فقط لمن ذهب للنفود الكبير .....

[Tr-]

السلام عليكم ورحمة الله
اخواني المكشاتيين حياكم الله كلن بأسمة
اخواني لدي استفسار عن النفود الكبير لمن ذهب اليه

الصراحة الكثير خوفني من النفود الكبير الكل يقول خطر وانا والله ما اعرف فيه شي
ابي ادري وشو النفود الكبير ؟ وش المشاكل اللي تواجة الكشاتة هناك ؟
ما هي المتطلبات للذهاب للنفود الكبير ؟ ( يعني وش احتاج ) المعلومات اللي زي كذا لأني والله متخوف ولا لي في البر كثير

والله ما حطيت هالموضوع الا والله اني محتاج هالمعلومات

مشكورين

[محمد الشاوي]

النفود الكبير فعلا يعتبر الذهاب إليه مغامرة لمن لا يعرف التعامل معه

وبعضهم يعتبره أكثر وعورة من الربع الخالي وأنا لست من هؤلاء

وقد ذهبت للنفود أكثر من عشر مرات وذهبت لأغلب القلبان الموجودة في وسطه قبل أن يخرج طريق الجوف السريع

أهم شي تكون تعرف وين تمشي ومن الخطأ النزول للنقر العميقة


وفي رأيي أن تذهب في رحلتك الأولى للنفود مع طريق الجوف السريع وادخل فقط إلى جبل العليم الذي يبعد 15 كم فقط عن الطريق السريع ويوجد ردمية تصل إليه


ويمكنك التجول في محيط الجبل وأرى أن لا تتعمق بعيدا عن جبل العليم

كما يمكنك الدخول ايضا مع ردمية الأبرق وهي على يسار المتجه إلى الجوف ( قبل العليم بـ 25 كم تقريبا )


ستجد المتعة هناك ويمكنك بعد ذلك الحكم على النفود الكبير واتخاذ القرار المناسب في الرحلات الأخرى .

[Tr-]

اخوي محمد بارك الله فيك
معلومات مفيدة الصراحة

طيب وش المطلوب للروحة هناك ؟ يعني يحتاج صيج للغرازات لأن يقولون الغراز في النفود الكبير قوي
ابي معلومات أكثر وتفاصيل اكثر خصوصاً ان ودي امسكها نفود

ودي بأكثر المشاكل اللي تواجه الكشاتة هناك اجمالا وزي كذا

انتظركم والله لا يخلينا منك اخوي محمد

[قاصد الصمان]

الغراز امره سهل خفف الكفرات وامش وما عليك الجو بارد

لكن احرص على البنزين هو اللي تحتاج له ويمكن يوقف الموتر من غلاقه

ويجب ان تضع لك خط سير تمشي عليه مع اخذ الاحتياطات اللازمة والتشييك

على السيارة وان تكون معكم اكثر من سيارة

[ابو ساره 999]

السلام عليكم ورحمة الله وبركاته اخوي الغالي اسمع من اخوك هالنصيحه البر وناسه وطرب اذا تبي تروح اي محل بس قبل هذا كله انا اوصي اللي يبي يطلع بدون اي منغصات انشاء الله فهذا يحتاج 3 امور رئيسيه اللي يكملهن ويتوفق ماعليه انشاء الله الا العافيه الاول والمهم الرفقه الطيبه اللي فيهم الشخص الكبير والرزين والمجرب لاغلب الامور ثانيا العده الكامله من الى ولا تحقر شي صغير تقول ماراح احتاجه خذ كلش معك وثالثا وهو عمود الرحلات الناجحه باذن الله عن تجربه طويله وهو اذا تبي تطلع محل بعيد واول مره تقنص له او تكشت يمه اقل شي يكون معكم عدد 3 سيارات مكمله من الى واخيرا وليس اخرا الورد اليومي فهو المنجي بعد الله من كل شر تقبل مرور اخوك ابو ساره

[صبر]

أخي العزيز

الأخ محمد الشاوي عطاك الزبدة

دامك أول مره

أولا - لازم يكون معك سيارة أخرى وثلاث سيارات هذي غرض روق واهي أفضل شي

ثانيا - أختر الخوة الطيبة وهذا مهم جدا

ثالثا - روح مع الخط السريع وتمش في حائل همن جبه همن النفود وخلك حول الخط ولا تبعد ومر على معالم النفود كالعليم
وأعتقد سوف تشبع رغباتك بدون تعمق وهناك وسوف تشاهد النفود وتحدد أنت قدرتك

