وش جربت من الجيوب ؟؟

[Mekshaati@]

السلام عليكم ورحمة الله وبركاته

كل عام وانتم بخير اخواني المكشاتية

ودنا نعرف تجاربكم وخبراتكم مع الجيوب

و كل واحد يقول وش المواتر اللي جربها ورأئية فيها


ولكم جزيل الشكر

[الادعج]

بالنسبه لمواتري الشخصيه من الجيوب اشتريت اثنين
الاول /ربع نيسان 92 >>>>يالبى قلبه الله يربح شاريه
الثاني /فتك 2009 >>بسم الله عليه الله يحفظه لي
هذا بالنسبه للجيوب ..اما بالنسبه للمواتر الصغار فقد اشتريت موترين
.
.
اما بالنسبه للمواتر اللي مهب لي ..فمثلا حقت الوالد :
الاول >>او بالاحرى اول واحد سقته من جيوبه ../جيب لاند كروزر 86 ..حتى اخبره فل كامل بعد:d درجه حراره ..وارتفاع عن مستوى سطح البحر>>حركااات ...والله ياهو كان ثقيل طينه
الثانى /في اكس ار 97 فل كامل >>ياحليله
الثالث/ في اكس ار 2006 فل كامل بعد ..مابطى معه
الرابع/في اكس ار 2005 فل كامل بعد..وهو الان حاليا معه الله يطول بعمره على طاعه الرحمن
والشايب حركااات ما يشري الا فل كامل ولازم قير عادي ماعدا 2006 >>>شايبي متعنصر تايوتا:d
مواتر احد من خوالي مثلا
في اكس ار 2001
فتك سلوقي 2003
جي اكس 96
ربع نيسان 99
جي ديزل 2002 >>>الله من ثقل الطينه
فوتشنر 2009 <<<حق واحد من الشباب
جي اكس 2007 <<<حق واحد من الزملاء
ربع نيسان 2005 >>>برضه حق واحد من الزملاء
وكل موتر له ايحابياته وسلبياته ..بس يبقى الفتك عندي ^زعيمهم كلهم^;)

[Mekshaati@]

ماشاء الله عليك يالادعج مشاركة دسمة ما خليت للشباب شي

ومن كلامك الفتك على راس القائمة.

ولا تنسى سلم علي الوالد وحب راسة و تراني أحب الشيبان اللي يكشخون ماهو مثل بعض الشيبان اللي راكب ددسن ورصيدة 50 مليون.

[عاشق البترول]

موضوع جميل تشكر عليه اخي الكريم:)...........
بالنسبه لي انا استعملت اول سياره باجيرو 97_كرف وهجاد ولعنت خير يازينه زينااااااااه
واستعملت وانيت جمس سيراا غمارتين دبل قير ارضي موديل2003 تبارك الرحمن
وحاليا باترول 2007 فاكه على يدي وكاله يازينه زيناه
تقبل مروري :)

[ذيب عتيبه]

السلام عليكم ورحمه الله


مجهود طيب وموضوع طيب تشكر عليه لاهنت ... وعافاك الله


بأتكلم عن المواتر اللي ملكتها

شروكي 97 رانجلر ... موتر ذرب وخفيف ووذف ... اليا بغيته ماقال لا .. واليا كسرت طارته لف قبل لاتكسر الطاره .والخفه ماهنا اطيب منه ... لكن خرباته علت كبدي

باترول باب واحد موديل 2000 ... حليو وممشاه طيب ويجيب طبلونه ماشاء الله عليه .. لكن ثقل المكينه فالبر لك عليها شوي ..ويصلح للحصا واما الرمل ماينفع ...واما الخرابات ماشاء الله مااشتكيت منه

فكسار 91 ... الله لايعيدها من شريه ... عل كبدي بالثقل ... كنك تسوق حراثه ... لكن مميزاته حلوه واطيبها ماشاء الله عليه ماتحس بمطبه فالبر ... ومستحيل ماشاء الله عليه يغرز واليا غرز ولو في اكبر طعس بالثقيل ويطلع وقوه السحب عنده ممتااازه ان بغيت يسحب باص مغرز سحبه

موتري حاليا شاص نيسان 89 ... مااشاء الله تبارك الرحمن ...اطيب المواتر اللي شريتها الى الحين على قدم موديله لكن ماشاء الله تبارك الرحمن حصان ...ومعتبره خوي ساعات العسر ولا عمره خيب ضني فيه



هذي كل المواتراللي شريتها ... وطبعا هذي المواتر بر .. مااحركها فالديره .. لوجود سياره للديره


ولاهنت يالغالي على هالموضوع

[ونش]

موتري حاليا

[صدق النوى]

السلام عليكم ورحمة الله وبركاته
أحب أقول للأخوان الله يعطيكم خيرها ويكفيكم شرها
اول موتر شريته باترل ربع 84 والله ما ينظلم حليو بس ذبحني بالخرابات
ثاني موتر والحالي باترول 90 ربع الله يبارك لنا فيه الصراحه موتر بر نشاط وخفه

[فتك شرقاوي]

السلام عليكم ورحمة الله وبركاته

حياك الله اخي الكريم انت والاخوة الاعضاء ولك الشكر على هذا الموضوع الشيق

بالنسبة لي هذه تجربتي مع سيارات الدفع الرباعي :

1- ونيت جمس سييرا دفرنشين غمارتين ، مكينته قوية ما عليه كلام لكن كانت مشكلته الثقل في الرمل كان يفتقر للخفه

2- جيب لاندروفر دفندر 4 ابواب موديل 1984 في الحقيقة مافي مثله في الرمل خصوصا ان مكينته 8 سلندر . لكن مشكلته انه كان يفتقر لكل اساليب الراحه ، يعني كان دفش زياده عن اللازم

3- لاندكروزر فل اوبشن خليجي قير اوتوماتك موديل 1993 كان جيب ممتاز فيه كل مواصفات الراحه والرفاهية واستمتعت بإستخدامه

4- لانكروزر فل اوبشن موديل 1996 قير عادي تجربتي معاه كانت افضل من تجربتي مع سابقه لان القير عادي هناك فرق طبعا

5- لاندروفر دسكفري 4 ابواب موديل 2000 في الحقيقه هذا من افضل الجيوب التي استخدمتها على الاطلاق . كنت اشعر وانا فوق الرمال انه يسبح سباحة ولا يرده لا طعس ولا غيره ، موتر قوي مكينته 8 سلندر وفيه معظم اساليب الراحه لكن مشكلته كانت الوكاله ، قطع غيار ناقصه وغاليه وصيانه سيئة

6- نيسان سوبر سفاري فل اوبشن موديل 2002 حقيقة بعد ما جربته لمت نفسي اني ما اقتنيته من قبل . موتر ما عليه كلام

7- نيسان سوبر سفاري فل اوبشن 2004 ...... بدون تعليق

8- نيسان سوبر سفاري فل اوبشن 2007 ...... ما زلت مستمتع بإستخدامه

حقيقة بالنسبة لي ، النيسان ماله مثيل . صحيح ان اللاندروفر دسكفري اقوى في الرمل ، لكن هناك فروقات كثيرة تجعل الفتك يتربع على القمة بلا منازع

وبمشيئة الله ، انتظر نزول الشكل الجديد من النيسان ونبي نشوف الفرق بينه وبين الشكل الحالي

هذي تجربتي مع سيارات الدفع الرباعي ، وعذرا على الاطاله

لكم تحياتي

[مدمن فتك]

بالنسبه لي:
شروكي باب واحد 99 : بالبر خفيف ونمرته الثانيه طويله واستهلاك بنزين حلو لكنه مايتحمل الجور قوة سحب رائعه
شاص 2006 بريمل فل كامل: بالتحميل لايضاهى ابدا باي سياره ثقيل بالبر نوعا ما لايعرف ماهي قطع الغيار استهلاك بنزين عالي غير مريح بالخط ابدا
سفاري 2 موديل 2009:كنق بالبر وبالخط سريع الاستجابه استهلاك بنزبين فوق المتوسط مواصفات داخليه حلوة
(الفتك ولاشيء غيره)

[ابويارا1001]

انفوي 2003
تريل بليزر 2003
برادو vx2003
gxr 2004
باترول ربع 1990 وهو اولهم وما زال عندي والباقي بعتهم

[سفاري959]

