الياي الاسترالي على الفتك

[راعي النياسين]

ياشباب انا نويت اركب ياي استرالي على الفتك 4 سنتي ب550 ريال بدون تركيب

عندي كم سؤال واتمنى القا اجابه

هل لازم اركب مساعدات استراليه مع الياي ولا الياي يكفي ؟؟

وهل يأثر على السياره وكيفها في البر؟؟

وهل هي غير مريحه لدرجه انك تكره السياره ؟

انا راعي تحميل وكل ماحملت نزل الجيب ويبغى لي رفعه خلفيه ونويت خلاص على الياي الاسترالي

فهل تنصحوني ؟

[راعي النياسين]

وين الردود ياشباب

[نديم الخيال]

ركب كعكات احسن لك

[قناص خلاوي]

معي فتك 2005 ومركب يايات خلفية المقاس الوسط بدون مساعدات استراليه
الموتر ارتفع رفع زين ومطبه تغير شوي لكن الموتر عموما صار احسن ويركي للحمول

[راعي النياسين]

نديم الخيال انا اخاف اركب كعكات ويطلع اصوات في الموتر ولا ماتنفع في التحميل



اخوي قناص خلاوي

انت مركب كم سنتي وهل كل مازاد ارتفاع الموتر كل ماصار اقوى مطبه وهل تنصحني فيها من واقع تجربتك

[باثفندر]

انصحك تركب 2 سم ،، وإذا تبي يرتفع من ورى زد على الياي كعكه .

[راعي النياسين]

وين الي مجربين يعوطنا العلم الاكيد

[باترول2008]

أخوي راعي النياسين


أنا معي فتك 2008


وجربت عليه يايين
واحد 3 سم
والثاني 6 سم (الآن على الموتر)


طبعا من ناحية الشكل الـ6 سم خيالي :rolleyes: ومع التحميل ما يفكر ينزل أبد إعرف إني أحمل السياره كله وأصفط المراتب اللي بالوسط وأحمل فوقها ويصير معي راكب واحد قدام ومع ذلك الموتر ما ينزل
يعني لو خربته نزل 1 سم ( مع العلم إني مفلل تانكي 100 لتر غير العفش )
(ممكن يقول بعض الشباب إن القير يبدى يطلع صوت أو يصير فيه مشكله لكنها لم تحدث لي ولم يفرق علي شي من ناحية القير إنما الأصوات تبين إذا كان الموتر ربع)


فهو بشكل عام ممتاز من ناحية الشكل والتحميل لكن مطبه يضيق الصدر إن كانك من الأشخاص اللي يقدرون الراحه ولا ممكن يجازفون به عشان شكل وإلا تحميل



أما بالنسبه للـ 3 سم


كنت مركبه قبل لمده تزيد عن 6 شهور طبعا ممتاز ومن ناحية المطب ما يفرق عن الوكاله شي ملحوظ
وإذا حملت عليه وعبيت التانكي يرجع وكاله ومع الوقت نزل من 3 إلى 2 (شي طبيعي لأن الياي يلين)
وهو بشكل عام حلو لك إن كان ما يهمك الشكل وتعتني بالراحه


طبعا كلهن مركبهن بدون مساعدات إستراليه والحمد لله كل شي تمام :good:


وأسعارهن
الـ 3 سم بحول 600 وعليه من عند الرمايه (طبعا مع التركيب)
والـ 6سم بـ 725 من عند الرمايه مع التركيب طبعا




أرجو إني أفدتك...:j

[abofahd55]

راعي النياسين

العره ماتطلع الا في الجيب الربع اما الفتك لو تحط من هنا الي باتسر ما عر


بالنسبه للياي انصحك تركب ياي استرالي ومساعد شاص

وشف الفرق واحد من العيال مسويها ويمدحها

اما انا عن نفسي مركب كعكات والموتر ما شالله تبارك الله ٥ سم وبوالين يعني الارتفاع حيل

الله يحفظنا بحفظه

واتمني اني افدتك

[برباتوف]

العره تظهر حتى مع الياي ارتفاع 3 سنتي ؟؟ والعره تطلع بس مع التحميل او بمجرد التركيب؟
بعدين هل اكيد فيه ارتفاع 3 سنتي؟ لاني اشوف الاغلبيه تتكلم عن 4 سنتي ؟ لأني احس ان 3 سنتي مناسب جداً إرتفاعه لانه تقريبا راح يرتفع شي ملحوظ بعد التركيب ..

بالنسبه لاخونا الي يمدح مساعد الشاص هل لقدام ولا ورى ؟ ووش السبب الي يخليه افضل من الاسترالي؟

[ابوحمد666]

اخوي الشباب ما قصرو
انا اشوف ياي 4 سم ومساعد شاصي خلف ومساعد فيكسار قدام,, طبعا انت لاتركب مساعدات اللى بعد ما تجرب بعد تركيب الياي ان حسيت ان فيه مطب فركب مساعدات
طبعا من واقع تجربه قمة الراحه ومع التحميل ينزل شي لايذكر
تحياتي لك

[عاشق الvx]

حياك الله اخوي
بالنسبه لي انا كنت مركب كعكات والمشكله عندي اذا حملت نزل الموتر والكعكات ماسوت شي يعني تقدر تقول شكل بس,,,
وجربت ياي استرالي 4 سم وبعد فتره نزل صار ارتفاعه تقريبا 3 سم ممتاز
ومعقول اما المساعدات انا ماغيرتها والمطب نفس شد بلد (السيارة لاندكروزر)
ومن كلام الي بمحل الرمايه يقول كل مازدت الارتفاع بيقسى معك المطب.
بس اشوف اكثر الي معه باترول يركبون مساعدات شاص بالاضافه الى الياي الاسترالي عاد انت شف الارتفاع الي يناسبك على حسب الي راح تحمله وعموما اذا رحت لمحل الرمايه علمه وش تحمل وراح يعلمك ايش المقاس الي يناسبك ,,,
اتمنى اني افدتك...

[قناص خلاوي]

اخوي قناص خلاوي

انت مركب كم سنتي وهل كل مازاد ارتفاع الموتر كل ماصار اقوى مطبه وهل تنصحني فيها من واقع تجربتك

والله ياخوك مادري كم سنتي لكن هو المقاس الوسط باليايات عند الرماية
ومجربة على فتك وعلى باترول 95 وسيارات واجد
والرفع الزايد ماله لازم يقوي المطب ويقلل رساوة الموتر واذا زاد الرفع مرة شد العمود وصار فيه عرة ..
عليك بالوسط وان شاء الله بيجوز لك

[باترول2008]

يا أخوان بالنسبه لعرة القير للفتك غير موجوده

لأني مركب اكبر وأقسي ياي عند الرمايه ما لقيت أكبر منه عندهم إرتفاعه 6سم

ولا فيه أي صوت أو عره أو ثقل بالقير بينما خالي معه ربع با ترول عطيته ياي 3 سم

ركبه وبدا القير يعر عليه عند 120 وفوق

دمتم بود ...

[صعافيق 911]

اذا كان حملك بس 100 لتر ماء مايستاهل ياي مساعد شاص غاز وكعكات 3سم
وذا تحميل واجد اسمع ((( ماجربت ))) ان الياي 200 كيلو يمدحونه مع مساعد بلد .....