رابعا - وهو مهم التخطيط المسبق والمدروس

لازم تجمع معلومات كافية وخرائط وما إلى ذلك وكلها متوفره هنا في مكشات

[ذيب عالية نجد]

السلام عليكم
أمنية حياتي الذهاب للنفود الكبير التي بإذن الله سوف أزورها يوماً ما
أخي الإخوان ماقصروا معك من ناحية النصائح وسأزود عليها خصوصاً إذا كنت ستذهب لمكان لم تزره من قبل أو فيه نوع من المخاطرة الله يحمانا وإياك ومن يقراء أهم شيء أن تخبر أي شخص من عائلتك بالأماكن التي ستزورها أو ممكن الذهاب لها لكي لاقدّر الله إذا حصل شيء مثل تغريز أو أعطال يمكّن الباحثين من تحديد المنطقة التي ممكن أن تكون متواجد فيها
هذا مالدي
تحياتي لك

[الاصلي]

اخوي احرص انك تاخذ معك قارمن وكنود ضروري
الله يستر عليك

[عاشق بطولة]

السلام عليكم ورحمة الله وبركاته.
أخوي من ناحية خوفك من النفود الكبير امسحه من رأسك . خذ العلم مني وانا اخوك انا رحت للنفود اربع مرات والخامسه ان شاء الله في العيد . من ناحية قول البعض انه وعر جدا هذه وجهة نظر خاصة بهم لكن اعلم حفظك الله اني في روحاتي رحنا مع باترول ديزل وبنزين وهايلوكس وددسن والحمد لله ما عانينا من شي بس اللهم الهايلوكس غرزت ثلاث مرات ( كلهن استهبال من الشباب ) لكن ضع في كفرات الجيب 15 وكفرات الدفرنس الواحد (هايلوكس او ددسن ) على 10 وبإذن الله راح تدعيلي .
مع العلم ياخوي حنا داخلين مع جهت الحيانية شمال تربه تقريبا ب 100 كيلو ثم دخلنا يم النفود الى نقرتنا تقريبا 60 كيلو . (لكن لابد انك تكون نوعا ما حذر ولا تنسى القارمن والكنود ). أتمنا رحلتا لك موفقه،،،،،،،، تحياتي

[يوسف 206]

السلام عليكم
اخوي انا ذهبت للنفود الكبير قبل خروج طريق حائل الجوف
انا انصحك انكم تروحون سيارتين افضل
بعدين اذا مسكت السريع استمر بامشي حتى ينتهي الارطى ويبداء الغضى وانصحك لاتدخل مع الارطى لأنه اكثر تغريز ويصعب المشي فيه ادخل مع الغضى اسهل للسياره

[اهل الردات]

والله ان مابها شي ولا تخوف انا من اخذ اهل حائل كل خميس اخذ هاهلي لمها ونام هناء يالى السبت

[محمد الشاوي]

اخوي محمد بارك الله فيك
معلومات مفيدة الصراحة

طيب وش المطلوب للروحة هناك ؟ يعني يحتاج صيج للغرازات لأن يقولون الغراز في النفود الكبير قوي
ابي معلومات أكثر وتفاصيل اكثر خصوصاً ان ودي امسكها نفود

ودي بأكثر المشاكل اللي تواجه الكشاتة هناك اجمالا وزي كذا

انتظركم والله لا يخلينا منك اخوي محمد


طبعا لا بد من تنزيل الهواء إلى 20 أو 15 لكي يسير الموتر مرتاح ويمكن ماتحتاج الدبل أبدا مع إن الأفضل تخفف الهواء وتمشي بالدبل الخفيف ( أريح للموتر )

وإذا أردت إحداثيات ووصف أو أي شيء فأرسل رسالة على الخاص وسأكون حاضرا بكل ماتريد إن شاء الله .

[سهيل تميم]

ماقصروا الاخوان

وبالنفود اذا كنت منت متعود عيها نصيحتي لك لا تغامر ..يعني امشي مع الطريق الاسهل بالنفود

واهم شي الاجهزه وخزن احداثيات مدخلك ..ومثل ماقالو الاخوان لاتروح بأقل من سيارتين..