السلام عليكم اول سياره باترول ربع 98 وكان حلووبعده سوبر سفاري 93 وكان من افضل الجيوب اللي استخدمتها بعده سفاري 92 متعوب عليه واخو الجديد انسرق من قدام البيت الله يخلف بعده سوبر سفاري 97 ممتاز خفه ورزه ماشاء الله عليه والان اس جي ال 99 حليل بس موتر في الخط احسن منه في البر ولازلت اقول القديم اقوى من الجديد في البر والسحب طبعا استثني الفتك ماعليه كلام اسف على الاطاله ومشكور على الموضوع الشيق تحياتي للجميع

[الظلماوي]

اول جيب عشة شراع موديل 78تايوتا له من الذكريات الكثير
جيب رانجلير 91 وكان من امتع السيارات التي اقتنيت
gx-r2000خليجي الجيب الي مابعده جيب
والان معي باث فندر 2004وشاص 2004وشاص في البر اذاكان مجهز لادور موتر بعده
وشكرا"

[الكونترولCONTROL]

و عليكم السلام و رحمة الله و بركاته
------
1- جيب ربع تويوتا 92 ( سنة و نصف ) قمة في القوة و التحمل
لكن قمة أيضا في الضيق و قطعة الظهر !! لكن أنا أشهد انه موتر بر و بس !!
2- سوزوكي فيتارا ربع - 1994 - 8 شهور مريح و زين بس حساس جدا
3- باترول sgl 1999 ربع ( 3 سنوات )
أفضل سيارة سقتها في حياتي !! و ما تحسفت على بيعة سيارة مثله !!
4- جي اكس ار ديزل 2002 ((3 سنوات ))
ممتاز جدا للطرق الطويلة لكنه بالديرة ما يشجع بالحيل مع انه أفضل من كثير من السيارات
5- vxr 1998 كمل معي الان 6 سنوات و كل ما جيت أبيعه أتراجع !!- أقوى سيارة جربتها
ممشاه ممتاز و بالخطوط ممتاز و واسع - يعيبه الصيانة صعبة و غالية .
و جربت 3 أنواع من الشيروكي لمدد قليلة جدا !! ما توالفنا يعني !!
لأني أروح و ارجع في النهاية عند تويوتا و نيسان !!

[قرقس الكشتة]

بسم الله الرحمن الرحيم
أنا جربت جيبين فقط
الأول: لاندكروزر Gxr 2005 صراحة مواصفاته حلوة ومريح جداً بس به قل عزم غير طبيعي بالنفود ولايساعدك أبد بالنفود يالله يمشي نفسه (( تجربة حلوة ولاشكيت منه شي إلا قل العزم ))

الثاني : فتك 2009 الراحة أقل من اللاند بمراحل لكنه ماشاء الله به والله النشاط يفز فزة خيل ماشاء الله
ومايبلشك بالنفود أبد (( تجربة حلوة جداً جداً جداً والله يخليه لــي ))

ولكم تحياتي
وتقبل مروري

[ابو فهد حاايل]

انا جربت :
باترول 98 والله لك عليه
والثاني شاص 2006 بعته بسبب حاجتي الماديه
والأن جي اكس آر 2000
وافضلهن واللي انبسطت عليه الشاص وعقبه الجي اكس
وتقبل مروري

[sa3d]

اول جيب سلق نيسان موديل 99 وكان ماشاء الله ممتع جدا في البر وخاصه النفود:D وكان يطلب قطع غياروالصراحه الوكاله كرهوني في السياره بسبب الخدمه وبعيتي له كانت بسبب صرفيه البنزين بالعربي مايزبن في البر..:mad:


بعد شاص 2003 بس ديزل الصراحه موتر ماعليه اروح الصمان وارجع واروح مره ثانيه وانا ماعبيت بس اتعبني مايمشي في الخط:mad: ولاقد طلب شي اللهم لك الحمد وموتر ينشد فيه الظهر وبعدها بعناه..


بعدها شاص 2009 بريمي بس هالمره بنزين واتوقع الي يجرب الشاص مره مايقدر يستبدله بموتر ثاني لان من ناحييتي اعتبره السياره الاولى في البر...وهاذا الي عندي:)

[التعـ King ـديل]

الجيوب اللي سقتها ولا احد يقول متعصب نيسان بقول الحق

ربع 89 حلو وخفيف بس ماارتحت فيه

سوبر سفاري 91 من احلا المواتر اللي سقت خفه وعزم

سوبر سفاري 92 من احلا المواتر خاصه انه جلد ودفلك وحركات

باترول قناص ( مواصفات قطريه ) 97 موتر خفيف وكان رفيق دربي سفر وديره

باترول جي ال 98 من احلا الموديلات واكثرها صبر

سوبر سفاري 98 فخامه + قوه وخفه

سوبر سفاري 2002 فتك ماعليه كلام

سوبر سفاري 2005 مااقدر اقول غير ان الجيب نيساني وبس

باثفيندر 2005 ابداع وقوه وخفه

جي اكس ار 2003 مع احترامي بطه ثقيل بالحيل

جي اكس 2004 هدد حلو بس عيبه مطبه قاسي

برادو 2004 بصراحه كل موديل عن اللي قبله يزداد حلاوة بعيني

[Mekshaati@]

ماشاء الله عليكم يا شباب وعلى تفاعلكم خبرات مفيدة و ثمينة وذكريات ممتعة مع الجيوب .

وأشوف الأغلب منكم لحد الأن يفضل الباترول ويشهد له.

مشكورين أخواني على مروركم فرداً فردأ ..

حفظكم الله من كل سوء وبارك لكم في جيوبكم .

وتقبلوا فائق إحترامي وتقديري.

[ابودعسان]

انا بالنسبه لي
اول موتر سقته قبل 17 سنه كان للوالد ومازال عندي من حبي له
لاند كروزر 83 صالون جلس معي 6 سنوات ايام الطهبله صح ثقيل بس اغليه
بعده ددسن 91 ثم 2003
حاليا باثفندر 2005 خفه وطرب

[غربي هواوي]

بالنسبة للسيارات والونيتات حدث ولا حرج
اما الجيوب

1- ربع تويوتا موديل 91
2- لاندكروزر gxr2002 حاليا معي

[آل زايد502]

يعطيك العافيه على الموضوع
اول سياره ياطويل العمر ربع تايوتا 89 ميزته خفيييف بس يكسر الظهر ومطبه قاااااااسي
والي بعده سلفرادو 2001والله انه عز المواتر بس مشكلة طبلونه 160

[Mekshaati@]

ابودعسان

غربي هواوي

آل زايد502

مشكورين أخواني على تفاعلكم وردودكم.

[سيف الظفير]

جمس 8100 2006
شاص 2008
والحين جيب باترول سوبر سفاري موديل 99 ولكن خااااص وحصري موتر مكمل ومجهز للمقناص بأغراض قيمتها فوق 15000 ريال والحمد لله ممشاه 160.000

[مخاوي الذيابه]

المواتر اللي جربتها ..
1- ونيت جمس 2005 قطعه 25<<<ما شاء الله تبارك الله

2- شاص 2006 خليجي<<< ما يحتاج مدح ..

3-اف جي 2009<<<ممتاز جميع النواحي لكن عيبه الضيق بداخل السيارة..

4- باترول سوبر سفاري 2009 <<< لا إله الا الله هذا يقول ما احد حولي ...

[BATH 2003]

موضوع رائع جدا

سيارات الدفع الرباعي اللي جربتها:

بليزر موديل 80 مكينة 400 راحة و قوة لاكن خرابات و مشكلة الحرارة

باثفايندر موديل 2003 راحة و قوة لاكن برضو خرابات و بالأخص حساس منظم الهواء

يوكن 2001 مريح و وسيع لاكن حساس

باترول ربع 1992 و بصراحة تم اضافته لدفتر العائلة لايشتكي كثير و قطع غيارة رخيص و معقول و متوفر بكثره و اللي عنده خلفيه بسيطة في الامور الميكانيكية او الكهربائية (( او عضو في مكشات )) بيستمتع في وقت فراغة بتصليحه في البيت .
و سواقته مريحه و خفيف و عيبه الشنطه صغيره لاكن الحل ( تركيب السله ) آآه كم عشقت هذه السيارة.

