وش رايكم في الباثفندر 2005 و 2004 . . رايكم يهمني

[محترف]

السلام عليكم ورحمة الله وبركاته أحيي الجميع كلن باسمه والعشر عليكم مباركه ...
انا الباثفندر خاش مزاجي من زمان ودي أعرف راي المجربين للسياره
هو راعي خرابات ولا موتر عملي ؟
يقولون لي البعض انه كثير التخبيط !! اللي خبط معه يقول لي وش السبب ؟
اللي معه باثفندر لؤلؤي فل كامل تماتيك نظيف ممشاه ميه وشوي يبي يبيعه يعرضه و يحده على( حدي الخمسينات )
لا أحد يقول لي ما تلقى بالخمسينات انا أعرف واحد شاري 2005 فل كامل جلد ب 53 وواحد بايع 2004 في المنتدى هذا بـ 50
وكلها ممشاها 170 الف ولؤلؤية ونظيفه . .
وشكرا

[فالح القحطاني]

,,

,

مرحبا بك



انا صار لي فتره حوالي سنه ادور باثفاندر

2005 درت معارض الشفا والنسيم


مالقيت الموتر النظيف وبالسعر المناسب




ياليت الاخوان يفيدونكم ويفيدوني


الي عنده 2005

فل كامل للبيع يعرضه لنا

[قايد الفتك]

عندي آستاندر 2005 ذهبي


قير آوتو ، مـآشي 65 آلف



لكـ نظر ،،

[مخاوي 2008]

اخوي من ناحيت التخبيط فيه مشكله فيه وهي مسامير الثلاجه لكن شلها او لحمها وتنحل المشكله إن شاءالله اما من ناحيت الخرابات يعني او على حسب النظافه وتخب الدعوه توفيق تلاقي الي يمدحه يكون ماشي معاه ومرتاح وبعضهم يعوكس معه ومن خراب الى خراب والمشكله ان قطع غياره غالي
عندي باث2004 لؤلؤي تماتيك مكيف لمس وتخشيب وطبلون ليزر ماشي 168 الف
فيه دقشه بزاوية الكبوت من يمين

[محترف]

فالح القحطاني >> شرفني مرورك
قايد الفتك >> مالي والله بالذهبي الستاندر الله يرزقك وشكرا على المرور

[كبسولة2]

تبي النصيحة أنحش عنه ويرزقك الله

مشاكله واااااجد تفتفة كتاوت بنزين تخبيط المكينة جلد البلوف تخرب بسرعة

ويطلع دخان ازرق من الشكمان

وفووووق هذا كله قطع غياااااااار ناااااااار

[محترف]

مخاوي 2008 >> عافاك الله على هالاظافة لكن هل فيه سبب للتخبيط غير المسمار والحرارة ونقص الزيت...
فل كامل موترك جلد مثبت سرعة فتحه؟ ... هل الزيت ينقص عندك ؟ وكم ... البدي فيه شي غير الدقشه ..
هل سيم ؟؟ كم حدك هو معك من الوكالة ؟؟
اذا بي تراسلني خاص زود مشاركاتك !!
وشكرا .

[محترف]

كبسوله >>> عافاك الله على المشاركه , لكن المشاكل اللي ذكرت حصلت معك ولا يقولونها ...

[nail]

الباثفندر كاستخدام من افضل واروع السيارات


لكن الصيانه مكلفة ومتعبة وغالية وفيه خرابات كثيرة

[كبسولة2]

كبسوله >>> عافاك الله على المشاركه , لكن المشاكل اللي ذكرت حصلت معك ولا يقولونها ...

حصلت مع أبن عمي وكل يوم أنواع الضحك والتريقة عليه في الأستراحة

وفي الأخير طفش منه ومن مشاكله

وباعه وأخذ ربع تويوتا

[للغالين فقط]

شف يالحبيب


الباثفندر موتر ماعلية كلام


ولا علية تعدي ..


نقص الزيت في كل السيارات


اللي تجي بخاخ


تويوتا نيسان أمريكي وغيرها


واللي يقولك أنها ماتنقص وهي بخاخ


تراه يضحك عليك ..


