يا اهل الشرقية استفسار

[ار بي جي]

وش الحل المناسب للسيارة مع الرطوبة

[باثفندر]

وش قصدك بالرطوبة أنا من أهل الشرقية ما أشوف فيها مشكلة ؟؟؟؟

[4800VTC]

اذا جا الصيف كرر السؤال
وان شاء الله تلقى اجابة

[ار بي جي]

الاخ/ باثفندر انا جيت للشرقيه لمدة شهر وتغيرت علي السيارة من تحت اشوف الكنداسه والسست وغيره بدت تصدي والمشكله اني راجع بعد العيد ان شاء الله وسأبقى بالشرقية الى شهر سته والله يعين

[باثفندر]

وش نوع سيارتك مهيب معقولة إن السيارة تحلي بـ6 شهور ،،
يالغالي عندنا سيارات سنين لها واقفة ، من ضمنها سيارة واقفة قدام البيت من 23 سنة ولاتحرك إلا بالسنة مرة يمكن ومع ذلك مابه حلى ولامشاكل ،، أتوقع اللي بموترك هو بسبب الترميل , وتراه مهوب مشكلة لانها مهوب صدى بمعنى الكلمة بس تكون طبقة البوية راحت مع السافي بس يبقى الحديد سليم بإذن الله ،،،
إذا تبي تريح نفسك ، رش الموتر قار من عند أوتوشاين ( حماية الصدأ ) ضمان أظنه 10 سنوات ،، حول 300 ريال .

تقبل مروري ،،،،

[salehhd]

السلام عليكم

من اسهل الحلول هو غسيل البستم كل 6 او 8 اشهر مره لازاله الترسبات والاملاح من على الشاصي والبدي من داخل وهذا يقوم بأبطاء الصدى
خلاف ذلك السيارات الجديده اغلبها عليها ضمان ضد الصدى من المصنع

[ار بي جي]

اخوي باثفندر الله لايهينك على هالفايده وآسف اني طولته معك لكن وشي اوتوشاين اذا كانت محطة او ورشه ابغى الوصف بالتفصيل الممل وقبل لا انسى ترى موتري لاعبن بحسبته السافي يعني كلامك صصصصصح
كما اشكر اخوي اللي شارك معنا ولاعرفت اسمه لانه انجليزي

[باثفندر]

حياك الله أبد مهنا عجلة ،،،،

أوتوشاين محل تلميع وحماية وخرابيط واجد ،، خاماته ممتازة أمريكية مثل زيبارت والطخة هذه ،، بس إنه أرخص منهم بواجد ويعطي ضمان أكثر وترى عنده تلميع الأنوار يرجعها لك وكاله ويحط لك الحامي الشفاف ويضمنه لك خمس سنوات ( زيبارت ياخذ أكثر من الدبل ويعطيك سنتين ضمان ) ،،

قاعد أسولهم دعاية ،،ههههه ، الصراحة معاملتهم زينه ويستاهلون ، أقول لايكثر بس ،،

العنوان :
بين الخبر والدمام على السريع جنب الخبر مول في وسط محطة الحزام الذهبي .

[ار بي جي]

الله يبيض وجهك ويسود لحيتك اقصد تصير شباب وعز الله انك ما قصرت وفي امان الله