[غربي هواوي]

مشكور اخوي على الموضوع

ويعطيك الف عافية

[س ل ي م ا ن]

اللي سقتهن(حقات الوالد)

باترول 97 صالون موتر ولا كل المواتر تمنيت أنه ماأنباع
لاندكروزر 2003 بريمي بطه يعني بعد ماتطلع رجلك من الكبوت يمشي


باثفندر2003 وهو موتري حاليا موتر لايعلا عليه لكن يبي أحد يعرفله

[Mekshaati@]

الله يعطيكم العافية يا شباب على التفاعل مشكورين وجزاكم الله خير

[NissaN 1990]

باترول موديل 90 أربع أبواب gl بالخط ماهو راسي ويرده الهواء والطلعات وبالبر ممتاز
جمس صالون دفرنسين بسراحه مافيه قصور وقوي ومطبه زين ونفسه طويل خط وبر
جيب باترول باب واحد موديل 95 بسراحه قوي وعملي بس بالخط لك عليه
جيب باترول فتك موديل 2002 بسراحه ممتاز ولا يعلى عليه بالخط وبالبر

واللي تحت أستخدامي الآن الجمس الصالون والباترول ال 2002


والجيوب عموماً من 2002 وفوق ممتازه بالبر وبالخط مافيه مثلها وخفيفة نفس بس ماهي مثل ال GMC من ناحية التجربه الأمريكي قوي ونفسه طويل ومركبه مريح ،،،

[GX-R 2001]

انا قد جربت جي اكس ار 97

ونيسان باترول 99

وجيب جي اكس ار 2001 <<<جيبي ماشاء الله عليه عزم

وجيب الوالد جي اكس ار 2010

وولد عمي شاص 2009

وعمي الثاني في اكس ار 2009

[العبله]

انا استخدمت سفاري 97 اربع ابواب
والثاني
ربع نيسان 2001 فل والحمد لله ما عليه كلام موتر الى الان ما شفت عليه شي ولاني ما لي فتره شاريه ما اقدر اعطيك علمه كامل.
وسلامتكم

[S4500]

اما انا جربت موترين لاند و الباترول

لاند 2006 : مريح و حلو لاكن عزمة بايخ

باترول 99 بخاخ : سيارة ما فية مثلها لانها اول سيارة اسوقها صدق ثقيل

لاكن في الخط راسي و يمشي على الاند 2006 لان باترول يمشي 200 كم براحة

مو مثل الاند

[مجنون باترول4800]

موتري
اولا جيب شروكي98
برادو 97 وهي اللي كان علية الكلام والروحات والجبات
فتـــــــــــــــــــــــــــــــــــــــــــك سوبر سفاري ماينقص شي عن الفل الاقير عادي وبعت الموتر مجبوررر
هدد2006
باثفندر2004
هيلوكس 2004
جمس حوض قطع 10 من اجمل السيارات
ولان هدد 2002 فل والموتر للبيع
وان شاء فتك 2005 وفوق
اما السيارات اللي سقته فاعدد وغلط
مشكور يالغالي على الطرح الرئع

[moooj]

لاند 82 ماتدرين انت على ازفلت والا بر والا جبل .... مناقز ورجه لكن الله لا يعوق بشر ماشي ماشي ولا يرده شي وجاه جور بسنتين عن ممشا 500000000 كلم ولا اشتكى
فورد f250 1991 والله الموووووووتر خفة وراحة وقوة تفوق الخيال لكن وقتها قطع الغيار ما تلقى بعضها ولامن خرابات

[Mekshaati@]

صراحة ماقصرتو وبيض الله وجيهكم كلن بإسمة على المشاركة والتفاعل بنقل تجاركم للأخوان

وإن شاء الله الكل يستفيد من خبراتكم والله يجعلة في موازين حسناتكم

و أتمنى من الجميع المشاركة بطرح تجربتة لتعم الفائدة .

[عاشق الحيسية]

معي لاندكروزر Gxr 2001 قير توماتيك فتحه وونش

الحمد لله كل شي تمام قوة وتماسك وراحة..

[Mekshaati@]

مشكور أخوي عاشق الحيسية على المشاركة وإبداء الرأي.

[مقدم الطيب]

اول جيب استخدمته ربع باترول 91اخذته ماشي 60 الف صراحه عزم وراحه في الخط البدي صراحه ضعيف ومكينه والقير والدبل جباره وبعده استخدمت جي اكس ار 96 سياره متماسكه عزمه ضعيف شوي وبعده استخدمت جي اكس ار 2001 اوسع من القديم واريح اذا شديت عليه بالنمر تحس بضعف المكينه والا تعديت 140 تسمع صوت المكينه مااعجبني صراحه بعته وشريت vxr 97 تماتيك ومعي الي يومك صراحه ماعليه كلام قوه وما يتغير عليك وين مارحت عيبه قاسي شوي ماشي 40000الف وعليها وماضن ان تيوتا يجيبون سياره افضل منه للبر ودي ابيعه واخذ سياره جديده لكن وش البديل افكر جمس او بالنيسان الجديد بس خايف من مشاكلها.

[خ الفياض]

السلام عليكم
الموتر اللي شريتها كثيررره
واذكر منها الجيوب
جيب ربع93 و91
مايحتاج تاريخهن معروف
باث 2001 طول معي حول ال سنتين وجهزته وكملت للبر لكن عفته بعد خراب به علني والحمد لله بعته بعد ماسويته ول يومك هذا ماشاء الله سالك وابرز عيوبه صرف بنزين مو طبيعي وماهناك راحه بس المميز فيه خفته و قوة دبل على سنه
جي اكس ار99 خليجي تماتيك رسمي ورايق و ياسلام سلم الموتر كان نظيف ب الحيل لكن كان به رجه خفيفه وحليتها يوم خميس ويوم الاحد راح تشليح والحمد لله اني طلعت سااااالم منه بس والله موتر لك وللزمن ولا كان عندي نيه اغير

تاهو 2002 ماطول ولا عجبني كثير كبير علي بالمره
تاهو 2001 دبل ما استخدمته كثير ولا كنت ناوي اخليه جاني مكسب وراح برزقه
ثم طبيت وااااااقف ولله الحمد ل يومك هذا اشكر الله وان شاء الله على طول
برادو 2005 عايدي 6 نمر نظيف بالحيل موتر تتعبت وانت تقول موتر وكنت راح اسجله ب دفتر العائله لكن واحد الله يصلحه ويحفظه لي دخل عليه عرض اللي هو برادو2006 تماتيك هيدروليك شريته وجهزته للبر ثم بعت العايدي
بالنسبه للبرادو العايدي خفه وقوه غير طبيعيه ماشفته ب الجيوب ابد
والتماتيك فضلته ل اجل الراحه عن العايدي ولا العايدي طرب لك كلن له زمانه وانا ما عاد مثل اول ولله الحمد

عموما البرادو انا مسميه الجندي المجهول ل تايوتا وان شاء الله ما راح افرط فيه بر بلد سفر خط ......الخ وش بغيت يارب لك الحمد ممتاز بالنسبه لي الله يحفظه

طبعا بين هالجيوب كم سياره صغيره
ولله الحمد كلهن من حر ماااالي ول للوالد
اااااااااااه لاتذكروني ب92 الجي اكس والقصه تطول والقائمه تطول خلوني اقصرها بس هنا
وسلامتكم يا النشامى

[ابو سلطان1234]

سوبر سفاري 99 مع انه ثقيل على الخط ويصرف بنزين ماشي 113 ألف لكن والله ما ندمت على موتر بعته زي ما ندمت عليه
اكسبديشن 2005 ولا زال موجود ومافي ازين منه

[عاشق السيل]

والله ما أقدر اعد السيارات اللي جربتها بالبر ،،،

جربت اللاند والباترول والجمس والهايلكس والددسن والشروكي والكيا والسزوكي وونيت المازدا والباجيرو ،،، وغيرها !!

بعضها موديل واحد وبعضها أكثر من موديل واكثر من فئة !!!

واللي مابعد جربتها : الهمر والبرادو والإكس تيرا والفورتشنر والإف جي والهوندا والهونداي والفورد بأنواعه والألماني كله .....

والأفضل عندي ( اللاند والباترول ) .... آسف على الإطالة !!