[المكشات]

أما اللي يقول لا تخاف من النفود هذا متساهل ولا يتورط إلا المتساهل أو انه بطراف النفود ويحسب انه قطعها

أنا جيت النفود وقطعتها شرق - غرب

والله ما ينتهاون بها خصوصاً منطقة (حفر ابن رخيص وماحولها ) وهي أوعر مناطق النفود

بالنسبة للبنزين فيه بنزين (بيع تنك) بمنطقة تسمى (نقذة) بقلب النفود شمال حفر الرخيص وهي على اسمها نقذه
أوعر منطقة بالنفود هي ما بين نقذة وحفر بن رخيص وهي منطقة تسمى السدود

وصايا لا تتهاون بها :

- سيارتين على أقل تقدير، واذا جيتوا مناطق الوعر لا يدخل الثاني لين يطلع الأول عشان ما تنشبون جميع برباضة.
- ثريا أو آيكوم.
- ماطور هوا. واستبنتك تصير متفقدها.
- تانكي ماء كبير شوي.
- جارمن مع احداثيات العدود والقلبان وبيع البنزين .. أو خبير بالمنطقة يكفيك.
- عزبتك كثر بها من الاكل الجاف (النواشف) احتياطاً.

أما الحطب لا تاخذ معك حطب .. على قفا من يشيل


أما المتعة فهي والله براسي متعتها لها حول الثلاث سنين

موفّق

[تركي الضرغام]

السلام عليكم
أنا كان لي زياره قبل 4 سنوات
وكان دخولنا من جهة تربه حايل على عذفاء على الحيانيه ما شفنا شي يخوف بالعكس أرض شرحه ونقر واسعه وحطب يالله من فضلك بس قليل تشوف أدمي من كبر الأرض
أنا أقول الأشياء للي تحتاجها هي أكثر من سيارة أجهزة قارمن أحتياطيه وجهاز ثريا للأتصالا عبر الأقمار الصناعية
وفيه أمامن بالنفود يقال أنها خطر ؟ ؟ ؟ ؟ ؟ إذا دخلت من وسط حايل وطلعت على النفود الكبير يقال والذمه على الراوي أن النقر كبار بالحيل والدروب محيوسه من الوايتات الدفع الرباعي لأصحاب الحلال

[(((.ابوتميم .))))]

تكفون يا الربع وش الزين في النفود الكبير؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ يعني وش الي جذب كل الي راح له واعجبه وبيروح ثانية ؟؟؟؟؟؟؟ يا ليت واحد يعلمنا علشان اروح له ان شاء الله في ها العطله

[ابن غفيص]

أهم شي لا تروح للنفود بسياره وحده . . .

ولا تنس الأجهزه "القارمن والكنودط

وتروح وتجي بالسلامه.

[ابن غفيص]

عاشق شاص:
أما عن ميزات النفود فأنا رحت له مرتين وكل هن بأوقات للأسف ماكان النفود ممطور لكن مع ذلك فهو ونيس جدا "لكنه خطير و أوعى تخطي خطانا وتمشي بالليل بغينا نروح فيها" وفيه العليم جبل جيد انك تمر على المكان فيه مسجد و تقدر تستمتع بتسلق الجبل الصغير اللي هو العليم طبعا. .

ناهيك عن إن الأرض كله حطب الإرطى الطيب "يعني لا تشيل حطب"

بالنسبه لأخونا عاشق الشاص :

أتوقع إن أفضل طريق لك مع طريق القصيم السريع ومن ثم تخل الدائري الغربي لبريده "فيه لوحه على السريع تقول بريده غرب_حائل" ومنه إلى طريق حائل السريع طريق سريع وفيه محطات جيده أول طريق حائل ومن ثم إمسك الطريق الدولي الجوف السريع . عاد الباقي يفيدونك فيه الشباب يقولون فيه ردميه من طريق الجوف للعليم لأني يوم الدخل النفود دخلت عن طريق جبه .

وبالتوفيق. . .

[مشعل العيسى]

أما اللي يقول لا تخاف من النفود هذا متساهل ولا يتورط إلا المتساهل أو انه بطراف النفود ويحسب انه قطعها

أنا جيت النفود وقطعتها شرق - غرب

والله ما ينتهاون بها خصوصاً منطقة (حفر ابن رخيص وماحولها ) وهي أوعر مناطق النفود

بالنسبة للبنزين فيه بنزين (بيع تنك) بمنطقة تسمى (نقذة) بقلب النفود شمال حفر الرخيص وهي على اسمها نقذه
أوعر منطقة بالنفود هي ما بين نقذة وحفر بن رخيص وهي منطقة تسمى السدود

وصايا لا تتهاون بها :

- سيارتين على أقل تقدير، واذا جيتوا مناطق الوعر لا يدخل الثاني لين يطلع الأول عشان ما تنشبون جميع برباضة.
- ثريا أو آيكوم.
- ماطور هوا. واستبنتك تصير متفقدها.
- تانكي ماء كبير شوي.
- جارمن مع احداثيات العدود والقلبان وبيع البنزين .. أو خبير بالمنطقة يكفيك.
- عزبتك كثر بها من الاكل الجاف (النواشف) احتياطاً.

