نبي شوركم يالربع بشراء سياره

[شبل حرب]

السلام عليكم ورحمته وبركاته

حبيت أخذ رأي أخواني المكشاتيه في شراء سياره لشايبي :)

ومحتار بين باترول و يوكون قصير بدبل

نبذه بسيطه أستخدام الشايب للموتر : :d << الله يخليه لك

من ناحية السواقه طبعاً انسان رجله حاره على الموتر يعني وحنا نمشي ياكل المطب ويكتفي بقولة ( أأخ ) :(
و من ناحية طلعاته للبر مو كثيره قليلة .

وخصوصاً أنه يبيها للعائله الكريمة وقروشه الي معه حول الـ 60 الف ...!!!

فودي تشورون علي وش تجيب قروشه (سياره+ موديلها) وشو بنظركم الافضل بين هالثنتين ؟؟؟

شاكر لكم ومقدر مروركم الكريم

[ahmad995]

هلا والله بشبل حرب
الله يخلي لكم الوالد

وبالنسبة للمشورة انت خيرتنا بين اثنين باترول ويوكن
انا اشير لك بالباترول افضل
وال 60 الف تجيب له 2002 و 2003 على حسب النظافة

لكن نصيحة عليك بالجيكسار تويوتا كد ومد ويتحمل وما يهربد ويتفكك
وسعره فيه 60 الف تجيب لك 99

[شبل حرب]

هلا يا أحمد

بيض الله وجهك على هالنصيحه القيمة جداً وسوف تأخذ بالحسبان

لا خلا ولاعدم

ننتظر أراء بقية الأخوه :)

[bader_2.0.1.0]

نصيحتي لك بالجكسار موتر لك ولزمن والفلوسك انشاء الله راح تجيبلك موديل99-2000
والله يخليلك الوالد ويستر عليه وعليك وعلى العائله الكريمه انشاء الله

[مخاوي ......؟]

الله يخلي التويوتا وبس ياشبل حرب
خذلة جكسار 99 او 98 والله يرزقة السيارة الزينة
تحياتي

[شبل حرب]

شكل الانظار بتتحول على الجكسار

يعطيكم العافيه ياشباب على هالدرر الثمينه وماقصرتوا

[عاشق الفتك 20]

اخووي الجكسار حلوو وقوي ويتحمل لا كن قطع الغيار ناااااااااااار
خذ لك سفاري 2002 او 2003 تراه اطيب ويتحمل با البر وخفيف

[m-a-z-d]

حياك ربي يا شبل الحرب..
اذا والدك مايبي الا يوكن او باترول ..فأنا انصحك بالباترول(هو اللي بيصبر على ابوك)..

اما اذا ابوك يبي حول هالمواتر فلا يتعدى الجكسار فهو يفوق اليوكن والباترل في التحمل والعيش..
اما فلوسك ماتجيب الا 98 او 99 وعساك تحصل الحين بها السعر (لأن الشتاء قرب)..

ارجو ان اكون افدتك..

[كبسولة2]

السفاري مشكلته غلاء قطع الغيار وكثر العكاس كتاوت بانزين تفتفة

و60 ألف تجيب له سفاري 2004 وللمعلومية سعر مكينته لو خبطته في التشاليح 24 ألف ريال

الجكسار ثقيل في المشي ويتعب العوائل في الخطوط الطويلة قاسي شوي

و60 ألف تجيب لك مو جكسار تجيب فكسار 99 نظيييييييييييييييف جداً

أفضل خيار اليوكن أو السوبربان مريح جداً للعوائل في السفر عملي فخم رخص قطع الغيار

يقوم مقام الجيوب وأفضل بعد

60 ألف تجيب مابين 2005 أو 2006 نظيييييييييييييييييف

[m-a-z-d]

السفاري مشكلته غلاء قطع الغيار وكثر العكاس كتاوت بانزين تفتفة

و60 ألف تجيب له سفاري 2004 وللمعلومية سعر مكينته لو خبطته في التشاليح 24 ألف ريال

الجكسار ثقيل في المشي ويتعب العوائل في الخطوط الطويلة قاسي شوي

و60 ألف تجيب لك مو جكسار تجيب فكسار 99 نظيييييييييييييييف جداً

أفضل خيار اليوكن أو السوبربان مريح جداً للعوائل في السفر عملي فخم رخص قطع الغيار

يقوم مقام الجيوب وأفضل بعد

60 ألف تجيب مابين 2005 أو 2006 نظيييييييييييييييييف


المعذره يا كبسوله عندي بعض الردور في كلامك..
1ـ 60 الف يا الله تجيب جكسار..انا محدثك بايع قبل فتره جكسار 98 ماشي 415الف بــ58الف..
2ـ والد الرجال رجله حاره وما توقع بيتحمله غير الجكسار..
3ـ قطع غيار الامريكي(الجمس)غاليه ولا تقارن برخص التويوتا او النيسان..
4ـ (يقوم مقام الجيوب وأفضل بعد) ما فيه امل الجمس يقوم مقام الجيب..الجيب للسفر وللبر وللي تبي..
الجمس حق مدينه وسفريات..وهذا الللي خلاه مرييييييح..
5ـ آخر ما يخرب في الجيب(تويوتا ـ نيسان)الدبل..اما الجمس فهو اول مايخرب الدبل..

وارجوا يا كبسوله انك تتقبل كلامي بصدر رحب..:)

[ميمون111]

فلوسك تجيب باترول فتك 2002 او 2003

بس خذ النضيف والله يرزقك

[ابويارا1001]

يوكن 2005

ريح شايبك من المطامر واشتر راحت الشايب الله يحفظه.

اليوكن للسفر وللكشتات وداخل الديره


وبالتوفيق

[عاشق البترول]

الله يحفظ لك شايبك ويطول لك بعمره ويغفر ذنوبه يارب:)
اشور عليك بالباترول من موديل 2002الى 2004
موتر معروف بالنسبه للشياب وصابر ويصبر على شايبك ان شاء الله
الله يحفظه لك ويخليك له يارب:)

[شبل حرب]

الله يعطيكم الصحه والعافيه على هالاراء

ويرحم والدينا و والديكم

نورتوني بمروركم