المكينة انا دائما ما اكون ضد هالاشياء لانها تعجل بعمر الراس او يمكن ينشعر
او يمكن يحتر وتتلزق علومه

لاكن تقدر تسوي مسح لراس المكينة خفيف وتغير وجه المكينة بنوع مصنوع من مواد طاردة للحرارة من جهه وماصة من جهه اخرى

بس هالنوع من الشفتات يكون غالي جدا وماهي محرزة على شي لايذكر

انا انصحك لا تمسح راس المكينة لاكن لو سويتها عندك حلول بالنسبة للحرارة

اولها تغير طرمبة الرديتر بطرمبة اسرع في اللف وزود الرديتر صفه لان الراس فقد من معدنه الاساسي كمية

لازم تعوضها


بالنسبة للهواء البارد فهناك قطعة تشبه الرديتر تستخدم لتبريد الهواء المضغوط للتيربو

نقدر نركبها

لاكن لو كان اتجاه الفلتر بعيد عن المكينة ويستخلص هواء الشفط برا الكبوت راح يكون افضل

لان احتراق الهواء البارد اوقى من احتراق الهواء الساخن وبكذا تزيد قوة الانفجار


اتمنى اني قدرت اجاوبك على شي بسيط مما ذكرت

واتمنى من الله ان اجاباتي تكون وافية

تقبل تحياتي

[Turbo RB]

السلام عليكم...


هلا وغلا بخوي الغالي Turbo Rb ...

الله يعطيك العافيه ويخليك على هذه الموضوع الجميل والوافي والمعلومات القيمه...

اخوي الغالي عندي Vx-r 2001 وودي اعدل عليه انا الحين مركبله هدرز استيل تايواني وفلتر هواء وبواجي من نفس نوع الفلتر . والحقيقه الموتر فرق معي كثير خاصه بلنفود حسيت ان عزمة فرق عن اول بس انت خابر الادمي طماع وودي والله تنصحني وشلون اقوي التورك عندي . مع العلم كثير قالولي ان هلمكاين هذي مايعدل عليها لانها ماتتجاوب مع التعديل مثل السته اسرندل 4500 سي سي او الـ4800 سي سي ...
ووشي افضل القطع الاضافيه الي تنصح فيها وهل اعادة البرمجه راح يفرق على الموتر .. وكذلك التيربو لاني حصلت تيربو صغير قيمته 4500 ريال يعطي 20 حصان زياده ولا يبيله شغل مثل الكبار...

ااسف على الاطاله وكثرة الطلبات بس والله من زمان ادور واحد نصوح وفاهم بس مالقيت...

هلا وغلا فيك

نصيحتي لك غير الهدرز الى هدرز هوت شوت امريكي او سبايدر وبعد امريكي

لو تاخذ هدرز هوت شوت من السيراميك راح يكون افضل بكثيييير من الي عندك

صح انه غالي بس الاصلي اصلي

اتمنى تغير الفلتر بفلتر اصلي وباقولك اسماء كثير وانت نق منها بس التايواني والصيني

تدخل غبار وبعد فترة بتلقى طبقة غبار على وجه البلوف من الداخل والسبب الفلتر

حاول تشتري فلتر من : k&n - hks - smoto - aem - apxe - engin

وغيرها لا تاخذ واسعارها ما هي بزود فرق عن التايواني اكثر من 100 ريال

ولو تركب انتيك للفلتر او رامير يكون من مادة ممتازة راح يفرق

تقدر تشتري بكرات للمحرك الي عندك وسيور وبعد تعطي فرق

تقدر تشتري يوني شيب وتركبه على كمبيوتر الوكاله وابعد عن البرمجة احسن لك

التيربو الي ذكرته غالي مرررره على الاحصنه الطفسه الي بيعطيها

انا عندي هوندا اكورد عليها تيربو 220 حصان لحاله غير المكينة يعني مع المكينة 363 حصان
وسعره كامل اكثر من 8 قطع ب 1175 دولار شامل الشحن حوالي 4400 ريال
والفرق بينهم 200 حصان فانتبه من النصب وانا اخوك

وانا اشوف ما يحتاج تيربو القطع الي مادون التيربو ممتازة وتخدم بعد وتحافظ على المكينة

[Turbo RB]

مبدع اخي الكريم اتحفتنا بهالموضوع الرائع كصاحبه اهنيك من كل قلبي واللهم لاحسد

موضوع مهم لأهل التزويد وهذا ماكنا ننتظره من اصحاب الخبره والتجربه في هالمجال هذي المواضيع المفيده وألا فلا


سجلني من المتابعين لموضوعك الى النهايه



لك رسالة على الخاص اتمنى الرد عليها



ولك فائق احترامي

اخوي الخاص مقفل علشان عدد المشاركات

لاكن باذن الله لارضيك وابشر ببياض الوجهه وانا اخوك

خلهم يفكون الخاص بس وانا اجيك مطامر

موضوعك تحت التكتكه

[م/الحمود]

موضوع قيم جداً
يكتب بماء الذهب
بارك الله فيك
اخي الكريم Turbo RB


انت مكسب لمنتدنا الجميل


عندي الكثير من الاستفسارت لاكن سوف اجلها الى وقت اخر



تقبل وافر الاعجاب والتقدير لشخصك الكريم ولأسلوبك الذي يدل على التمكن والاحتراف


في رعاية الله اية المبدع



اخوك
ابو محمد الحمود

[دله وفنجال]

السلام عليكم...

هلابك مره اخرى اخوي Turbo RB ...

اخوي الغالي الهدرزات الي قلتها على قولتك غاليه سعرها كامله فوق الـ5000 ريال هذا غير التركيب .
الفلتر الي عندي K&n مع الوصله حقته ...

وفيه شي ثاني القطع الي قلتها لي من وين اجيبها هل فيه مواقع تقدر توفرلي حق الـVX-R مثل الهدرز كامل وباقي القطع الي قلت من بكرات وسيور ...

وكذلك الكهرباء عندي تختلف مالها اسلاك مثل باقي المواتر. الكويل راكب على البوجي على طول فهل فيه حل للكهرب هنا...

وش تنصحني بلتيربو اي نوع وكم سعره وهل فيه احد يقدر يضبطه لي بلرياض. واليوني شيب هذا وشي هل هو منظم او وشي...

أأسف على الاطاله مره أخرى بس ياليت اتزودني بلمعلومات والتكلفه الاجماليه تقريباً اذا ماكان عليك كلافه...

لاهنت يالذيب...

[هاوي فتك]

في البدايه اشكرك اخي العزيز على التفاعل والرد على اسئلتي


وصراحه موضوع يستاهل التثبيت والتقييم


والله يعطيك العافيه





ج 1 : ياصاحبي المحركات الي تجي سنقل كام ويسمونها بعد soch هذي يجي لها كام واح فقط

هو المتحكم في بلف الدخول وبلف الخروج ولانه نفس القطعه المتحكمه في بلف الدخول والخروج

وبكذا ما تحتاج غير بكره تيمن واحدة يكون حجمها كبير وهذي تصب في صالح التورك

وسير التيمن يجي اقصر من الراسين . المحركات الي تجي راسين يسمونها تون كام doch

وهذي ممتازة في التسارع بس العزم اضعف من السنجل لاسباب :

بكرة التيمن في السنقل اكبر وتصب في مصلحة التورك اما بكرات التون كام تجي اصغر وتصب في
مصلحة التسارع وعلشان وجود البكرتين يتولد نسبة فراغ بسيطه ماهي موجوده في السنقل.

سير التيمن في السنقل يكمل لفته اسرع من التون كام لانه اقصر وبكذا يسد اي فراغ او يكون

مضغوط على طول فما فيه مجال تفويت او ارتخاء لانه يفك بلف النار والبارد وهو المسؤال لحاله .

حجم الكام في محركات السنجل كام اكبر من محركات التون كام وبرضوه تصب في مصلحة العزم

واكيد ياشباب عبارة doch و soch تعني الكامات اذا سنقل او تون

وان شاء الله تكون عرفتو هالمعلومه ونقدر من خلالها التفرقه بين السنجل كام والتون كام



الحين وضحت الفكره
كانت وجهة نظري بما ان الحجم للمكينه ذات الرأس الواحد اكبر من الرأسين وأثقل وزن فهذا يمكن احد الاسباب في زيادة التورك

لكن بعد هالشرح تقريباً وضحت الفكره

لكن بقى شيء هو ان مكينة الفتك وهي معروفه طبعاً انها راس واحد لكن مكتوب عليها توين كام
وهذا الدليل في الصور

http://farm1.static.flickr.com/21/27622153_ae8cd0b565_b.jpg






النسب محشورة الى اي مدى ؟؟


مدري

لكن الفائده وصلت وهي ان التورك يزيد لان هذا اللي يهمني ;)




عموما النسب المحشورة تزيد التورك وتعطيك تسارع بس السرعه القصوى تقل معك

اما تفويت النسب يقلل التسارع والتورك بس يعطيك سرعة قصوى اكبر من السابق

كلامك صحيح والدليل من تجربه لي على فتك <~ طبعاً انا تعديلي كله على الفتك ;)
المهم انا جربت كارونة القير العادي والتماتيك
العادي على سرعة 120 كلم = 3500 دوره في الدقيقه
التماتيك على سرعة 120 كلم = 2200 دوره في الدقيقه تقريباً
وهذا اللي كان محيرني والقير على الخامس الجميع




ج3 : المعلومه صحيحه بس الارقام فيها شوية نفسير

محركات تويتا دائما ما تنتج بضغط عالى يعني المحركات مهما كانت لم تصمم بطريقة مرنه

مثل بعض شركات السيارات وتويتا من الشركات الي محركاتها تكون محدودة المساحات ومرتفعة الضغط

وبكذا لو زودنا عليها راح يتعدى الضغط الحد الاعلى وتتعط القطعه الاضعف ثم الي بعدها

الي اعرفه ومتاكد منه انو غير محرك ال 2jz لتويوتا لايوجد محرك ممكن تركب علية اكثر من 150 حصان

بالنسبة لنيسان فهي تصنع محركاتها بضغط منخفظ وعلشان كذا يتحمل التعديل وهذا الي معطي

نيسان افضلية على التويوتا بالنسبة لتعديل المحركات .

