استفسار الله لايهينكم

[عاشق.المطر]

بسم الله الرحمن الرحيم

عندي استفسار بخصوص كاميرة g10 يتركب عليها عدسات واذا كان يركب هل يكون بنفس الوضوح

والكاميره فيها تصوير فيديو

وهل الكاميره تستحق الشراء بما ان سعرها 2050

[ترابيع]

اخوي عاشق المطر .. اهلا بك

ان كان عندك المام باعدادات الكميرا و عندك خلفية ولو بسيطة عن التصوير

انصحك تزود القيمة شوي و تاخذ احترافية .. عندك من الكانون دي 450 .. او النيكون دي 60

لانك لو شريت شبه احترافية ما راح تطول معك و بتتطلع للزوم العالي و المايكرو القوي ,, واللي ما تتوفر الا بعدسات متغيرة ما تركب الا عالاحترافيات

اتمنى اكون افدتك و اعذرني على كثر الهرج ..

[المدى البعيد]

مرحباً فيك عاشق المطر

بخصوص كاميره G10 كثير من صوري بنفس هذه الكاميره .. وهي تصور فيديو وايضاً تركب عليها (بعض العدسات) لكن ما اتوقع تجدها بسهوله كالكاميرات الاحترافيه ..

وانا اضم صوتي لأخوي ترابيع اخذ لك كاميره احترافيه مثل ما ذكر اخونا وتكون لك من الآن إلى ان يشاء الله وميزتها تجد عدسات بحسب الرغبه اللي تبيها في التصوير ومتوفره بسهوله وتعطيك نتائج ترضيك .. بعكس الشبه الاحترافيه اذا شريتها مع الوقت ستبحث عن الأفضل ..

وانا افضل نيكون D90 احترافيه وتصور فيديو بدقه عاليه جداً ..

تمنياتي لك بالتوفيق

[قرناس شماالي]

فادوك الاخوان وماقصرو

[عاشق.المطر]

اخوي ترابيع و المدى البعيد و صياد سكاكا

وما قصرتو والله لايحرمكم الاجر والله يكثر من امثالكم

[Bayala]

اخوي عاشق المطر
انا عندي كامرا كانون جي 10
معها شنطه وشاحن وكرتونها شبه جديده
وابي ابيع اذا لك نظر سم والله يقسم اللي فيه خير
واذا تبي منها صور عندي انزلها لك
شف صورة الريفال اللي بتوقيعي ترا مصورها من الكامرا نفسها

[مطارد القمري]

يفيدونك الاخوان

[رمال النفود]

يالغالي ..
اذا ميزانيتك ممتازة اشتر كاميرا احترافية ..
والإ خلك مع جي 10 فهي جيدة للاستخدام العادي وتعطي نتائج ممتازة لكن لا يوجد بها خيارات احترافية ..
وأنواع ومواصفات الكاميرات متعب جدا ، وميزاتيك ورغبتك فما تريد تصويره هي التي تحدد لك الكاميرا المناسبة لك .

وأنا أقول إذا أردت مجرد توثيق الصور والرحلات فإن جي 10 ممتازة أما إذا أردت الاحتراف في التصور فإن مقصودك لن تجده فيها .

وشكرا.