بالنسبة لقوة المكينه في النفود


تراه أقوي من الربع التويوتا


وهذا من واقع تجربة


طبعا القيرالعادي


تحياتي لك


والله يوفقك بالموتر الطيب

[محترف]

كبسولة 2
للغالين فقط
شرفني مروركم واضافتكم الله يعطيكم العافيه .

[مخاوي 2008]

البدي سليم ومافيه الا الي قلت بزاوية الكبوت
ليس فل كامل بدون فتحه وبدون مثبت وبدون جلد
مكيف لمس وتخشيب وطبلون ليزر ماشي 168 الف مركبله ريموت
والزيت ينقص عند 3000
جوال 0551144322

[الستانس]

واوك وش ذي السمعه للباث

انا عندي اثنين مكينة 3000 و3500

والله ماشاء الله ولا ازين منهن قليلة خراباتهن الحمد لله

وقطع الغيار غاليه ولكن هذا ان احتجتها ولكن بالنسبه لقطع غيار الجيوب

تعتبر قطع غيارها طبيعية اسعارها

وفيه قرقعه في الشنطه

موفق,,,

[الريح]

شف يالحبيب



الباثفندر موتر ماعلية كلام


ولا علية تعدي ..


نقص الزيت في كل السيارات


اللي تجي بخاخ


تويوتا نيسان أمريكي وغيرها


واللي يقولك أنها ماتنقص وهي بخاخ


تراه يضحك عليك ..


بالنسبة لقوة المكينه في النفود


تراه أقوي من الربع التويوتا


وهذا من واقع تجربة


طبعا القيرالعادي


تحياتي لك



والله يوفقك بالموتر الطيب


اخوي انا معي باث 2003 وقير عايدي

الموتر قوي لكن مايقارن بالربع لا من ناحية الصبر ولا من ناحية القوه

تقولي اقوى من الفتك اقولك ايه وهذا من واقع تجربه



مع تمنياتي لصاحب الموضوع بالتوفيق بالموتر اللي يطيب خاطره

[المنيعي1]

رايي في السيارة
ليس لها مثيل على الاطلاق لامن سيارات نيسان ولا من سيارات تويوتا الجديده
خفه رؤيه ممتازه من جميع الجهات لسائق والركاب رساوه أقتصاديه في أستهلاك البنزين

بنسبه لسلبيات طبعاً من واقع تجربه لمدت اربع سنوات
1-التماتيك يجب تصييخ الاديتر كل سنه العايدي مايحتاج
2-نزع مسامير الثلاجه أو تثبيتها +مراقبت زيت المحرك بعد 2000كلم يحتاج زياده نصف علبه

اما سؤالك عن التخبيط ولله الحمد لم يحصل معي علماً ان السيارة ماشيه معي 230000
بنسبه لقطع الغيار انا ارا ان اسعارها طبيعيه جداً ولم الحض اي مبالغه فيها نفس اسعار باقي السيارات المتداوله في السوق.

[escape_man]

اخوي المحترف ..

علشان اكون محترف معك بالاجابة .. ممكن اسئلك :

كم حدودك ( كم تبي تدفع )

وشحاجتك للسيارة

ياليت تجاوبني على هالسؤالين لانه اجابتك تحدد هل الباث يناسبك او لا

[PATHFINDER 4]

اخوي المحترف ..

علشان اكون محترف معك بالاجابة .. ممكن اسئلك :

كم حدودك ( كم تبي تدفع )

وشحاجتك للسيارة

ياليت تجاوبني على هالسؤالين لانه اجابتك تحدد هل الباث يناسبك او لا




أشهد انك جبتها يابن غييثات :good: أخوي لازم تشوف حاجتك لها واستعمالك

[مطعوس]

السلام عليكم ورحمة الله وبركاته
ااااخ كل ماشفت ذا رحت فيها
http://www.gmrup.com/out.php/i58056_1111.jpg
وهذا
http://up.graaam.com/p14ic/9d895a2ad2.jpg
والله وقفته هيبه وعزمه ماشاء الله ويسابق الريح في السرعة

[نومـ11111س]

موتر قرم ويشفيك

حنا ثلاثه ربع معنا باثات وكلنا وكلنا ولله الحمد والمنة مانشكي منها

تدري ليش ، لأننا يوم نشتري ارخينا الريال وشرينا شي نظيف

والنظيف اكيد سعره فيه

وعلى اني ماحخذ حقي منه الى الان 3 سنوات ، الا انه من ابدع مايكون ويطربني كل ماسقته


يارجال لو يحصل اجلسه معي على صحن غداي ماقلت لا

[الربذي]

وعليكم السلام انا مجربه عيبه قطع غياره غاليه وقليله ماهي متوفره باغلب محلات قطع نيسان ..
وماهو صبور صراحه لك عليه ومساعداته الاماميه غاليه جدا .