جيربوكس الباترول يتحمل الين 1000 حصان عادي واعرف اشغاص عندهم فتك فوق ال 1100
حصان والقير بوكس شد بلد لاكن يجب اغيير الشفت كت كامل ويتركب له مبرد زيت



بالنسبه للأرقام انا سامعها من كذا واحد
ومن كلامك ايضاً فالتحمل لصالح نيسان
ولاتهون تويوتا طبعاً :no2:



ج4 : الاستروكر والتيربو موضوعين لهم نفس الهدف لاكن التيربو تفوق على الاستروكر

لما احشر راس مكينة على بق بلوك او غير البساتم الى بساتن ضغط عالي وهي وكلها الطريقتين

علشان تكبير مساحة المكينة فلما اغير البلكه او اجوف البساتم هذا يعطيني نسبة وقود وغاز ممتازة

ويعطيني قوة حلووو جدا لاكن التيربو افضل ولعدة اسباب

اولا التيربو كل ما زادة الدعسة يزيد الضغط الين يوصل للماكسموم ولاكن بشكل تدريجي

وسريع في نفس الوقت يعني ضغط التيربو عند 3000 لفه راح يكون الدبل عن 6000 لفه

وراح يكون الضعفين عن 9000 لفه شايف التفجير الي قاعد يصير ؟؟؟

بينما الاستروكر بضغط ثابت من والى لان الغرفه تستقبل كمية ثابته لاكن التيربو يضغط كمية اكبر مع زيادة اللفات

واشرحها ابسط اذا كان الستروكر يعطيك 7 لتر فاكيد راح تكون 7 لتر في 1000 لفه او 9000 لفه

اما التيربو لو يضغط 40 سم مكعب عند 3000 لفه راح يضغط 80 سم مكعب عند 6000 لفه

و 120 سم مكعب عند 9000 لفه فصدقني اذا كانو زي ما تقول التيربو راح يرووووو ح

الا اذا االستروكر علية طقم نوس او فل هوايات مع سيستم فيول مع ثلاجة معدلة ممكن يقربون من بعض

عموما بالتيربو نقدر نوصل لقوة اكبر بكثير من الاستروكر

لاكن بالنسبة للتسارع يمكن يطلع الاستروكر اول 30 متر بعدها يشتغل المنفاخ ويطير

اما العزم الاستروكر والتيربو متقاربين الا اني ارجح الاستروكر لان العزم فيه اثبت من التيربو

ومستواة ما يتغير زي التيربو الي يكون عزمه على درجات

لاكن ما قلتلي ايش الاستروكر بالضبط الي قاعد تقارنه هل هو اكبر من 7 لتر او اقل ؟؟


انا مافهمت قصدك بالنسبه هل تقصد اني أغير البلوك ( السلندر كامل ) او الطقم للأستروكر بالضبط وذكرت بعد بق بلوك انا لم اتطرق لمحرك الجمس كان سؤالي للفتك فقط
اما اذا كان قصدك طقم الاستروكر فالخطه هي على الرابط

http://www.briancrower.com/makes/nissan/tb48.shtml



وهذا مقطع مشروع استروكر لفتك موديل 2008


يوجد موسيقى

http://www.youtube.com/watch?v=-nvcQCYfKG0

وبالنسبه للتيربو قوي لكن يعيبة نقص العزم على دورات ار بي ام منخفضه وانا معك يمكن يتفوق الستروكر عليه في البدايه فهذا يؤكد ان التورك من صالح الاستروكر بأن عزمه ثابت
لكن قد يتفوق التيربو بعد مايرتفع الار بي ام في التسارع فقط ولكن حسب مافهمت منك وحسب معلوماتي المتواضعه فأن التيربو عزمه غير ثابت او بالتدرج على عكس الاستروكر
وأضف الى ذلك الحراره يعني كل دعسه لك مره وحده او مرتين ثم لازم تهدي السرعه لمدة قد تزيد على عشر دقائق حتى تبرد المكينه :p
وهكذا وذلك لأنها تتعرض لضغط قوي جداً مع حراره عاليه وهذا دليل لتفوق الاستروكر عليه


واذا جمعتها مثل اللي في الصوره ( استروكر + تيربو = صارووخ ) يصير كامل والكامل وجه الله
ماشاء الله


http://farm1.static.flickr.com/134/344271189_5280c7b6cc_o.jpg




اتمنى اني قدرت اجاوبك على شي بسيط مما ذكرت

واتمنى من الله ان اجاباتي تكون وافية

تقبل تحياتي



ماقصرت الله يجزاك خير

اجاباتك وافيه وشافيه وتدل على خبره ليست قليله ماشاء الله عليك الله يزيدك من علمه

تقبل مروري
تحياتي لك اخي الكريم

[جهراوي]

احييك اخوي على الردود الطيبه

انا والله مادري احس ان الهدرز ماراح ينفع واجد لين المني فول جاي على قياس الهدرز والهدرز من داخل وسيع
عشان كذا انا دورت له هدرز بالمواقع الامريكيه كله
ماله هدرز اعتقد السبب ان هدرزه جيد ومايفر واجد بالتعديل
وسئلة واحد في مصنع بابل قالي ان الهدرز للبليزر مايفرق إلا بشي بسيط جداً بس ممكن تشيل دبت التلوث وهذا افضل حل من ناحيت القزوز لك وإذا تبي صوت ممكن نسويلك سستم قزوز
قلت خلني افكر بالموضوع

بالنسبه للقير على حد علمي انه (هافي دوتي)
عمومن الهوائيات كامله عندي من كي اند ان + المروحه الي داخل البايب(الانتيك)
العزم فرق بس احسه يكتم ساعات
ومرات ادوسله على لفه يزلق وياخذ عروض قويه
ومرات اسمع صوته علي والدفع ضعيف
غير الدفرنش حقه فيه نضام جنرل موترز
يعني الدفرنش تو شفت إذا جا على فوق تحت وكتم التاير الي على اليسار يفرك والثاني متفرج
وبعدين شغله ثانيه ساعات اجي باخمس فيه اول مايرد وجه يفحط وشوي بعدين يخمد ولا كني دايس البانزين كله!!
وانا اخبر كل السيارات تقطع هو احكره بالقير الاول يوصل 6500rpm ويوقف

كيف ممكن اهكر الكمبيوتر ووين
وانا استغربت منه
تدري كم كمبيوتر لقيت فيه؟؟
ثلاث واحد عند المكينه وواحد تحت الطبلون والثالث تحت السيت الخلفي مغطا بصندوق فتحت الصندوق لقيت شي يشبه الدي اس ال ومذربورد تحته وفيوزات
وشرايك بمروحت الكهرب هل تنفع بالعزم

وبالنسبه للتيربو هذا هو
http://cgi.ebay.com/ebaymotors/Chevrolet-Trailblazer-T3T4-TurboCharger-Turbo-Kit_W0QQitemZ260481863150QQcmdZViewItemQQptZMotors _Car_Truck_Parts_Accessories?hash=item3ca5edcdee

[YZNQAZ]

ماشاء الله موضوع ممتاز
اثر الفتك ماهو بهين 1000 حصان والقير والدفرنس شد بلاده

[محترف]

[quote=Turbo RB;3399206]

اذا كان التعديل بطرق حديثه وقطع اصلية من شركات ذات سمعة جيدة
وجودة عالية و مصنوعة عن طريق خبراء وعلماء في مجالهم فصدقني ان التعديل
بهذا الشكل افضل للاستخدام .
اذا كان البستن المصنع من بلد السيارة مصنوع من الحديد المطلي بالكروم يعيش 15 سنه.............

عندي سؤالين لو تسمح
طيب يعني قطع التزويد ما تأثر على شي أبدا في المحرك حتى السلندر مثلا ...
لأنهم اذا ركبوا هدرزات صار الزيت ينقص ..

السؤال الثاني :
هل تتغير أحصنة السيارة بعد التوظيب
وشكرا لك أخوي

[بعيد الهقاوي9]

مشكوووووووووووووووور الى الموضوع الرائع

[الايام]

تسلم على هالمعلومات الثريه والعلميه

واقول للاخ قطب العلم يبني بيوتا لاعماد لها =====والجهل يهدم بيت العز والشرف

العلم مطلوب بكل شي حتى علم السموم والحشرات اهميته بالغه فلا تحتقر علما ابدا وان لم يبلغ ادراكك او افقك او عقلك

زدنا بارك الله في علمك يا كاتب الموضوع الموقر

[عاشق الموج]

ما شاءالله تبارك الله

مهندس في علم التزويد الله يزيدك اكثر و اكثر

عندي استفسار

انت تكلمت في المحرك وكيفيت زيادة العزم

طيب القير هل يوجد له تزويد مثلا كلشات خاصه فيه ؟ او مالي ذالك من تزويد

ولك تحياتي

[Turbo RB]

اخي م/الحمود

اخي Yznqaz

اشكركم على المرور

الله يعطيكم العافية

[Turbo RB]

السلام عليكم...

هلابك مره اخرى اخوي Turbo RB ...

اخوي الغالي الهدرزات الي قلتها على قولتك غاليه سعرها كامله فوق الـ5000 ريال هذا غير التركيب .
الفلتر الي عندي K&n مع الوصله حقته ...

وفيه شي ثاني القطع الي قلتها لي من وين اجيبها هل فيه مواقع تقدر توفرلي حق الـVX-R مثل الهدرز كامل وباقي القطع الي قلت من بكرات وسيور ...

وكذلك الكهرباء عندي تختلف مالها اسلاك مثل باقي المواتر. الكويل راكب على البوجي على طول فهل فيه حل للكهرب هنا...

وش تنصحني بلتيربو اي نوع وكم سعره وهل فيه احد يقدر يضبطه لي بلرياض. واليوني شيب هذا وشي هل هو منظم او وشي...

أأسف على الاطاله مره أخرى بس ياليت اتزودني بلمعلومات والتكلفه الاجماليه تقريباً اذا ماكان عليك كلافه...

لاهنت يالذيب...



