استفسارات خاصه بالشروكي

[بندر 15]

مساكم الله بالخير جميعا
عندي بعض الاستفسارات عن الشيروكي اللي ابي اعرف الافضل فيها :

ابي اركب راديتر لان الراديتر يهرب وش الافضل الاردني او التايواني او السعودي.
من يفيدني عن مروحة السوبارو اللي يركبونها للشيروكي حقت اي نوع من السوبارو, ومن افضل واحد يركبها بسعر معقول.
ابي اركب تانكي مويه واخاف ان الموتر ينزل كثير اذا عبيت التانكي مويه, من يقدم لي المشوره والراي .وشكرا للجميع وآسف على الاطاله
ارجو الافادة تكون من تجربه قريبه

[سوبر VTC]

حياك اخوي

الاديتر لا تركب الا كندي فقط لا غير :good:

احد الربع ركب اردني ب400ريال
بعد يومين نسم الاديتر من عند طبلة الاديتر :mad:
رجعه للمحل على الضمان و ركب جديد
بعد كم يوم نسم من عند رصات الاديتر :mad:
الرخيص بخيس
رجعه و اخذ من عندهم اصلي كندي
و الى يومك :good::good:

و اهم شي غسل السلندر
يحطون نص لتر اسيد + علبة زيت فرامل
ويطلع جديد :good:
و بعد الغسل حط جالونين 2 احمر تويوتا
اهم شي نظافة السلندر عشان ما يسكر الاديتر مع الايام
تركيب بلف كابرس 160
او تركب شد بلد 190
تغيير الغطاء اذاحصلت اديتر ياباني مستعمل تقريبا ب350ريال :good:
سكراب ياباني

المرواح معروفه لدى الكهربائيين مروحة سوبارو الصغيرة
الكبيرة يركبونه للباترول
سعره ب120بدون تركيب

الشيروكي يحطون له ستته خامسه
عشان التحميل او تانكي الماء مثلا
و يطلع الموتر وقفته صح :good::good:

الورش للمروحة يوجد بالرياض و عنيزة و بريده
حدد اللي تبي ؟

يوجد تشليح المطيويع عنده سكراب ياباني :good:
كل شي استخدام ياباني
سواء اديتر او مكينه او قير او دفرنس او عمود او علبة دركسون
او كمبرسور او دينمو...........الخ

يوجد تشليح الطريف :good: بعنيزة ياباني

موفق

[بندر 15]

الله يعطيك العافيه انا في الرياض
وش تقصد بالسلندر؟

[عاشق البر والصيد]

السرندل يجيك داخل المكينه تمر المويه فيه جايه من الاديتر

وشكراا

[سوبر VTC]

هذا السلندر شاهد رقم 6
السلندر يركب عليه من فوق راس المكينه اللي هو رقم 15


http://www.assayyarat.com/myimages/Apr05/bader_car_EFI1.jpg



على هذا الرابط التوضيب بالصور :good::good::good:

التوضيب (http://www.mekshat.com/vb/showthread.php?t=30226)



الورش المتخصصه بالشيروكي

ابو فهد الهاشل خلف اسواق الغنم بالدائري الجنوبي
ورشة كرامه الفعيم بمخرج 17 شرق الدائري الشرقي
ورشة المطيويع بالصناعيه القديمه لكنه غالي
بريده عندك و رشة ابو تركي الفهيد و القيضي
عنيزة عندك ورشة ابو علي الثويني مركز صحارى
ورشة المروى ابو ابراهيم الرشيد

وصف ورشة كرامه الفعيم
هو عضو بمنتدى تطعيس (كرامه)
ورشة تعديل و يركب مرواح



كرامه هو عبدالكريم الفعيم بس هذا اسمه الفني .وصف ورشته اذا تبيها مخرج 17 و انت عند الاشاره تتجه شرق جهة معارض المعدات الثقيله
اول اشاره لف يمين بعدها وجهك جنوب
تجيك اشاره تعديها و قبل معرض العريفي على اليمين تدخل يمين ثم يمين تجيك على يسارك
( شكلي دوختك بالوصف )
http://www.mekshat.com/vb/images/misc/progress.gif

وصف لورش اخرى
لكن لاعلم عن شغلهم
طبعا ردود للاعضاء




عندك ورشة كميت فيها فلبيني ممتاز بس نفسة في راس خشمة
ومقابلة على اليسار في اول الشارع شاب اصلة فلسطيني وشكلة
من مواليد السعودية وكان شغال في وكالة شيروكي وشكلة فاهم
في الشيروكي ولم اجربة بس اشوف علية سوق ومن ناحية الوصف
ان شاء اللة احاول اجيب الوصف ويمكن احد الشباب يوصف
ويقصر العنوة...
المطيويع منشار واسعارهم فوق الخيال لاورشةولاتشليح ابعد
عنهم نصيحة للة
أخوي عندي لك ورشه أسعارهم معقوله وفيها واحد كان يشتغل في المطيويع وشغله ممتاز أنا أتعامل معه بحكم معرتي فيه أيام ماكان مع المطيويع جربه وإنشاء الله يصلح موترك بأسعار طيبه الوصف سهل .إسم الورشه العريني في شارع المعارض الرئيسي وأنت جاي من خريص نتجه شرق إذا وصلت معارض النسيم لف يمين مع شارع المعارض الرئيسي متجه جنوب بتجيك إشاره عند معرض الصقر تعدي الاشاره بتجيك أول محطه على يمينك الورشه عند المحطه .للمساعده جوال المكنيكي 0502496371 إسمه محفوظ
http://www.mekshat.com/vb/images/misc/progress.gif

هذا واحد بالروضه شغله نظيف واسعاره معقوله
الوصف قبل الدفاع المدني على اليمين بأول الشارع اللي عليه الرياض مول
خل الرياض مول على يسارك و وجهك غرب يجيك على اليمين

اسمه انس0503439928
هلا بك اخوي شف فيه ورشة متخصصين بالشروكي وسيارات المتحدة
وشغلهم نظيف واسعارهم معقولة اذا تبي الوصف : شارع انكاس خالد بن
الوليد اشارة محطة ساسكو الامير بندر تاخذ شرق كانك تبي الاستاد تعدى
3 اشارات تجيك محطة الدريس على اليمين الورشة بوسطه الفلبيني نستور,,,
http://www.mekshat.com/vb/images/misc/progress.gif
ان بغيت رقم الهاشل او كرامه
علمن

موفق

[بندر 15]

شاكر لك اخوي سوبر Vtc وبيض الله وجه الجميع
ياليت رقم كرامه الله لا يهينك