هل بالامكان تنزيل الجيب الباث

[ابوعلي الحربي]

السلام عليكم ورحمة الله وبركاته
يا اخوان انا ودي اهبط الجيب الباثفاندر لان مسبب للوالده تعب بالطلوع وانا رجال مالي بالطعوس وممشاي بالبلد وخطوط سريعه ما ادري وشلون اقدر اهبطه شوي بدون ما يضر وكيف
الجيب باثفاندر 2002

[موادع الشرقيه]

وعليكم السلام ورحمة الله وبركاته
والله وانا اخوك بالنسبه لي مركب ياي استرالي وودي ارفعه بعد زيادة

بس إذا تبي تنزل مالك إلا تقص الياي نفسه طيه او طيه ونص بس ترى المطب راح يقوى عندك
والأضرار ما ضنيت فيه بس إذا رجعت رفعته يمكن تطلع لك اصوات جلد وطقطقه

هذا اللي عندي

[آل زايد502]

وعليكم السلام ورحمة الله وبركاته
ركب وطايات احسن لك من انك تنزله وتلعب فيه

[راعي الطلعات]

لا تنزل من رفع الموتر ولا تقص وانا اخوك ورفع السياره مو علشان الطعوس الطعوس تهون لائنها رمل لكن البلا من الشعبان والضلوع :)

عندي ثنين من ربعي صايره معهم مثل سالفتك قامو راحو للنجار وصلح لهم كرسي مربع وقوي اذا جاو اهلهم يركبون السياره حطه لهم وبالنزول كذلك طول وعرض الكرسي او الدرجه هذي 20سم في 15سم او حسب ما ترغب ولا يكلف شي تصليح هذه الدرجه

وانت وبراحتك وموفق خير

[ابوعلي الحربي]

الله يحييكم يا اهلي انا نويت ان شاء الله اركب وطايات النجار يبي يسوي لي الف شكر لكم