بعد سماعك لإمكانيات الفتك الجديد هل ستترك كروزر تويوتا

[أبو فيصل 99]

بعد سماعنا لإمكانيات الباترول الجديدة من ناحية قوة المكينة ووسائل الراحة والقوة الموجود بالباترول الجديد .. هل أنت على استعداد على ترك تويوتا والإتجاه لباترول نيسان


http://up4.m5zn.com/thumb/2009/11/10/05/lmgkpt7d8.wmv/jpg (http://up4.m5zn.com/download-2009-11-10-05-lmgkpt7d8.wmv)

[أبو رزان 97]

ليش لا

الاسعار ممكن السوبر سفاري الفل يتجاوز 210 على الشكل الجديد

واذا هو اللي شفناه في النت

ناس كثير بتغير

على كلٍ الى الان لم تصل السيارات ولا التسعيرة الى الشركة ..

بالانتظار ...

[ابن صقيه]

واللي تارك تايوتا من زمان ؟؟

أعتقد بعد نزول الباترول الجديد لن يبقى من اللاند إلا اسمه وسعره المبالغ فيه ..


شكرا لك وتم التصويت ..

[مكشاتي كوكتيل]

طيب افيدونا عن الشكل والمواصفات تراني مادريت للحين

[عاشق السيل]

اقتناعي بالباترول من زمااااااااااااااان !!

ولايهون اللاند ،،،

تم التصويت وبارك الله فيك وتقبل مروري يالغالي ......

[ابوو زيد]

ما اتوقع انه الاند يتركونه

الاند له عشاقه و الفتك له عشاقه

وكل السيارتين تتنافس للقمه

[راكان 11]

اخوي انا راعي بر

ويعلم الله اني أثق بعد الله بالتايوتا ولو موديله 95
ولا اثق بالنيسان ولو كان 2005

لا يوجد مقارنه بين التايوتا والنيسان بالمعاكس والخرابات اللي تورط الواحد

هذي وجهة نظري الخاصه

[الساهر20]

عطنا رابط للموضوع اللى تتكلم عنه رى ماشفنا شي

[قدر مكتوب]

نيسان وخاصه الباترول اثق فيه ولكن اي شي غيره وغير الددسن لااثق فيه ابدا

[mngahi]

تم التصويت و نقول نعم ل تويوتا
عشرة عمر مع علامة الفخر الياباني و لا بديل لها حتى الان بس مع انها صارت تايلندي و صناعات مو أصلي ياباني لاكن مازال شعار تويوتا هو الأول في قلبي من 1988 الى 2006 مع تغير في انواع السيارات ما زلت وافي لها مع ان اسعارها سارت خرافيه للجيب الاندكروزر ( الصالون )
نتمنا من وزارة التجارة النظر في الأسعار و كذالك التجار يخافون من الله في عدم ذبح الناس على غير القبلة

[.أبوعبدالرحمن]

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،

[.أبوعبدالرحمن]

يا شيخ افلقني اذا نزل الباترول بالمواصفات اللي سمعتها انت وهذا وكلينا ما تغير



علما اني قد أُعجب بالمواصفات التي ستكون بالباترول الامريكي او الاسترالي ولكن لن اترك التايوتا


ولن اقوول الباترول السعودي

[القهوه]

كلام ابوزيد عين العقل كلن له توجهاته
بعيدا عن تعصب راكان 11

[ابوطاقية]

كل سياره ولها عشاقها لاكن انتم يا اخوان ولمتو العصابه قبل الفلقه
الي الحين مافيه خبر عن الجديد ولا حتي صوره
على العموم كارلوس غصن موب فاضي للباترول الرجال مشغول على الجي تي ار

[لن أمل من العطاء]

يا جماعة

ما فيه لا باترول جديد ولا شيء
نفس الشكل ما تغير فيه شيء

انا شايفه بمعرض 2010 في جده هو نفسه

لو كان فيه جديد كان جاء بالمعرض والا ليه المعرض هذا
لو كان موجود كان صفوه جنب الماكسيما الجديده كليا

[بعيد الهقاوي9]

الزين يلي تحب الزين,,,,,,,,,,,,,, لا تشتري غير تايوتا
انا عن نفسي لا يمكن اترك تايوتا واروح لنيسان
النيسان ما يترك التفتفه والتدخين خاصة بالشتاء
واقع تجربه
قطع غيار نااااااااااااااااااااااار
بيع مافيه قيمه .............وانا اتكلم عن نفسي

