ترفيع اليوكون الجديد

[ERIC7]

يا اخوان مع يوكون 2009 قصير
وودي ارفعه من قدام لان وجهيته نازله ولا ابي افك الربله لااني عجاز افكها واركبها كل مادخلت البر وخصوصا اني امسك خطوط يوميا وما اقدر امسك خط بدون ما اركبها لانها مهمه وعلى فكره مهوب مثل النوع القديم فك اللوك ومفتاح 30 وشد وارخي الموضوع هذا الغوه الله لايجزاهم خير
وودي ارفعه من ورى عشان التحميل
فياليت اذا احد مجرب وش افضل طريقة لترفيع الموتر من قدام ومن ورى ياي اطول ياي اقسى اطول واقسى بالون كعكات ماادري ولا افهم في هالامور بصراحه
اتمنا من اي احد مجرب انه يفيدني وينصحني ويفيد الجميع لان الحكات كثرت في الاسابيع الاخيره وخصوصا من قدام

[ERIC7]

كل المشاهدات ولا رد واحد
للرفع رفع الله مقداركم

[ERIC7]

للرفع مرة اخرى
الله اكبر الله اكبر

[RASHED1384]

والله ياخوي موضوعك جيد بخصوص اليوكن الجديد 2007 وانا والله مثلك ابي ارفعه بس مالقيت حل جيد حتى الان

[الدبل الثقيل]

موجود عند الامريكان .... الظاهر نظام كامل يسمونه كت ..... يمكن الرماية يجيبونه ... او شوف المنتديات المتخصصة في التطعيس والتعديل يفيدونك...

[هويدي]

فصلك كعكات على الارتفاع اللي تبي ... مثال 2سم 3سم اقل او اكثر

بس ما انصحك ترفع اكثر من 5سم من قدام لكي لا تضطر لوزن الاذرعه
ولا من ورا لكي لايرتفع القير ساحباً معه عامود الكردان مما يسبب قصره فبتالي يطلع صوت حره

ماتلاحظ ان شرحي تقل نشره أخبار على هاللغه العربيه :)

الكعكات فصل المنيوم والسعر على حسب الحجم ونت وشطارتك بالمكاسر الثنتين من 150 الى سبعين ثمانين ..

التركيب انصحك تركب عند ورشه الرمايه اللي على التخصصي

اي استفسار حاظرين لا يردك الا الرسايل

[كبسولة2]

أخوي ركب كعكات ألمنيوم مقاس 3 سم

أمام وفي الخلف

الكعكات 2 بــ 50 ريال أمامية

و2 خلفية بــ 50 ريال

وشغل يد 100 ريال

المجموع = 200 ريال

[ERIC7]

يعطيكم العافيه مشكورين على الردود مع ان فيها تناقض اللي يقول لاترفع من ورى
والثاني يقول الكعكات ممتازه والجميع مقنع واحترنا اكثر مع ان اكثر مشكلتي من قدام اما من ورى مع الركاده والتحميل الخفيف ممكن نمشي الامور وانا ما ابي ارفع المتر كثير لاني راكد في البر ومطفوق على القار و لا ابي ااثر على ثبات السياره على القار

[هويدي]

يابعدي ماقلنا لا ترفع من ورا بس في حدود المعقول

اكثر من 5 سم مبالغ فيه ويأثر على الموتر من ناحيه الرساوه وقوه المطب ناهيك عن قصر العامود

[مشحن 2009]

اذا ركب كعكات 3 سم تقريبا كم ترتفع السيارة 3 سم ارتفاع الكعكات او اكثر

[altamimi99]

فيه قطعه اسمها (leveling kit) ليفيلينج تقوم برفع السياره بامان ولكن للاسف غير موجوده الا بطلبيه من بره
ادخل على جوجل بنفس الاسم ويعطيك شركات قطع الغيار الموجوده عندهم القطعه
بالتوفيق

[عزبة بر]

والله انا مثلك ودي ارفع السيارة من قدام
معي سوبربان 2003
طيب يا اخوان وين الرماية موجود فيه ؟؟

[التل الصامت]

أخوي ركب كعكات ألمنيوم مقاس 3 سم

أمام وفي الخلف

الكعكات 2 بــ 50 ريال أمامية

و2 خلفية بــ 50 ريال

وشغل يد 100 ريال

المجموع = 200 ريال
:good:



مثل كلام اخوي اعلاهhttp://www.mekshat.com/vb/images/icons/icon10.gifhttp://www.mekshat.com/vb/images/icons/icon10.gif

[التل الصامت]

فصلك كعكات على الارتفاع اللي تبي ... مثال 2سم 3سم اقل او اكثر

بس ما انصحك ترفع اكثر من 5سم من قدام لكي لا تضطر لوزن الاذرعه
ولا من ورا لكي لايرتفع القير ساحباً معه عامود الكردان مما يسبب قصره فبتالي يطلع صوت حره

ماتلاحظ ان شرحي تقل نشره أخبار على هاللغه العربيه :)

الكعكات فصل المنيوم والسعر على حسب الحجم ونت وشطارتك بالمكاسر الثنتين من 150 الى سبعين ثمانين ..

التركيب انصحك تركب عند ورشه الرمايه اللي على التخصصي

اي استفسار حاظرين لا يردك الا الرسايل :good::good::good::good:



كلام عين العقل ولكن الله الله بالمكاسر وبتمشي امورك ان شاء اللهhttp://www.mekshat.com/vb/images/icons/icon10.gifhttp://www.mekshat.com/vb/images/icons/icon10.gif

[ERIC7]

يعطيكم العافيه على النصائح