[Mekshaati@]

مقدم الطيب

خ القناص

يعطيكم العافية على المشاركة بتجاربكم وجزاكم الله خير

[هولاكو1]

السلام عليكم ورحمه الله
اول سياره بليزر 82 سياره تجمع بين القوه والراحه والصيانه الغير مكلفه ولازلت ندمان على بيعتها
الله يرزق شرايها. :good2:
ثاني سياره بليزر 84 مكينه 305 ما طول بعته بعد فتره قصيره .
ثالث سياره يوكن ربع 99 فاكه وكاله خلال خمس سنوات لم يكلفني الا القطع الاستهلاكيه مع اني اجور على المواتر وخاصه بالبر وعموما السياره اذا اكرمتها اكرمتك لا تبخل عليها بالصيانه والقطع وهى تطربك.
رابعا جيب فورنتشر 2008 خفيفه قويه تطربك بالبر المشكله فيها المساحه الداخليه والكلتش جنني .
حاليا محتار بين الغماره ونص GMC HD 2500 و fj :looney:

[وميض البرق]

انا كان موتري جيب 2004 جكس ار
وبعته وشريت لكزس 2005

[Mekshaati@]

اول جيب استخدمته ربع باترول 91اخذته ماشي 60 الف صراحه عزم وراحه في الخط البدي صراحه ضعيف ومكينه والقير والدبل جباره وبعده استخدمت جي اكس ار 96 سياره متماسكه عزمه ضعيف شوي وبعده استخدمت جي اكس ار 2001 اوسع من القديم واريح اذا شديت عليه بالنمر تحس بضعف المكينه والا تعديت 140 تسمع صوت المكينه مااعجبني صراحه بعته وشريت vxr 97 تماتيك ومعي الي يومك صراحه ماعليه كلام قوه وما يتغير عليك وين مارحت عيبه قاسي شوي ماشي 40000الف وعليها وماضن ان تيوتا يجيبون سياره افضل منه للبر ودي ابيعه واخذ سياره جديده لكن وش البديل افكر جمس او بالنيسان الجديد بس خايف من مشاكلها.

ماشاء الله خيرة جيوب أخوي مقدم الطيب وبيض وجهك على المشاركة

[واثق الخطوه-]

أول جيب اركبه هو سفاري 2 موديل2009 لؤلؤي تماتيك ماشاء الله موتر

[ناصر الدهمشي]

باترول 93 ربع لمدة سنتين

باجيرو 99 لمدة اربع سنوات

باترول 98 لمدة ثلاث سنوات

قريباً عام 2025م باترول 2010

[بدر00]

اول موتر بالنسبة للجيوب
1- شروكي ب2000اب واحد يازينة في الخط والبر بس عذروب واحد (( الحـــــــــــرارة ))
2- باثفايندر 2005 والله ونعم الاسم ذيب في كل شي واذا طلبته مايردك
3- لاندكرورز Gx شيخ بالوقفه واودك الا تناظر فيه ولكن فيه بعض العذاريب ثقيل وحنه بالخط كنك
راكب وسوير بان قديم (( بالنسية لصوت المكينية )) ويطلب من القطع كنه يحس اذا نزل الراتب
على طول يخرب فيه شي واقرب مثال بالنسبة لي قبل شهر خرب كلتش المروحة والحين الدودة ماأني
اهتم قيه اهتمام غير طبيعي لدرجة ان ام العيال تغار منه
*****
والافضل من بين الثلاثة هو الباثفايندر

[خالدي البره]

الجيوب اللي جربتها :

1 جيب شروكي 97 نشيط ويطربك في النفود بس ابو الخرابات يعني كل شهر لازم تحط فيه العده الفلانيه

2 لاند كروزر 2005 gx الموتر يعجبك في كل شي بس نفسه ثقيله شوي وخاصتنا اذا ركبت عليه البالون يصير ثقيل شوي في النفود اما في غيره فخذ ولد سحب ومطاليع مايقصر

[((ابوملاك))]

والله صعب تعدها بس اللي ادكر

جي اكس ار 2006

جي اكس ار 2001

شاص

فورد وانيت 96

جي في اكس ار احمر موديله بالتسعينات بس كم مدري

ددسن

ددسن دبل دفرنسين موديل 85 ديزل

جيب ناتيفا ميتسوبيشي 2004

جيب فورتشنر 2010

جمس 2004

جمس دينالي 2005

[جمس الشمال]

ياجماعه انا سقت تايوتا ونيسان ويوكن وكل سياره لها ميزه

لاكن الشهاده لله

الباجيروو خالف توقعاتي بشكل كبير

ولولا قطع غياره الغاليه ماركبت غيره

[ابوعليa.a.m]

أول موتر شريته(خضور) حوض غمارة شفر 81
ثم سلقه99 وماطول أسبوع
ثم شروكي2003
ثم فتك 2002 sgl-v عطية الله موتر ولا كل المواتر
ثمك سلقه 99
ثم هدد 2006

[الادعج]

بالنسبه لمواتري الشخصيه من الجيوب اشتريت اثنين

الاول /ربع نيسان 92 >>>>يالبى قلبه الله يربح شاريه
الثاني /فتك 2009 >>بسم الله عليه الله يحفظه لي
هذا بالنسبه للجيوب ..اما بالنسبه للمواتر الصغار فقد اشتريت موترين
.
.
اما بالنسبه للمواتر اللي مهب لي ..فمثلا حقت الوالد :
الاول >>او بالاحرى اول واحد سقته من جيوبه ../جيب لاند كروزر 86 ..حتى اخبره فل كامل بعد:d درجه حراره ..وارتفاع عن مستوى سطح البحر>>حركااات ...والله ياهو كان ثقيل طينه
الثانى /في اكس ار 97 فل كامل >>ياحليله
الثالث/ في اكس ار 2006 فل كامل بعد ..مابطى معه
الرابع/في اكس ار 2005 فل كامل بعد..وهو الان حاليا معه الله يطول بعمره على طاعه الرحمن
والشايب حركااات ما يشري الا فل كامل ولازم قير عادي ماعدا 2006 >>>شايبي متعنصر تايوتا:d
مواتر احد من خوالي مثلا
في اكس ار 2001
فتك سلوقي 2003
جي اكس 96
ربع نيسان 99
جي ديزل 2002 >>>الله من ثقل الطينه
فوتشنر 2009 <<<حق واحد من الشباب
جي اكس 2007 <<<حق واحد من الزملاء
ربع نيسان 2005 >>>برضه حق واحد من الزملاء

وكل موتر له ايحابياته وسلبياته ..بس يبقى الفتك عندي ^زعيمهم كلهم^;)


خخخخخخخخخخخخخخخ
ولايهون الـــ 2003 اللي قبل 92 مادري شلون نسيتك ...ماتذكرت الا ما بعد جاء طاريك بالسوالف;) وعقب ماشفت ردي القديم هذا . تذكرتك ...وماهنت علي الا أكتبك...اسمحلي يالـــ 2003 :D :D

[كموص]

1- رانج روفر 1990 --- 2- مرسيدس 1997 ---
3 - لاندكروزر 2005- سيارات عادية .
أرجلهم في التغاريز , قطع سيول , صباخ مهولة , طين سيول وأمطار من أصعب ما رأيت ورآه آخرون معي كان جيب !!!
مرسيدس !!!:good:.

[wafi4sa]

جربت الباترول كويس
اماااااااااااااااا Gxr ان اشهد انه عله ودبله كبد
لا ينفع بالديرة والا البر والسفر
خرطي بخرطي والناس طايحة فيه وهو مايسوى
وانا الآن معي امريكي اقل شي سفر احسن منه بكثير

[Mekshaati@]

السلام عليكم
الموتر اللي شريتها كثيررره
واذكر منها الجيوب
جيب ربع93 و91
مايحتاج تاريخهن معروف
باث 2001 طول معي حول ال سنتين وجهزته وكملت للبر لكن عفته بعد خراب به علني والحمد لله بعته بعد ماسويته ول يومك هذا ماشاء الله سالك وابرز عيوبه صرف بنزين مو طبيعي وماهناك راحه بس المميز فيه خفته و قوة دبل على سنه
جي اكس ار99 خليجي تماتيك رسمي ورايق و ياسلام سلم الموتر كان نظيف ب الحيل لكن كان به رجه خفيفه وحليتها يوم خميس ويوم الاحد راح تشليح والحمد لله اني طلعت سااااالم منه بس والله موتر لك وللزمن ولا كان عندي نيه اغير

تاهو 2002 ماطول ولا عجبني كثير كبير علي بالمره
تاهو 2001 دبل ما استخدمته كثير ولا كنت ناوي اخليه جاني مكسب وراح برزقه
ثم طبيت وااااااقف ولله الحمد ل يومك هذا اشكر الله وان شاء الله على طول
برادو 2005 عايدي 6 نمر نظيف بالحيل موتر تتعبت وانت تقول موتر وكنت راح اسجله ب دفتر العائله لكن واحد الله يصلحه ويحفظه لي دخل عليه عرض اللي هو برادو2006 تماتيك هيدروليك شريته وجهزته للبر ثم بعت العايدي
بالنسبه للبرادو العايدي خفه وقوه غير طبيعيه ماشفته ب الجيوب ابد
والتماتيك فضلته ل اجل الراحه عن العايدي ولا العايدي طرب لك كلن له زمانه وانا ما عاد مثل اول ولله الحمد