[مدمن فتك]

يالبى الفتك بس
خذلك فتك وخل المصخره

[مالك- لوا]

الباترول الجديد 2011

[الايام]

الباترول هو (((وصويميلاته هالذهبيه))) مع احترامي له فرق بين المعلم اللي هو تويوتا وبين التلميذ اللي هو النيسان

نيسان دخلت عالم الجيوب الحقيقي عام 1989 بتغير الباترول شكلا وموضوعا ولكن لا يزالون حديثي عهد بتقنيه سيارات الصحاري الحقيقيه

ديكورا هزيييييله جدا تماسك مخجل صرف وقود مذهل


انت بالضبط مثل اللي يقارن منتخب البرازيل بالسعوديه

على فكره ترى معي فتك 2008 ومشى فقط 5000 كيلو بعته في نفس سنته بخسارة 16000 ريال

عره بالقير وانت تمشي بسرعه 120 تقل تحتك رحى تجرش ومكيف ما يبرد وسيور مشدوه على اخر شي خطر انها تتقطع

كل هذا والوكاله تقول السياره ما فيها شي!!!

[المميـز]

يا جماعة

ما فيه لا باترول جديد ولا شيء
نفس الشكل ما تغير فيه شيء

انا شايفه بمعرض 2010 في جده هو نفسه

لو كان فيه جديد كان جاء بالمعرض والا ليه المعرض هذا
لو كان موجود كان صفوه جنب الماكسيما الجديده كليا


اعتقد ان الشكل الجديد مابعد وصل ... واحد من الزملاء مر على وكالة نيسان في الشرقيه

وسأل الموظف .. متى ينزل 2010 ؟؟؟ قاله بعد ثلاث شهور تقريبا

وكان واقف واحد الشكل الموجود حالياً ... سأله الرجال كم موديل هذا ؟؟ قال الموظف 2009

وأعتقد ان وكالة نيسان منزلين 2009 للمعرض كشكل بس وتكميل :)

والله أعلم ...
:
:
:

بالنسبه للتصويت ... من الصعب التصويت والحكم من الآن

واللاندكروزر الجديد هيبه وفخامه :good:

بس سعره كثير :(

[محسن اليامي]

واللي تارك تايوتا من زمان ؟؟.

:D:D:D:good: نفسك :good:

[ابوعمر الهذلي]

مو عشان معي لاندكروزر بس السمعه على مدى عشرات السنوات لصالح اللاند

واسمع هالشاعر وش يقول :
من فوق منجوب يجوب الوطا جب
جيب ثلاث أيمان مالقى حلاياه

من وارد التويوت جيب مشبب
داخ المصمم لين صمم مزاياه

ودور على أسم له منومس معرب
حتى لقى (الفكسار) وأسرع وسماه

اليا مشى مشيه ينومس ويطرب
مثل الملك في مشيته واثق خطاه

واليا شلع له بالدبل يم مرقب
من فوق طعس عجز القير مرقاه

كن الطعس تحت التواير مطبطب
وهو يتمخطر مثل عارضت الأزياه

أنا أشهد إنه خوش مقنا ومكسب
حتى ولو قرر وكيله وغلاه

[مدمن فتك]

الباترول هو (((وصويميلاته هالذهبيه))) مع احترامي له فرق بين المعلم اللي هو تويوتا وبين التلميذ اللي هو النيسان

نيسان دخلت عالم الجيوب الحقيقي عام 1989 بتغير الباترول شكلا وموضوعا ولكن لا يزالون حديثي عهد بتقنيه سيارات الصحاري الحقيقيه

ديكورا هزيييييله جدا تماسك مخجل صرف وقود مذهل


انت بالضبط مثل اللي يقارن منتخب البرازيل بالسعوديه

على فكره ترى معي فتك 2008 ومشى فقط 5000 كيلو بعته في نفس سنته بخسارة 16000 ريال

عره بالقير وانت تمشي بسرعه 120 تقل تحتك رحى تجرش ومكيف ما يبرد وسيور مشدوه على اخر شي خطر انها تتقطع

