المساعد الشخصي الرقمي

مشاهدة النسخة كاملة : عاجل/ منه لها؟؟؟


الفتى السالمي
18/10/2004, 12:59 AM
السلام عليكم ورحمة الله وبركاته

كل عام الجميع بخير وتقبل الله صيامكم وقيامكم

الحقيقة بغيت منكم إخوتي المساعدة حيث أنني أريد أركب ماكينة ديزل تربو (لسيارتي الجي أكس آر البنزين)
ولا ني متأكد من نجاحها ولا عليكم أمر ممكن تبينو لي لأني غشيم وبعدين ويش أفضل أركب ديزل تربو 24 أو 12 ؟؟ أرجو من الخبراء سرعة الرد لآني والله متوقف على ردكم لاهنتم0
وألف شكر للجميع0
الفتى السالمي
19/10/2004, 12:09 AM
بغيناك يا دكتور تعالج مرضنـا----- لــقينــاك يا دكتــور تحتــاج دكتــور
أنا وأنت ما نقدر نعالج بعضنا----- مادامتك في حالتي فأصبحت معذور
SilverSniper
19/10/2004, 12:31 AM
الأصل كُتب بواسطة الفتى السالمي
بغيناك يا دكتور تعالج مرضنـا----- لــقينــاك يا دكتــور تحتــاج دكتــور
أنا وأنت ما نقدر نعالج بعضنا----- مادامتك في حالتي فأصبحت معذور

وشلون تبينا نرد عليك وهذا مردك... أنا أعرف بعض الشيء وكنت بأرد ولكن آسف... ردك خرب عليك.. انشاء الله تلقى الرد عند غيري...
Y&Y_4X4
19/10/2004, 02:55 AM
اخوي الفتى السالمي

الله يهديك بس ماعندك صبر يارجال مشاركتك الاولى مامر عليها اكثر من 24 ساعة اصبر يومين ثلاثة يمكن اكثر وتبي تشوف الرد ان شاء الله .:mad:

وشفني ابي اتوسط لك عند اخونا SilverSniper :D

تكفى يا بعدي رد على الرجال تراه عجل بس يمكن ماعنده موتر والا الورشة غاثينه !

تسلم الله لا يهينك ،،،،،،
عنـاد
19/10/2004, 06:18 AM
شف شف يا سنايبر ( وشلون تبينا نرد عليك وهذا مردك... أنا أعرف بعض الشيء وكنت بأرد ولكن آسف... ردك خرب عليك.. انشاء الله تلقى الرد عند غيري...)


اثرك حار مثلي بعد انت :D:good:
SilverSniper
19/10/2004, 11:20 AM
الدعوى صار فيها وسايط... 4×4 يامر على عيوني...
بس الرجال مستعجل ومدري وراه الله يهديه..
أنا يمكن شوي حار يا عناد... لكن الشيء الأكيد واللي ما يقبل الشك.. انك أحر مني :)
شف أخوي فتى السالمي...
اذا كنت تبي تركب ديزل... تركب مكينه 24.. وتباع كاملة عند التشاليح مع التربو ... والعملية ناجحة ومجربة وبسيطة لكن مكلفة شوي.. مجرد انك تشيل مكينة السيارة البنزين .. وتسقط مكينة الديزل وتشدها .. لأن مكينة الديزل 24 مناسبة للجي إكس آر فما له لزوم تغير في القير ولا العمود ولا غيره... لكن لازم تعدل في الكهرب.. لأنك عارف ان الديزل بدون بواجي.. وطرمبة الديزل تختلف.. الله يوفقك انشاء الله.. لكن لا تستعجل وتجدع كلام ماله داعي الله يهديك.. بالتوفيق
الفتى السالمي
19/10/2004, 05:17 PM
لكل من رد علي أسأل الله العظيم أن يجزاه خير
وترانا إخوان والله من ورى القصد 0
وعلى فكرة ترى ما ينحمى إلا بعيال الحميه ها عرفتوا قصدي؟

عموما مشكورين إخوتي على الرد ولكن سؤال أخير موتري قير تماتيك فهل ينجح مع 24 الديزل ؟



سامحني عليك أخطيت 0
SilverSniper
19/10/2004, 07:16 PM
ما عليك باس... والمكينة تركب لو القير تماتيك .. ما عندك مشكلة أبد.. توكل على الله والله يعينك...
ولا تدور من وراي سموحة لأني نسيت الموضوع كله فالدعوى ما يبيلها مسامحة... تراي عود كبريت في مهب هوا ... أولع ثم أطفي بثانية.. :)
الله يوفقك انشاء الله
خيال الشقرا
19/10/2004, 08:11 PM
ياشباب ماصر الا خير كل واحد يصلح سيارته هههههههههههههههه
امز ح لاكن الله لايجيب الزعل بين الاعضاء :D :p
Y&Y_4X4
19/10/2004, 08:12 PM
تسلم والله عيونك يا SilverSniper وتراك اسم على مسمى تصيب وما تخطي الطريدة.

يا شباب اي واحد يبي شي من اخوي SilverSniper يمر علي اول :)

والسلام عليكم جميعا ،،،
السالمي
20/10/2004, 12:57 AM
هلا بالفتى الساااااااالمي وشتبي وانا اخوك بمكينة الديزل

تبدل الحصان بحمار عشان توفر مصاريف البنزين

اكيد تدري ان العزم راح يقل وهذي مافيها كلام

مع اني ما اطيق الاند خير شر بس نصيحه لاتكتمه بالديزل

عــــط سداح فرصه ....