صمان هذه السنة ..

[محب للمكشات]

السلام عليكم ورحمة الله وبركاته

اخواني صبحكم/مساكم الله بالخيير

اتمنى ان لا تبخلوا علي بالرد على استفساري .. لاني اكثر من مرة اضيف موضوع واحتاج لمشورتكم
وخصوصا اهل الخبره .. لكن للاسف لم ارى التفاعل الملحوظ ..

الله لايهينكم يالربع بالنسبه للصمان متى يبدأ فيها الربيع وتخضر .. او بالاصح متى تصلح للكشته ووساعة الصدر ..انا كل سنه ودي اروح للصمان لكن للاسف توافق الدوام ولااقدر ..

انا موظف في شركة ارامكوا واجازاتي محدودة جدا .. فأبي اعرف متى تبدأ تخضر وهل تصلح للكشته في عيد الاضحى المبارك او بعده بيوم ولايومين..

شوركم الطيب يالربع ..

[محمد العبدالسلام]

اخي الكريم الصمان متى ما جاه المطر زان نسأل الله من فضله وارجو منك يا اخي الدعاء وحث اخوانك المسلمين بالدعاء واخراج الزكاة والبعد عن ما يغضب الله سبحانه وتعالى حتى يرحمنا ربنا ويغيثنا ويغيث المسلمين .... وتقبل ودي

[مجود الشلاحي]

للاسف الوسم خلص والصمان ماجاه مطر اللهم اغثنا اللهم اغثنا اللهم اغثنا

[لكزس_جيب]

صبحك الله بالخير يا طويل العمر ..
الله يعطيك الصحة والعافية هالسنة وكل سنة وتكشت وتوسع صدرك ..
إذا أنت رجال تدور ربيع وخضار وعلوم زينة فعليك بالفياض والرياض بعد الأمطار إن شاء الله ..
عسى الله يرزقنا الخير ..
بالنسبة للصمان تصلح للكشتة في أي وقت من وجهة نظري لمن يحبها ويرتاح لها ولكن اذا تبي الوقت الزين للكشتة فهو يبدأ بإذن الله من شهر محرم وانت طالع .. يكون الجو زان بالحيل وعسى الله يرزقنا المطر ..

[القنـاص2008]

حياك الله ياخوي

ومثل ماقالو الاخوان ان شاءالله اذا الله يرزقنا المطر راح تكون علومها زينة وراح تطلع وتوسع صدرك بس ادعو ربك ان يرزقنا الغيث وانتظر لمن شهر محرم من هذا يبدءالربيع ان شاءالله

[سهيل تميم]

الله يجيب الخير

الصمان ماجاها مطر الى الآن..والعلم عند الله انه السنه هذي مابتكون مثل العام الوسم راح ومالله زرقنا بمطر

اللهم اغثنا اللهم اغثنا اللهم اغثنا

[اهل الردات]

يفدونك الاخوان

[ناااادرالوجود]

وعليكم سلام ورحمة الله وبركاته

ماقصرت بيض الله وجهك هذا هو الكلام


للاسف الوسم خلص والصمان ماجاه مطر اللهم اغثنا اللهم اغثنا اللهم اغثنا:no: :(

تقبل مروري

[أبوعبدالمحسن.]

إذا الله رزقها بأمطار أحسب ثلاثة أيام ورح لها تبي إن شاء الله تشوف الباذر ويبي ينشرح صدرك بإذن الله

[سداااااح]

بالنسبه لي احب طلعت البر بالذات بالعقارب خصوصن بعد مضي اسبوع من دخولهاوتستمر الى قبل نهايت العقارب 10 ايام يجيك موجات حر تعوفك
وكل واحد وله راي ولاكن هالوقت يعد انسب الاوقات لطلعة البر اللي يبي الربيع

[saalh123]

الله يغيثنا بالمطر وتزين الصمان وجميع الديار

[محب للمكشات]

صبحك الله بالخير يا طويل العمر ..
الله يعطيك الصحة والعافية هالسنة وكل سنة وتكشت وتوسع صدرك ..
إذا أنت رجال تدور ربيع وخضار وعلوم زينة فعليك بالفياض والرياض بعد الأمطار إن شاء الله ..
عسى الله يرزقنا الخير ..
بالنسبة للصمان تصلح للكشتة في أي وقت من وجهة نظري لمن يحبها ويرتاح لها ولكن اذا تبي الوقت الزين للكشتة فهو يبدأ بإذن الله من شهر محرم وانت طالع .. يكون الجو زان بالحيل وعسى الله يرزقنا المطر ..

الله لايهينكم يالربع جميع ويبيض وجيهكم على ردودكم الطيبه .. بس الفياض والرياض هل تصلح ايام عيد الاضحى للكشته ؟؟
وش هي اقرب الفياض او الرياض للمنطق الشرقيه ..
الله لايهينكم ..

[محب للمكشات]

ننتظر مشاركتكم ...

[دروبي طويله]

الله يرزقنا بالمطر آآآآآآمين

[اابوحمد]

الله يرزقنا بالمطر آآآآآآمين

[عاشق البانيلي]

الفياض الحين ماغير فيها غبار وشوك
يعني ماتصلح الا اذا جاب الله مطر

[مهاجر الخلان]

مرحبـا ومسهلا أخوي محب لمكشات أفضل طريق تروح لنعيريه وبعدها مفرق قريه العليا يسار قبل السعيريه ثم الى الرفيعه هذا أفضل طريق مسفلت

بالنسبه قطوع صحراء فيه كهرباء من الشرقيه الى القصيم تحت الانشـاء يتجه غرب يمر بشويه ثم الرفيعه 80كيلو يمين
الطريق يطلع من بين الصرار والونان لكن ماأنصحك فيه طريق غير مسفلت

وعسالله يرزقنا المطر والخير

وبيفدونك الاعضاء انشالله

[شريطي مكشات]

ماقصرت بيض الله وجهك هذا هو الكلام