عندي تاهو موديل 2003 z71 واحتاج مساعدة

[فهد456]

السلام عليكم ورحمة الله وبركاته

نبي فزعتكم ياشباب انا عندي تاهو موديل 2003 z71 امريكي وفيه شاشة

المعومات اللي تبين كم يمشيك

البنزين وووووالخ طبعا" بالأنجليزي وودي احولها للعربي من يعرف محل يحولها

للعربي ويكون مجرب وكم

تكلف تقريبا" وعندي هزهزه اوتقطيع بسييييييييييط بالمكينه تحس فيها وانت

راكب داخل السياره وانا واقف وغيرت بواجي ولا راحت وش المشكله ؟؟؟؟

وياليت مداخلة الأخ كبسوله 2 في حل مشكلة التقطيع او التفتفه ولا يهونون الأخوان ,,,,

[فهد456]

سبحان الله والحمد لله ولااله الاالله والله اكبر

[محب العذاري]

التعريب الوحة عند البيان

[محب العذاري]

القيمة 250ريال

[محب العذاري]

وفصل البطارية نصف ساعة ممكن تروح التقطيع هل لنبة الصيانة شغالة عندك

[فهد456]

محب العذاري ماقصرت ولمبة الصيانه موب شغاله عندي وياليت توصفلي موقع البيان

وكم تاخذ وقت وانا عندهم يخلصونها ولا يبيلها يوم ,,

[تبريزة]

عندك البيان الجديد اللي على الداري قبل مخرج 10

وعندك الجابري بالصناعية القديمة

والسعر تقريبا 250

والتقطيع اذا رحت الجابري خله يفحصه كمبيوتر

[كبسولة2]

بالنسبة للطلبون أعتقد حله بالبرمجة

أما بالنسبة للتقطيعة والهزهزة إذا حصلت بعد تغيرك للبواجي

فالنوع الي ركبته لم يكن مطابق للقديم من حيث الرقم

وإذا التقطيعة موجودة قبل تغير البواجي فشيك على هذه الروابط تجد ظالتك بإذن الله

http://www.mekshat.com/vb/showthread.php?t=208116


http://www.mekshat.com/vb/showthread.php?t=195867

[بدوي جنوبي]

مركزالمعلومات بطبلون الجموس والشفر من 03 الي 06 حصري لمكشات 50 صورة (http://www.mekshat.com/vb/showthread.php?t=153740)

[فهد456]

محب العذاري

تبريزه

كبسوله 2

بدوي جنوبي

بيض الله وجيهكم ماقصرتو بس ياليت اللي يخبرلي ورشه عليها العلم يشوفون وش قصت ام التفتفه او التقطيع
اللي رافعن ضغطي يدلني عليها وبأسرع وقت ولمبة المكينه مولعه عندي تكفون اللي عنده علم يفيدنا ولكم جزيل الشكر

[N-xterra]

محب العذاري

تبريزه

كبسوله 2

بدوي جنوبي

بيض الله وجيهكم ماقصرتو بس ياليت اللي يخبرلي ورشه عليها العلم يشوفون وش قصت ام التفتفه او التقطيع
اللي رافعن ضغطي يدلني عليها وبأسرع وقت ولمبة المكينه مولعه عندي تكفون اللي عنده علم يفيدنا ولكم جزيل الشكر

مرحبا أخوي

والله ياعندي لكم ورشة فللللللللللله ورخيصين مرررررررررره وشغلهم نظيف بالحيل

وصيانة موترنا اليوكون عندهم لنا 5 سنوات والفورد قبلها

اسم الورشة : مركز دار السلام
الموقع: الصناعة القديمة - شارع الجمعية - بعد مطعم المكلا ب 100 متر
اسم مشرف الورشة أحمد - ترا الرجال ماخذ الميكانيكا دراسة - وعندة خبرة قوية في السيارات الأمريكية ومشاكلها وبرمجتها

فيه واحد يماني شايب في الورشة دايم يدخل ويطلع سيارات (غثيث ) جدا إذا جاك قله توكل على الله وخل أحمد يجي
وأحسن مافيهم إذا كان مايعرف وش المشكلة يقول لك مانعرف وش فيها بدون مايضيع وقتك أو الشغله هاذي مانقدر نسويها

الوصف الدقيق:

مخرج 17 من الدائري الشرقي - بإتجاه الغرب
ثاني إشارة بعد ماتتعدى مخرج علي بن أبي طالب تلف معاها يسار
أول تقاطع يمين - بعد 150 متر الورشة على اليسار

يمكن أول زياره لهم تكون أسعارهم مثل باقي الورش لكن من ثاني أو ثالث مرة تكون رخيصة بالحيل وقبل ما تتفاوض معاه هو يعطيك سعر ممتاز

أمثلة:

تغيير روس ورمانات الكفرات الأماية لليوكن ......... 150 جهتين عند دار السلام ------ 250 عند ميزان نجد
تغيير صوفة الدفرنس الأمامي لليوكن (شغلتها عويصة مو زي الصوف العادية ) ........ 100 ريال

تغيير سيور - فلتر هواء - زيت دفرنس خلفي - زيت دفرنس أمامي - تشييك على الكهرب .......... 100 ريال

توظيب نص المكينة العلوي (روس المكينة ) ........... 500 ريال

يعني هاذي الأمور اللي مرت علي وأنا أشوف انها رخيصة مقارنة بالورش الأخرى اللي يرقعك بمبلغ يخليك تكره الموتر

أرجو اني أفدتكم وتحياتي لكم

[فهد456]

N-xterra الله يجزاك خير ما قصرت

[فهد456]

الحمدلله صلحت سيارتي وضبطت عند ورشة الجابري واحد اسمه صالح (ابو سامي) حضرمي
وتعامله ممتاز ومحترم وتحس انه فاهم كبير بالسن عمره تقريبا" 60 وسألت واحد من العاملين عنده وقالي ان صالح الحضرمي صارله بالصناعيه 40 سنه ماشاء الله عليه
الله يوفقه ويوفقك ياتبريزه ماقصرت وشغلت التقطيع ولمنبة المكينه وبرمجة الطبلون للعربي كلاها ب(250) ريال ولا اخذت وقت نص ساعه وكل شي خالص وشغل صححححح ...

[التل الصامت]

ما عندي علم ولكن يفيدونك الاخوان ان شاء الله