عندك هالموقع اي شي تبغاه تلقاه فيه وموجود

ويعتبر من اوثق المواقع

http://www.autopartsplace.com/

وهذا بعد مثله

http://www.carpartswholesale.com/


هذا النوع من الكويلات معقد فانصحك تشتريه معدل

او لا تقربه هههه

التيربو فيه انواع بحدود ال 2500 ريال طيبه وممتازه
وانت تتحكم في البوست حقه وتخفضه على قد ضغط المحرك

انت يبغالك جلسه ولا يهمك راح اوفرلك المعلومات بشكل كامل باذن الله تعالى

[Turbo RB]

اخوي هاوي فتك

المحركات ال 6 سلنر تجي نوعين

نوع على شكل حرف V

ونوع على شكل حرف L

الفتك نوع L بتون كام يعني كامين فوق

فعادي الموضوع

اذا جينا للمقارنه المكائن براس عزمها اقوى من راسين

والمكينه بكام واحد عزمها اعلى من كامين

عموما كل السيارات الحديثه تجي بكامين الا ماندر لان الكامين اخفظ في الصوت واقل في الصرفيه



بالنسبة للاستروكر فيه منه نوعين

الاول وهو تغيير البلكه كامله وحشر الهد على بلكه اعلى في السعه

و اي بلكه اكثر من 5.5 نسميا بق بلك وفيه بلكات لل6 سلند واصله 6 لتر فعادي ماقصدت
بكلمت بق بلوك مكينة الجمس

والنوع الثاني من الاستروكر يكون بتغيير القطع الداخلية بقطع تعطي سعه لترية

مثل البساتن المجوفه والمقسمه وتغيير ذراع البستم بنوع اقصر حتى يكبر شوط الكرنك
وووووووو الخ صدقني الاستروكر والتيربو كل واحد منهم موووضوع الا مواضيع

الله يكثر من امثالك
هذي العباره قلتها وانا اكتب الرد ياصاحبي

[Turbo RB]

احييك اخوي على الردود الطيبه

انا والله مادري احس ان الهدرز ماراح ينفع واجد لين المني فول جاي على قياس الهدرز والهدرز من داخل وسيع
عشان كذا انا دورت له هدرز بالمواقع الامريكيه كله
ماله هدرز اعتقد السبب ان هدرزه جيد ومايفر واجد بالتعديل
وسئلة واحد في مصنع بابل قالي ان الهدرز للبليزر مايفرق إلا بشي بسيط جداً بس ممكن تشيل دبت التلوث وهذا افضل حل من ناحيت القزوز لك وإذا تبي صوت ممكن نسويلك سستم قزوز
قلت خلني افكر بالموضوع

بالنسبه للقير على حد علمي انه (هافي دوتي)
عمومن الهوائيات كامله عندي من كي اند ان + المروحه الي داخل البايب(الانتيك)
العزم فرق بس احسه يكتم ساعات
ومرات ادوسله على لفه يزلق وياخذ عروض قويه
ومرات اسمع صوته علي والدفع ضعيف
غير الدفرنش حقه فيه نضام جنرل موترز
يعني الدفرنش تو شفت إذا جا على فوق تحت وكتم التاير الي على اليسار يفرك والثاني متفرج
وبعدين شغله ثانيه ساعات اجي باخمس فيه اول مايرد وجه يفحط وشوي بعدين يخمد ولا كني دايس البانزين كله!!
وانا اخبر كل السيارات تقطع هو احكره بالقير الاول يوصل 6500rpm ويوقف

كيف ممكن اهكر الكمبيوتر ووين
وانا استغربت منه
تدري كم كمبيوتر لقيت فيه؟؟
ثلاث واحد عند المكينه وواحد تحت الطبلون والثالث تحت السيت الخلفي مغطا بصندوق فتحت الصندوق لقيت شي يشبه الدي اس ال ومذربورد تحته وفيوزات
وشرايك بمروحت الكهرب هل تنفع بالعزم

وبالنسبه للتيربو هذا هو
http://cgi.ebay.com/ebaymotors/Chevrolet-Trailblazer-T3T4-TurboCharger-Turbo-Kit_W0QQitemZ260481863150QQcmdZViewItemQQptZMotors _Car_Truck_Parts_Accessories?hash=item3ca5edcdee


خلينا نبدا بالتيربو

الي في الرابط كويس جدا بس ناقصه داون فالف وناقصه قزاقيت


اما بالنسبة للنظام حق الترانسمشن يمكن عليه سيفتي اذا فر الكفر يقطع حقن المكينه


الكمبيوترات يهمنا منها الي تحت الطاره هو غالبا الي نقدر نضبط العزم والقوه منه

تهكير الكمبيوتر يكون عن طريق كمبيوتر ثاني نسمبه يوني شيب وهذا الاخير نوصله

بكمبيوتر الوكاله

ويين تسويها الله اعلم لاني نادرا اتعامل مع محلات فما اعرف احد موثوق

دور وان شااء الله تلقى احد يركبها لك

اما اليوني شيب نفسه اشتره عن طريق النت اوفر واضمن

وفيه مواقع كثير تبيع هالقطعه وشحنها ما يطول

يعطيك الف عافية على متابعتك للموضع

[Turbo RB]

[quote=Turbo RB;3399206]

اذا كان التعديل بطرق حديثه وقطع اصلية من شركات ذات سمعة جيدة
وجودة عالية و مصنوعة عن طريق خبراء وعلماء في مجالهم فصدقني ان التعديل
بهذا الشكل افضل للاستخدام .
اذا كان البستن المصنع من بلد السيارة مصنوع من الحديد المطلي بالكروم يعيش 15 سنه.............

عندي سؤالين لو تسمح
طيب يعني قطع التزويد ما تأثر على شي أبدا في المحرك حتى السلندر مثلا ...
لأنهم اذا ركبوا هدرزات صار الزيت ينقص ..

السؤال الثاني :
هل تتغير أحصنة السيارة بعد التوظيب
وشكرا لك أخوي


انا قلتها سابقا اخي الكريم

اذا كان التعديل بخطوات علمية ودراسات نظرية سليمة وصحيحة
وكانت الدراسات النظرية معتمدة على علم الفيزياء وقوانين علم الميكانيكا
وقوانين علم الالكترونيات والكهربائية الصحيحه والمعتمدة
وكانت القطع مصنوعة بجودة عالية وقياسات صحيحه
وكان الفني او المعدل ملم بما يعمل ومتمرس

فان التعديل لايضر اطلاقا بل ينفع اكثر واكثر

اما شغلة الهدرز وانه ينقص زيت المكينة فانا باعطيك السبب

هذا من اسبابها انك تركب وجه هدرز تجاري او خفيف في السماكه
او لما يكون هدرز المكينة الاساسي بمساحة 2 انش مثلا وتغيره بهدرز معدل 4 انش
ومن اسبابها تركيب هدرز مو مقاس المكينة ولا على قد وجهه المكينة


اما بعد التوظيب اكيد تتغير على حسب التوضيب

اما تزيد او تنقص وهذا له اسباب عديده

تقبل تحياتي

[Turbo RB]

اخواني الاعزاء الي ارسلو رسائل استفسارات على الخاص

جميع اسئلتكم لها جواب بأذن الله وهي امور بسيطة جدا وتعتبر اساسيات في التعديل

ويجب تعلمها وسيتم طرح جميع الاجابات والاستفسارات في العام لتعم الفائدة

اخواني يجب ان لا نخجل من السؤال وان لا نخفيه عن اخواننا حتى لا يرها البعض

ممن يسمون هذا الباب من علم السيارات طيش وجهل ومراهقة

اتمنى طرح الاسئلة في العام حتى تشمل اكبر عدد ممكن من المستفيدين

وحتى يستفيد اخواننا من الاسئلة والاجابات

وربما كان بيننا من هو استاذ في علم التعديل والتزويد ويفيدنا اكثر وتعم والفائدة



اخواني الذين فتح الله عليهم بالمعرفة والثقافة والاطلاع

اشكر لكم ردودكم وتفاعلكم مع الموضوع

واشكر لكم ماكتبتم ردا على اخواننا الذين يجهلون هذه المهنه او الهوايه او العلم اوما احببتم تسميته

ولاكن لتكون ردودنا لهم كلمات بسيطه نطرحها لتعريف هذا العلم وتوضيح اسبابه

فلعلهم صادقين في ماقالوا ولكنهم تحدثوا من الزاوية الضيقة والمظلمة للتعديل

انا لا اخفيكم ان هناك من يزعج المسلمين ويؤذيهم ويروع المشاة في الطريق او السالكين للطريق

سواء بسياراتهم او ارجلهم ولاكن هذا لا يشمل والنظره يجب ان لا تعمم

فاحببت ان اخبركم نقاط بسيطه لتتعرفوا على منهم في هذا المجال ولم يتخلوا عن تربيتهم واصولهم

و اخلاقهم وتعاملاتهم ولتعلمو ان الهدف من التعديل بعيد عن السلبيات التي نراها عند بعض الشباب


ثق ثقة تامه ان المعدل المحترف والمتمكن يرى ان سيارته جوهره ثمينه وتحفه غالية
فتجده شديد المحافظة عليها وعلى ما بداخلها من قطع
لا تجده يتسابق مع فلان وعلان ومن يعرف ومن لا يعرف
لا تجده واقفا عند اشارة وقد استهلك الوقود في الضغط على الدواسة ليستمع الناس لصوت سيارته
لا تجده يخرج بها الا نادرا ولمناسبات معينه

اما من هو سفيه العقل وخفيف التصرف فهو من اعتاد صرف النقود واستهلاك
المادة في تعديل سيارته وصيانة خراباتها
وثق انه دائما ما يتعرض للاحتيال ولا يبالي لان ( البابا والماما ) موجودن ويعطون بدون سؤال

ارجوا ان لا نخلط بين العابث والمهتم و السفيه والعاقل

وان رائيتم سفيها واحد فثق انه مر بجانبك الف عاقل ولاكن انت لا تلاحظه لانه لا يقوم بما يقوم به
السفيه من دلالات تدل عليه

اشكر لكم اهتمامكم في الموضوع سواء المؤيد والمعارض

ولكم خالص تحياتي

[ابن غفيص]

مبدع وفاهم . . .

