برأيك ايهما افضل جيب تويوتا فورتشنر6 سلندر او نيسان باث فاندر

[لاخلى ولى عدم]

السلام عليكم

الموضوع واضح من العنوان

ودي اشري جيب ومحتار بين هالاثنين

وش رايكم يا اصحاب الخبره

[الاندكروزر123]

انا اصحك بالفورتشنر لانه ارفع من الباث والباث فاندر مايستهان فيه قوي وحليل



واتمنالك التوفيق

[بو خليفه]

من الناحية القوة والعزم والخفية الباثفندر والتسارع الباثفندر

[ابن عكاش]

اتوقع الفور تشنر موتر بر اكثر من الباثفندر الجديد لأن الباث نازل ودفرسه الخلفي متعدد الوصلات فمايصلح للتحميل ويطيح بسرعه وكذلك نظام الدبل كهرب ولا يوجد به دفلك مثل الفورتشنر يعني موتر خطوط اكثر من كونه سيارة بر (عائلي) هذا رأيي وانا لا امتلك هتاين السيارتان فالرأي لك وبالتويق

[wewe150]

يحي الباث وبالذات بالمدينه لكن البر ما ادري عنه

الفورتي لك عليه في الراحه

[لاخلى ولى عدم]

يعطيكم العافيه على الاراء

وبإنتظار المزيد من الاراء

[دايت]

الباث اريح وانعم وموتر خفيف نفسه

الفروتشنر مافيه راحة والـ 6 سلندر منه قوي لكن يعيبه ارتفاعه وخطورته

:)

[ابوناصر426]

الباثفاندر افضل بكثير من الفورتشنر مع احترامي لملاك الفورتشنر
الباث راسي بالخط وتمشي عليه اقصى سرعة ماتخاف منه، لكن الفورتشنر لو تلف به مع لفة يمكن ينقلب، هذه نقطة
والنقطة الثانية بالنسبة للارتفاع هذه مو مشكلة بامكانك تركيب كعكات او ياي استرالي وكلها مجربينها وارتفع الموتر ومع التحميل مانزل والا يحك في البر.
وبالنسبة للباث في النفود فقد تم تجربته واثبت قوته.

ابو ناصر

[HAS5SAN]

لا حول ولا قوة الا بالله
الرجال يسأل جابو بأمانه
الفورتشنر أفضل من الباثفندر اذا تكلمنا عن الــ2010 لكليهما
يكفى ان الباثفندر ينقص الزيت
خذ نصيحتي وروح موقع تويوتا العربية وروح موقع نيسان اريبيا وانت بنفسك احكم

[ابوناصر426]

لا حول ولا قوة الا بالله
الرجال يسأل جابو بأمانه
الفورتشنر أفضل من الباثفندر اذا تكلمنا عن الــ2010 لكليهما
يكفى ان الباثفندر ينقص الزيت
خذ نصيحتي وروح موقع تويوتا العربية وروح موقع نيسان اريبيا وانت بنفسك احكم

هذه مغالطة
الباث اللي ينقص هو من الموديلات القديم 2005 وتحت
الباث الجديد ماينقص ابد

[احمدالصالح]

نيسان باث فاندر

[الدبل الثقيل]

وعليكم السلام ورحمة الله وبركاته ....الفورتشنر عالي وقوي اقصد 6سلندر ولايستهان به من واقع تجربه ... لكن الباثفندر ماجربته ... والفورتشنر يجي 6سلندر قير عادي اما الباثفندر اخبر انه مايجي قير عادي... والله ييسر لكن الخير لاتنسى صلاة الاستخاره وتكرارها ..

[قطوعه]

الفورتشنر 6 سلندر.............

[نفود الطوقي]

انا ما جربت الفورنتشر
لكن فيه سلبيه وهي انه ضيق وصغير ومافيه اي فخامة
فما ادري وراه سعره نار
فيه واحد من الاخوان ساقه مرة
وانهبل يقول : الناس وش شايفين فيه

أما الباث
ففيه فخامة ، وأنا مجربه بالبر صراحة قوي
ومجربه بالخطوط صراحة راسي مرررة ومريح جدا


ممكن الواحد يقارن الباث بالبرادو
أما تقارن الباث بالفورنتشر
أحس أنها صعبة
مع احترامي لملاك الفورنتشر

ولاتنسى تستخير
وتشاور أصحاب الخبرة
والله يوفقك

[hamido]

انا ودي ادري من الي ضاحك على الناس وقال ان الفورتشنر مب راسي هذا معي الف على منعطفات قويه وحاده على سرعة 140 و 160 عادي زيه زي اي سيارة بعدين ليش مافيه فخامه يسدك المكيف والدفلوك مثبت تحكم من المقود بلوتوث وغيرها وارتفاعه ووساعه هو والبرادو نفس بعض من ناحية الوسع بس ناقصه شاشة الملاحه اما من ناحية مقارنته بالباث فايندر انت واستعمالك انت تغرب بالنفود خذ لك فورتشنر انت والله بالشهرين مره وراعي عائله ودايم مسك خطوط خذ باثفايندر مع اني ماحب كهربه وحسساته الي دايم تخرب طبعا الرد هذا من غير تعصب لاني كنت محتار مثلك لكن هدان الله

