تعديلات على البرادو ابي رايكم فيها

[التعـ King ـديل]

انا معي برادو اربعه سلندر قير تماتيك الموتر عزمه حلو بس انا متعود على سته سلندر

المهم اللي افكر اسويه اني اغير الكرونه حقته واحط كرونه عادي

وبما اني اعشق النيسان افكر احط عليه خطوط نيسان 2008 الذهبيه حقت الخليجي

الموتر لونه فضي فاتح

ممكن ارائكم بكلامي؟

[ابن عكاش]

هلا والله بكنق التعديل ودي اعطيك رايي بس مثلك ناخذ رايه
الكارونه والاشياء الميكانيكيه انا من جنبها
والخطوط كل واحد وله ذوق بس اتوقع من وجهة نظري ماتركب عليه
لكن راي انك تركب خطوط البرادو الخليجي حق البازعي بصراحه حلوه إلا إذا كان موترك خطوطه خليجيه فما اقول شي
الله يوفقك يالغالي ويسعدك و تراي احتري زيارتك لي
تقبل مروري اخوك ابوصقر

[مخاوى ابوه]

الاربعه سلندر ما فيه طب ولا علاج
الموتر ثقيل
والمكينه يالله تشيله
ان كانك بتغير
طق لك قير عايدى
وتوكل على الله

[حسن الذروي]

أنا عندي برادو فضي أربعة سرندل قير عادي وكنت أفكر في زيادة عزم الموتر عن طريق تسنين الكارونة فهل تنصحوني بذلك
ــــــــــــــــــــــــــــــــــــ
الموتر رائع جدا في المناطق الجبلية وأتكلم من واقع تجربة ست سنوات دوام هناك ومافي مكان يوصله جيب أو شاص أو غيره إلا وقد تحديت به طلوع تلك الأماكن (( حيث أن لديه الدبل يختلف عن دبل الجيوب العادية فهو يمتلك لفة كبيرة تساعد المكينة وتريحها )) وعندما يكون معي ثمانية أشخاص في طلوع أماكن صعبة جداً أضعه على الدبل الثقيل وأجعله في نمرة ثلاثة وأطلع زي الوعل وإذا صعب مرة أحطة نمرة واحد أو اثنين وما شاء الله تبارك الله عليه برغم أن كثيرا من الشباب قد نصحني أن لا أشتريه لأنه لن ينفع في مناطقنا الجبلية ومن زار مناطق جازان وجبالها الغير معبدة يعرف معنى جبال وعرة


أتمنى أحد يفيدنا في زيادة عزم الموتر لأني ودي أعطيه جنوط مقاس 20 لزيادة الرساوة في السفريات ومعروف أنها تقلل عزم السيارة وشكرا

[التل الصامت]

مشكور اخوي صاحب الموضوع

[التعـ King ـديل]

مشكورين .. على الزياره والرد

اخوي مخاوي بس القير من يضبطه ؟

[حسن الذروي]

ودي منك يالغالي إذا عدلت تقول لي تجربتك بالنسبة للكارونة ولا تبخل علينا
(((((((((((((((((( منتظررررر))))))))))))))))))

[التعـ King ـديل]

ان شاءالله بحاول اطبقها في اقرب فرصه