كلام منطقي يدخل العقل . . .

هذا اللي نبيه

طيب لو تكرمت سؤال . . .

بالنسبه للهايلوكسات الجديده لما ذا لا يركب عليها الفلتر أو بلأصح يركب الفلتر لكن له مشاكل منها إن عداد الظغط ينزل لحول الصفر وكأن السياره تبي تطفى . . .

أريد أفضل احلول لزيدة عزم الهايلوكس الجديده 2006 وطالع لوتكرمت..

ولك مني جزيل الشكر والدعاء. . .

[moooj]

اخي turbo لا املك الا ان اقف لك احتراما وتقديرا لما تقدمه , ليس لسيل المعلومات القيمة فحسب وانما يمتد الاحترام والتقدير الى الأعجاب باسلوب طرحك للمعلومات في قالب منظم , سهل , وسلس لتتحفنا بمعلومات وتطورات عالم تقنية المحركات , المس من مواضيعك حبك لهذا المجال والأنسجام التام بين اتساعه وسعة ادراكك وتفكيرك.
اخوض انا بدوري في هذا العالم , عالم تقنية السيارات والمحركات , لكن على استحياء لذا فأنا اقدر العقل الذي يستطيع الأنطلاق في آفاق رحبة واسعة فسيحة لايحده حدود.
تقبل مروري وشكري وتقديري لك ولابداعك والى الأمام ودعواتي لك بالتوفيق.

[ابو عبدالملك 2]

مشكور اخوي على المعلومات المفيدة

[Mekshaati@]

اشكرك اخوي تيربو على الموضوع المفيد جدا خصوصا اني معلوماتي في التعديل صفر

جزاك الله خير وجعلة في موازين حسناتك ...

ودي تبين سلبيات التعديل واثارة على المكينة اذا كان فيه سلبيات.

وتقبل شكري وتقديري.

[alanaziB52]

مشكورررررررررررررر على المعلومات المهمه ,,,, الله يعطيك العافيه

[جهراوي]

يعطيك العافيه اخوي
انا لقيت تشيب بس مادري عن مواصفاتها
هذا رابطها ياريت تعطيني رايك اطلبها ولا لا
http://cgi.ebay.com/ebaymotors/REAL-PERFORMANCE-CHIP-CHEVY-TRAILBLAZER-2002-2009-2008_W0QQitemZ330351891520QQcmdZViewItemQQptZMotor s_Car_Truck_Parts_Accessories?hash=item4cea81d440 (http://cgi.ebay.com/ebaymotors/REAL-PERFORMANCE-CHIP-CHEVY-TRAILBLAZER-2002-2009-2008_W0QQitemZ330351891520QQcmdZViewItemQQptZMotor s_Car_Truck_Parts_Accessories?hash=item4cea81d440)

وفي هذي بعد
http://cpwstore.carpartswholesale.com/catalog/?PN=4294937591&N=0&VN=4294967170+4294966993+4294963986+4294965995+429 4967223&Nr=AND(universal:0)&sv=0

ايهم احسن برايك؟؟
تحياتي

[has-120]

مشكور أخوي
وش التعديلات الي تنصح بها
على الماكينه
للنظام vvti

وخصوصا زياده العزم وليس التسارع
ومشكور وما قصرت.

[مخاوى ابوه]

ماشاء الله لا قوة الا بالله
مبدع يا بعدى

بس فيه كذا نقطه ودى اعقب عليها

1>فى كلامك عن محركات التيوتا وانها ما تتحمل اكثر من 175 حصان
صراحة انت ظلمت محركات تيوتا بكلامك
وين راح محرك فريق العنابي
اللى وصل الى 1400 حصان تزويد !
وين راحت هددات اهل الامارات
اللى بتيربو
والى بستروكر
واللى بكامات وكمبيوتر

وقبل فترة انا شفت فى اليوتيوب شخص امريكى
سقط مكينة 4500 التايوتا على سوبرا
وطلع منها 1800 حصان على الكفر !!!


2> من ناحية البواجى واسلاكها والكويلات
من تجربه
ما تفرق معك الا اذا عدلت تعديل جامد
يعنى دام تعديلك على فلتر وهدرز وانت جاى
خلها بلد احسن
خاصه
فى 4500 تايوتا و4800 نيسان

[alannaby]

موضوع رائع وشرح اكثر من ممتع:)

[خيال القصيم]

يابعد قلبي على سعة هالصدر وحب الخير للجميع ..
بالفعل موضوع مميز من شخص مميز ..
حبيت أسال انا معي فتك قير اوتو عليه هدرز كامل ..
واحد من ربعي راعي ترهيم وشغل قلت له ابركب فلتر قال يكفيك تجيب فلتر حق الدينا وتركبه على طول بمحل فلتر الوكاله .. يقول انه يزيد العزم لأنه يقول اهم شيء انه يدخل هوا أكثر ..
والأمر الثاني عندي لاجيت اتقاوم أنا وواحد عندي البدايه ضعيفة لين ياصل الكمبريش الى 3.5 بعدين يفتح ويعطيك القوه ..
اذا فيه حل يكون يعطين العزم من البدايه ..
وفيه واحد من جده يقول اننا نبرمج كمبيوتر الوكاله وهو بمحله بـ 3000 ريال ايهم أفضل هو ولا كمبيوتر معدل .. وهل يعطي نتايج مع الفتك الاوتو ..
شاكر لك طول بالك واعذرنا على الكلام الكثير
أخوك

[الموفد]

ماشاءالله على هالابداع في جميع جوانبه من معرفه ودرايه في علم وتقنية السيارات يتعداه الى طريقة اسلوبك في صياغة الموضوع والرد على استفسارات الأخوان ومايميزك هو دماثة اخلاقك وحسن ظنك بمن يحاولون الاساءه اليك اشكرك اشكرك وادعوا لك من قلبي ان يوفقك وان يسدد خطاك وان يجعلك علما يشار له بالبنان برفعك لشان وعزة هذا الوطن ,,واتمنى منك المواصله وعدم الالتفات لما يقوله المغرضون....

اخوك ابوسطام

[Turbo RB]

مبدع وفاهم . . .

كلام منطقي يدخل العقل . . .

هذا اللي نبيه

طيب لو تكرمت سؤال . . .

بالنسبه للهايلوكسات الجديده لما ذا لا يركب عليها الفلتر أو بلأصح يركب الفلتر لكن له مشاكل منها إن عداد الظغط ينزل لحول الصفر وكأن السياره تبي تطفى . . .

أريد أفضل احلول لزيدة عزم الهايلوكس الجديده 2006 وطالع لوتكرمت..

ولك مني جزيل الشكر والدعاء. . .



شاكر لك ماكتبت يابن غفيص ولا يهونون الربع

ويعلم الله ان كل من رد على الموضوع له معزه مايعلمها الا ربك

اجابة سؤالك وانا اخوك لها كم سبب لابد من التنبه لها

لاني بصراحه ولا اكذب عليك ما قد ضبطت هايلكس لاكن السبب ما يروح بعيد عن الي نعرفه

فيه حساس الهواء او ناس يسمونه مجس الاكسجين يمكن هو السبب وانه مبرمج على نسبة
معينه من الاكسجين وعلشان كذا يقفل الثروتل حق الثلاجه علشان يخفف النسبة

ويمكن المنظم الشامل نفسه ما يقبل ويمكن انت ركبت فلتر اكبر من الحجم المطلوب وعلشان كذا
ضاع الضغط حق المكينة

اتاكد لك وباذن الله ارجعلك بالجواب الي يرضيك وانا اخوك

اذا تبغى افضل عزم للهايلوكس او اي سيارة واسهل شي نسويه هو مداخل الهواء ومخارج الهواء
والكهرباء سواء بمولداتها او مكثفاتها او منتجات الشرارة البرمجه والبرامج واجهزة الذكاء الالكترونية

هذي الاشياء الي ذكرتها يندرج تحتها مئات القطع الي ممكن نغيرها

انت عطني بالضبط وش الي تبغى توصله من رقم تورك ورقم هورس بور وانا اسمي لك القطع

اي خدمه او سؤال لا تتردد

لك خالص تحياتي

[خزان الوادي]

دعوة لجميع (العملاء والاعضاء )

(باقي 3 ايام )

للمشاركة بمسابقة المنتدى الشهرية لافضل 3 مواضيع للاطلاع على الشروط الرابط :
http://www.mekshat.com/vb/showthread.php?t=236655 (http://www.mekshat.com/vb/showthread.php?t=236655)

مع تمنياتنا للجميع بالتوفيق
خزان الوادي

[Turbo RB]

اخواني الكرام:

moooj

ابو عبدالملك 2

أبوموسى

alanaziB52

اشكر لكم مروركم ودعمكم واهتمامك والجهد المبذول في كتابة الرد

لكم خالص تقديري واحترامي

اخوكم
Turbo RB

[Turbo RB]

يعطيك العافيه اخوي
انا لقيت تشيب بس مادري عن مواصفاتها
هذا رابطها ياريت تعطيني رايك اطلبها ولا لا
http://cgi.ebay.com/ebaymotors/REAL-PERFORMANCE-CHIP-CHEVY-TRAILBLAZER-2002-2009-2008_W0QQitemZ330351891520QQcmdZViewItemQQptZMotor s_Car_Truck_Parts_Accessories?hash=item4cea81d440 (http://cgi.ebay.com/ebaymotors/REAL-PERFORMANCE-CHIP-CHEVY-TRAILBLAZER-2002-2009-2008_W0QQitemZ330351891520QQcmdZViewItemQQptZMotor s_Car_Truck_Parts_Accessories?hash=item4cea81d440)

وفي هذي بعد
http://cpwstore.carpartswholesale.com/catalog/?PN=4294937591&N=0&VN=4294967170+4294966993+4294963986+4294965995+429 4967223&Nr=AND(universal:0)&sv=0

ايهم احسن برايك؟؟
تحياتي

اخوي جهراوي

الشيب الي في الرابط الثاني افضل

لان سمعة THEBOOS ماهي ذيك السمعه واجهزتها صعبة محافظة وصيانه

اذا تبغى نصيحتي بعد شوفلك شيب من شركة APEXI لانها من اقوى الشركات في العالم واقدمها

صحيح السعر اغلى بس شي افضل من خدمة الوكالة لك وللزمن

[Turbo RB]

مشكور أخوي
وش التعديلات الي تنصح بها
على الماكينه
للنظام vvti

وخصوصا زياده العزم وليس التسارع
ومشكور وما قصرت.