[محترف]

مخاوي 2008 >> خزنت رقمك وانا بأتصل عليك ان شاءالله قريب .

الستانس >> عافاك الله أخوي على الإفاده والإضافة والله يعطيك خيره ويكفك شره وشر غيره والله يوفقك .

[محترف]

الريح >> مشكور أخوي على الإضافة وشرفني مرورك .

[محترف]

المنيعي1 >> عافاك الله أخوي وجعلك تسلم والله يعطيك خيره ويكفيك شره وتشرفت بمرورك وإضافتك

[محترف]

اخوي المحترف ..

علشان اكون محترف معك بالاجابة .. ممكن اسئلك :

كم حدودك ( كم تبي تدفع )

وشحاجتك للسيارة

ياليت تجاوبني على هالسؤالين لانه اجابتك تحدد هل الباث يناسبك او لا

والله يالحبيب السياره هذي مناسبة للرياض والزحمة والخطوط (معي قير عايدي)
وعزمها قوي ومريحه
وشكلها عاجبني بالمره
ومناسبه للطلعات الخفيفه في النفود وغيرها (طلعاتي قليله جدا)
وقل هذا كلها سعرها معقوووول مثل ماقلت لك حدودي في الخمسينات
وانا أنتظر اجابتك المحترفة يا خوي ...:D

[محترف]

ابوسعود 898 >> نفس الكلام ل بن غثييات وانتضر اجابتك
مطعوس >> الربع قوي صح بس مايصلح في الديره وسعره غاااااااااااااااااالي
نومـ11111ـاس >> الله يعطيك خيره ويكفيك ولا هنت على الاضافة أخوي وشرفني مرورك .
الربذي >> الله يعافيك أخوي وتشرفت بمرورك .

[الاركان]

كان معي 2005 فل كامل نظييييييييييييييف مرة
لكن بسبب مسامير الثلاجه خبطت الماكينة
كلفني توضيبه 10500ريال
ممشاي راكد فيه ما عمري جرت عليه ولا اعطيع احد بس مشكلته قطه غويليه بس ما هي معرضه للخراب المستمر
ودائما لاحظ على الزيت البعض منها ينقص
عليك بالاستخارة اولا
والنظيف النظيف النظيف ثانيا
والله لو تدري بكم شاريه لتمسك راسك بس الواحد يدور النظيف علشان يرتاح

[للغالين فقط]

اخوي انا معي باث 2003 وقير عايدي

الموتر قوي لكن مايقارن بالربع لا من ناحية الصبر ولا من ناحية القوه

تقولي اقوى من الفتك اقولك ايه وهذا من واقع تجربه



مع تمنياتي لصاحب الموضوع بالتوفيق بالموتر اللي يطيب خاطره



هلا فيك أخوي


أنا قلت الباث أقوى من الربع


في النفود وهذا صحيح ولا فية جدال .


وأنا قلت القير العادي مو التماتيك .
أنا معي 2005 قير عادي وأتكلم من واقع تجربة
في الحرة الربع أفضل من الباث ولا فيه جدال ..


والرجال إذا بغى موتر زين ويطربة ويبي يستخدم


يدور النظيف ويرخي الريال .


أنا أقدر أقول الربع ماهو زين وعزمة


ضعيف ومايصبر ويهرقل بسرعة ..


طبعاً إذا خذيت موتر لك علية وقيمتة بالأرض


أقدر أسب كل الربوع وأنا مغمض وواثق..




تحياتي للجميع

[يكفيني نظرة]

اخوي من ناحيت التخبيط فيه مشكله فيه وهي مسامير الثلاجه لكن شلها او لحمها وتنحل المشكله إن شاءالله اما من ناحيت الخرابات يعني او على حسب النظافه وتخب الدعوه توفيق تلاقي الي يمدحه يكون ماشي معاه ومرتاح وبعضهم يعوكس معه ومن خراب الى خراب والمشكله ان قطع غياره غالي
عندي باث2004 لؤلؤي تماتيك مكيف لمس وتخشيب وطبلون ليزر ماشي 168 الف
فيه دقشه بزاوية الكبوت من يمين عين الصواب الله يجزاكم خير جميعا..