عموما البرادو انا مسميه الجندي المجهول ل تايوتا وان شاء الله ما راح افرط فيه بر بلد سفر خط ......الخ وش بغيت يارب لك الحمد ممتاز بالنسبه لي الله يحفظه

طبعا بين هالجيوب كم سياره صغيره
ولله الحمد كلهن من حر ماااالي ول للوالد
اااااااااااه لاتذكروني ب92 الجي اكس والقصه تطول والقائمه تطول خلوني اقصرها بس هنا
وسلامتكم يا النشامى



سوبر سفاري 99 مع انه ثقيل على الخط ويصرف بنزين ماشي 113 ألف لكن والله ما ندمت على موتر بعته زي ما ندمت عليه
اكسبديشن 2005 ولا زال موجود ومافي ازين منه


الله يجزاكم خير على المشاركة الطيبة

[مجالس الرجال]

بسم الله ابدا
تجاربي اكثرها تويوتا ويوم طلعت لم النيسان اشوي وبغت تجين صدمه نفسيه عن سيارات الدفع الرباعي
وكانت التجربه لسفاري 2009 شريته وكان ممشاه 7000 كيلو فقط ومن كثر ما اسمع من متعصبيه
قلت اخاف احط رجلي يطير بالهواء من نشاطه ولكن للاسف كان بالامكان لو تعاونو الشباب اللي معي كان افتحو البيبان وقفوه برجليهم
نرجع للتجارب طبعا اكثر الجيوب اللي استعملته من التويوتا كانت 6 سلندر ومعطيه حجمه من ناحية النشاط
يعني مقبول نوعا ما حتى موديل 2008 gx-r
لكن من ناحية النشاط والخفه والمتانه استعملت البرادو والاف جي والفورشنر
وعن تويوتا لاتبعد لاني عشتها واقع وتجربه وجربت النيسان وخصوصا الخبل الباثفندر

[أزحف سعودي]

أستلم المآيك
جربت أكثر من سيارهـ
1- جمس 95 صالون 454 دبل ,,, قوي لكنه والدبل والقير يطقن سلام السلام ثقيل وما يسوقونه البزران
2- لاندكروزر جي إك آر 8 سلندر تماتيك ,, بصرآحه فرق شآسع عن القديم وقوهـ خياليه وتماسك ومريح و بالخط رسآوة مب رسآوة سيارة يبانيه إستجابة لطلب لسرعه سريعه وممتازه ولا ينقصوهـ غير الرفعه وميزاته الداخليه أكثر من جميله


السيارات اللي إقتنيتهن
1- يوكن 99 باب وآحد ,, ما يقول لا , محرك جبآر , راحه ورساوه وومرقا ممتاز وشكل جذاب
لكن عيوبه غطت على ميزآته للضعف التحمل للمحرك و القير و الدفنس ووزنه يساوي وزن السوبربان 2007 وفوق أي 2800 كيلو يعني إذا غرز غررررز
"" فكآنت حياتي معه عسيره و ما كنت أتحمله إلا لأني من عشاق الجموس "" ,, فالجموس قوة وراحة ومتانه لكن ما تصلح للإستعمال اليومي والشبابي في آن وآحد

2- باترول سفاري sgl 95 بخآخ خليجي جمــــيل لا وقفه ولا فزه ولا صبر
محركه ولو إنه ضعيف نسبيآ مقارنة بالحجم لكن السيارة متمآآآسك ,, وما ودك إلا تشوفه إذا حطيتوهـ بالأول عند الإشارة وفز
قير مكينة دفرنس <<=========== جبآآآرات والدليل إنهم يغيرون مكينتها ويركبون ls1 وغيرها والقير والدفرنس ما درى
ولعل ما ينقصه إلا إقتصاده للوقود وصغر حجم تانكي البنزين
والحل بتكبير التانكي من 70 لتر إلى أن يصل إلى 170 لتر

الخلاصه للي يبي البر وراعي لعن "" الباترول 97 وأنت نآزل والبخآخ أزين ""
أما اللي مب راعي لعن وعندوهـ قروش ويبي الراحه فـــ "" اللاندكروزر 2008 وفوق 8 سلندر "" هو خير إختيار


,,,, نأسف على الإطاله

[Mekshaati@]

السلام عليكم
الموتر اللي شريتها كثيررره
واذكر منها الجيوب
جيب ربع93 و91
مايحتاج تاريخهن معروف
باث 2001 طول معي حول ال سنتين وجهزته وكملت للبر لكن عفته بعد خراب به علني والحمد لله بعته بعد ماسويته ول يومك هذا ماشاء الله سالك وابرز عيوبه صرف بنزين مو طبيعي وماهناك راحه بس المميز فيه خفته و قوة دبل على سنه
جي اكس ار99 خليجي تماتيك رسمي ورايق و ياسلام سلم الموتر كان نظيف ب الحيل لكن كان به رجه خفيفه وحليتها يوم خميس ويوم الاحد راح تشليح والحمد لله اني طلعت سااااالم منه بس والله موتر لك وللزمن ولا كان عندي نيه اغير

تاهو 2002 ماطول ولا عجبني كثير كبير علي بالمره
تاهو 2001 دبل ما استخدمته كثير ولا كنت ناوي اخليه جاني مكسب وراح برزقه
ثم طبيت وااااااقف ولله الحمد ل يومك هذا اشكر الله وان شاء الله على طول
برادو 2005 عايدي 6 نمر نظيف بالحيل موتر تتعبت وانت تقول موتر وكنت راح اسجله ب دفتر العائله لكن واحد الله يصلحه ويحفظه لي دخل عليه عرض اللي هو برادو2006 تماتيك هيدروليك شريته وجهزته للبر ثم بعت العايدي
بالنسبه للبرادو العايدي خفه وقوه غير طبيعيه ماشفته ب الجيوب ابد
والتماتيك فضلته ل اجل الراحه عن العايدي ولا العايدي طرب لك كلن له زمانه وانا ما عاد مثل اول ولله الحمد

عموما البرادو انا مسميه الجندي المجهول ل تايوتا وان شاء الله ما راح افرط فيه بر بلد سفر خط ......الخ وش بغيت يارب لك الحمد ممتاز بالنسبه لي الله يحفظه

طبعا بين هالجيوب كم سياره صغيره
ولله الحمد كلهن من حر ماااالي ول للوالد
اااااااااااه لاتذكروني ب92 الجي اكس والقصه تطول والقائمه تطول خلوني اقصرها بس هنا
وسلامتكم يا النشامى



ما شاء الله
البرادو يستاهل
الله يعطيك خيره ويكفيك شره
واشكرك على اضافتك

[Mekshaati@]

سوبر سفاري 99 مع انه ثقيل على الخط ويصرف بنزين ماشي 113 ألف لكن والله ما ندمت على موتر بعته زي ما ندمت عليه
اكسبديشن 2005 ولا زال موجود ومافي ازين منه

ماشاء الله السفاري مسيطر على تجارب أغلب الشباب

بيض الله وجهك أخوي أبو سلطان على المرور الرائع

[مدمن فتك]

بسم الله ابدا
تجاربي اكثرها تويوتا ويوم طلعت لم النيسان اشوي وبغت تجين صدمه نفسيه عن سيارات الدفع الرباعي
وكانت التجربه لسفاري 2009 شريته وكان ممشاه 7000 كيلو فقط ومن كثر ما اسمع من متعصبيه
قلت اخاف احط رجلي يطير بالهواء من نشاطه ولكن للاسف كان بالامكان لو تعاونو الشباب اللي معي كان افتحو البيبان وقفوه برجليهم
نرجع للتجارب طبعا اكثر الجيوب اللي استعملته من التويوتا كانت 6 سلندر ومعطيه حجمه من ناحية النشاط
يعني مقبول نوعا ما حتى موديل 2008 gx-r
لكن من ناحية النشاط والخفه والمتانه استعملت البرادو والاف جي والفورشنر
وعن تويوتا لاتبعد لاني عشتها واقع وتجربه وجربت النيسان وخصوصا الخبل الباثفندر
همسه في اذنك:لاتحرص تسبح عكس التيار ياغالي

[مجالس الرجال]

همسه في اذنك:لاتحرص تسبح عكس التيار ياغالي
كنت متوقع بيجي رد مثل هالنوع وكأنك تقول عايش بأوهام
لكن التيار يسبح بإتجاه التويوتا واللكزس وما ابالغ إن قلت الجيب اللكزس اكثر بالشوارع من السوبر سفاري
وفتح يا مغمض وترك التعصب الاعمى

[مدمن فتك]

اخوي مجالس الرجال..
خلنا نحرر نقطة الخلاف
اللكزس اكثر من السوبر سفاري بالشوارع هذا صحيح
لكن من الانصاف ايضا ان السفاري وهو 6 سلندر انشط من اللكزس وهو 5700 وهذا من كلام اهل التويوتا واللكازس انفسهم فهذا هو الخلاف

[فارس تمير]

ما لقيت أفضل من الاند كرورز 6 سلندر قير عايدي 98 إلى 2007 بأي مواصفات كانت ..