[الجفن]

مع احترامي لملاك النيسان

الشخص الي يجرب جيوب التايوتا صعب يستغني عنها من قوه وتحمل
اما بنسبه للفوتشنر جيب لا يعلى عليه من قوه وتحمل وارتفاع والدبل مو كهربائي ودف لك والشغلات الكهربائيه مو واجد يخليك تحس انك راكب جيب مو سيدان بصراحه اذا ودك في جيب لك ولزمن لا تتعدى الفوتشنر
طبعا ست سلندر مو اربعه
وعليك في صلاة الاستخاره والله يكتب الي فيه خير

[برق الشمال AM]

البــــــــــاث بلا منـــــــــــازع

[شامخ ألهيلا]

اخي وعزيزي

اهل التويوتا الفورتشنر بينصحونك فيه
واهل النيسان بينصحونك في البااث

وانت قدامك السووق طب وتخير

ماراح تطلع بتنيجه بتاتا البته

بس
ابحث في موقع الاعطال في قسم السيارت
وشوف وش المشاكل لسيارتين

اسعدك ربي

[مودع الخلان]

اسال مجرب يالرجال الباث مايصلح ابد ابد خاصه 2005 وتحت
والفورتشنر مشاء الله اقوى ابواجد من الباث سوا الجديد ولا القديم والجديد طامن وشين ماينبغى ولا بقرش

لعلي افتدك تقبل تحياتي
مودع الخلان

[m-a-z-d]

بصراحه انا ؤأيد الفورتشنر من ناحيت بران و من ناحية قوه وعزم ومن ناحية ارتفاع..
المكينه 6سلندر(4.0) اربع الاف ..
اما الباث فأنا انصحك بالقديم موديل 2005 او 2002 هي احسن موديلين..
اما الجديد فهو يجيجب (القيلوله) بااااااااايخ من ناحية رفع ومن ناحية دبلات (كهرب)
ومن ناحية شكل..

والله ييسر امرك..ويسهل عليك..قل آآآمين

[بدوي جنوبي]

أما الباث ففيه فخامة ، وأنا مجربه بالبر صراحة قوي ومجربه بالخطوط صراحة راسي مرررة ومريح جدا


كلامك صحيح اخى البدر
اما مان ناحية الرساوة
اسئلنى انا

جربته فى عقبة ابها نزولا
واكيد تعرفون كيف المنعطفات قويه وشديد الخطورة
والله فيه رساوة عجيبه ما شاء الله
تقول تسوق سياره رياضيه

ومثل ما ذكرو الاخوان التسارع فيه يعطيك عزم قوى جداااا
وصدقنى مافى مقارنه بينه وبين الفورتشنر من جميع النواحى

بالتوفيق

[لاخلى ولى عدم]

الله لا يخلينا منكم يا اعضاء منتديات مكشتات والف شكر على الاراء ما قصرتو

[اليكي]

الشهاده لله انا لا املك ولا واحد منهن .... بس الحق ينقال
الفووووووورتشنر مووووتر لايستهان به ... لو انه فيه عيوووب بسيطه بس يبقى
1- قوووي
2- عزم + دف لوك
3 - مايتهرقل مثل النيسان
4- مرتفع ( مناسب للمناطق الوعره )
5- تطلع للبر وانت مرتاح
وعلى فكره الموتر من داخل فخم .. استغرب م الي يقولون ماهو فخم ومريح
نجي للعيوب
1- بنزينه او التانكي صغير يخلص بسرعه
2- تسمع صوت الهوا اذا تعديت 120
اممممم وبس
طبعا زي ماقلتلكم انا لا املك فورتشنر ولا باث فندر بس مجرب كل النوعين واعرفهم . والنيسان معروف مقارنه بالتويوتا.

يغديك تستخير وتشتري فورد اكسبلورر وتنضم معنا بالرابطه ... والله الفورد يدسم شنباتك ويريحك

[ابوقاسم]

المقارنة بين الباث والبرادو تكون معقولة
اما الفورتشنر يقارن بالاكتيرا
وفي هذه المقارنة يتفوق الباث من جميع النواحي
يكفي انك توفقهم جنب بعض وتشوف الشكل
الباث فايندر سلطان ولا يعلى عليه
والاخوان فادوك بالمقارنة والتفصيل
تحياتي لك وبالتوفيق في اختيارك

[مرتااااح]

خذلك فورتشنر يكفي انه تويوتا.

[مواسي الطعوس]

الباث :

1/ اقوى
2/اريح
3/ اوسع
4/ اكثر مواصفات.

واللي يقول مافيه دفلك ...اقول له كيف الحال؟؟ فيه نظام زي الانفنتي والارمادا والسيارات الفخمه فيها نظام يعتبر اعلى من الدفلك وافضل بمراحل وهو : الكفر اللي يرتفع يمسك فرامل وتتحول القوه للكفر الملاصق للارض . وهذا في جميع الكفرات وليس مثل الدفلك في الكفرات الخلفيه.

