ساعدوني بالاختيار بين هذي السيارات

[hani3]

السلام عليكم
اخواني طلبتكم تكفون ساعدوني بالاختيار بين هذي السيارات

متسوبيشي ناتيفا موديل 2007
تريل بليزر موديل 2006
شيروكي موديل 2004 او 2005
كيا سورينتو موديل 2006

يهمني في السيارة قلة الاعطال القوه بالبر
برودة التكييف

[Avalanche]

السلام عليكم




اخواني طلبتكم تكفون ساعدوني بالاختيار بين هذي السيارات


متسوبيشي ناتيفا موديل 2007


ما أعرف عنها شيء





تريل بليزر موديل 2006


أفضلهم (لكن ملاحظة: الأمريكي بشكل عام .. اذا الموتر واقف ما يبرد صح)


شيروكي موديل 2004 او 2005


أبعد ...


كيا سورينتو موديل 2006

أبعد ...





يهمني في السيارة قلة الاعطال القوه بالبر


برودة التكييف





هذا رأي شخصي .... ممكن أكون غلطان !!

[مدرس بري]

خذلك تريل بليزر افضل من ناحية الاعطال قليلة و الاستعمال في الطريق افضل من السيارات الاخرى وهي لاتقارن مع السيارات الاخرى بالقوة
والراي الاول والاخير لك
ولا تنسى الاستخارة
بالتوفيق

[.أبوعبدالرحمن]

ارى والله اعلم


علما انني لم اجرب تلك السيارات المذكورة


أن في الدرجة الاولى الناتيفا لقلة الاعطال وتوفر قطع غيارها

ومن ثم التريل بليزر

ويتليهما الشيروكي

وبعدهم وهو في الاخير الكيا


ولا تنسى الاستخارة بعد الاستشارة

[PATHFINDER 4]

المتسوبيشي والـ كيا ما أقدر افيدك (ما اعرفهن)

نصيحتي لك البليزر ( موتر له شعبيته ومتواجد بكثرة وتكييفه مايحتاج أمريكي :good: ثلج )

و بالنسبة للاعطال ما ادري

وشروكي أنواعه كثيرة انت ماحددت اي نوع اذا كنت تقصد قراند شروكي <<مب صاحي في البر :cool:

لكن الاعطال برضو ما اقدر افيدك فيها .

ومايقصرون معك الشباب

[ميمون111]

انصحك باالمستبيشي ناتيفا
هاذا اذا كنت تبحث عن سيارة قويه واقتصادية ونادرة الأعطال
بالتوفيق

[ابو محمد1991]

انا اشوف البليزر مع اخوي لاعنه وصابر وغير كذا قطع غياره مهنا ذاك الغلا وهو افضل الخيارات الي طرحتها

[دار الهوى]

الخيارات تعتمد على كم دراهمك ؟


تحياتي ، ، ،

[Riyadh City]

أعذرني يالغالي بس أختياراتك كلها غير موفقه

لكن بما انك راغب حدى هالسيارات اقولك :

المتسوبيشي افضلهم كانك تبي سيارة ذات جودة عالية وراح تكون اصبرهم على الكرف ..

البليزر اذا تبي راحه وشكل بس مشكلته كثر اعطال وما يصلح لاستخدام البر الا على خفيف ..

الشيروكي حدد نوعه ونعلمك ..

الكيا إذا تبي سيكل أربع كفرات خذها

[التعـ King ـديل]

اذا مره ملزم على هالمواتر خذلك جراند شروكي مواصفات سعوديه تلاقيه بهالموديلات مايتعدى ال 45 الف نظيف

بس يحتاج منك رعايه وتشييك دوري وراح يمشي معك تمام او خذلك شروكي 2001

[لاخلى ولى عدم]

لو تاخذلك باث فاندر 2005 2004 احسلك وقيمته زي قيمه السيارات اللي

فوق

وموفق اخوي ولى تنسى الاستخاره

[hani3]

أعذرني يالغالي بس أختياراتك كلها غير موفقه




لكن بما انك راغب حدى هالسيارات اقولك :


المتسوبيشي افضلهم كانك تبي سيارة ذات جودة عالية وراح تكون اصبرهم على الكرف ..


البليزر اذا تبي راحه وشكل بس مشكلته كثر اعطال وما يصلح لاستخدام البر الا على خفيف ..


الشيروكي حدد نوعه ونعلمك ..



الكيا إذا تبي سيكل أربع كفرات خذها


ههههههههههههههههههه عااااااااااااد سيكل ولا بعد اربع كفرات ,, موتني ضحك ,, بس والله وانا اخوك يمدحونها بقوه مكينتها 3800 سي سي وكاملة المواصفات جلد وفتحه وتخشيب ودبل خفييف وثقيل وغزال في البر ,,

عموما يعطيكم العافيه على آرائكم ,, وشكلي صرفت نضر عن كل هذي الاختيارات ,,
طيب انا حاصل لي باثفندر موديل 2002 نظيف بس ماشي 300 الف سعره 32 الف ايش رايكم .

[بعيد الهقاوي9]

متسوبيشي ناتيفا موديل 2007

[رحاال 2009]

البليزر ولا تفكر بفيرة

[نديم السهر]

زين انك صرفت النظر زين ما سويت لان البر مو اي سياره تنفعله

[أبو مسفر]

السلام عليكم
لا أعلم مالسر في اختيارك لموديلات متأخرة نوعاً ما للشيروكي مقارنة بالبليزر
وكذلك مالذي يجمع بين المتسوبيشي 2007 والكيا 2006
اذا كان ما يجمها المقارنة بين تلك السيارات هو السعر فأعتقد أن هناك سيارات تشترك مع سياراتك هذه بالسعر وتتفوق عليها بالشعبية والبيع والشراء
عندك مثلاً : البرادو ستة سلندر 2004 أو 2005 والاربعة سلندر 2006 أو 2007
وعندك مثلاً : فورد اكسبلورر من الشكل الجديد 2006
والفورد اكسبديشن 2004 أو 2005
واليوكن موديل 2003 أو 2004
وعندك مثلاً : تويوتا فورتشينر 2007
وعندك مثلاً : نيسان باثفيندر الشكل الجديد 2006
أعتقد أن جميع السيارت اللي ذكرتها لك أكثر شعبية ومحافظة على أسعارها عند البيع
وأهم شي قطع الغيار المتوفر
اللي يوفنا واياك لما يحبه الله ويرضاه