الشكر لك على مشاركتك انا فداك

وبالنسبة لمحركات تويوتا VVTI مشكلتها محدودية الضغط علشان كذا لاتطمح بالكثير

من العزم والقوة وهي على بساتمها الاصلية وهذي ما تعتبر مشكلة لان هالمحركات سعتها ممتازة

من 2.4 وانت طالع لاكن انصحك بتغيير انظمة التهوية ( دخول وخروج ) مع ضرورة البرمجه

بع التعديل فورا ولا تمشي عليها قبل ما تبرمج اما انظمة الكهرباء فتحتاج وقت وتعديل بسبب

طريقة التشغيل المستخدمه في تويوتا والي تعتمد الاحتكار والعقم لانها مكلفة اذا بتغيير كل شي

اتمنى لك التوفيق

[Turbo RB]

ماشاء الله لا قوة الا بالله
مبدع يا بعدى

بس فيه كذا نقطه ودى اعقب عليها

1>فى كلامك عن محركات التيوتا وانها ما تتحمل اكثر من 175 حصان
صراحة انت ظلمت محركات تيوتا بكلامك
وين راح محرك فريق العنابي
اللى وصل الى 1400 حصان تزويد !
وين راحت هددات اهل الامارات
اللى بتيربو
والى بستروكر
واللى بكامات وكمبيوتر

وقبل فترة انا شفت فى اليوتيوب شخص امريكى
سقط مكينة 4500 التايوتا على سوبرا
وطلع منها 1800 حصان على الكفر !!!


2> من ناحية البواجى واسلاكها والكويلات
من تجربه
ما تفرق معك الا اذا عدلت تعديل جامد
يعنى دام تعديلك على فلتر وهدرز وانت جاى
خلها بلد احسن
خاصه
فى 4500 تايوتا و4800 نيسان

الله يعطيك الف عافية

وبالنسبة للنقاط الي لاحظتها لها تفسير ولا يهمك والغلط مني انا لاني ماشرحت بتفصيل اكبر

بالنسبة للنتعقيب الاول :

وانا اخوك قصدت بتحملها مو المكينة اقصد القطع الاخرى مثل الجيربوكس
والدفرنس وبعض القطع
وهالقطع الاساسية ما تتحمل كثير علشان كذا يجب تغييرها بنوع اخر معدل عند حد معين

اما المحرك مستحيل تطلع منه 1000 حصان بدون ما تغير 70 % من ملامحه الاصلية
يعني اي محرك سواء تويتا او نيسان او حتى هوندا المعروفة بقابليتها للتلغيم لها قوة قصوى
تتحملها بعد كذا لازم نغير القطع بقطع افضل منها في الاداء واجود في الصنع

انا الي اقصده من كلامي راح اوصله بها المثال :
لو عندك باترول ربع و لاندكرورز ربع وتبغى توصلها الى 1000 حصان

تكلفة الباترول حتكون حوالي 30 الف ريال لاكن اللاندكرورز حتكون 50 الف ريال

كل شركة لها سياستها في الصنعه وبها السياسة تختلف كل صنعه عن الاخرى

اما التعقيب الثاني :

كانت هذي الفكرة شائعه بس اثبتت الارقام انها خطاء

والدليل انا شخصيا صار معي عندي اكورد ووقتها كانت حوالي 240 حصان الان الحمدلله تعديت

هالرقم بكثير

المهم طلعتها على الدايانو ( جهاز قياس القوة والعزم والتسارع والحجم )

اول مرره جابت حوالي 233 حصان وتورك 200 بعدها ركبت الاسلاك والبواجي والكويل والديلكو
وكانت كلها من شركة MSD الا البواجي من شركة ZEX ونوع تاتانيوم 4
وجابت 239 وتورك 218 شايف كم اعطت فرق في القوة حوالي 6 احصنه بس الكلام كان
في التورك شايف كم ؟؟ حوالي 18 زيادة وهذي ماهي شينه مررره والشرارة اذا كانت قوية
لها مفعولها في سرعة حرق الغرفه


تقبل خالص تحياتي وصدقني كل شكر وعرفان على المداخلة والتعقيب الي يدل على قرائتك للموضوع
والردود كاملة الله يوفقك ويحفظك

[سوبر152]

ما شاء الله عليك

ياليت تزودنا بمثل هالمعلومات وهالمواضيع المفيده

الله يوفقك ويجزاك عنا كل خير

[Turbo RB]

اخواني الكرام

الاخ ابو موسى سأل سؤااال غاية في الاهمية رغم اننا نقف امام مثل هذا السؤال فريقين

فريق احب هذه الهواية فاعماه التعلق بها عن هذا السؤال

وفريق غير مهتم او رافض لهذه الهواية فغلبت الفكرة الشائعه الفكرة المحترفه

ولكن لابد من الاجابة على هذا السؤال سواء اعجبت الفريقين ام لم تعجبهم

وسأجيب عليها بكامل الحيادية والله هو شهيدي على ما ساكتب

سؤال الاخ ابو موسى : هل للتعديل اثار سلبية على المحرك ؟؟؟

وسأضيف عليه ليصبح السؤال :
س \ هل للتعديل اثار سلبية على المحرك سواء في الامد البعيد او القريب . وكيف نتفادى هذه الاثار
وكيف نحافظ على عمر قطع التعديل ؟؟؟؟؟؟

الاجابة

نعم . للتعديل اثار سلبية ولكنها باسباب . متى توفرت هذه الاسباب رجع التعديل بعواقب سلبية
وللتسهيل ساحصرها في نقاط
مسببات الاثار السلبية للتعديل :
1- التعديل بغير دراسة مسبقة او هدف معين وهو ما يسمى بالتعديل العشوائي .

2- عدم معرفة المحرك المراد تعديلة وجهل امكانياته و حدودة وعدم التعرف علية و الاهتمام بتفاصيله .

3- تحميل المحرك اكبر من طاقته بدون اخذ الاحتياطاات او تغيير القطع المكونة لنقاط الضعف .

4- استخدام قطع منسوخة او مقلدة او ذات جودة رديئة او مصنوعه بطريقة تجارية عشوائية .

5- استخدام قطع غير مناسبة او بقياسات محرك يختلف عن المحرك المراد تعديله .

6- قلت الخبرة والجهل لدى الفني المعني بتركيب القطع والعشوائية في التركيب واساليب التركيب البدائية .

7- عدم البرمجة او الاعتماد على برنامج الوكالة بعد التعديل وهو ما لا يخدم التعديل نهائيا

اما الاثار بالتحديد المحتملة هي :
على المدى القريب : نقصان العزم وضياع القوة - تولد حرارة داخل المحرك - عطل بعض القطع سواء معدلة او اصلية
- فرق في النسبة والتناسب بين الوقود والاكسجين - اعطال تصيب الاجهزة الاكترونية

على المدى البعيد : توسع وجوه المحرك العازلة - تلف بعض قطع المحرك الاساسية - تكون رواسب داخل المحرك
- نقصان زيت اما عن طريق التبخير المفرط او الاحتراق - خلط للماء والزيت وهذا اسواء مرحله
- انفجار المحرك وهذا مالا يحمد عقباه.

ولتفادي هذه الاثار يجب الاهتمام او بالتعديل من الناحية المعنوية اي الرغبة في التعديل الصحيح
وتحمل التعب والعناء من اجل البحث عن افضل القطع واجودها وافضلها
وايضا من الناحية المادية فلا يجب ان نخاطر لاجل مبلغ من المال قد ندفعه في اي امر بدون تردد
فالفرق بين القطع ذات الجودة والقطع المقلدة فرق كبير ماديا وامنيا لذلك ومع انتشار الشركات
والمصانع الصينية والتايوانية يجب الانتباه لان السوق ممتلء بمثل هذه القطع الزائفة والمقلدة
كما يجب مراعاة امكانيات المحرك وان له مدى معين وبعد ذلك يصبح خطر التعديل علية

اذا راعينا هذه النقاط وما سبقها فباذن الله لن يكون هناك اي سلبيات للتعديل وسوف نجني الايجابيات
بكامل طاقتها ونحافظ على جهدنا وسلامتنا

اما الحفاظ على القطع والمحرك المعدل فيكون بطرق بسيطة جدا جدا

اولا : البعد عن التكبر == والله انه من اهم الاسباب دينيا ودنيويا
دينيا : نهانا الله ورسولة صلى الله علية وسلم عن التكبر وهو من صفات الله فمن نحن نشارك الله صفاته
دنيويا : التكبر يعني مزيد من الضغط على دواسة الوقود ويعني مزيد من الضغط على المحرك

شفتو كيف سبب والله يعلم اني صادق وانها واقعية نراها في كل تجمع

ثانيا : عدم زيادة الضغط على المحرك وان نعطية حقة في الراحه والهدوء والقيادة بشكل امن
وعدم الاسراع او التفحيط او التسابق .

ثالثا : تفحص المحرك والقطع بين فترة وفترة والتاكد من سلامة القطع .

رابعا : الاسراع في استبدال القطع المعطوبة او التالفة وعدم تاجيل استبدالها .

خامسا : تحمية المحرك واعطاءة الوقت اللازم قبل السير بالسيارة وذلك لكي يتحرك الزيت ليشمل جميع
اجزاء المحرك وايضا لتكتمل دورة المياة وايضا ليصل المحرك الى درجة الحرارة المثلى وايضا
لتتلين السيور وتصبح لينة .


اتمنى من الله العلي القدير ان يكون وفقني لطرح الاجابات السديدة والصحيحة
واتمنى منه عز وجل ان تعم الفائدة الجميع بلا استثناء
وفقني الله واياكم لما يحبه ويرضاه واتمنى من عز وجل ان يجمعني بكم في جنته سبحانه وتعالى

لكم خالص دعواتي بالتوفيق

اخوكم Turbo RB

[ابو نووووره]

بارك الله فيك

[Turbo RB]

اخوي alannaby

يعطيك الف عافية على المرور والرد

لك مني جزيل الشكر
..............................................
..........................