[الرادار الاسود]

شف يالحبيب




الباثفندر موتر ماعلية كلام


ولا علية تعدي ..


نقص الزيت في كل السيارات


اللي تجي بخاخ


تويوتا نيسان أمريكي وغيرها


واللي يقولك أنها ماتنقص وهي بخاخ


تراه يضحك عليك ..


بالنسبة لقوة المكينه في النفود


تراه أقوي من الربع التويوتا


وهذا من واقع تجربة


طبعا القيرالعادي


تحياتي لك



والله يوفقك بالموتر الطيب

الكلام غير صحيح بنسبة لنقص الزيت في كل السيارات

انا معي vxr2003 امشي ب10000 ليس مدح لسياره ولا نقطه ينقص كامري مثل

الباث فاندر حراره متكررة ونقص زيت الا مشاء الله

وتقبل تحياتي

[PATHFINDR]

السلام عليكم

ماشاء الله الاخوان ماقصروو ..

كلهم عدوك رأيهم

بالنسبة لي انا معاي يااث 2003 وشاريهـ على ايامهـ والا الان متعااي
الوووووووتر ماعليه كلاااام ماشاء الله

لاكن المشكله فيهـ انهـ كثير عيوب مصنعية يعني من الوكاله

مثلا نقص الزيت ومع العلم انه يفرق من الاستخدام
على حسب استخدامك للموتر

اذا انت راعي برر وتكسير وتفجير ماينفع لك ولا بريال

البااااااااث يبغى وااحد رجله بااااااردهـ على السيارهـ ونفس الوقت يكون مهتم شوي مايهمل الموتر

وراااااااح يمشي معااااااااااك عسل

اللي معاااي الان لهـ 6 سنوات وراح يكمل 7 وماشاء الله
ماشتكيت منهـ بشي ابد وازعجوون العالم عليهـ

وان شاء الله اكوون افدتك والله يكتبلك اللي فيهـ الخير ...

[مودع الخلان]

السلام عليكم ورحمة الله وبركاته

اسال مجرب ولا تسال طبيب الموتر كانك تتحافظ عليه وكل 3000 كيلو زيت مع سيفون
ولاتكون رجلك حاره ومحافظ من ناحيه زيت القير والفلتر يبيلك اتغيره كل 20000الف كيلو
حلو اشره لاكن مشاكله كثيره وقطه غياره ناااار الفحمات شاريه ب350ريال
وانصحك انك تبعد

زد ادريهماتك شوي واشر اكستيرا الجديد ترااااااه موتر عملي ويمدحون الامريكان لانه طالع عندهم قبل 4سنوات

والله ياجرني وياجركم
تقبلو تحيات مودع الخلان

[المدى البعيد]

يا هلا فيك اخوي

الشباب ما شاء الله ما قصروا كلٍ افادك والله يكتب لك اللي فيه الخير ..

بالنسبه لي انا كان عندي باثفندر 2004م مطلعه من الوكاله فل كامل فتحه والقير عايدي شريته بعد ما مدحوه لي ثلاثه من الشباب معهم نفس النوعيه لكن تختلف في الموديلات ..

وانا بصراحه من المحافظين على السياره وما اجر عليها لكن عوكس معي كل اخر شهر بالوكاله واكثر شي جنني الحساس السياره تمشي 130 فجئه تهجد المكينه كانه تمشي من الخامس وراده للثاني وصارت معي مرتين والسياره وقتها ما مشت 20 ألف وبعد معانات مع وكاله الحمراني غيروه بعد ما دفعت نصف القيمه 1500ريال

وطلعت لي مشكله ثانيه تهريب في القير على ما اذكر كان من الصوف ..

والسياره ما عليها قويه ومجربها في البر والطعوس ممتازه لكن هي توافيق البعض مشت معه تمام وما يشتكي منها بشي والبعض مثل حالتي من ورشه لورشه حتى لو هو جديد ..

