رجال مكشات هديه ابني ...من يساعدني بها وجزاه الله خير

[قاسم مشترك]

بسم الله الرحمن الرحيم
السلام عليكم ورحمه اله وبركاته
قبل فتره واعدت ابني بأن اشتري له كامره.....الكاميرا عاديه جدا غير معقده رخيصه تصويرها نوعا ما مقبول
لا يهمني اي شيئ ثاني
الله لا يهينكم ابني يحب تصوير الحيوانات الجمال الطيور الطبيعه في البر الاشجار زي كذا
بس احرصوا الله يحرم ايديكم على النار ان تكون سهله التعامل عمر ابني 10 سنوات
لا يهم اي ماركه ( ناس قالولي في العمل اي كاميره لازم يكون لها اعدادات ) انا ما ابي الشيئ ذا
ابي ابني يمسك الكاميرا ويصور بس
اذا ماعليكم كلافه نوع الكاميرا ورقمها وسعرها
بارك الله فيكم واجازه سعيده بأذن الله وحج مبروك
استودعكم الله

[**ابوعمر**]

انشاء الله يفيدونك الشباب ولا يقصرون معك

[التميمي 111]

والله يا اخي الكريم , صعب ان تلاقي كاميرا بمجرد ان تمسكها تصوّر بها

ولكن هناك كاميرات سهلة الاستخدام , (مع الوقت) اسعارها ممكن تكون الجديدهـ 1400 ريال

طبعا ً لا بد ان يتعلم ابنك على طريقة فتح الكاميرا وزر التصوير ويتعلم مع الوقت بعض الامور الاخرى
وميزة هذه الكاميرا ان هناك وضع ( اوتوماتيك ) يعني يثبّت الكاميرا ويتوكل على الله ويصوّر

هذا اذا تبي تكون بداية ابنك قويّه اما اذا كنت تريد فقط ( صورة مشّي حالك )

فعندك كاميرات صغيره جدا ً وحجمها مناسب بالنسبه لابنك وممكن ان تكون الوانها جذابه

بامكانك الاختيار مابين شركة Nikon وشركة Canon
طبعا ً فيه شركات كثر , ولكن اتوقع هذي هي الافضل

اتمنى ان اكون قد قدّمت شيء ممكن ان يفيدك

[سهيل تميم]

انا شريت كامير لأحد اخواني هديه قبل يمكن خمس سنوات

الكاميرا سوني شريته من بيست بـ500 ريال وشوي

اذكر انها 7 بكسل ..لكن كمره ممتازه جداً ووراني صور لها جداً حلوه..

لان طفل عمره 10 سنوات حرام تشريله كاميرا ب1800 لانه ماتهمه مواصفات

اهم شي يصور

[التميمي 111]

هذي صور لبعض الكاميرات الصغيره رخيصة التكلفه
http://farm4.static.flickr.com/3403/cameras/72157614912551863_model_large_de5ec69f34.jpg


اسم الكاميرا : Canon Powershot A1100 IS

السعر : (تقريبا ً وليس اكيدا ً ) 450 ريال الى 600 ريال


وعندك الكاميرا هذي وهي اكثر تطوّرا ً واصعب استخداما ً , ولكنّها تعطي نتائج مبهره

http://farm4.static.flickr.com/3226/cameras/72157607254728807_model_large_26e1fdd5e6.jpg


الاسم Canon pwoershot G10

السعر : (تقريبا ً وليس اكيدا ً ) 1650 < السعر هذا قبل فتره ليست بالقصيره <احتمال يكون اقل واحتمال يكون السعر ماتغيّر


وعندك النوع الثالث وهو الي انا افضّل لتوسّط التكلفه , وسهولة الاستخدام

الا وهي Canon powershot S5 is
http://farm2.static.flickr.com/1288/cameras/72157600292972439_model_large_8e2ffe4bec.jpg

الكاميرا يوجد بها خاصيّة تصوير الفيديو وهو شيء جميل ان تجد كاميرا فوتوغرافيّه ويوجد بها فيديو وهذي الي قلت لك عنها في البدايه سعرها تقريبا ً 1400 ريال عند محلات الحارثي الي في الرياض _ البطحاء _ عماير الراجحي


او اذا تبي النوع المطوّر منها فعندك :

Canon powerhsot x10
http://farm4.static.flickr.com/3368/cameras/72157607394786554_model_large_b752a9a484.jpg


سعرها تقريبا ً 1600 الى 1700 مايتعدّى ولكن خاصيّة الزوم (التقريب) اقوى من الاصدار الاول




اتمنى ان اكون قدّمت ما يفيدك اخي العزيز



اخوك
فهد التميمي

[قاسم مشترك]

