يا شباب تنصحوني اشتري جيب ربع تويوتا موديل 2009

[غوااص رابغ]

كما هوا في العنوان ابغا مشورتكم يالنشاما تنصحوون به ولا لا

[ميمون111]

اكيد انصحك فيه سيارة قويه مثل الجبل ماشاء الله
وماسكه سعرها
بس على حسب استخدامك اذا كنت راعي بر وعندك سيارة ثانيه انصحك تشتريه
واذا كنت راعيب بر وخطوط اشوف الباترول احسن شوي وانضر واريح

[غوااص رابغ]

تسلم اخوي على رأيك الله يعطيك العافيه وننتظر ردودكم يا اهل الجيوب

[سوبر VTC]

الموتر نشيط و خفيف
لكن عيبه عدم الراحه شاصي قصير
الموتر يناقز تلين الكفرات على 25 عشان يلين
مع احد الربع على وقته فاكه وكالة م2003
ضرب هوية خفيفة بطريق الرياض السريع
انكب كاس الشاهي بحجره (على ثوبه) :no::no:
و عادي جدا توجعك كليتك :D من المناقز
و لو انت شبعان تجوع بسرعه :D
اذا انت ملزم عليه
انصحك بالجديد م2010
راسين و اقل صرفيه :good: و المكينه مرتاحه و عزم ثابت
+ 18حصان عن م2009
الراسين ناجحة :good: بال اف جي و الفورتشنر

انت حدد نوع استخدامك للجيب

من وجهة نظري الباترول الفتك افضل مريح و يشيل اغراضك و ربعك :good:
او تشري لاند

استخر بعد الاستشارة


موفق

[RJA]

إذا انت راعي حرات وجبال فأنصحك به ....

غير كذا , عندك الفتك ألين واركد واوسع وسعره زين

بالتوفيق ان شاء الله

[و لد ملهم]

انا أنصحك اذا وصلت لل100 خذ لك اكستيرا و الا زد 20 و خذ لك فتك

[راعي السيل]

التويوتا الربع افضل من ناحية البيع ، انا محتار مثلك بينه وبين Fj لاني ناوي استخدم لمدة سنة او اقل ثم ابيع ولا ابي اخسر واجد.

[مالك- لوا]

خذ بايث فايندر

ال ين للظهر ترى تبي تحس باهميته اذا تعديت 50 الله يمتعك بالصحة والعافيه

[أبوغيث 2003]

أخي الكريم :غوااص رابغ

اذا كنت راعي كشتات خفيفه ماتعدى يومين وتحب المراقى وكرف الموتر فالربع مناسب جدا

اما اذا كنت راعي مكاشيت صدقيه فالربع ما ينفع ابد

وين تحط التانكي؟؟
وين تحط عزبة الطبخ والشاهي والقهوة؟؟
وين تحط فرش النوم؟؟
وين تحط الحطب؟؟
وين تحط الفرشات؟؟
وين تحط الثلاجة؟؟
وين تحط البشوت والفراوي؟؟
وين تحط المراكي والتكايات؟؟
واغراض كثيره ثانيه

الربع ما ياخذ عفشك وانت ادرى بهذا الشي

اتمنى ان الفكرة اتضحت لك

[عاشق البانيلي]

أخوي الكريم :غوااص رابغ

اذا كنت راعي كشتات خفيفه ماتعدى يومين وتحب المرقى وكرف الموتر فالربع مناسب جدا

اما اذا كنت راعي مكاشيت صدقيه فالربع ما ينفع ابد

وين تحط التانكي؟؟
وين تحط عزبة الطبخ والشاهي والقهوة؟؟
وين تحط فرش النوم؟؟
وين تحط الحطب؟؟
وين تحط الفرشات؟؟
وين تحط الثلاجة؟؟
وين تحط البشوت والفراوي؟؟
وين تحط المراكي والتكايات؟؟
واغراض كثيره ثانيه

الربع ما ياخذ عفشك وانت ادرى بهذا الشي

اتمنى ان الفكرة اتضحت لك
صحيح كلامك
لذلك انا انصحه بالشاص

[الكونترولCONTROL]

يا اخي الجواب يبنى على غرضك من شراء الجيب
و عموما .... لو انا مكانك ال 120 ألف أحطها
في gx مطور 2005 أو gxr أو vxr موديلات
2003 و 2004 أو سفاري 2005 و 2006
سيارات تخدم و قوية و فخمة و أهم شيء واسعة و مريحة

[بدران9]

نظرية دارويين..