وبعدها بعته وكان ماشي 39 ألف بـ 60 الف ريال في معارض الشفاء بالرياض ..

هذا اللي حبيت اضيفه وكما ذكرت السيارات توافيق ..

والله ييسر لك امورك ويكتب لك اللي فيه الخير ..

[مخاوي 2008]

اخوي محترف ارسلتك الصور

[محترف]

شرفني مروركم وإضافتكم جميعا والله يكتب اللي فيه الخير .

[العشة]

كان معي باثفاندر 2003

استاندر قير عادي

صراحه شي وقوي ولا يرده شي ماشاء الله

بس الصدق راحت موضته يعني صار موتر قديم خلاص

[للغالين فقط]

الكلام غير صحيح بنسبة لنقص الزيت في كل السيارات

انا معي vxr2003 امشي ب10000 ليس مدح لسياره ولا نقطه ينقص كامري مثل

الباث فاندر حراره متكررة ونقص زيت الا مشاء الله

وتقبل تحياتي



كلامك صحيح يمكن ماينقص موترك


إذا أنك تمشي 20 او 30 أكيد ماراح ينقص ..


لكن مع السرعات العالية 160وطالع


سيارات البخاخ تنقص


أكرر وأقول


مع السرعات العالية والخطوط الطويلة


كل البخاخ ينقص


تحياتي لك

[bader_2.0.1.0]

خذلك قير عادي 2005 ولا هج عنه واذا تي نصيحتي ((خذلك فور تشنر))
((تويوتا وبــــــــــــــــــــــس))

[المنيعي1]

السلام عليكم ورحمة الله وبركاته

اسال مجرب ولا تسال طبيب الموتر كانك تتحافظ عليه وكل 3000 كيلو زيت مع سيفون
ولاتكون رجلك حاره ومحافظ من ناحيه زيت القير والفلتر يبيلك اتغيره كل 20000الف كيلو
حلو اشره لاكن مشاكله كثيره وقطه غياره ناااار الفحمات شاريه ب350ريال
وانصحك انك تبعد

زد ادريهماتك شوي واشر اكستيرا الجديد ترااااااه موتر عملي ويمدحون الامريكان لانه طالع عندهم قبل 4سنوات

والله ياجرني وياجركم
تقبلو تحيات مودع الخلان

كلامك سليم بس شي واحد أخطأت فيه الي ملون بلاحمر قيمةالفحمات انا شاريهن من الوكيل المعتمد قبل ست شهور الامامي 205 ريال الخلفي 170 ريال أصلي 100%
علماً اني سعرت أكثر من قطعه للباث فندر نفس أسعار السيارات الثانيه مافي فرق
بس ماأدري من وين جايبين الاشاعه هذي أن قطعها غاليه
القطعه الوحيده الي غاليه هي المساعد الامامي لئنه يجي كبير ومشبوك مع الياي بخلاف الجيوب الاخرا مثل الباجيرو وهذا نادراً مايخرب
اما باقي القطع اذا ماهي ارخص من السيارات الثانيه مثله
علماً ان سعر الوكاله أغلا من سعر الوكيل المعتمد وهذ في جميع السيارات وليس في الباث وحدها
فنصيحه لكل من يريد قطع اصليه ان ياخذ من الوكيل المعتمد ارخص بواجد من الوكاله حتا اذا مدخل السيارت للوكاله تسوي صيانة خلهم يكتبون لك القطع المطلوبه وشترها من الوكيل لاتخليهم يسحبون من قطعم يدبلون عليك السعر.

[ابودعسان]

خذ لك نظيف وما راح تندم
الموتر يسمونه الوكاله خسارة نيسان لانه مايطلب قطع
انا معي 2005

[محترف]

عافاكم الله جميعا وكفيتو ووفيتو
ويالمنيعي1 معلوماتك مفيده وخطيره الله يبارك فيك ولا يهونون الباقين
ومشكورين على مروركم وإضافتكم

[المنيعي1]

عافاكم الله جميعا وكفيتو ووفيتو
ويالمنيعي1 معلوماتك مفيده وخطيره الله يبارك فيك ولا يهونون الباقين
ومشكورين على مروركم وإضافتكم
واذا تبي معلومات زياده حنا حاضرين

[التل الصامت]

اقول يا اخوي اتركه ودور غيره والله يرزقك ان شاء الله