وش الحل مع وكيل تواير toyo

[NEWASSER]

السلام عليكم
يا شباب انا شريت كفرات من العامودي وكيل تويو قبل شهرين
ويوم خذيتها كان اليمني يهايط ضمان سنه ومدري ويش
ولله قلت له بالنص ( اخصم لي 5 ريال وما ابي ضمانك)
المهم وبعد الشهرين واحد من الكفرات صعرر-تورم- ورجعت له قال الضمان ما يشمل الصعارير سوء استخدام!!!!!!!!
يعني انسلخ= الهواء ناقص
يرج= صادم رصيف
صعرر= من المطبات
ولله تغافل واستهبال علينا
وودي واحد يفتيني وش الحل مع الوكاله؟؟ ما ارضى ان واحد سفيه يضحك علي
اللى جرب معهم طريقه لا يبخل علينا
والله يجزيكم خير

[الوسم]

الحل والله أعلم خذ لك إجازة ثلاثة أيام من العمل ووقف عند باب الوكالة كل يوم من يفتحون حتى يسكرون وكل واحد يجي يبي يشتري منهم وقفه قدامهم وقله وهم يسمعون 000 ترى حدث معي كذا منهم وقالوا لي سوء إستعمال وكلام واجد وإلى هالحين ما عطوني حقي وإن شاء الله إنهم يقولون عطوه طقم جديد وفكونا منه لا يبعد عنا الزباين

وعسى الله يعوضك منهم بدون ماتكمل اليوم

[ابوعقل]

السلام عليكم
هذا ان شاء الله يفيدك
منقول من العضو شفر 454


بسم الله الرحمن الرحيم




للإبلاغ عن مخالفة تجارية




بالمملكة العربية السعودية

الرقم المجاني

8001241616

والمخالفات تعنى زيادة الأسعار / انتهاء تاريخ الصلاحيه/ عدم اصلاح اية جهاز عليه ضمان مثلا جوال, سيارة او غيره

الأمتناع عن البيع / قذارة المحلات

عدم نظافة الأطعمه / و اى شئ مشابه

وهناك طريقتين

الأولى الاتصال على الرقم المجاني أعلاه

أو تعبئة النموذج على الرابط التالي

http://www.commerce .gov.sa/mok2/ form.asp (http://www.commerce.gov.sa/mok2/form.asp)

الرجاء تعميم هذه المعلومة لكل من تعرف

ليوصل كل مستهلك متضرر صوته

لجهة الاختصاص الحالية

ونتطلع لتفعيل جمعية حماية المستهلك في القريب العاجل

[فيصل العاني]

السلام عليكم
يا شباب انا شريت كفرات من العامودي وكيل تويو قبل شهرين
ويوم خذيتها كان اليمني يهايط ضمان سنه ومدري ويش
ولله قلت له بالنص ( اخصم لي 5 ريال وما ابي ضمانك)
المهم وبعد الشهرين واحد من الكفرات صعرر-تورم- ورجعت له قال الضمان ما يشمل الصعارير سوء استخدام!!!!!!!!
يعني انسلخ= الهواء ناقص
يرج= صادم رصيف
صعرر= من المطبات
ولله تغافل واستهبال علينا
وودي واحد يفتيني وش الحل مع الوكاله؟؟ ما ارضى ان واحد سفيه يضحك علي
اللى جرب معهم طريقه لا يبخل علينا
والله يجزيكم خير
السلام عليك اخوي مالك الا الصبر والا انت وش وداك له ...........عموما لا تروح لليماني رح مع الفاتوره للمركز الرئيسي لكفرات تويو ورهم سو التصنيع وانشا الله راح يغيرونه وانت عندهم ويعطونك ضمان علية .

[NEWASSER]

وتستمر المعاناه اليوم شفت الوكيل العامودي بو يمن مشخص
ورحب وسهل وشرحت له اللمشكله واني راعي حق
وطلع معي وقال هذا مو لضمان الصعارير سوء استخدام وما على الضمان منها
احنا بس اذا انسلخ الكفر وما تشقق نغيره(بكل استهبال)
طيب السوال لو اروح غرفه اللتجاره يفزعون لي؟؟؟
ولا ارابط عند المحل والين الله يحلها

[Avalanche]

السلام عليكم
يا شباب انا شريت كفرات من العامودي وكيل تويو قبل شهرين
ويوم خذيتها كان اليمني يهايط ضمان سنه ومدري ويش
ولله قلت له بالنص ( اخصم لي 5 ريال وما ابي ضمانك)
المهم وبعد الشهرين واحد من الكفرات صعرر-تورم- ورجعت له قال الضمان ما يشمل الصعارير سوء استخدام!!!!!!!!
يعني انسلخ= الهواء ناقص
يرج= صادم رصيف
صعرر= من المطبات
ولله تغافل واستهبال علينا
وودي واحد يفتيني وش الحل مع الوكاله؟؟ ما ارضى ان واحد سفيه يضحك علي
اللى جرب معهم طريقه لا يبخل علينا
والله يجزيكم خير


الله يكون بعونك

أنا تقريبا صار لي نفس الموقف مع نفس الوكالة
لكن بعد 3 أيام من التركيب

وبعد جدال طويل بيني وبين مدير الفرع

اتفقنا في النهاية على أن أدفع نصف قيمة الكفر

الله المستعان

الحين لو يقولون لي اشتر كفر واحد و تحصل على 3 مجانا

ما اشتريت !!!!