كل هذا والوكاله تقول السياره ما فيها شي!!!
مشكلة الشمس لاتحجب بغربال يبقى الفتك كنق الصحاري:)

[عاشق الvx]

مانقدر نحكم على شي واحنا ماجربناه
لكن عالعموم النيسان اثبت وجوده وبقوه بعد مانزلو الفتك
وبصراحه انا من اشد المعجبين فيه
مع العلم ان معي تويوتا
ولكن يبقى لكل سياره عيوب ومميزات
يعني تلقا مميزات في التويوتا ميب في النيسان
وتلقا مميزات في النيسان ميب في التويوتا
بس يبقى تويوتا له عشاقه ونيسان له عشاقه .....
احنا جربنا الاند الجديد وبصراحه لايعلى عليه ولكن السعر مبالغ فيه
وننتظر ونجرب الباترول الجديد ونحكم وعلى حسب الي سمعنا ان السعر فوق ال200 الف
وبعد التجربه طبعا راح يبين هو يستحق السعر او لا
بالمقارنه بالمديلات الحاليه يعني الفتك رقم 2 في حدود 140 معقول جدا
( وعلى فكره الي سمعت ان الباترول راح ينزل فئتين ال6 سرندل نفس شكل ال2009
وال8 سرندل الي هو الي شاهدناه بالصور الي نزلوها بعض الاخوان)
اسف على الاطاله....

[علي الشايع]

اخوي اذكر المواصفات اللي تبغى تصوت عليها

ولا تقول بعد سماعك للمواصفات

موضوعك غير مكتمل لذلك نعتذر عن التصويت

[قايد الفتك]

قسم بالله ياحقين النيسان بكم تعصب غير طبيعي

ياخي السياره ماجت لهالحين وشلون نقارن نقارن بكلام هالمنتديات كله كذب بكذب

الله ييسر ويعين وخل عنك العجله لنزلت السياره قارن براحك

[الادعج]

ليش لا ؟؟؟؟
الصراحة على المواصفات الخياليه اللر راح تنزل من الشكل الرائع والديكور الفخم جدا والقوة الميكانيكيه الهائله:good: :good: ..ليش لا ....وعلى هالمواصفات التوب توب انا اقول يستاهل اكثر من 200 الف ..لان الباترول الجديد والفل كامل منه راح يجي بتجهيزات احسن من VX_R الفل كامل ...وكم قيمه هذا ..وكم قيمه هذا
بس انا اعتقد انه ماراح يتغير الا على 2011

[الاصلي]

كلن له عشقه ونا اعشق الاند وحترم الفتك
الاند عذروبه غالي فقط ولله لوهو بسعر الفتك ماشفت الفتك يمشي بالبران يعني مهب زين بالفتك غلا بالاند
بنسبه لي غلاه ميزه ولا وشلون تتميز هههههه دراهمه واجد
سلام

[التعـ King ـديل]

الباترول هو (((وصويميلاته هالذهبيه))) مع احترامي له فرق بين المعلم اللي هو تويوتا وبين التلميذ اللي هو النيسان

نيسان دخلت عالم الجيوب الحقيقي عام 1989 بتغير الباترول شكلا وموضوعا ولكن لا يزالون حديثي عهد بتقنيه سيارات الصحاري الحقيقيه

ديكورا هزيييييله جدا تماسك مخجل صرف وقود مذهل


انت بالضبط مثل اللي يقارن منتخب البرازيل بالسعوديه

على فكره ترى معي فتك 2008 ومشى فقط 5000 كيلو بعته في نفس سنته بخسارة 16000 ريال

عره بالقير وانت تمشي بسرعه 120 تقل تحتك رحى تجرش ومكيف ما يبرد وسيور مشدوه على اخر شي خطر انها تتقطع

كل هذا والوكاله تقول السياره ما فيها شي!!!


توضيح فقط نيسان صنعت الباترول كسياره دفع رباعي قبل تويوتا والتاريخ يشهد بذلك

اما المقارنه بين التويوتا والنيسان

قطع الغيار + قوه المحركات + خفه الوزن والحركه كلها اشياء لصالح كفه الفتك

صدق من قال خذلك فتك وخل عنك المصخره

[عاشق الفتك 20]

الفتك وبس والباقي خس
مع احترامي

[شمالات نجد]

الموضوع مبدئياً حلو ومن المبكرالتصويت فيه

كذلك الردود في الموضوع أغلبها تعصبيه عمياء إلا من رحم الله

هي بالعقل اللي مجرب تويوتا ومعجبه ومقتنع فيه لو يجيه الباترول بمواصفات جيب لكزس ما شراه

سلام

[هوى يالبر]

تم التصويت ...........................