أما الحطب لا تاخذ معك حطب .. على قفا من يشيل


أما المتعة فهي والله براسي متعتها لها حول الثلاث سنين

موفّق


اخوي الغالي الشباب وفقهم ربي ماقصرو ..

ازيد عليهم

1- ان حصل لك تأخذ واحد قد راح للنفود من قبل فهذا افضل .

والله يوفقك ويستر عليك وننتظر عودتك بالسلامة ولا تنسانا من صور رحلتك ..

[راعي المقانيص]

اخي الكريم النفود الكبرى

مثلها مثل اي نفود لكن يختلف فيها اللون ويوجد بها رباضات ولكنها قليله جدًا وتقدر تتجاوزها لو معك تريلا لكن من ردود الاخوان الله يهديهم مابقا الا نقول لو تدخل فيها بلعتك الارض وطلعتك في الفضاء الخارجي والا في مجرة درب التبانه

اهل البعارين والحلال هناك يدخلون بالسكوس والعايدي والحصنيه ودداسن دفرنس واحد

والاخوان هنا الله يهديهم هولوا الموضوع

لكن خل احتياطاتك مثل احتياطات اي طلعه مكشاتيه لك

خل معك سيارة ثانيه والماء يكون اكثر من الي تحتاج له والنفود نسم كفراتك مثل ماتنسم كفراتك وانت داخل نفود الثمامه

ومن المؤكد انك رحت للصمان والا الدهناء

كل ماتاخذ معك للصمان والدهناء خذه معك للنفود ( قارمن - أيكوم - عزبه - ماطور هواء)

خلاصة الكلام اخي الكريم

النفود الكبرى مثله مثل اي نفود بالكون هذا كله لاني رحت وشبعت منها ولايمر شهر الا امر من عندها لاني ساكن بالشمال وقريبه عندي

[هواوي صيد]

ماقصروا الاخوان ولكن أحب التأكيد

على أن تكون الرحلة على اأقل سيارتين

واتمنى لك رحلة سعيده

وعوده حميده ان شاء الله

لا تستهين بالطعوس ولا تمشي بالليل

ولا تنسى اذكار الصباح والمساء

وموفقين خير

[راعي البخاخ]

الاخوان والشباب ماقصروا كفوا ووفوا ,
وخصوصا, راعي المقانيص الله يبيض وجهه مثل ماقالك . لأنه بالشمال والنفود
حول ديرته ,وهو ابـخص بـالدروب والنفود الكبير لأنه من اهلها .
الله يوفقك وتروح وترجع بالسلامه ولاتحرمنا من التصوير

[abu fares]

النفود الكبير آية من آيات الله رغم أني ما جيته الا مرور فقط على الطريق الدولي الجديد حايل الجوف

لكن كان مرور أكثر من رائع

بالتوفيق ومثل ما قالوا الاخوان لا تتهاون بالنفود

[أول الليل]

لا تدخل إلا معك أكثر من سيارة
مهالك وقطاع طريق

[سيف نجد2006]

اخي الكريم النفود الكبرى

مثلها مثل اي نفود لكن يختلف فيها اللون ويوجد بها رباضات ولكنها قليله جدًا وتقدر تتجاوزها لو معك تريلا لكن من ردود الاخوان الله يهديهم مابقا الا نقول لو تدخل فيها بلعتك الارض وطلعتك في الفضاء الخارجي والا في مجرة درب التبانه

اهل البعارين والحلال هناك يدخلون بالسكوس والعايدي والحصنيه ودداسن دفرنس واحد

والاخوان هنا الله يهديهم هولوا الموضوع

لكن خل احتياطاتك مثل احتياطات اي طلعه مكشاتيه لك

خل معك سيارة ثانيه والماء يكون اكثر من الي تحتاج له والنفود نسم كفراتك مثل ماتنسم كفراتك وانت داخل نفود الثمامه

ومن المؤكد انك رحت للصمان والا الدهناء

كل ماتاخذ معك للصمان والدهناء خذه معك للنفود ( قارمن - أيكوم - عزبه - ماطور هواء)