مشايه...سيكل....بقي...... ربع تويوتا :mad:

ان كانك مصمل مصمل على الربع اشتر ربع نيسان :good:

[غوااص رابغ]

مشكور على ردوودكم الاكثر من رائعه يا اخواني والله انا استخدامي له للبحر والبر وكذلك انا من النوع اللي يكرفون السيارة كرف الحمير

(وبيني وبينكم انا عاجبني قوة في المقاومات والطعوس)

[ابو ريان 2008]

يا اخي الجواب يبنى على غرضك من شراء الجيب
و عموما .... لو انا مكانك ال 120 ألف أحطها
في gx مطور 2005 أو gxr أو vxr موديلات
2003 و 2004 أو سفاري 2005 و 2006
سيارات تخدم و قوية و فخمة و أهم شيء واسعة و مريحة



هذا الكلام
مااغيره كلاااااام

[الجنرال K.S.A]

والله انا من ناحيتي انصحك

با الربع 2010

مكينه راسين وقوى ولا كانك راعي بر فخذ شاص احسن وحوض احسلك

[غوااص رابغ]

يعني الربع 2010 اقوى من 2009؟؟؟؟؟؟؟؟؟؟؟؟؟؟

[لاندكروزر2009]

انظر الى الاعلان التالي :
وانا بجدة
http://www.mekshat.com/vb/showthread.php?t=241336&highlight=%DF%C7%E3%E1
ومعليش مشاركاتي قليلة ولا استطيع الرد على الخاص

[غوااص رابغ]

يا شباب ايت اقوا الربع 2009 ولا الربع 2010؟؟؟؟

[واحشني زمانك]

اقول عليك بالفتك ياشيخ

[غوااص رابغ]

يا اهل الخبرة ايش اقوى الربع 2009 ولا الربع 2010 لاني محتار وقرب وقت الشراء تكفوون عجلو علي

[لاندكروزر2009]

2009 اقوى بالنفود وعزمه اقوى من 2010

[غوااص رابغ]

يعني اقوى 2009 بالنفود وبكل شي لان بصراحة ابغا سيارة قويا والربع انا شايف انه قوي بس المشكلة فيه ناس يقولون ال 2010 براسين و18 حصان زيادة وقوة المكينه 4000 فا انا مني عارف

[قمة الثلبوت]

2009 مكاين مجربه يا الغالي قوووووووووووووة لا يعلا عليها
بعض الشباب يدعس على الابنس حتى تقفل المكينه وتقعد تقطع وياخذ اكثر من خمس دقايق وهو داعس
ومع هذا كله تحصله ينقز مثل الحصان ويستخدمه سنين لا عطال ولا خراب
اما ابو راسين ابعد عنه والمثل يقول الحظيظ من جرب له

[سوبر VTC]

الربع قوي حتى لو مكينته 3500
بعدين مكينته قوية سواء 2009 او 2010
يالله لو انت ترقا به جدارن
الرجل اللي عقله صحيح :good:
يشري م2010
يكفي انه راسين و اقل صرفية :good:
و القوة قوي :good:
الناس تلحق الجديد

ادخل هالرابط

الشاص والربع 2010 ( تجارب ملاكه ) (http://www.mekshat.com/vb/showthread.php?t=229443)

[قطب 999]

شف هذا المقطع علشان تعرف الربع وافعاله على قدم موديله
http://www.youtube.com/watch?v=7UMs6rzK6Lo

[مخاوي الخوي]

خذ نصيحتي اذا انت راعي بر وطلعات واجد خذ قاااااااااااااهر الصحراء الشاص

بس الافضل 2010 ولا 2009 انشاء الله ابي اشتري واحد بس محتار بين الاثنين .

[N-xterra]

مشكور على ردوودكم الاكثر من رائعه يا اخواني والله انا استخدامي له للبحر والبر وكذلك انا من النوع اللي يكرفون السيارة كرف الحمير

(وبيني وبينكم انا عاجبني قوة في المقاومات والطعوس)


ههههههههههههه

الإكستيرا أقوى منه بكثيييييييييييييييييييييييييير
وأقوى من الإف جي وياخذ عفشك واخوياك ومريح على الخط مع انه سست خلفي وحمار مكدة لكن أهم شي بكلامك المقاومات حسب قولك

خذ اكستيرا قير عادي 6 نمر ......... على القومات يطرح اللومينا 6 سلندر وجيوب التويوتا واللكزس كلها
وبالبر يمديك تتحدى أصحاب المرهمات!!!!!!!!!!!! لا تتعجب فهي حقيقة

والإكستيرا شاع له صيت قوي جدا في القصيم والرياض مع ان له سنه ونص فقط نازل

أنا اشتريته جديد 2008 ب 85 الف وبعته قبل قبل شهر ب 70 ألف يعني من قيمته جديد واستخدام سنتين نزل 15 ألف
واليوم 2010 ارتفع سعره ليصل 98 ألف للإستاندر و 118 ألف للأوف رود

الله يسوقك للي لك فيه خير وخيرة
تحياتي لك

[ابن حلاسه]