ويفضل درايش هندل بعد .. أوووه

وأخس جيب فالعالم من ناحية الصيانة بعد الامريكي هو الباثفندر ( اللعين )

ولكن ما جربت الفتك لكن من خلال تجارب الزملاء أنه ممتاز لكن ما ينغـزى به ..

[m1m2m3m4m5m6]

بعيد عن التعصب ,,,
ما طلع حتى الآن من جميع السيارات مكينه تتحمل وعمليه جدا جدا مثل مكينة 4500 تويوتا التب افتخر اليابانين بكتابة 24 بلف على السياره اللي في الجكسارات وفي الربوع والشاصات ,,,

بالنسبه للباترول لاينكر نشاطه الا جاهل او متعصب ويساعده في تفوقه على الجكسار خفة وزنه بالنسبه للجكسار,,

لكن لا تقارن المكينه ابدا ابدا بعمر وعمليه مكينة 4500 ,,, وحتى توضيبها تكون ارخص مكينة التويوتا ,,,

بشكل عام جيب التويوتا الى 2007 اكثر عمليه وارخص قطع غيار واكثر تماسك من الفتك,,, حتى في مسكة السعر تجد التويوتا يمشي 200 و300 الف وماسك سعره,,,

بالمنابة أحد الاصدقاء شاري 2009 فتك رجعه للوكاله 3 مرات مرتين لوزن الكبوت والرفارف والشمعات << تصدقون انها جايه من وكالتها ما وزنت ؟؟؟
والثالثه وهي الطامة رجعة عشان عمود الدبل يطلع صوت ؟؟؟

وللعلم موتره مامشا 10 الاف كيلو,,, ولهوب راعي جور على الموتر,,

من هذا يتبين انه حتى لو تفوق افتك في النشاط على الجكسار خذا لايدل تفوقه بشكل عام على الجكسار,,,

هذي عيوب الفتك ونتمنى نشوف عيوب اللاند للي يعيبونه,,
رجاءا اللي بيتناقش يتكلم بعقل ووقائع ولا يقول عكس الكلام ويظن انه جاب شي مفيد,,,

[مجنون باترول4800]

من عيوب للااند انه موب دفرنس من قدام
مقصات اوفليوروكالة((وحد من العيال فحص موتره عن البريدي بعد80الف كليو قال له ركب وجلب
وكلام فاضي مع ان الموتر 2006 يعتبرجديد)راعي الموتر موجود ياليت شركنا)
من تستخدمة شوي وانت تسمع صوت القرقعة في بطن الوتر
ولا واسعار قطع الغيار ماهي لم قلم
يعني العكس عند موزع الوكالة 1600ريال
ركبة ماتجي الا مع المقص كامل والمقص بـــ1500 اللي تحت فقط
ويالله عندك
ربطات الدفرس معروف عند اهل الاند وعندك دودات الدركسون للي تصلح ولا تنجح
ولا فية احد من اهل الاند الا يعرف تهرب الدودة
عموما
الباترول اريح بالخط ولافية كلام وراسي
والاند وقفه وله نطرة عند الناس
لكن الباترول الان انتشر حتى انك تدخل المعرض
ولا تلقى الا بطلعت الروح
وكل موتر له عيوب وله اجابيات
ونحن مجرد مستهلكين
يعني الموتر الزين نحول علية لوهوصني

[مجنون باترول4800]

كنت متوقع بيجي رد مثل هالنوع وكأنك تقول عايش بأوهام
لكن التيار يسبح بإتجاه التويوتا واللكزس وما ابالغ إن قلت الجيب اللكزس اكثر بالشوارع من السوبر سفاري
وفتح يا مغمض وترك التعصب الاعمى

بس عاد قوية ان الفتك الى هالدرجة
مايمشي!! دور غيرة ياشيخ;)
عموما اخوي شف المعرض والموتر الموقفه فية
اكثر شي الاند
ام الباترول بجميع اصنفه مايقعد بالمعرض
ترا الاند والكزز تصنف من موتر الشيبان

[مدمن فتك]

ما لقيت أفضل من الاند كرورز 6 سلندر قير عايدي 98 إلى 2007 بأي مواصفات كانت ..

ويفضل درايش هندل بعد .. أوووه

وأخس جيب فالعالم من ناحية الصيانة بعد الامريكي هو الباثفندر ( اللعين )

ولكن ما جربت الفتك لكن من خلال تجارب الزملاء أنه ممتاز لكن ما ينغـزى به ..
ممكن تشرح لي :كيف ممتاز ولاينغزى به؟:p

[مدمن فتك]

بعيد عن التعصب ,,,
ما طلع حتى الآن من جميع السيارات مكينه تتحمل وعمليه جدا جدا مثل مكينة 4500 تويوتا التب افتخر اليابانين بكتابة 24 بلف على السياره اللي في الجكسارات وفي الربوع والشاصات ,,,

بالنسبه للباترول لاينكر نشاطه الا جاهل او متعصب ويساعده في تفوقه على الجكسار خفة وزنه بالنسبه للجكسار,,

لكن لا تقارن المكينه ابدا ابدا بعمر وعمليه مكينة 4500 ,,, وحتى توضيبها تكون ارخص مكينة التويوتا ,,,

بشكل عام جيب التويوتا الى 2007 اكثر عمليه وارخص قطع غيار واكثر تماسك من الفتك,,, حتى في مسكة السعر تجد التويوتا يمشي 200 و300 الف وماسك سعره,,,

بالمنابة أحد الاصدقاء شاري 2009 فتك رجعه للوكاله 3 مرات مرتين لوزن الكبوت والرفارف والشمعات << تصدقون انها جايه من وكالتها ما وزنت ؟؟؟
والثالثه وهي الطامة رجعة عشان عمود الدبل يطلع صوت ؟؟؟

وللعلم موتره مامشا 10 الاف كيلو,,, ولهوب راعي جور على الموتر,,

من هذا يتبين انه حتى لو تفوق افتك في النشاط على الجكسار خذا لايدل تفوقه بشكل عام على الجكسار,,,

هذي عيوب الفتك ونتمنى نشوف عيوب اللاند للي يعيبونه,,
رجاءا اللي بيتناقش يتكلم بعقل ووقائع ولا يقول عكس الكلام ويظن انه جاب شي مفيد,,,
كلامك عين الصواب
الفتك انشط ولامقارنه مع اللاند بجميع انواعه واما اللاند اكثر تماسك

[m1m2m3m4m5m6]

يعني عيب اللاند الفليورات اللي قدام ؟؟؟ والله انها ابرك من الدفرنس وغثاه ,,,
انا معي شاص وجنني الدفرنس مره رمان عكس ومره رمان كرونه واذا فحج ابلش به وانس يرجع زي اول الا ان غيرت دفرنس كامل,,,
ولا الكارثه لو طقت الكرونه ابلش بها ولهيب راجه زي اول ,,, غير الونونه والبلاوي,,,
وفي الوعر والحصى ما يعطيك مرونه مثل الفليور ,,

اما بالنسبه لخرابات الباترول هذي يبي لها موضوع لحالها ,,ولا تتقارن بخرابات اللاند ,,,

اذا كنت راعي نفود وطهبله سنه سنتين خذ لك باترول واذا بدا يطلب بعه ,,,

لكن للرزه وطول العمر والاستخدام فهي مالك الا شيخ الجيوب,,الللاند
هذا مهوب عيب يسوى ,,,لأن الدفرنس فيه مشاكله هو الثاني بعد

[عبدالرحمن السالم]

بالنسبة للجيوب ،
جيب ربع 2003 إلى يسمونه توقيع جلس معي فتره وبعته ، ماشاء الله مايعلا عليه بس مابه راحه ولا مواصفات ولا شى غير ان المكينه قويه. شريت لى صغيره وبعته وشريت بعده
جيب باترول باب واحد 2003 ماشاء الله ممتاز بالبر وبالديره ولا اروع منه
شريت لى سياره صغيره وبعته وشريت لى
باثفندر 2005 والحمد الله ماشي معي مثل اللوز



وخصوصا الخبل الباثفندر


عاجبك الثلاجه إلى بالتوقيع :D

[دخنآوي]

راع طير ولآ ابل شآص من موديل 60 الى 2010 .. :D
واما راعي صيد وراعي كرف :
1 ـ GX 1995 1996 1997 :good2:
2 ـ NISSAN ربع بآترول 90 الى 97 ..