اخوي خيال القصيم

الله يعطيك العافية والله يحفظك انت وموترك

بالنسبة لمشورة خويك يمكن صح ويمكن خطاء وهذا الي انا اصيح منه

التعديل العشوائي هو اكبر مشكلة عندنا

انت شوف كم تحتاج هواء للمحرك واعطه قد ما يحتاج لا تبخل علية ولا تكرمه بالحيل

شوف الفلتر الي يناسب موترك وركبه ترى فلاتر K&N قيمتها مابين 150 الى 250 ريال

وتعطيك خير نتيجه وعمر طويل وما تحتاج تغيرها فقط نظفه بين كل 4 شهور مره

اما عن المقاومة هذا بسبب فلتر بلد السيارة اصغر من المطلوب للهدرز الي مركبه على الموتر

اما راعي البرمجه الي بجدة والي متخصص بنيسان (( اعرفه لو بغيت الاسم عطيتك )) ههههه
عاد قريب منا ونعرفه ونعرف علومه هذا وانا اخوك متخصص في الالتما والمكسما وطقتها
يعني حق مواتر صغيره وماعنده الخبره في مواتر البر الي تحتاج التوفير في الوقود والقطع
والي ماتحتمل قطعه و الا عطل والصراحه سعره غالي ومن حقه يرفع السعر لاننا ما نبغى نستثمر
اموالنا في هالمجال ولاننا يا عيال البلد سلمنا الشغله للي استوطنوا معنا واكلوا الدراهم وهم ماعندهم
سالفه وهذا يرجع لطيبتنا وكرمنا وتربيتنا وعاداتنا الي علمتنا على حسن الظن بالغير والمشكلة
كثير منهم استغل هالنقطه وصار ينصب ويسعر على كيفه
اخوي ترى الشغله كلها كيابل وكمبيوتر وارقام ونسب وصدقني ما تحتاج 3000 ريال ابد ابد

يا اخوان البرمجه شي ما يحتاج لا تغيير قطع ولا شغل متعب كل مافيها خانات تنمسح وتتعباء من جديد

...........................................
..........................
اخوي الموفد

لا اجد اي رد يفيك حقك في هذا الاطراء الجميل منك

اتمنى من الله ان تكون الفائدة قد وصلت

واطلب العلي القدير ان يجزيك بالخير الوفير والرزق الكثير والذرية الصالحة

ودمت سالما يابو سطام

وارجو ان لا تتردد في طرح اي تساؤل

[Turbo RB]

بسم الله الرحمن الرحيم

اخواني فيه كم عضو من اخواننا ارسلوا استفسارات على الخاص

ولاني لا استطيع الرد من خلال الخاص ولكي تعم الفائدة الجميع قررت ان اجيب عليها في رد

يشمل الاستفسار والاجابة ارجوا ان تتحملوني لكثرة الردود ولاكن يعلم الله انها بقصد الاجر والفائدة


.................................................. .....................
.................................................. .....................

الاستفسار الاول :

يا غالي انا عندي اف جي كروزر موديل 2008 وتوني عليمي بالتعديل وبديت بترفيع الموتر بتركيب مساعدات ويايات Old Man Emu Suspension وتركيب Safari snorkel وتركيب صدامات حديد امامي وخلفي مع الكشافات

باقي علي تركيب بطارية اضافيه مع تركيب السستم حقها ووقع الاختيار على بطارية الاوبتيما الصفراء OPTIMA® YellowTop® و بالنسبة للسستم وقع الاختيار على IBS dual battery system من شركة TJM ضمانه 5 سنوات

جينا للمهم وهو ماجذبني لمراسلتك فهمك العميق في التزويد وامورها الله لايضرك

ابغى ازيد من قوة المحرك للاحصنه والعزم وخاصة العزم وصراحه محتار ما ادري كيف ابدا اخاف اخرب المكينه او اضر الموتر بغيت مساعدتك بها الشي مايهمني المبلغ اهم شي يكون شغلي مرتب وذا جوده عالية دخلت مواقع كثيره مختصه للأف جي والى الان احاول اجمع اكبر قدر ممكن من المعلومات وان شاء الله فيك الخير والبركه

معلومه استخدامي للموتر يومي يعني اهم شي التزويد يكون للاستخدام اليومي

ولك فائق احترامي وتقديري

الاجابة :

اخوي انصحك بالقطع التالية بالنسبة :

1 - فلتر هواء متوسط الحجم من شركة HKS او AEM او K&N

2- انتيك من الاستانستيل او الكربون ويكون مديم بين الشورت واللونق .

3 - هدرز سيراميك او ستانستيل ولا يزود عن نص انش بالنسبة لحق الوكالة .

4 - اقزوست باك ويكون من شركة برولا او فلوماستر .

5 - برمجة كمبيوتر الوكالة او تركيب كمبيوتر يخدم القطع .

6 - تركيب القطع عند شخص متمكن ويعرف ايش يسوي بالضبط .

7 - حافظ على القطع والمحرك ولا تنسى التشييك الدوري عليهم .

واهم شي عدم التسرع في التركيب وشراء القطع

وسلامتك ياغالي

-------------------------------------------------------------------------
-------------------------------------------------------------------------

الاستفسار الثاني :

السلام عليكم ورحمة الله وبركاته ...

جزاك الله خير على الموضوع الجميل .... وأتمنى معرفة مواقع لشركات تعديل سيارات الدفع الرباعي للاستخدام اليومي خصوصا في أمريكا ... يعني شركة تتكفل بالقطع والشغل ... أبغى مواقعهم على الانترنت ... وايضا ابغى تعديل خفيف على فورتشنر 2006 6سلندر قير تمتيك ... وش يصلح له ؟ ويكون متوفر في السعودية ...

وجزاك الله خير ...

الاجابة :

بالنسبة للمواقع اكتب الكلمة التالية في بحث قوقل : ( CAR PARTS ) وستجد الاف المواقع

ولكي تتعرف على المواقع التي تشحن الى المملكة فتجد ذلك مبين في خدمة الشيبينق

الكثير من المواقع تشحن لنا

انا شخصيا تعاملت مع موقع امازون وموقع اي باي وموقع كار بارت وكلها كانت ممتازة

اما عن مايصلح للسيارة الي ذكرتها فكل القطع الي نزلت صورها في احد ردودي السابقة تقدر

تركبها بس انتبه للمقاس والشركة المصنعه والسعر المعتمد

-------------------------------------------------------------------------
-------------------------------------------------------------------------

الاستفسار الثالث :

السلام عليكم
الله يعطيك العافية اخوي
بس حبيت اعرف لاني ناوي اركب هدرز تنصحني فية والا ...... لا
على سارة بليزر 94شفر
ووش عيوبة .

الاجابة :

اخي الكريم راح اجاوب على السؤالين الي بالرسالة هذي والرسالة الاخرى

الهدرز كويس وممتاز اذا كان مصمم للسيارة نفسها وخاص فيها
مافيه مشكلة لو تركب هدرز من شركة ممتازة اما الاقزوست من شركة فوكس في سؤالك الثاني
فانا شخصيا ما انصحك تقدر تستورد من الخارج بسعر اقل بكثيير وجودة اكبر

سعر الاقزوست عند فوكس اغلى من برولا وهي اكبر شركة في العالم

وصدقني اقزوست من برولا + الشحن = اقل من سعر فوكس بكثيير

لك خالص تحياتي

----------------------------------------
----------------------------------------
----------------------------------------


اتمنى تعذروني لكثرة الردود ولاكن واجب علينا الرد

كما اعتذر للاخوان الي ما قدرت اجاوبهم لكثرة مشاغل الحياة الي انتم تعرفونها

والله لا يشغلنا الا بطاعته لاكن هذي الحياة وهذي مشاغلها

[(ابو عبدالله)]

مشكور علي الموضوع


بس يليت تفيدني

في الدبات الي تجي بالبرادو 6 سلندر
لانها شوي غريبه حيث يوجد به 6 دبات

اربعه في الامام وواحد كبير بنص وواحد بالاخير بهد الدفرنس

ارجو شرح الفايده منها وويش تنصحني في اي واحد ازيله

ولك تحياتي

[مخاوى ابوه]

الله يعطيك الف عافية

وبالنسبة للنقاط الي لاحظتها لها تفسير ولا يهمك والغلط مني انا لاني ماشرحت بتفصيل اكبر

بالنسبة للنتعقيب الاول :

وانا اخوك قصدت بتحملها مو المكينة اقصد القطع الاخرى مثل الجيربوكس
والدفرنس وبعض القطع
وهالقطع الاساسية ما تتحمل كثير علشان كذا يجب تغييرها بنوع اخر معدل عند حد معين

اما المحرك مستحيل تطلع منه 1000 حصان بدون ما تغير 70 % من ملامحه الاصلية
يعني اي محرك سواء تويتا او نيسان او حتى هوندا المعروفة بقابليتها للتلغيم لها قوة قصوى
تتحملها بعد كذا لازم نغير القطع بقطع افضل منها في الاداء واجود في الصنع

انا الي اقصده من كلامي راح اوصله بها المثال :
لو عندك باترول ربع و لاندكرورز ربع وتبغى توصلها الى 1000 حصان

تكلفة الباترول حتكون حوالي 30 الف ريال لاكن اللاندكرورز حتكون 50 الف ريال

كل شركة لها سياستها في الصنعه وبها السياسة تختلف كل صنعه عن الاخرى



جزاك الله خير على سعة صدرك يا بعدى
بس برضو فيه تعقيب ثانى:p
قيور التايوتا اللى اشوفه انها تتحمل تحمل مهوب بسيط
مثلا زي ما قلت لك
الهددات اهل الامارات اللى اغلبها تيربو وستروكر وغاز
كلها قيور بلد
حتى مهوب تعديل
وفيه عدة كباتن فى السعوديه
مرهمين مكاين قوتها كبيره
وعلى قيور تايوتا بلد
مثل الكابتن ابو عمر الحميد
مكينة LS1بقوة 500 حصان
وعلى قير ربع تايوتا
والكابتن الحناكى مرهمه الربع
والقير بلد
ومرهم احد الكباتنه >ما اعرف اسمه:p<
ربع تايوتا
عليه تيربو
وقير بلد