ابو عمر يا جعل ربي يخليك
التميمي 111 مشكور على كلامك الطيب والله يستر عليك
سهيل تميم اشكرك من اعماق قلبي على نصيحتك
وفعلا ماراح اشتريله كاميرا تعدي 800 ريال
وبدور السوني الي تقول عنها
روح يا شيخ الله يسعدك في دنياك ياليت تقولي رقمها

[قاسم مشترك]

فهد التميمي ماهي غريبه على بني تميم والله غلبتك معي بارك الله فيك وفي مالك وجهدك ووقتك راح بأذن الله اسأل عن الاولي ام 450 ___600
ومشكور مره ثانيه الله يسعدك ويرزقك الذريه الصالحه

[التميمي 111]

حياك الله اخوي قاسم مشترك وجزاك الله خير على دعواتك

وتعبك راحه يالغالي ,

اذا تبي نصيحتي , اتصل على الاخ سليمان من محلات الحارثي
رجل نصوح وامين , وانا من الناس الي تعاملت معه من بداياتي
جواله 0508999754

او جوال ابنه شمسان

0566900572

وصدقني راح تلقى التعامل الطيب والنصح , وانا من هالمنبر ما اسوّق للرجال , ولكن للامانه شغلهم رائع ويشهد على كلامي كل من تعامل معه


وان شاء الله تلقى الي الكاميرا المناسبه

[عبدالسلام صالح]

:
::
:::
::::


قــاسم مشــرك ..
الدنــيا تجــارب . إيــاك أن تشتري كاميراء ببطاريات (حجرات) أشتر وحده شحن ..
أول كــاميراء أقتنيتها من ماركة أون رايت .. أخذتها قرابة 750 كانت نتائجها حلوة
لكن البطاريات كلفت علي أمثر من قيمتها هههه

بإذن الله تجد كام حلوة .. فيه من شــركة السوني تجد أشياء حلوة وخفيفة توضع في الجيب

[التميمي 111]

أخوي عبدالسلام , فعلا ً كلامك سليم , جزاك الله خير

واسف اني نسيت اتطرق للموضوع هذا ,

الكاميرا حاول تتجنّب قدر الامكان الاحجار للبطاريه

(للمعلوميّه , بعض الكاميرات السابق ذكرها , تستخدم الاحجار كـ بطاريه, ولكن يوجد لها أحجار قابلة لاعادة الشحن

احجار ولكن تقدر تشحنها من جديد , قيمتها 60 ريال تقريبا ً ,

وما تدري , يمكن تكون الحجرات ميزه احيانا ً , مثلا ً انت طالع في وقت مطر او في اي مكان وكنت محتاج للكاميرا , والكاميرا انتهى شحنها , بامكانك تروح لاقرب بقاله وتحصّل عنده بطاريات ,

اذا اخذتها من الناحيه هذي ,اما اذا كنت واثق من انك تخلي الكاميرا مشحونه دائما ً , فانا انصحك بالبطاريه العاديه وليست الاحجار

وانت بامكانك تميّز الافضل لكـ ولابنك الله يخليه لك , ويصلحه

[ربع 91]

الله يخليلك ولدك ويحفظه

اخوك

ربع 91

[قاسم مشترك]

التميمي الغالي لك احترامي وتقديري
عبد السلام الله يذكرك بالشهاده قول امين
ربع 91 الله يتقبل منك دعوتك
الله يستر عليكم واذا كان لي دعوه مستجابه عند الله
اسأل الله العلي العظيم بمنه وكرمه ان يغفر لكم خطاياكم يا من لقبتو ب
التميمي 111
ابو عمر
سهيل تميم
عبد السلام
ربع 91

[سهيل تميم]

هذي صوره لنفس الكاميرا الي اقولك ..اخذتها من موقع

واسمها : Sony DSC-L1

http://www.steves-digicams.com/2004_reviews/sony_l1/l1_colors.jpg

[قاسم مشترك]

سهيل تميم بارك الله فيك وين مارحت وحليت
اخواني لقيت ثلاث كاميرات اسعارها رائعه جدا ومواصفاتها اروع على حسب كلام البائع
ومسوين عليها عرض قوي جدا جدا
الاولى باناسونيك 14 ميقا بيكسل قيمتها قبل الخصم 1500 ريال بعد الخصم 800 ريال
الثانيه سوني 8 او 10 ميقا بيكسل ما اذكر قيمتها قبل 1300 بعد 600 ريال
الثالثه كانون قيمتها قبل 1000 ريال بعد 600 ريال
السوني اسمها h10
الباناسونيك اسمها dmc-fx180
الكانون ما اذكر والله بس من فئه الباور شوت بس مو كامله المواصفات
وشرايكم هو نصحني بالباناسونيك
انا ودي اشتريله الباناسونيك وانتم وشرايكم
الف تحيه

[FAURS]

لا يعلى عليها

http://farm4.static.flickr.com/3226/cameras/72157607254728807_model_large_26e1fdd5e6.jpg
كانون جي 10

[مكشاتي متصوب]

فادوك الاخوه