غيرهـ لآتدورررررر
ومن نآحية التجربه تم تجربة الـإختيآر الأول ولآ يطلب شهآدتي :p

[مجنون باترول4800]

يعني عيب اللاند الفليورات اللي قدام ؟؟؟ والله انها ابرك من الدفرنس وغثاه ,,,
انا معي شاص وجنني الدفرنس مره رمان عكس ومره رمان كرونه واذا فحج ابلش به وانس يرجع زي اول الا ان غيرت دفرنس كامل,,,
ولا الكارثه لو طقت الكرونه ابلش بها ولهيب راجه زي اول ,,, غير الونونه والبلاوي,,,
وفي الوعر والحصى ما يعطيك مرونه مثل الفليور ,,

اما بالنسبه لخرابات الباترول هذي يبي لها موضوع لحالها ,,ولا تتقارن بخرابات اللاند ,,,

اذا كنت راعي نفود وطهبله سنه سنتين خذ لك باترول واذا بدا يطلب بعه ,,,

لكن للرزه وطول العمر والاستخدام فهي مالك الا شيخ الجيوب,,الللاند
هذا مهوب عيب يسوى ,,,لأن الدفرنس فيه مشاكله هو الثاني بعد
هذاك قاعد تعدد خربات الشاص للي هو من احسن موتر تايوتا
ووالباترل ما انت عارف شي من هالخرابات بالذات اذا كان الكلام حول الذفرنسات والقير
عموما انا جربت الاثنين ولكن مافية مجال للمقارنة بين الفتك والتايوتا الاخرق

[ثعل البرد]

وعليكم السلام ورحمة الله وبركاته


كل الشكر لك أخي صاحب الموضوع

وهذا موضوع ذو صلة ...


لمن جربوا سيارات الدفع الرباعي ... ضع خلاصة تجربتك هنا (http://www.mekshat.com/vb/showthread.php?t=133380)



وبالنسبة لي .. فتجربتي اقتصرت على الباترول موديلات 91 و 95 فقط

وفي الحقيقة أنها سيارات تبرد الخاطر ويعتمد عليها بعد الله

ولا أستطيع أن أقارنها بمواتر أخرى لأني لم أجرب غيرها

[مجالس الرجال]

اخوي مجالس الرجال..
خلنا نحرر نقطة الخلاف
اللكزس اكثر من السوبر سفاري بالشوارع هذا صحيح
لكن من الانصاف ايضا ان السفاري وهو 6 سلندر انشط من اللكزس وهو 5700 وهذا من كلام اهل التويوتا واللكازس انفسهم فهذا هو الخلاف
قسم بالله إني اجزم إنك ما شفت منافسه بين فتك ولكزس- الله والعالم انكم شفتو جيب لكزس يقاوم فتك على الريوس
ياحبيبي الاف جي على خفته وما ياكل الفتك معه عيش مع الدبل وصل مع اللكزس الى 80 وطاف عليه اللكزس
الامر الاخر اللاند 6 سلندر ما يطوف عليه الفتك ولو طاف بفارق بسيط مع ان فارق المكينه والاحصنه واجد

[مجالس الرجال]

بس عاد قوية ان الفتك الى هالدرجة
مايمشي!! دور غيرة ياشيخ;)
عموما اخوي شف المعرض والموتر الموقفه فية
اكثر شي الاند
ام الباترول بجميع اصنفه مايقعد بالمعرض
ترا الاند والكزز تصنف من موتر الشيبان
تحليلك غلط يالغالي كثرة نوع من السيارات بالمعارض يدل على شعبيته
الأمر الثاني إذا كان قصدك كثير بالمعارض مستعمل لاند يعني ما جاز لراعيه فهذا مفهوم غير واقعي
لأنه وش معنا الموزعين للوكالات تلقى عندهم 10 لاند وكم حبه فتك سفاري وحتى السوبر في الغالب ماتلقاه
إلا بالوكاله لأنه صعب تصريفه

[m1m2m3m4m5m6]

انت يا مجنون المعذره باين من اسمك التعصب للموتر اللي عندك ,, عشان كذا لا يؤخذ برايك في الموضوع,,,
اما بالنسبة لخرابات الشاص انا ما جيت امدح الشاص انا جاي اقول ان الجكسارات بشكل عام اصب واوفر من الفتك ,,,
اما ان كنت تجادل اي احسن تويوتا ولا نيسان هذا موب موضوعنا ...


عالعموم كثر الكلام على اللاند والفتك لكن افضل تشبيه بين الثنين هو ان اللاند زي الهلال والفتك زي النصر,,,
الهلال بطولات وعز وبدون صجه وتصريحات وبيانات وخرابيط,, اما النصر اللي هو الفتك ازعجتونا به وخربطه واخس منه وخراباته وهربدته وتفككه مافيه ومسوين صجه وغاثين العالم ,,,,,


هههههههه بهذي المقارنه اتوقع ان نص المنتدى حقد علي ,,اللي هم حقين الفتك والنصراويه ,,,هع هع

[راعي البهقا]

اول سيارة لي وانيت ٧٩ مكينة ٤٥٤ عزم لا تسأل ماشاء الله


وثاني سيارة حبيبي الباثفندر 2003 خفه وعزم وشكل ومضمون الله يحفظه لي
وهي سيارتي الحالية ،،،

[مدمن فتك]

قسم بالله إني اجزم إنك ما شفت منافسه بين فتك ولكزس- الله والعالم انكم شفتو جيب لكزس يقاوم فتك على الريوس
ياحبيبي الاف جي على خفته وما ياكل الفتك معه عيش مع الدبل وصل مع اللكزس الى 80 وطاف عليه اللكزس
الامر الاخر اللاند 6 سلندر ما يطوف عليه الفتك ولو طاف بفارق بسيط مع ان فارق المكينه والاحصنه واجد
شكلنا نبي نعطيك غواصه عشان تسبح على راحتك عكس التيار
همسه: التعصب اعمى

[مجنون باترول4800]

انت يا مجنون المعذره باين من اسمك التعصب للموتر اللي عندك ,, عشان كذا لا يؤخذ برايك في الموضوع,,,
اما بالنسبة لخرابات الشاص انا ما جيت امدح الشاص انا جاي اقول ان الجكسارات بشكل عام اصب واوفر من الفتك ,,,
اما ان كنت تجادل اي احسن تويوتا ولا نيسان هذا موب موضوعنا ...


عالعموم كثر الكلام على اللاند والفتك لكن افضل تشبيه بين الثنين هو ان اللاند زي الهلال والفتك زي النصر,,,
الهلال بطولات وعز وبدون صجه وتصريحات وبيانات وخرابيط,, اما النصر اللي هو الفتك ازعجتونا به وخربطه واخس منه وخراباته وهربدته وتفككه مافيه ومسوين صجه وغاثين العالم ,,,,,


هههههههه بهذي المقارنه اتوقع ان نص المنتدى حقد علي ,,اللي هم حقين الفتك والنصراويه ,,,هع هع
عاد تدري انا موتري هددد 2002 وش رايك

[ساري 111]

عاد تدري انا موتري هددد 2002 وش رايك

ياخوي وش حادك عليه وانت تشوف فيه موتر احسن منه ؟؟

ابعه ويجيب لك ثلاث فتكات نفس الموديل فل كامل بعد

اذا بتبيعه عطن علم عندي لك زبون

[طويق 2010]

حبايبي أول التجربة :
1- جمس صحن 79م شكمانين يالبي قلبه
2- شيروكي كلاسيك2001 قير عادي وكاله يالبي تلابيبه وحش يقامز على النفود مقامز
3- لاند روفر 2004 وحش الوحوش وملك الدروب تحس أنك راكب جيب محرك ضخم ومواصفات بدري على أبو جميل وأبو حمراني عليها
4- حالياً درانجو - دوج 2007 وكالة صراحة يجمع المواصفات السابقة وعذروبة الوكالة وإلا خل عنك موتر

موضوعك حلو يا أبو موسى وبالتوفيــــــــق للجميـــــــــــع

*( ملاحظة جميع السيارات السابقة ما خسرت عليها غير بنزين وزيت وفحمات ومدة بقاءها معي من سنة إلى أربع سنوات )

*الجماعة تلاقطوا فوق*

[مجنون باترول4800]