[خ الفياض]

الباترول افضل سياره من نيسان

[الوتر الحزين]

كيف نعيش بلا باترول ؟!

[بدوي جنوبي]

ودى اصوت
لكن ما اشوف مواصفات مكتوبه
اخى الكريم موضوعك يحتاج الى اعادة تنسيق


بارك الله فيك

[شامخ ألهيلا]

لكل سيارة عشاقها
وولكل نادي عشاقه

مثل نادي النصر وعشاقه لو ذهب في الهاويه يعشقونه

انا جربت النيسان كله
واتوقع مانجح سيارة في النيسان
الا
الددسن وارد عراوي

والسوق يحكم والشريطيه يعلمونك

اما انا فقد غيرت مااضيي
من نيسان ونادي النصر

والان تويوتا ونادي الهلال

تايوتا لو صنع في سيرلانكا
يبقى في القمه

[الكونترولCONTROL]

متى يجي الباترول ( شنطة ) و أشتريه ؟؟

[ابو وافي 444]

سبحان الله صوت وطلع العدد 94 أي 50% للسيارتين ...
حسيت اني واسطة خير :)

[ahmad995]

هي مهب مسأله تعصب تشجع هلال ولا نصر
البقاء للافضل
ولو صار الباترول افضل من الاند بالمواصفات والجودة والتحمل انا اول واحد راح يترك التويوتا
بس انت جب لنا شركة تنافس تويوتا بالجودة

[بن سليمان]

بعد سماعنا لإمكانيات الباترول الجديدة من ناحية قوة المكينة ووسائل الراحة والقوة الموجود بالباترول الجديد .. هل أنت على استعداد على ترك تويوتا والإتجاه لباترول نيسان


http://up4.m5zn.com/thumb/2009/11/10/05/lmgkpt7d8.wmv/jpg (http://up4.m5zn.com/download-2009-11-10-05-lmgkpt7d8.wmv)

ابو فيصل مع احترامي لك اللي يقرأ موضوعك يعتقد ان الناس تاركين الباترول ومتجهين للاندكروز
الباترول كل يوم يزود الاقبال عليه رغم تغيير الاندكروزر واعرف اكثر من شخص اهل قنص كانوا يستخدمون الباترول تحولوا للاند لكن ماصبروا على غثاء الاند مغير تهريب زيوت وحراره مرتفعه وثقيل في البر والنفود ورجعوا للباترول( هذا كلام مقانيص مهوب كلام اهل تمسيح وتغبير وتلميع كفرات وعرض فوق الرصيف ) يعني طقوها حسافه

[شامان 28]

الله يرزقك الجميع

[Bader-M]

كل سيارة لها ميزاتها وعيوبها

يمتاز الباترول 6 سلندر
1- قوة محرك
2- سعر منخفظ (مقارنه بالتويوتا)
3- قيادة ممتعه

العيوب
1- قطع غيار مرتفع
2- اقل جودة من التويوتا

لاندكروزر
يمتاز
1- جوده عالية
2- قطع غيار متوفر و رخيض

العيوب
1- سعر مرتفع
2- محرك ضعيف (مقارنه بالباترول)



لولا اختلاف الاذواق لبارت السلع

[ابوابراهيم333]

انا اقول تويوتا ولا غيره ولا يصغر النيسان ومن الله عليه من الحسد ستر واستاره

[برباتوف]

تركنا التويوتا والاتصالات و الخطوط من زمان
اركب مع نيسان وموبايلي وناس

[باثفندر]

ومازالت مواضيع المقارنة بين نيسان وتويوتا ( الغير منتهية ) مستمرة ،،،

أنا عن نفسي عندي نيسان ومقتنع فيه ،، والتويوتا أيضا ما عليه زود ،،، بس المقارنات ماتنفع ،،

وصاحب الموضوع ،،، الله يجزاك خير ،،

مهوب كنه بدري تحكم على سيارة مانزلت ولاشفناها إلى الحين ؟؟؟

[عاشق الدهنا]

تركنا التويوتا والاتصالات و الخطوط من زمان
اركب مع نيسان وموبايلي وناس


من جرف لدحديرا :D

[dam11]

خليكم على تايوتتكم
وبدون زعل لو اموت ما شريت سياره من ...!
اي سياره بالدنيا افضل من تويوتا اللي راعيها اكبر نصاب خلقه الله عزي لكم والله

[0007]

اقول ياراعين الفتك لحمتو مسامير الثلاجه علشان مايخبط :D ..