اما التعقيب الثاني :

كانت هذي الفكرة شائعه بس اثبتت الارقام انها خطاء

والدليل انا شخصيا صار معي عندي اكورد ووقتها كانت حوالي 240 حصان الان الحمدلله تعديت

هالرقم بكثير

المهم طلعتها على الدايانو ( جهاز قياس القوة والعزم والتسارع والحجم )

اول مرره جابت حوالي 233 حصان وتورك 200 بعدها ركبت الاسلاك والبواجي والكويل والديلكو
وكانت كلها من شركة MSD الا البواجي من شركة ZEX ونوع تاتانيوم 4
وجابت 239 وتورك 218 شايف كم اعطت فرق في القوة حوالي 6 احصنه بس الكلام كان
في التورك شايف كم ؟؟ حوالي 18 زيادة وهذي ماهي شينه مررره والشرارة اذا كانت قوية
لها مفعولها في سرعة حرق الغرفه


تقبل خالص تحياتي وصدقني كل شكر وعرفان على المداخلة والتعقيب الي يدل على قرائتك للموضوع
والردود كاملة الله يوفقك ويحفظك


طيب يا بعدى
كم كلفتك قطع الكهرب ؟
وفرقت بس سته حصان !!
و18 فى التورك !!!
لو انك ماسح الراس
او مسوي بورتنق
بقيمتها كان طلع لك احصنه اكثر
وبقيمه اقل
ارجو ان الفكرة وصلت


شاكر لك تفاعلك وسعة صدرك

[GX 2008]

الطريقة الاولى عن طريق التيربو او التوربين ولها متطلبات وعيوبها غلاء التكلفة .

هالطريقة ماعليها كلاااااااااام جربتها وبصراحه شي مش طبيعي

تسلم على موضوعك الطيب

[GX 2008]

وبصراحه ماجفت فيها عيوب الا التكلفه

[Turbo RB]

طيب يا بعدى
كم كلفتك قطع الكهرب ؟
وفرقت بس سته حصان !!
و18 فى التورك !!!
لو انك ماسح الراس
او مسوي بورتنق
بقيمتها كان طلع لك احصنه اكثر
وبقيمه اقل
ارجو ان الفكرة وصلت


شاكر لك تفاعلك وسعة صدرك



استفسر من الكابتن الي ذكرتهم واسألهم

هل القطع الي مستخدينها هي القطع الاستوك الاصلية او معدلة ؟؟

وراح يذكرون لك تغيير القطع مثل الحذاف والتروس والاعمدة وسست الترجيع وسست التغيير
والشفت قير و وايرات السحب والتحويلات وغيرها من القطع

لان جيربوكس ودفرنس الوكالة مصمم لتحمل قوة معينه بعد كذا يفرط معك وتتاكل التروس

اذا كان الترس مصمم لتحمل ضغط 100 مثلا ماراح يتحمل ضغط 500 وهذا هو الفرق

انا ما اقولك تويوتا ما تتعدل بالعكس تتعدل وتطير بعد بس بتكلفة عالية جدااا

ولا ننسى مكائن ال2jz من اعظم المحركات

العلم وانا اخوك تويتا لوبغت تصنع تقدر تبدع والدليل سيارة سوبرا الجبارة

لاكن وكيلها عندنا ما ينشد به الظهر و ماغير تقليل مواصفات وسرقة مواطن

انا شفت بعيني الاكورد 4 سلندر والالتما 4 سلندر يطلعون على الكامري بكل بساطه

بينما الكامري الاستخدام تطلع عليهم؟؟ وبكثييير


اما كم كلفتني قطع الكهرب ؟؟؟ فهو شي كثيير لكن اذا تقول ان مسح الراس ومدري وش يجيب
احصنه اكثر فانت غلطان لان مضاره اكبر من منافعه ويبغاله قطع واجد مثل وجه مكينة ورديتر
وطرمبة موية وكرتير وطرمبة زيت والا مايطول معك وتتشنبر المكينة بسرعه


يعطيك الف عافية على مرورك وتقبل تحياتي

[أبو ونيان]

السلام عليكم

يعطيك العافيه أخوي على هالموضوع المفيد أنا أبي رايك بخصوص جيب ربع تويوتا 2009 أنا راعي نفود والناس تقول ركب هدرز وفلتر وش تنصحني إذا ركبتهم ثنينهم هل فيه مشاكل مستقبليه بالسياره ومحركاتها وعزمها ووش أفضل نوع للفلتر والهدرز يركب على الجيب وهل لو ركبته لازم أركب عليه إضافات لحمايته وحماية المحرك ، وإذا تعرف مكان يبيعها ويركبها بالرياض دلني عليه الله لا يهيينك ،،، وبأنتظار ردك الله يسلمك .

[عبود بلاص]

السلام عليكم
اخوي Turbo RB
اهنيك من قلبي على الابداع
اخوي Turbo RB خير الكلام ماقل ودل انا عندي جيب VXRموديل 2000 تقدر تعدله لي بنفسك؟
وكم التكلفه التقريبيه يعني ؟
اذا ممكن كيف الاتصال بك والموقع ؟

[Ahmed Mundi]

ماشاء الله عليك ..

موضوعك مرتب وشغل طيب ..

ومن اهميته - تشعب كثير - تبارك الرحمن ..

وواضح عليك انك فهمان بشغل السيارات والميكانيكا .. والا كان مارديت على استفسارات الشباب ..

وانا عندي استفسار بسيط ..

عندي شروكي سبورت 6 سلندر مديل 96 وركبت عليه قلتر عواء لكن بدون انتيك يعني على طول على مدخل الثلاجه - لكن ما حسيت بفرق كثير غير في القومة - قومة الموتر من الصفر احس فيها تغيير لكن مو قوي حيل ..

وهم عندي لومينا قير عادي 6 سلندر مديل 2002 وركبت عليها نفس الفلتر وركبت له انتيك لكن حديد و طليته نيكل (هل فيها مشكله ؟؟ ) مع اني مركبها من فتره اكثر من سنه ولا ارتفعت الحراره ولا اي شي الحمد لله .. لكن ما شفت فرق بعد ؟؟ هل تحتاج برمجه ؟؟

طبعا فلتر الهواء ماركة K & N اصلي طابه من بره ..

ياليت تفيدني يالغالي واسف عالازعاج ..

بارك

الله

فيك ..

[Turbo RB]

السلام عليكم

يعطيك العافيه أخوي على هالموضوع المفيد أنا أبي رايك بخصوص جيب ربع تويوتا 2009 أنا راعي نفود والناس تقول ركب هدرز وفلتر وش تنصحني إذا ركبتهم ثنينهم هل فيه مشاكل مستقبليه بالسياره ومحركاتها وعزمها ووش أفضل نوع للفلتر والهدرز يركب على الجيب وهل لو ركبته لازم أركب عليه إضافات لحمايته وحماية المحرك ، وإذا تعرف مكان يبيعها ويركبها بالرياض دلني عليه الله لا يهيينك ،،، وبأنتظار ردك الله يسلمك .

في البداية اعذروني ياشباب على انقطاعي عن المنتدى وعدم المتابعة

لان الفترة الاخيرة كنت مشغوووول جدا باعادة بناء سيارة انا والشباب والله ماكنا نلقى وقت لاي شي

غير هالسيارة من تصبح الين تمسي والان توقف الموشروع بانتظار وصول قطع من الخارج


اخوي الفلتر مامنه ضرر يذكر اما الهدرز فلازم يكون بالظبط مناسب لمقاس المحرك وظغط المحرك

اما النواع بالنسبة للفلتر عندك ماركات كثير امريكية ويابانية مثل k&n و engine و AEM
اما الهدرز فعندك BROLA و APEXI و HKS و ...... الخ

انت ودراهمك كل ماكانت ميزانيتك طيبه كانت القطعه افضل

[Turbo RB]

السلام عليكم
اخوي Turbo RB
اهنيك من قلبي على الابداع
اخوي Turbo RB خير الكلام ماقل ودل انا عندي جيب VXRموديل 2000 تقدر تعدله لي بنفسك؟
وكم التكلفه التقريبيه يعني ؟
اذا ممكن كيف الاتصال بك والموقع ؟

حياك الله اخوي

ودي اخدمك بعيوني لكن هالفترة ما اقدر اشتغل شي بنفسي لان عندنا PONTIAC GTO موديل 69
وشغالين فيها السيارة قديمه بالمرة وجبناها خردة منتهيه

وشغالين فيها لنا اكثر من شهرين وماخذه وقتنا كله

لكن اذا انهينا الشغلة فمن عيوني اعدله لك وعلى مزاجك وبحاول انقيلك الافضل والاوفر في القطع

وعلى مايشهدون الرجال اني بساعدك واعاونك كن الموتر لي انا

انا خجلان منك لكن لو زبطت الامور راح اتصل فيك انا او اراسلك اقل شي

لكن ايش رايك تقلي انت وش المستوى الي تبغى توصل له في الموتر

وش القطع الي تبغى تعدلها وتضبطها ؟ علشان اقلب الموضوع واشوف ملامحه بطريقة نظرية
وعلى رواقة وبدون عجلة واستعجال

على العموم انا في الغربية عايش بين الطاائف وجدة و جدة والطائف
القراج موجود بالطائف تقدر ترسل رسالة على البريد الالكتروني الموضح في صورة التوقيع

[حسن الذروي]

بارك الله فيك وفي طرحك أخي تيربو وآسف إذا ثقلت عليك

بالنسبة لي عندي برادو أربعة سرندل ما هي أفضل القطع للتزويد وهل هناك ورشة أو شركة محلية بالغربية تنصحني بها

[Turbo RB]

مشكور علي الموضوع


بس يليت تفيدني

في الدبات الي تجي بالبرادو 6 سلندر
لانها شوي غريبه حيث يوجد به 6 دبات

اربعه في الامام وواحد كبير بنص وواحد بالاخير بهد الدفرنس

ارجو شرح الفايده منها وويش تنصحني في اي واحد ازيله

ولك تحياتي

معليش وسامحني على التاخير

اخوي ابو عبدالله

الدبات 3 انواع :

