سؤال لأهل الفورتشنر...

[شقردي حر]

بعد التحية والسلام

الى اعزاء واعضاء منتدى مكشات المميزين

بغيت رايكم في جيب فورتشنر 6 سلندر دبل قير تماتيك 2010 جديد وكالة

وماخاب من استشار فلا تبخلوا علي

شكراااا

[الجفن]

الفوتشنر ما ليه كلام موتر لا يعلى عليه اهم شي ست سلندر ولا تنسى انه من عائلة تايوتا ومتر يطربك في النفود وفي المكده

[ولد وايل]

اعقلها وتوكل اذا 6 سلندر لايفوتك

[لاخلى ولى عدم]

وانا مثلك يا الغالي ادور لي واحد سته سلندر

وودنا الشباب يفيدونا عنه اكثر

[HAS5SAN]

جرب موقع متخصص مثل تويوتا العربية

[شقردي حر]

ما قصرتوا وبيض الله وجيهكم

[محمد بن سعيد]

موتر ما شاء الله تبارك الله يخدمك له معي سنة و ثمان شهور ما شاء الله تبارك الله وين ما تبي دق سلف ويكفي انه من عائلة تويوتا

[مجالس الرجال]

الموتر إذا عاجبك شكلة فتوكل على الله
اهم شي إنه يكون عندك خلفية عن عيوب السيارات وخاصة اللي اسعارها حول الميه
تزيد او تنقص مثل تنسيم الهواء او مثلا يطري صوت من الياي او من الصدامات
وهاذي ماتضر لكن بعض الناس حساس وبعضهم يقول أنا كان معي لكزس ولا سمعت
هالصوت او تنسيم الهواء وخصوصا في السرعات العاليه ويجلس يقارن وهو مخطي
عموما أنا صاحب تجربة مع سيارات تويوتا الشعبيه كلها أجدها متقاربه
لكن ماأنسى صوت الصفير بباب السائق إذا هم أضبطوه او لا بالفورتشنر 2010 وياليت اللي معه يفيدنا

[راعي الاكورد]

السلام عليكم ورحمة الله وبركاته

انا ياخوي معي فورتشنر

الموتر لا يعلى عليه

بس ترا الموتر راحته نسبيه

يعني الموتر مهوب مريح مرة