[Mekshaati@]

سيارة تويوتا معروفة بالجودة ولكن الوكيل يرفع الأسعار بشكل خيالي ويستغل سمعة التويوتا .

ومن الواجب علينا مقاطعة الوكلاء الجعشين حتى لو كانت السيارة جيدة

ونبحث عن البديل الأرخص وبنفس الجودة أو قريب

وذلك للحفاظ على إقتصادنا من جشع التجار.

يعني التصويت يكون من صالح الباترول.

وشكراً

[صعافيق 911]

الله يرحم حالنا وحالكم .... تيوتا ونيسان .... الوكلاء شبعوا منكم وانتم هذا اقوى وهذا احسن
كلهن سيارات وبس ... وكلهن ياصلن لاي مكان بالعالم وبهن حقهن وخلو التعصب ....

[مدمن فتك]

اقول ياراعين الفتك لحمتو مسامير الثلاجه علشان مايخبط :D ..
والله ولا درينا عنك يارجال:p

[ابوسعودد]

بعد سماعنا لإمكانيات الباترول الجديدة من ناحية قوة المكينة ووسائل الراحة والقوة الموجود بالباترول الجديد .. هل أنت على استعداد على ترك تويوتا والإتجاه لباترول نيسان


http://up4.m5zn.com/thumb/2009/11/10/05/lmgkpt7d8.wmv/jpg (http://up4.m5zn.com/download-2009-11-10-05-lmgkpt7d8.wmv)
معنى كلامك ان الاستفتاء خاص باصحاب الاند وليس لاصحاب الباترول لاني معي باترول فكيف اترك باترول واشتري باترول

[اابوحمد]

الباترول اكيد
مشكووو اخوي

[العطاء 6388]

اقول ياراعين الفتك لحمتو مسامير الثلاجه علشان مايخبط :D ..
ابعطيك معلومه عن مسمار الثلاجه يشال والاياثر على المكينه

وتقبل مروري واتمن ان اكون ضيف خفيف النفس

[ابوحمد666]

من زمن 97 وهو خارج الخدمه

[أبو فيصل 99]

شكل نيسان متفوّقة على التويوتا

[راكان 11]

نيسان اللي يصمم سياراتهم ( شكله شايب وماسكه معه يعاند المستخدميين )

بالله عليكم الى الآن والسفاري ( يجي بيبان فقط ؟؟؟؟ )

متى يحنون على مستخدمي هالنوعيه بشنطه ويريحونهم

[مقلع الرمث]

التعصب التعصب

[صقراليمامة]

المهم انكم حيرتونا

[سديراوي 13]

انت عطني دراهم واعلمك وش اشتري

[مدمن فتك]

نيسان اللي يصمم سياراتهم ( شكله شايب وماسكه معه يعاند المستخدميين )

بالله عليكم الى الآن والسفاري ( يجي بيبان فقط ؟؟؟؟ )

متى يحنون على مستخدمي هالنوعيه بشنطه ويريحونهم
السفاري للمهمات الصعبه فقط فيحتاج انه يكون بيبان عكس المسخره المجمع نص صيني ونص تايلندي واقل شي 160 الف:confused: :confused:

[أبو فيصل 99]

النيسان بالمقدمة

[فهد550]

اكيد اترك الاند

[المحتر77ف]

ياخوي الفتك مافيه اي امكانيات
كلها عمليات نسخ وقرصنه وتقليد
استخدمه في الجلد كم شهر ماراح تسمع لك باذن
ورح حاول تبيعه تحصل زباين النيسان زود على ان موترك نيسان يكسرون سلعتك
اما بتقول مواصفات وامكانيات خذ لك اي صناعه صينيه ارخص واحسن من نيسان
لان الجميع اصبح يملك امكانيات عاليه في بداية التشغيل
ولكن في النهايه البقاء للأقوى