خلاصة الكلام اخي الكريم

النفود الكبرى مثله مثل اي نفود بالكون هذا كله لاني رحت وشبعت منها ولايمر شهر الا امر من عندها لاني ساكن بالشمال وقريبه عندي
من قال لك انه زي اي نفود

الماء اصحاب الحلال ينقلونه في جيب شاصي فيه راويه والسكس والحصنيه والدتسن يستحيل ان ترهافي وسط النفود
يم السره وام غضاه وحفر النفود

اما اطراف النفود فهي سهله نوعا ما

لاكن من يريد الذهاب لابد ان تكون معه سيارتن دفرنسين

ويمشي مع جواد العرب الذي با النفود لان القارمن لاينفع با النفود

ولكم تحياتي ابوعبد الله

[مجالس الرجال]

المتعه بالنفود الكبير قل الاوادم وكثرة الحطب وخرمس الليل

[سلطان العبود]

السلام عليكم

ياليت يا اخوان وخاصة اخوي محمد الشاوي احداثيات لمناطق زينه وسهل الوصول لها كبداية لرحلة للنفود الكبير ارسالها على الخاص

[برق الوسيطاء]

السلام عليكم

ياليت يا اخوان وخاصة اخوي محمد الشاوي احداثيات لمناطق زينه وسهل الوصول لها كبداية لرحلة للنفود الكبير ارسالها على الخاص

انا اضم صوتي لصوتك واتمنى من الاخ محمد اذا مابه كلافه عليه نبي احداثيات للنفود ماهو على الخاص ودنا يسدحهن هون :D

[راعي المقانيص]

أحبتي و أخواني الأفاضل

في البدايه أقدم أعتذاري لصاحب الموضوع على المداخله فلربما نجد تصحيح لأمورنا ومن المؤكد بأن أجد من يصحح أخطائي في حال وجود أي معلومه خاطئه

أخواني الأفاضل

انا لا اعلم لماذا دائمًا نحب أن نهول الأمور ونعطي الشيء دائمًا أكبر من حجمه بالاضافة الى حبنا ان نجعل الأمور تخرج عن مسارها الطبيعي ؟ ؟ ؟ ! ! !
ردودنا وطرحنا دائمًا نجد فيها المغالطه كأنما نطبق سياسة ( البقاء للأقوى )

أخي الكريم سيف نجد


من قال لك انه زي اي نفود

الماء اصحاب الحلال ينقلونه في جيب شاصي فيه راويه والسكس والحصنيه والدتسن يستحيل ان ترهافي وسط النفود
يم السره وام غضاه وحفر النفود

اما اطراف النفود فهي سهله نوعا ما

لاكن من يريد الذهاب لابد ان تكون معه سيارتن دفرنسين

ويمشي مع جواد العرب الذي با النفود لان القارمن لاينفع با النفود

ولكم تحياتي ابوعبد الله

احترم رايك واقدر ردك وسوف اجيب على ردك بالاثبات والدليل ولكن ارغب في توضيح نقطه معينه اذا سمحت


لان القارمن لاينفع با النفود



الجمله هذي قلبتها يمين ويسار وماقدرت افهمها واذا تكرمت توضح لنا ليش القارمن ماينفع بالنفود ؟

يوجد لدينا اخي الكريم بعض الأملاك وبعض الحلال في تلك المناطق ولا أرغب في ذكرها لدواعي خاصه جدًا وهذا فضل من رب العالمين اللهم أدمها من نعمه وانا لست مقيم هناك إقامه دائمه وإنما هي مواسم وأوقات معينه تحتم علي الذهاب هناك لكي أكون صادق معكم وغالبًا ماتكون شبه شهريه

دائمًا وأبدًا نروي بالسكوس والعايدي سواء للحلال أو لمكان الأقامه المؤقت في تلك الاماكن
والراويه تكون موجوده بموقع الحلال وتجيها ردود الماء لتعبئتها