[برباتوف]

الصعارير داخله في الضمان غصب عليه

كفر مايتحمل المطبات اجل وش يتحمل ؟ الحراره والمطبات عليهن ضمان .. الي ماعليهن ضمان التشقق لان سببه نقص الهواء او المسامير .. اما الصعارير داخله في الضمان وهو عيب مصنعي صريح .. انت رح للوكاله وقلهم انك رحت لوزاره التجاره وطلبوا رد الوكاله بشكل خطي على ان الصعرور غير مشمول بالضمان وقلهم باخذ ردكم هذا وبرفق مع صوره للكفر وبرسل ثلاث نسخ .. وحده للجرايد ووحده لوزاره التجاره ووحده لمصنع تويو .. وقلهم ترا ماهمني كفركم ولا وكالتكم لكن مب انا الي تستغلوني .. واحرص مايكثرون الكلام معك قلهم مابي كفر ولا شي عطني ردكم بورقه مكتوبه ومختومه وبس

[برباتوف]

بذكر لك سالفه اخي العزيز ..

واحد من الجماعه خلطت عليه مكينه الجيب بعد سنه من تطليعه من الوكاله .. القصه هذي قديمه شوي .. الشاهد انه يوم راح للوكاله قالهم ان الجيب داخل بالضمان قالوله السبب سوء استعمال ولا يدخل في الضمان .. اضافه الى انك ماكملت التشيكيات على الجيب .. راح لوزاره التجاره وقالهم السالفه .. قالوله رح للوكاله وخلهم يصلحون الخلل كأنك انت الي تبي تدفع واذا خلصوا لا تدفع وقلهم تحت الضمان واذا عيوا يطلعونه طلع منهم خطاب بالكلام هذا وتعال لنا .. وفعلا صار نفس الكلام ويوم وصلت مرحله الخطاب وتدخل وزاره التجاره طلعوا الجيب ببلاش

[NEWASSER]

الحمد لله تم حل المشكله
جهزت الفواتير والشكوى والصور
واشتكيت في غرفه التجاره على المحل وارسلو له خطاب معي عشان يحل الامور وديا
المهم قال لي ماله داعي المشاكل وليه تضرنا ومن هالكلام
والزبده بدل الكفر وهو ...... يضحك
الخلاصه (لا للاستغفال والنصب المنظم)

[ميمون111]

لو كل واحد يسوي مثلك ماحد استطاع ان يخدعنا او يستغفلنا

ومبرووك

[mjmo55]

والله ياخوي تحمست للسالفة وانقهرت في نفس الوقت
بس يومي قريت النهاية اعجبتني وفرحت لك والله يعطيك خيره ويكفيك شره

[مدرس بري]

الله يكثر من امثالك اخوي الكريم
مع الوقت باذن الله راح يتعدل كل وكيل
قولوا امـــــــــــــــــــــــــــــــين

[قناص خلاوي]

الله يبيض وجهك اخوي وماقصرت
عز الله بردت الخاطر وماقصرت فيهم

على طاري كفرات تويو
واحد من شيباننا شرى للشاص كفرات تويو وبعد كم يوم صعرر عليه كفر خلفي قام رجع للبنشر وقال وين ضمانك ؟؟
اخذ البنشري الكفر ووداه للعمودي وكان العمودي الشايب بالمحل لكنه رفض يعطيهم بدل او يعوضهم
رجع البنشري لشايبنا وبلغه وش صار ...قال دواه عندي
ويقوم يكتب فيه قصيدة طويلة اذكر اول بيت منها :
شريت اطارات تويو من وكالتها @ يوم ان ربي كتب لي قل توفيقي

وعطى البنشري القصيدة قال قل للعمودي يسلم عليك فلان ويقول بشيل هالقصيدة بشريط وبوزعها سبيل على البناشر والمحطات والتسجيلات
يوم راح البنشري للعمودي حصل الولد ماهوب الشايب ، وصل له العلم قال قل للشايب يجي ونبدله له اربع كفرات >> ذل
يوم وصل العلم لشايبنا هون لا يروح لهم
نشدناه قال تذكرت اني مرة طالع من محطه ولمست الرصيف بالكفر اخاف انه صعرر من هالموقف ويصير بذمتي :)

[ممتر البران]

انت فحل ليت كل الزباين مثلك كان محد يلعب علينا بس الا فتحت لي محل لا اشوفك

[براد نجد]

أخوي والله اني صارلي مثلك ركبت كفرات على هايلكس جنط 15 نوع قودير من القصيم وقالي عليهن ضمان مفتوح ويوم استخدمتهن طلع الموتر فية رجة قوية ورحت لم وكالتهم اللي بالرياض على مخرج 15 وكشفوا على الكفرات وحصلوا فيهن ثلاث كفرات عيب مصنعي والله غيروهن لي جدد وقالولي بعد اذا طلعن فيهن رجة بعد فترة تعال ونغيرهن لك 00

[abahmari]

الله يبيض وجهك على النهايه المفرحه و والله لو كل واحد سوى مثلك مكان احد يقدر يضحك على المستهلك الضعيف .يأخي لازم كل واحد يطالب بحقة مايضحكون علينا ها التجار .