المساعد الشخصي الرقمي

مشاهدة النسخة كاملة : كفرات ال GXR


الجدي40
14/10/2004, 02:04 PM
الله لايهينكم ياشباب عندي جيب جي اكس آر وابي له كفرات رمل علماً ان الجنط سبع طعش وش رايكم ؟ تكفون الفزعة ودمتم .
جميل جمال
14/10/2004, 04:14 PM
حياك الله اخوي الجدي ..

انا معي جس اكس ار صار له سنه وجنوطه مقاس 17.. واغلب طلعاتي بالنفود ..

وعليه كفرات دنلوب ..

الصراحه ممتازات .. من ناحية الرمل .. وبالديره ايضا .. وبالحصيان جربتهن وايضا لا يعلى عليهن ...

نصيحتي وانا اخوك عليك بالدنلوب ..

مع ان ودي اجرب اليوكوهاما لاني احس انهن لينات بالنفود ..

وكانك جربتهن لا تبخل علينا بذكر تجربتك .. او اي احد من الشباب
ABU-AL-3eeS
14/10/2004, 10:14 PM
يمدحون كفرات البالون((الشاهين))

ولاتستخدمهم بالقار لانهم ينعدمون في ظرف سنة
الذيب سرحان
15/10/2004, 02:41 PM
بسم الله الرحمن الرحيم
انا عندي GXR جنط 17 وحقيقة غيرت الكفرات نهاية الإجازة الصيفية هذا العام ودورت عند محلات الكفرات جنط 17 وما حصلت الا عند اماكن محددة ، وبالسؤال اذكروا لي شارع الغرابي ونقزت يمه وغيرتها والأفضل حقيقة ومجرب هو ( دانلوب ) وفيه نوعين الخليجي وابن زقر وكلهن طيبات الا ابن زقر اغلى شوي لأنه اطيب ومجربات في الرمال والجبال وما عليه تعدي ولاتشاور خذها واسال مجرب ولاتسال طبيب 0
شايب الصمان
15/10/2004, 03:35 PM
الجدي40
المشلان الفرنسي مجربها على النيسان والدوج والصراحه انها افضل كفرات
بس السعر اغلى من اي كفرات
وين يبون بنا
17/10/2004, 11:24 AM
السلام عليكم ورحمة الله وبركاته

اخوي جميل جمال ..

اليوكوهاما زين بس عيبه له صوت يفقع راسك ..

أخوي الجدي .. مالك الا مثل ماقالوا الشباب .. مافيه غير الدنلوب .. صح انه قاسي شوي ومطبه حليل بس الشكوى لله ..

تمنياتي للجميع بالتوفيق .. ;)
عبد العزيز العجاجي
19/10/2004, 12:17 AM
عليك بالشاهين ممتازة
جهام القصيم
19/10/2004, 03:06 PM
بسم الله الرحمن الرحيم

السلام عليكم ورحمة الله وبركاته


اقول جرب انت بنفسك يعني ال جي اكس ار كفرات بلد دنلوب يعني جربت واذا كانت معجبك لا تعدها واذ ا ما اعجبك عليك بالشاهين اخوك مجرب رمل حصاء بطناج ممتاز ولكن ما ادري عن 17 موجود ولا لا لان موتري 16 0 أو نصيحه لا يقربك البرجستون ابد , والله يوفقك
خيال الشقرا
19/10/2004, 08:19 PM
عزيزي
عليك بالمشلان اذا بيطول الموتر معك
واترك الباقي اسال مجرب ولاتسال طبيب
سعره مرتفع لاكن المشلان سعره فيه 000
جميل جمال
20/10/2004, 02:43 AM
يعطيك العافيه اخوي ..

لكن سؤالي المهم هل اليوكوهاما افضل من الدنلوب بالنفود او لا ؟؟ هل الفرق ملاحظ وكبير ؟؟
وين يبون بنا
20/10/2004, 11:36 AM
اخوي جميل جمال ..

انا اللي اشوفه ان مافيه فرق يذكر بالنفود .. صح اليوكوهاما ألين شوي ..

ولكن اذا نسمت .. هذا يعطيك وهذا يعطيك ..

ومثل ماقلت لك اليوكوهوما ممتاز بس عيبه صوتـــــــه :no2:

تحياتي لك ..
الحـامض
24/10/2004, 01:23 PM
لا تفوتك كفرات الهانكوك الكوريه
ممتازه ورخيصه جداً
saadsaud
25/10/2004, 10:45 PM
السلام عليكم ورحمة الله وبركاته
عليك بالميشلان أبو نقشة جديدة
فرنسي لك وللزمن وما راح تندم إن شاء الله
الكشاح
25/10/2004, 11:21 PM
اخوي الجدي...عليك بالمشلان..الجديد الفرنسي...لا صوت ولا دوشه

وزين في الشارع وفي الرمل ممتاز..صحيح انه غالي بس ..ما عليه كلام
مداوي
28/10/2004, 05:49 AM
السلام عليكم ورحمة الله وبركاته
اخوي انحش من اليوكوهاما اخوك مركبهن والحقيقه مالي هم الا اسمع صوتهن احسبه الدفرنس ترا معي جي اكس آر والان ناوي اغير الكفرات وانشاءالله مايركب الا ميشلان
تحياتي;) ;) ;) ميشلان :good:
قناص شقراء
28/10/2004, 12:14 PM
السلام عليكم ورحمة الله وبركاته



أخوي الجدي 40

أنـــصحك بالمشلان الفرنسي


ممتاز في جميع الأحوال و اسأل مجرب و لا تسأل خبير...


أخوكم : راعي الهواوي .
الخيال
30/10/2004, 06:58 AM
انا مركب مشلان الفرنسي من الجفالي .