هنا تجد تصوير خاص لبعض المناطق في اواسط ( في قلب ) النفود الكبرى وليس على أطرافها

http://www.mekshat.com/pix/upload02/images100/mk13197_thumb-6-2009-almlf_com_0jry3ive.jpg




http://www.mekshat.com/pix/upload02/images100/mk13197_0877a8f903.jpg


http://www.mekshat.com/pix/upload02/images100/mk13197_hjarah-trip-001-thumb.jpg


http://www.mekshat.com/pix/upload02/images100/mk13197_hjarah-trip-002-1.jpg


http://www.mekshat.com/pix/upload02/images100/mk13197_hjarah-trip-005-thumb.jpg


http://www.mekshat.com/pix/upload02/images100/mk13197_hjarah-trip-006-thumb.jpg

وهنا أخي الكريم تجد رابط لموضوع نشر في جريدة الرياض في يوم الجمعة الموافق 16 / 03 / 1427 هـ اي قبل ثلاث سنوات تقريبا واقرا الموضوع بتمعن أنت والأخوان وستجد لماذا يطالب أهالي تلك المنطقة بوضع محميه طبيعية والسبب يعود لكثر الكشاته والطرقيه لتلك المناطق

أنقر هنا (http://www.alriyadh.com/2006/04/14/article146300.html)



وهنا موضوع لشخص توغل وراح وتمشى في قلب النفود بالاضافه الى انه وضح مسار رحلته بالصور والخرائط وارجو أنك تشوف وش السيارات الي تروي بداخل النفود وستجد تيدرات وليس سكوس بالاضافه الى انك ستجد متعه مع الصور وستجد جميع الاستفسارات التي تراودك عن الرحله الله يسهل امرنا وأمرك وكل عبد مسلم يارب

للمعلوميه تم وضع الرابط لنقل الفكره ليس الا وليس من باب الدعايه لكي لانسلب حقوق أحد

أنقر هنا (http://www.abunawaf.com/post-8163.html)

وفي الختام أكرري أعتذاري لصاحب الموضوع وأرجو أن أجد إجابه من الأخوان على سؤالين فقط



1 - اين التهويل والتخويف من ماذكرتموه في ردودكم السابقه والادله أمامكم الأن بان جميع الأمور ولله الحمد جيده ومطمئنه في النفود الكبرى ؟ ؟ ؟

2- هل يامن ذكرت بان النفود الكبرى تختلف عن النفود الأخرى مثل الدهنا وخلافه لاحظت أنه فعلا هناك أختلاف بغير اللون فقط ؟ ؟ ؟

[مساافر]

اخي الكريم النفود الكبرى

مثلها مثل اي نفود لكن يختلف فيها اللون ويوجد بها رباضات ولكنها قليله جدًا وتقدر تتجاوزها لو معك تريلا لكن من ردود الاخوان الله يهديهم مابقا الا نقول لو تدخل فيها بلعتك الارض وطلعتك في الفضاء الخارجي والا في مجرة درب التبانه

اهل البعارين والحلال هناك يدخلون بالسكوس والعايدي والحصنيه ودداسن دفرنس واحد

والاخوان هنا الله يهديهم هولوا الموضوع

لكن خل احتياطاتك مثل احتياطات اي طلعه مكشاتيه لك

خل معك سيارة ثانيه والماء يكون اكثر من الي تحتاج له والنفود نسم كفراتك مثل ماتنسم كفراتك وانت داخل نفود الثمامه

ومن المؤكد انك رحت للصمان والا الدهناء

كل ماتاخذ معك للصمان والدهناء خذه معك للنفود ( قارمن - أيكوم - عزبه - ماطور هواء)

خلاصة الكلام اخي الكريم

النفود الكبرى مثله مثل اي نفود بالكون هذا كله لاني رحت وشبعت منها ولايمر شهر الا امر من عندها لاني ساكن بالشمال وقريبه عندي


صدقني انك فله من جد مت من الضحك خخخخخخخخخخخخخخخخخخخخخ

[مساافر]

لا تدخل إلا معك أكثر من سيارة
مهالك وقطاع طريق


خخخخخخخخخخخخخخخخخخخخخخخخخخخخخخخخخخخخخخخخ

[العميد ابواروى]

نفود زيه زي غيره ياخوي ... الاحتياط واجب سواء كان وعر او مو وعر ... لأن البر يبي استعداده وانا اخوك ...

[نفود الطوقي]

نصائح قيمة من الاخوان
جزاهم الله خير

[مكشاتي الجزيرة]

نفس كلام الاخوان...
احرص على الذهاب بأكثر من سيارة...

