طير ضايع من يومين فالصرامي

[ياس البوادي]

السلام عليكم طير ضايع من يومين في منطقة الصرامي في ابوظبي من غرب الشارع قبل الاشياب جير شاهين بريطاني والحجل لونه بنفسجي برجاء من يجده تسليمه لمستشفى سويحان للصقور ولكم جزير الشكر
اخوكم يـــــــــــــــاس البوادي
ملاحظه ترجع ملكية الطير ل محمد حميد المزروعي (بوشموس)

[شامان 28]

الله يعقله

[راعي جالود]

الله يعقله .. إن شاء الله

[قنيص غبر]

يالله حيه بو جاسم .. ابشر بالعوض انشالله وانا ببلغ ربعنا اللي في الصرامي .. وانشالله انه يطيح في يد ولد حلال وياخذه للمستشفى

[الوثبه]

ابشر بلعوض يا بو شموس

[راشد الامارات]

اخويه عندي الك حل


انا من ايام ضاع طيريه في العجبان وانا قانص وكملت تقريبن يومين واستصلت في مستشفى سويحان عن طير ظايع مني


قالولي عطنيه رقم الشريحه وعطيتهم وقالو الطير من يومين عندنا صاده واحد من العمال


يعني لو تتصل عالمستشفى الحين وتسألهم احسن يمكن يكون عندهم


وان شاء الله اني افدتك

[ابو امنه]

الله يعقله

[حر الجوف]

الله يعقله

[المزروعي]

أفا يا ذا العلم !!! أبشر يا بوشموس طيورنا كلها تحت أمرك

[بن عويان]

امس الفير انا في الصرامي امسح طيريه و يا طير ملق طيري و راح ..
ان كانك بتسيرله الفير تدعى في العلاه بتحصله انشالله ..

[بني ياسي]

اذاراد الله ولقيناه نتواصل معك أمس محصلين طير حر وحش ورديناه لراعيه بعد ما عطانا المرسل ورقم الريشه وفي جير شاهين قالنا عليه انه ضايع بنفس المكان
ما أعرف اهو انت او غيره
وعلى العموم اذا صار شي بتواصل معك


أخوك أبو عيســـى

[الغزال الشارد]

الله يعقله .. إن شاء الله

[ياس البوادي]

العوض في راسك واشكر كل من تجواب وعسى الله يعقله انشاء الله ومشكورين على المرور اخوكم يــــــــــــــــــــــاس البوادي والشكر لقنيص غبر هوب غريبه عليك ولا على الوثبه والمزروعي وبني ياس مب انا اللي لقيته

[ياس البوادي]

ابشركم الطير استعقل الحمدلله من شوي اكلم بوشموس وبيض الله ويوهكم وما قصرتوا

[راعي طلاع]

ابشركم الطير استعقل الحمدلله من شوي اكلم بوشموس وبيض الله ويوهكم وما قصرتوا
يهناك العقلان