دبات صوت - ودبات رصاص - ودبات ضغط

طبعا هالشي ينطبق على كل السيارات

بس الاختلاف يكون في الكيفية فيه شركات تصنعها على شكل دبه واحدة مقسمه وفيه شركات
تصنعها بشكل مفرق

عموما بالنسبة للبرادو

الاربع الي بالامام والي هم صغار في الحجم هذولا دبة الرصاص

الكبيرة الي في النصف هي دبة موازنة الضغط

الاخيرة هي دبة الصوت


طبعا الي دايما نشيله منهم هي دبة الرصاص بس انتبه للحساس حق العادم علشان لا يخرب عليك

لان فيه صنايعيه كثير تقدر تطلق عليهم مسمى خرفان مايدري وين الله حاطه

فانت افصل البطارية قبل لا تفصل الحساس فرغ دبات الرصاص او استبدلها بماصورة

بعدين شبك الحساس وبكذا تكون الطريقة سيلمة

دبة الضغط مهمه ومانشيلها الا في حالة ركبنا اقزوست كامل معدل ومصنوع لنفس السيارة

اما دبة الصوت فهي مهمه لكتم الصوت اولا ولموازنة الضغط برضوه

لانها تلعب دور في موازنة الضغط وطبعا ما نشيلها الا اذا ركبنا بدالها دبة معدلة


المهم في السالفة انو الفحص الدوري مايمشيك اذا انت شايل دبات الرصاص او مفرغها

والسبب ارتفاع نسبة اول اكسيد الكربون الناتج

فاذا تعرف واسطة في الفحص تكفى دبرنا عندنا موتر نبغى نمشية وطلبو تغيير المكينة هههههههه

[Turbo RB]

ماشاء الله عليك ..

موضوعك مرتب وشغل طيب ..

ومن اهميته - تشعب كثير - تبارك الرحمن ..

وواضح عليك انك فهمان بشغل السيارات والميكانيكا .. والا كان مارديت على استفسارات الشباب ..

وانا عندي استفسار بسيط ..

عندي شروكي سبورت 6 سلندر مديل 96 وركبت عليه قلتر عواء لكن بدون انتيك يعني على طول على مدخل الثلاجه - لكن ما حسيت بفرق كثير غير في القومة - قومة الموتر من الصفر احس فيها تغيير لكن مو قوي حيل ..

وهم عندي لومينا قير عادي 6 سلندر مديل 2002 وركبت عليها نفس الفلتر وركبت له انتيك لكن حديد و طليته نيكل (هل فيها مشكله ؟؟ ) مع اني مركبها من فتره اكثر من سنه ولا ارتفعت الحراره ولا اي شي الحمد لله .. لكن ما شفت فرق بعد ؟؟ هل تحتاج برمجه ؟؟

طبعا فلتر الهواء ماركة K & N اصلي طابه من بره ..

ياليت تفيدني يالغالي واسف عالازعاج ..

بارك

الله

فيك ..



اخوي ابو دانه

الانتيك فايدته يبعد الفلتر عن المكينة لان هواء المكينة زي ما انت عارف يكون حار

واذا كان الهواء حار يعني تمدد لجزيئات الهواء

مثلا في درجة حرارة 10 مئوية يكون في اللتر المكعب مثلا 1000 ذرة اكسجين

اما في درجة حرارة 20 مئوية يكون في اللتر المكعب مثلا 500 ذرة اكسجين

هذا هو المبداء الي مبني علية الفلتر والانتيك

المهم اخوي الفلتر لحاله ما يسوي شي لان الفلتر يسحب هواء بس تصريف الهواء ضعيف

فكذا ماراح تستفيد يا انك تعدل المدخل والمخرج والا ماراح تستفيد لان الشغله عبارة عن نسبة

وتناسب اذا انا قدرت ادخل هواء كثير لازم اصرف هذا الهواء علشان يدخل غيرة

اللومينا ما تحتاج برمجة علشان الفلتر بس تحتاج البرمجة لو انت مغير الاير سيستم كامل

سواء الثروتل او الاقزوست اما لو مغير فلتر فما تحتاج برمجة ابد

الانتيك الحديد دائما نتجنبة لان الحديد فلز والفلزات موصلة ممتازة للتيار والحرارة وزي ماقلتلك

الهدف من الانتيك هو تخفيف الحرارة احنا دائما ناخذ الانتيك اما من البولياثلين او الفيبر كربون

او الفيبر كربون المغلف بالحديد المطلي او النيكل

اما حديد صافي بدون عوازل راح يحتر معك خاصه لو ماسك خط

[الدارسي]

يازين الموتر وهو مجاه تعديل
اخوي عاشق الفرعه ( يا زين الموتر و مجاه تعديل )
هذا إذا كان التعديل للأسوء أما إلى الأفضل فيازينه .
خذلك في اكس ار ب 230000ريال وتعال مار في البريه من رباض وشف أداءه وتحسب ألف حساب له الرباض هل يعدي الموتر والا لا يفشلك والا لا يضحكون عليك الزملاء وكل من رأى والا لا .
ويجيك موتر معدل عرف أسرار التعيل وبتعديل بسيط وموتره كله مايسوى 30 أو 40 ألف ويمر سلام سلام ويمكن يسحب موترك ابو ربع مليون .
لكن أقول ليس رائي كمن سمع , وجرب القوة والمتعه وانت الحكم ؟؟؟

[EXPEDITION]

الله لا يهينك اخوي ابي افصل انتيك وين احصله وشي المادة الافضل

[You Like Me]

السلام عليكم

أرجوا المعذرة فالموضوع قديم جداً
لكن روح يا شيخ الله لا يضرك
بصراحه وانا اطلع على الموضوع تمنيت الصفحات لم تنتهي بهذا القدر
ما شاء الله تبارك الله ..... استاذ بمعنى الكلمه

[راعي مختار]

الله يجزاك خير مفيد و وافي شرح
وش تنصح بتعديل على نيسان باترول 90 مكينه جديده تو مركبها تعديل خفيف لزياده العزم
المكينه كربريتر واعاني منه الصراحه
ياليت تفيديني بخبرااااااااااتك الله لا يهينك لاني غشيم في هالمجال

[باث-ن م ر2005]

اخوي تيربو يعطيك العافيه على هالمعلومات القيمه والمفيده واتمنى ان توافينا بكل جديد ومفيد من هذه المواضي لكن هنالك ملاحظه بسيطه ربما تكون لم تذكرها ناسيا ايها الا وهي
( ان هذه التعديلات تقلل من العمر الافتراضي للمحرك )
تقبلو تحياتي

[وارث الصيد]

والله حبيت ادخل الموضوع اشكر الغالي على قللللللللللللبي تيربو اربي لبى قلبه

اخوي تيربو تسلم تسلم تسلم تسلم بارك الله فيك يالغالي ماشاء الله عليك ( ثقافه , ردود تنعش الروح , اخلاق عاليه , وش اقول بس ماقول الا الله يسلمك ويستر عليك ومثلك نادر يالغااااااااااااااااااااااااااااالي , تحياتي .

[hail_ksa]

موضوعك جميل ورائع وفي غاية الاهميه


يعطيك العافيه

[أب رحي]

عليكم السلام ورحمة الله وبركاته


ماشاء الله عليك شرح بالتفصيل شامل كل المعلومات...
موضوعك جميل وفيه إفاده للكل...

تقبل مروري.

[الوقيدي]

السلام عليكم : ماشاء الله كلام ذو ثمره . زادك الله علما ونورا . دمت في خير

[عاشق الإيفو]

بعد التحية

أشكرك أخي الغالي على هذا الموضوع والمعلومات الرائعة

وكنت أبغا أستشيرك وأستفيد من خبرتك ياغالي

عندي ميتسوبيشي ماجنا VR-X 2005 طبعا السيارة كما تعلم رياضية 6 سلندر 3500CC

وعزمها وكل شيء ماشاء الله تبارك الله

بس حاب أزيد من قوتها وعزمها بأقل تكاليف وبدون أضرار أو أخفها إن وجدت

حتى إني فكرت أركب لها تيربو او أبرمجها


بس المشكلة وين وعند مين ؟


وأتمني إنك تتقبل هذا الكلام والطلب بصدر رحب

بورك فيك

[SRAAAB]

ماشاء الله تبارك الله
بيض الله وجهك على هالمعلومات القيمه
والتزويد بحر بحر بحر لايقدرة ولايقيمة إلا من مارسة لسنين
استشارة لاهنت :
عندي جمس 91 قطع عشرة دبل رفرف بخاخ المكينة 350 القير عادي
حالياً جاري التوضيب بالكامل وودي ازود عليها شي لزيادة السرعة من الخارج
ولا عليك أمر عطنى من خبرتك القليل وفقك الله
الله لايحرمك الأجر
والله يزيدك يارب

[الصافي9]

الموضوع قديم
ولكن غاية في الروعة
وين انت يا راعيه

[hz1oo]

مجهود تشكر عليه والله يعطيك العافية

[هاوي التعديل]

موهبة فذه وتشكر ياصاحبها

[هاوي التعديل]

يالربع صاحب الموضوع هذا تعرفون محله والا وين هو ابغا اعدل على سيارتي وابغا المحل حقه

[إلشريف محمد]

السلام عليكم
بارك الله فيك أخوي اعجابة بموضوعك واسلوبك بارك الله فيك
كانت ابي اقتراحك أخوي فيما يلي
انا عندي سيارة جمس 1997 الكبيرة 2500 مكينة 454 وهذي السيارة ثانيه وهي بنسبه لي سيارة أعشقها وأعشق قوتها
المهم .........
الكهربائي نصحني بتغير الدينمو لدينمو370 امبير وبطارية ثانيه للرحلات وتغير المروحة لمروحة كهربائية بدل المكنيكية
فكانت ابي اسئلك رايك.........؟وابي اعرف ويش احسن التعديلات البسيطه التي لا تضر السيارة ولكن تغير من القوة وتحسنها ....؟
وفي الاخير اشكر لك اهتمامك