[مدمن فتك]

ياخوي الفتك مافيه اي امكانيات
كلها عمليات نسخ وقرصنه وتقليد
استخدمه في الجلد كم شهر ماراح تسمع لك باذن
ورح حاول تبيعه تحصل زباين النيسان زود على ان موترك نيسان يكسرون سلعتك
اما بتقول مواصفات وامكانيات خذ لك اي صناعه صينيه ارخص واحسن من نيسان
لان الجميع اصبح يملك امكانيات عاليه في بداية التشغيل
ولكن في النهايه البقاء للأقوى
بدوووووون تعليق
حاول مرة اخرى اخوي شكلك غلطاااااااااااااااان:D :D

[عاشق البر والصيد]

تايوتا وبس والباقي خس

[الادعج]

تايوتا وبس والباقي خس


وش دعوى خس ... الا وز زينه :D :D

[ربع الخالي]

انا من ناحيتي لو يحطون الفتك 20 سلندر ولو يحطون وسائل الراحه ماشريت النيسان وبأكون مقااااطعه للأبد.

[KFC]

يحكى أن هناك رجلان يتمردحان في احدى الصحاري مشياً على الاقدام فنزل احدهم ذلك الوادي وعند انتصافه في نزول المنحدر .. قال لصاحبه .. تمنيت ان لي هذا الوادي مليان غنم .. فرد الآخر : الا انا اتمنى لو ان لي مثل هذا الوادي ذئاب لكي تأكل غنمك


مايستفاد : فِتك .. لاندكروزر .. الخ الخ


كلها تاخذ العقل والي يسمع سواليفكم يقول كأنهم داخلين محل ابو ريالين بياخذون كاسات شاهي



لكن وين الفلوس ؟؟

[الادعج]

انا من ناحيتي لو يحطون الفتك 20 سلندر ولو يحطون وسائل الراحه ماشريت النيسان وبأكون مقااااطعه للأبد.

لولا اختلاف الانظار لبارت السلع
وفيه ناس غيرك تقول :
لو يجي التيوتا 20 سلندر ولو يحطون وسائل الراحه ماشريت التيوتا وباكون مقااااطعه للابد

[الادعج]

اقول ياراعين الفتك لحمتو مسامير الثلاجه علشان مايخبط :D ..

لا وانت الصادق ركبنا مراوح تبرديد عشان الهدد مايصقع حرارته اكثر من النص:D :j :D :j :D

[دوا حراره]

يازين الرنج بس

[مدمن فتك]

لا وانت الصادق ركبنا مراوح تبرديد عشان الهدد مايصقع حرارته اكثر من النص:D :j :D :j :D

هههههههههههههههههههههههههههههههههههههههههههههههههه ه

[ابن عكاش]

كنت ودي ابدي وجهة نظر على اساس الواقع وطلب السوق ليس على اساس التعصب لكن بعد قرائتي لردود بععض الأخوان حسيت اني بقول كلام مايفهمونه
احترامي لصاحب الموضوع

[خزان الوادي]

دعوة لجميع (العملاء والاعضاء )

(باقي 3 ايام )

للمشاركة بمسابقة المنتدى الشهرية لافضل 3 مواضيع للاطلاع على الشروط الرابط :
http://www.mekshat.com/vb/showthread.php?t=236655 (http://www.mekshat.com/vb/showthread.php?t=236655)

مع تمنياتنا للجميع بالتوفيق
خزان الوادي

[أبو فيصل 99]

يعطيكم العافية

[قرم العيال]

اقتناعي بالباترول من زمااااااااااااااان !!

ولايهون اللاند ،،،

تم التصويت وبارك الله فيك وتقبل مروري يالغالي ......

....................:good:

[discovery7]

حلوةة ومميره كل السيارتين
مشكور

[عاشق الحوض99]

السلام عليكم..

افلقني اذا راحت هيبة وعشاااق الاندكروزر ( صالون , ربع, شاص, ...)