[عصى الترحال]

ماقصرو الاخوان
وحتى تستمتع أكثر
اجعل خطت سيرك الغضاة - السراء - حفر النفود - عذفاء ( عرض )
أو الحيانية - اشيقر - حفر النفود - العليم ( طول )
طبعا كلا الطريقين طويلة وشاقة واذا رحلتك قصيرة فإنك تكتفي بالعليم وضواحيها فهي رائعة
وأزود على كلام الاخوان بأن تسلك الخطوط البرية حتى ولو طالت عليك لان البدو أبخص وش لون يقصون النقر

[AL AMRO]

بارك الله فيك وجزاك الله كل خير على التوضيح


مشكور وما قصرت

[فهد550]

مشكور راعي المقانيص

[طيرالفلاة]

شكرا راعي المقانيص على الصور الجميله

والصور الأربع الأخيره من رحلات فريق الصحراء

http://alsahra.org/?p=1362


http://alsahra.org/wp-content/uploads/2007/09/hjarah-trip-019-custom.jpg

[صقرحايل]

والله ياخى ان النفود خطيره ومهلكه
لاكن هذا اول قبل طريق الجوف
لالكن الان سهود ومهود واغلب الاماكن طرق ممهده داخل النفود والجوال فى اغلب الاماكن شغال اذا ماكن كل المواقع
بس النفود تبى سواق جيد خاصه النفود هذى
وموتر جيد وجهاز كنود واذا صار شى بس اطلع على الجهاز واطلب الفزعه وانت تبى تشوف شى غريب من اهل النفود وتروح وتجى با السلامه

[مايسترو]

من خبرتي بالنفود خلال رحلاتي له للخمس سنوات الماضية:
كثر من البنزين/لا تسوق بالليل/أنتبه من الذيابة وخل معك سلاح ولا تبعد عن ربعك وقت قضاء الحاجة خصوصا بالليل/أسلك دروب العرب/ لا تنزل للنقر العميقة/عدد السيارات من 2 إلى 4/2 شخص لكل سيارة/وتوكل على الله كل وقت

[سلطان العبود]

بيض الله وجهك اخوي محمد ولا يهونون الربع وصلت الرسالة

[المربوعة]

وعليكم السلام ورحمة الله وبركاته
انا رحت قبل سنتين معنا ثلاث جيوب ديزل
يوم قمنا الصبح ما اشتغلن السيارات من البرد
وبلشنا يوم صارت الساعة 11اشتغل موتر واحد من العيال
وبدينا نسحب السيارات بالواير وننتعهن
وانا انصحك اذاصار الجو برد قوه وموتركم ديزل لاتروووووووووووووح:no2:

[حر المشاريف]

مشكـــــــــــــــــــــــــوريـــــــــــــــن


على الفوائـــــــــــــــــد

[الحاتمي1]

الشباب ما قصروا

تجنب الاماكن المنخفضة مثل المحاقين والقعور


وخلك قريب من الهجر الب بالنفوذ مثل العليم والابرق والجبيلي وعذفا واطناب


سبحان الله اذا اجتجت شي تطون قريب منها


ورحلات موفقه باذن الله

[قنياوي]

نداء ، إلى مشرفنا الغالي / محمد الشاوي . يا ليت تنزل الإحداثيات للنفود الكبير من قلبان ومحطات بنزين وقرى وغيرها في المنتدى لتكون في متناول الجميع في جدول مرتب خاص بالنفود الكبير لقلة الموجود عن النفود الكبير وتقبل شكري لجهدك مقدماً .

[sohib]

تجنب الاماكن المنخفضة مثل المحاقين والقعور:good:

[راعي المقانيص]

شكرا راعي المقانيص على الصور الجميله

والصور الأربع الأخيره من رحلات فريق الصحراء





العفو اخوي طير الفلاة وفعلا الصور من رحلة فريق الصحراء وبالاخص منطقة الزبيره أو هجرة الزبيرة

[الشاص عز لهله]

ربي يسهل عليك و المسلمين في الحل و الترحال

[هاوي أم دكه]

الصراحه
1"سلقلق
2"جارمن
3"سلاح
4"سياره مثل شاص ربع جب لكسز
5"خيمه
6"شد حيلك والله يوفك

[ديار نجد]

أما اللي يقول لا تخاف من النفود هذا متساهل ولا يتورط إلا المتساهل أو انه بطراف النفود ويحسب انه قطعها

أنا جيت النفود وقطعتها شرق - غرب

والله ما ينتهاون بها خصوصاً منطقة (حفر ابن رخيص وماحولها ) وهي أوعر مناطق النفود

بالنسبة للبنزين فيه بنزين (بيع تنك) بمنطقة تسمى (نقذة) بقلب النفود شمال حفر الرخيص وهي على اسمها نقذه
أوعر منطقة بالنفود هي ما بين نقذة وحفر بن رخيص وهي منطقة تسمى السدود

وصايا لا تتهاون بها :

- سيارتين على أقل تقدير، واذا جيتوا مناطق الوعر لا يدخل الثاني لين يطلع الأول عشان ما تنشبون جميع برباضة.
- ثريا أو آيكوم.
- ماطور هوا. واستبنتك تصير متفقدها.
- تانكي ماء كبير شوي.
- جارمن مع احداثيات العدود والقلبان وبيع البنزين .. أو خبير بالمنطقة يكفيك.
- عزبتك كثر بها من الاكل الجاف (النواشف) احتياطاً.