بالنسبه لي ما انصحك

ياخوي يعتبر بانشي مهوب جيب ههههه نشيط وصبور بس مطبه يكسر الظهر

وبعدين لاتنسى انه معرض للسرقه اكثر من غيره خصوصا انه من عائله تايوتا

اذا كنت مرره مصر على الربع خذ لك باترول او باجيروا سلق بس مكينة 3800 وبتدعيلي


والله يكتب لك الصالح ويسعدنا وياااك دنيا واخره

دمت بحفظ الرحمن

[غوااص رابغ]

مشكورين يا اخوان على الردود الله يعطيكم الف عافيه ما قصرتم جزاكم الله خير

اخــوكم غواااااص رابغ

[ابو نومآن]

آلسلآمـ عليكمـ
ي آلغآلي آن طعت شوري قسمـ بآللهـ مآ تندمـ , خذ لكـ جيب ربع موديل 2006 خليجي , سعرهـ آلآن حوآلي من 80-100 آلف , و مآهي خسآرهـ فيهـ هآلسعر و تلقآهـ مآشي آقل من 100 آلف كيلو , مآهو مثل كمبيوتر 2012 آللي كل شوي يطلع بهـ خرآب , و قسمـ بآللهـ غير تدعي لي و آنآ آخوكـ , آذآ حبيت تشري لكـ وآحد تحصلهن نظيفآت بـ تبوكـ آو آلقصيمـ , و آللهـ يوفقكـ دنيآ و آخرهـ ...

[نواف685]

اذا نويت على الربع لاتزل عن 2010 وفوق قوه ونشاط ومكينه راسين اريح من الاول بكثير

[أطلال نجد]

السلام عليكم ورحمة الله ،،،
أنصحك بالأف جي fj طالما أنك تبحث عن سيارة من تويوتا قوية 4.0 لتر
الأف جي تبيها بحر .. بر .. مدينة .. خط طويل
أشوف أنها سيارة قوية ، شكل جميل ، مركب مريح
كذلك نسبة الأمان فيها عالية بعد أمان الله سبحان وتعالى
وسعرها فيها ،،، موفق للخير

[Seas Diver]

جربت الربع تويوتا ....سيارة غير تناقز على الزفلت تقول في البر لاكن ان كنت تبي ربع عليك بالنيسان اريح من التويوتا.
بغيت اشتري واحد والحمدلله ماشريت والله ياخوي مايركب فيه مب سيارة هذا حق سلاح الحدود مو حق مواطن.

[وااضح]

وشوله ترفعون موضوع قديم من 2009

[كاشت وحداني]

دام ميولك لتويوتا
وبتوصل لقيمة الربع ٢٠٠٩
اشوف انك تاخذ fj موتر يقبل الاضافات وتعطيه شكل جميل
مثلا لو ركبت عليه شبك او شد عالتنده يشيل اغراضك اذا كانت واجد واذا كنت غواص اكيد بتحتاج اشياء واجد ودعامات وكشافات
بالاضافه الى الراحه والتوازن مقارنة بالجيب الربع
http://img.tapatalk.com/54eb49f4-93f6-684b.jpg

بالتوفيق والله يكتب لك مافيه الخير


Sent from my iPhone using Tapatalk

[صياد الجبل]

الموضوع قديم بالمره شكل الرجال اشترا سياراه وراح واجاء وباعها واشترا سياره ثانيه

ههههههههههههههههه

على العموم بالتوفيق

[اميربلااماره]

بسم الله الرحمن الرحيم

غواص رابغ انا استخدمة 2009و 2010تايوتاربع فانصحك لا تخذ الا ربع لانه قوي في المراقي والطعوس ويطربك
لااحد يقول لك متعب وميشيل اغراض وش تبي العزبه وافراشك وجالون ماء يشيلها انصحك لا تخطي خطوه الا لما تستشير زملاك وانا انصحك من واقع تجربتي في جيب الربع واي استفسار ابشر

[abohmad]

كبة وخلة يولى ماهو موتر

[وسيع الصدرر]

شف انا ابحاسيك من واقع تجربه انا كنت محتار مثلك قبل كم شهر ونويت الربع خلاص كنت طالع المعارض جاني واحد من الجماعه قالي صبرك اليوم لاتروح المعارض وابمرك اليله بعد صلاه العيشا قلت اوك مامن اعجله يوم مرني الا وهو على ربع 2006 حق واحد من ربعه قال جربه قسم ياعزمه هباااااال موتر مطنوخ اخت عليه شوط بالدايري يوم رجعنا ظهري متكسر شف ايجابيات الموتر قوه المكينه بس اما السلبيات حدث ولا حرج لاراحه ولامكان لتحميل وسريع الانقلاب وسمعته زبااله صلاحه مايركبه رجال هذا عندنا بالقصيم معليش انا صريح مايركبه الا البزرنجيه عقبها شريت هلي 2012 غماره وفرد 2001 وان كان تبي شوري خذلك هايلوك دبل غمارتين والله جرح الهلي ياخذها الشبابي والشايب وكل الاعمار طع شوري والله ابيلك الخير انحش عن الربع ياشاص مطنوخ ولا هلي عز الطلب