وانا ما اعتقد انه نزل بالمواصفات الي قالو عنها


اخوكم/

[دحيم العبود]

نعم بغير وتجه للافضل بدون تعصب لشركة

[سديراوي 13]

خلاص منب شاري الا سيكل

[عقاب 01]

انا بالنسبه لي :~ لا~:

كلنا ماننسا تاريخ التويوتا

وقوته وهيبته
ربع وشاص وهيلوكس وكروزر

يالبى بس :)

ومانقول بالنيسان شي

له هيبته وقوته

بس يبقى التويوتا في القمه بالنسبه لي

والسلام خير ختام :)

[التعـ King ـديل]

مو عشان معي لاندكروزر بس السمعه على مدى عشرات السنوات لصالح اللاند

واسمع هالشاعر وش يقول :
من فوق منجوب يجوب الوطا جب
جيب ثلاث أيمان مالقى حلاياه

من وارد التويوت جيب مشبب
داخ المصمم لين صمم مزاياه

ودور على أسم له منومس معرب
حتى لقى (الفكسار) وأسرع وسماه

اليا مشى مشيه ينومس ويطرب
مثل الملك في مشيته واثق خطاه

واليا شلع له بالدبل يم مرقب
من فوق طعس عجز القير مرقاه

كن الطعس تحت التواير مطبطب
وهو يتمخطر مثل عارضت الأزياه

أنا أشهد إنه خوش مقنا ومكسب
حتى ولو قرر وكيله وغلاه

فعلا حلاة الفكسار عارضه ازياء ماله ومال البر

[الطلح العربي]

أنا كل عمري وأنا اتنقل بين الباترولات من موديل 90 الى 98 الى 2002 الى 2007 صرفية بنزين+اصوات صرصرة + الرساوة تكاد تكون معدومة حتى في موديل 2007 + خربات كثيرة الايجابيات هي الخف ورخص السعر وقدر اللة واشتريت في إكس أر 2000 وأقول ياحسافة عمري اللي ضاع بالنيسان ... تويوتا وبس

[ونش]

عندي التيما موديل 1991 والى الان معي ولاوضبتها ولافكيت البساتم وشفتها ولادخنت دخان ازرق الى الان هذه معلومه للى مايثق بالنيسان والباترول الجديديتكلم بالارقام مهوب سولف

[التعـ King ـديل]

عندي التيما موديل 1991 والى الان معي ولاوضبتها ولافكيت البساتم وشفتها ولادخنت دخان ازرق الى الان هذه معلومه للى مايثق بالنيسان والباترول الجديديتكلم بالارقام مهوب سولف

وسع صدرك ولا تاخذ كلام متعصبين التويوتا على محمل الجد

بالله وش ترجي من مواتر مجمعه في تايلاند واندونيسا

سلم لى على الباترول 2010 ياباني 100%

[راعي النياسين]

عندي التيما موديل 1991 والى الان معي ولاوضبتها ولافكيت البساتم وشفتها ولادخنت دخان ازرق الى الان هذه معلومه للى مايثق بالنيسان والباترول الجديديتكلم بالارقام مهوب سولف

الا انا ياطويل العمر اخبر لك باترول موديل 89 ماشاء الله مع شايب في سدير

والله ياشباب انك اذا شفت طبلونه تظحك طبلونه ماشي فوق 800 الف كيلو

ماشاء الله تبارك الله

الله يخلي له موتره والله يطول بعمره

اما من ناحية صبر المكينه التويوتا تطلع منها لانه للاسف بعض السيارات الامريكيه

توصل 300الف بدون توضيب لكن تويوتا استحاله توصل 300 الف بدون توضيب او شنبر الا ماندر

والكامري خير دليل ماتتعدى 150 الف والا لازم تفك المكينه علشان تغير السير او الجنزير

الله يرحم الحال بس ناس تدافع عن شركه علشانه معه موتر منها تكلم بعقلك

وعلى فكره ياجماعه سألت اكثر من مكنيكي ايهما اطول عمر مكاين النيسان ام التويوتا

كانت الاغلبيه تقول النيسان اطول عمر من التويوتا خوصوصا الباترول والددسن هي الي ماشاء الله تدوم :good2:

[هبــ حريملاااء ـبوب]

السلام عليكم
ما ابدل ثقتي بالددسن لو تقول خذ لكزس مررررررررررررررره .. كبه عنك والله الخساره

مكاين نيسان ثقه حتى بالشيولات والتركترات مكاينها نيسان وما سمعت ابد بالخابور تويوتا