أما الحطب لا تاخذ معك حطب .. على قفا من يشيل


أما المتعة فهي والله براسي متعتها لها حول الثلاث سنين

موفّق


هذا الكلام الصحيح.... اذا انت تبغى تدخل كثير في النفود

[MSAHMM]

أما اللي يقول لا تخاف من النفود هذا متساهل ولا يتورط إلا المتساهل أو انه بطراف النفود ويحسب انه قطعها

أنا جيت النفود وقطعتها شرق - غرب

والله ما ينتهاون بها خصوصاً منطقة (حفر ابن رخيص وماحولها ) وهي أوعر مناطق النفود

بالنسبة للبنزين فيه بنزين (بيع تنك) بمنطقة تسمى (نقذة) بقلب النفود شمال حفر الرخيص وهي على اسمها نقذه
أوعر منطقة بالنفود هي ما بين نقذة وحفر بن رخيص وهي منطقة تسمى السدود

وصايا لا تتهاون بها :

- سيارتين على أقل تقدير، واذا جيتوا مناطق الوعر لا يدخل الثاني لين يطلع الأول عشان ما تنشبون جميع برباضة.
- ثريا أو آيكوم.
- ماطور هوا. واستبنتك تصير متفقدها.
- تانكي ماء كبير شوي.
- جارمن مع احداثيات العدود والقلبان وبيع البنزين .. أو خبير بالمنطقة يكفيك.
- عزبتك كثر بها من الاكل الجاف (النواشف) احتياطاً.

أما الحطب لا تاخذ معك حطب .. على قفا من يشيل


أما المتعة فهي والله براسي متعتها لها حول الثلاث سنين

موفّق



كثر الله خيرك المكشات وفى وكفى بيض الله وجهه

[سفير الايام]

هلا اخوي

في الحقيقه لا اعرف شي عن النفوذ الكبير

بس الربع الخالي اسالني عنه

سوف اجيبك لاني احد ابناء الربع الخالي

بالتوفيق لك

[oqlak]

السلام عليكم
الاخوان عطوك الزبده لاكن اهم شي
ماطور هوا
واير سحب
كنود وقارمن
واهم شي دايم ترفع بالنفود بالممشى لاتدور المطامن
توكل على الله وعلم احد بالوجهه ووقت العوده احتياط وهذا المفروض بكل الطلعات
افففففف نسيت رقعه تيوبلس
والله يحفض الجميع

[الجندي2005]

النفود الكبير فعلا يعتبر الذهاب إليه مغامرة لمن لا يعرف التعامل معه

وبعضهم يعتبره أكثر وعورة من الربع الخالي وأنا لست من هؤلاء

وقد ذهبت للنفود أكثر من عشر مرات وذهبت لأغلب القلبان الموجودة في وسطه قبل أن يخرج طريق الجوف السريع

أهم شي تكون تعرف وين تمشي ومن الخطأ النزول للنقر العميقة


وفي رأيي أن تذهب في رحلتك الأولى للنفود مع طريق الجوف السريع وادخل فقط إلى جبل العليم الذي يبعد 15 كم فقط عن الطريق السريع ويوجد ردمية تصل إليه


ويمكنك التجول في محيط الجبل وأرى أن لا تتعمق بعيدا عن جبل العليم

كما يمكنك الدخول ايضا مع ردمية الأبرق وهي على يسار المتجه إلى الجوف ( قبل العليم بـ 25 كم تقريبا )


ستجد المتعة هناك ويمكنك بعد ذلك الحكم على النفود الكبير واتخاذ القرار المناسب في الرحلات الأخرى .



الرجال عطاك العلم اللي يجمد على الشارب ،،،،،،،،،،،،، سلمت يالغالي ،،،، راي منتهى العقلانية

[دار الهوى]

تسلم ويسلم كل الأخوان اللي أضافوا للموضوع وأمتعتونا بالجديد والمفيد .



تحياتي لكم جميعاً ، ، ،