[براوننق]

الفورشنر ازين من الباثفندر من ناحية الصبر والنشاط وقلة الخراباة الباث كثيرة خراباته بس يميزالباث انه راسي


بس فيه عيب بالفورشنر انه مهوب راسي على عكس الباثفندر

[المميـز]

اتوقع الفورتشنر يمتاز عن الباث بوجود الــــدف لــــــوك

:

والباث يمتاز عن الفورتشنر بعدد الأحصنه

:

وبالاخير السيارتين قوه وتحمل :good:

وكل السيارتين يعتبرون وحوش نيسان وتويوتا

اللي باقي عليك

انك تشوف الشكل اللي يعجبك لأن السيارتين مافيها عيوب

وعليك انك تمر على مكاتب تأجير السيارات وتجرب كل سيارة يووووووم واحد بس

وبعدها راح تقرر وش تختااااار

وعليك بصلاة الاستخاره بعد الاستشاره
والله يكتب لك اللي فيه الخير

:

:

* الفورتشنر ثلاث مراتب وما ادري عن الباث يجي ثلاث مراتب ؟؟ :rolleyes:

[و لد ملهم]

حياك الله أخوي في نظري الباثفندر لايقارن بالفورتشنر و السبب عددت نواحي الباثفندر أقوى محرك و صناعته أمريكي و راسي اما مشكلة انه نازل ممكن ترفعه مثل الاخوان أما الدف لوك أذا أنت طاره في الرمل ماتحتاج دف لوك أما الفورتشنرمكينته قويه لاكن الباث أقوى أحصنه من عيوب الفورتشنر أن بديه ضعيف و صناعته تايلنديه وسعره مباااااااااااااااالغ فيه و يهرب هوى .... في النهايه أهم شي و أنا اخوك صلاة الإستخاره ...

[خزان الوادي]

دعوة لجميع (العملاء والاعضاء )

(باقي 3 ايام )

للمشاركة بمسابقة المنتدى الشهرية لافضل 3 مواضيع للاطلاع على الشروط الرابط :
http://www.mekshat.com/vb/showthread.php?t=236655 (http://www.mekshat.com/vb/showthread.php?t=236655)

مع تمنياتنا للجميع بالتوفيق
خزان الوادي

[Al Rasee]

تاهو 2009

موووووتر

[الجفن]

الشهاده لله انا لا املك ولا واحد منهن .... بس الحق ينقال
الفووووووورتشنر مووووتر لايستهان به ... لو انه فيه عيوووب بسيطه بس يبقى
1- قوووي
2- عزم + دف لوك
3 - مايتهرقل مثل النيسان
4- مرتفع ( مناسب للمناطق الوعره )
5- تطلع للبر وانت مرتاح
وعلى فكره الموتر من داخل فخم .. استغرب م الي يقولون ماهو فخم ومريح
نجي للعيوب
1- بنزينه او التانكي صغير يخلص بسرعه
2- تسمع صوت الهوا اذا تعديت 120
اممممم وبس
طبعا زي ماقلتلكم انا لا املك فورتشنر ولا باث فندر بس مجرب كل النوعين واعرفهم . والنيسان معروف مقارنه بالتويوتا.

يغديك تستخير وتشتري فورد اكسبلورر وتنضم معنا بالرابطه ... والله الفورد يدسم شنباتك ويريحك


بيض الله وجهك عز الله انك ما قلت الا الحق

[wewe150]

من اراء الشباب فهمت

ان الفورتشنر احسن من الباث في البر لكن هذا مو معناته ان الباث سيئ في البر
ان الباث احسن في المدينه والخط وايضا مو معناته ان الفورتي سيئ
ان الفورتشنر بأذن الله اطول عمر من الباث واقل خربات واقل هربده
الراحه والرساوه للباث ما فيها كلام صح يا شباب

هذا اللي استنتجتته منكم اللي عنده تصحيح لي يتفضل لان والله في ناس كثيرين محتارين بالذات اذا صار من ضمها الفورتي

شكرا لكم

[مشحن 2009]

الاحسن منهم الاكس تيرا الاوف رود

[عاشق الفتك 20]

كلهن زي بعض

[البدراني11]

الفورتشنر وارتفاعه ووساعه هو والبرادو نفس بعض من ناحية الوسع


:no2: :no2: :no2:

[السيف س]

والله انصحك ما تشري باثفندر يبي يغثك بالخراب
هذاه معي 2006 له تقريبا معي 3 سنوات شف النشاط نشيط بس الله يعينك على خرابه وقطعه غاليه

[Mr.3zAy]

مع إحترآمـي لكل الموتريــن , جرب الإيكستيرا !

[مرير الشوق]

برضووووووا

طالع التوقيع حقي وتشوف الافضل بعينك ^_^

الصورة اللي تحت

^
^
^
^
^