ياخوي وش حادك عليه وانت تشوف فيه موتر احسن منه ؟؟

ابعه ويجيب لك ثلاث فتكات نفس الموديل فل كامل بعد

اذا بتبيعه عطن علم عندي لك زبون

ايه ابي زبون
وان شاء الله اني اشري من وراء ظهر زبونك 3فتكات نفس الموديل
نقول الفتك 60 الف يعني 120 اثنين مابي ثلاتة اخف
يهون هههههههههههه
الله يهدك خلك واقعي ترا تحمس معك
عموما الموتر معروض للبيع والمبادلة مع فتكك
والرابط موجود بتوقيع

[ساري 111]

مجنون انت رجال منتب بياع

الموتر جاب سومه طيبه ولابعت وترى اللي مايبي الموتر مهب يتغلى فيه يفرح بالفرصه اللي تخليه يفارق عنه



نقول الفتك 60 الف
موديل 2005 تلقاه بهالقيمه مهب 2002

[مدمن فتك]

عاد تدري انا موتري هددد 2002 وش رايك
انهيته بالضربه القاضيه عقب كلامك
اما الاخ مجالس الرجال :اللاند والاف جي واللكزس ياخي مواتر بمكينة طياره وش رايك رضيت؟؟:D :D

[مجنون باترول4800]

مجنون انت رجال منتب بياع

الموتر جاب سومه طيبه ولابعت وترى اللي مايبي الموتر مهب يتغلى فيه يفرح بالفرصه اللي تخليه يفارق عنه



موديل 2005 تلقاه بهالقيمه مهب 2002

هههه
اعوذ بالله حللي ياخوي وانا حر واتصر في زي ما ابي
لو تدور السوق يابعدي تلقى كسر على 73 75 الف وهن كسر
واذا 2005 ب60 ترا شريت بس جب لي
والله والا تلقه بالخليج
اترك عنك الهيط ياخلفهم;)
وبعدين من قال ان الهدد ما جازلي
الحمدلله موتر تمام لكن كل سيارة لة عيوب وله مميزات
وللمعلومية انا ما جازلي الباترول الجديد ابد!!!!
عشان ماتقول متعصب

[مجنون باترول4800]

انهيته بالضربه القاضيه عقب كلامك
اما الاخ مجالس الرجال :اللاند والاف جي واللكزس ياخي مواتر بمكينة طياره وش رايك رضيت؟؟:D :D
لالالالالالالالالالالالالالالالالالالالالالالالا
للتعصب الاعماء حنا مجرد مستهلكين


بس الهدد بطة يعني يبي لك عشرة يدفون الموتر معك;)
سلاااااام

[دوج 115]

انا بالنسبه لي جربت بليزر 79 لم ولن اجد مثل هاذي السياره وحش بكل معنا الكلمه مايوقفه شي ابد ابد وماتحسفت على بيعه كثر مابعته وجربت دينالي 2007 الصراحه سياره بكل معنى الكلمه عزم ولا احسن منه ابد ابد بس مشكلته الدبل توماتيك شابك على طول وبعته والحينه جربت الدوج النايترو والله ماعليه حليل وهو السياره الي املكهاالان

[مجالس الرجال]

انهيته بالضربه القاضيه عقب كلامك
اما الاخ مجالس الرجال :اللاند والاف جي واللكزس ياخي مواتر بمكينة طياره وش رايك رضيت؟؟:D :D
خل عنك هرج الصغار حبيبي

[مدمن فتك]

خل عنك هرج الصغار حبيبي
ياشيخ ياكبير :D :D

[ابوصالح77]

في الحقيقة اللي جربت واجد ،
واللي ملكته والملك لله من غير الصغاير والدداسن :
1- شروكي كلاسيك 2001 (أتوماتيك) هبوب ريح ، لكن هده التردد للدوام بعد مانقلت لأن المسافة طويلة ، وبعد مابعته صار عندنا مأتم في البيت (يقولون: ياسفابه متعودين عليه)
2- بساط الريح ( باترول ربع سلقه 97) موتر برية .
وبعد ما بعته صار عندنا فرح ( يقولون: أحسن متضايقين فيه ) ,
3- معي الآن 2006 Gx( قير عادي) موتر مشهود له .
الله يطرح فيهن البركة
لكن يحن قلبي للباترول

[بنز560]

بعض الردود اشك ان فيه صغار تحت العمر 15

[مسريان]

ما لقيت أفضل من الاند كرورز 6 سلندر قير عايدي 98 إلى 2007 بأي مواصفات كانت ..

ويفضل درايش هندل بعد .. أوووه

وأخس جيب فالعالم من ناحية الصيانة بعد الامريكي هو الباثفندر ( اللعين )

ولكن ما جربت الفتك لكن من خلال تجارب الزملاء أنه ممتاز لكن ما ينغـزى به ..

الباثفندر اغث موتر الحمدلله اللي فكني منه اذا عشقت الدبل تقول مولع في كومة سمر وسط الكبوت تقبع الحرارة
طبعا المكينة 3.5
والقير اذا احتر مع الجر خرب التبريد وخبط مهبووووووووووووووول من جد صيانته غثيثه
واسأل كمبيوتر البريدي اذا شافه قال فكني منه حتى فحصه صعب

[Mekshaati@]

وعليكم السلام ورحمة الله وبركاته


كل الشكر لك أخي صاحب الموضوع

وهذا موضوع ذو صلة ...


لمن جربوا سيارات الدفع الرباعي ... ضع خلاصة تجربتك هنا (http://www.mekshat.com/vb/showthread.php?t=133380)



وبالنسبة لي .. فتجربتي اقتصرت على الباترول موديلات 91 و 95 فقط

وفي الحقيقة أنها سيارات تبرد الخاطر ويعتمد عليها بعد الله

ولا أستطيع أن أقارنها بمواتر أخرى لأني لم أجرب غيرها




يا هلا فيك أخوي المشرف ثعل البرد للأسف
لم أطلع على موضوعك قبل طرح هذا الموضوع
وأعتذر عن الخطأ وأرجوا من المشرف إغلاق الموضوع ودمجة في الموضوع الأصلي للاخ ثعل البرد.
ولكم جزيل الشكر.

[m1m2m3m4m5m6]

ههههههههههه انهاني بالضربة القاضيه ؟؟
انا ما ادري تحسب اني موكل من شركة تويوتا بالدفاع عنها وان مستقبلي بينتهي اذا ما اثبت وجهة نظري ؟

تدري وش الزين من مصلحتي ,,,؟؟؟ ان كـــــــــــــــل الناس تكره اللاندكروزر ولاعد تشتريه وتنطله في المعارض عشان تطيح قمته واطق لي بدال الواحد ثنين,,

لكن حسافه الناس عندها عقول وتعرف اللي يستاهل ان الدراهم تساق له سوق ,,
اذا كنت تفهم يا مدمن مدري مروج فتك فأظن ان رغبة الناس في منتج دليل على نجاحه ,,,

[((ابوملاك))]

والله صعب تعدها بس اللي ادكر

جي اكس ار 2006

جي اكس ار 2001

شاص

فورد وانيت 96

جي في اكس ار احمر موديله بالتسعينات بس كم مدري

ددسن

ددسن دبل دفرنسين موديل 85 ديزل

جيب ناتيفا ميتسوبيشي 2004

جيب فورتشنر 2010

جمس 2004

جمس دينالي 2005

نسيت

ددسن غمارة

وجيب لاند 85 <<ايام عزه

وجي اكس ار فضي بالتسعينات موديله

اوريون 2009

هايلكس 2002

هايلوكس قديمه <<< ايام عزه

كامري 2004 سبورت

تيرسل 99 << ايام عزه

يارس 2010

يارس 2009

اكسنت

جي اكس ار 2005

اوبترا

ابيكا

بريفيا تويوتا

باترول



عقبال ما اسوق الاف 15 والاف 22 :D



ملاحظه : انا اسوق من يوم انا صغير

[قلب شقاوي]

سياره واحد ولاغيرها..

جيب ربع ( فيبر او ثلث ) موديل 85 .. شراه الوالد الله يحفظه من الشركه . اصفار والى الحين موجود

الجيب له عشر سنوات معاي ولله الحمد ..

[فارس تمير]

بعيد عن التعصب ,,,
ما طلع حتى الآن من جميع السيارات مكينه تتحمل وعمليه جدا جدا مثل مكينة 4500 تويوتا التب افتخر اليابانين بكتابة 24 بلف على السياره اللي في الجكسارات وفي الربوع والشاصات ,,,

صحيح

بالنسبه للباترول لاينكر نشاطه الا جاهل او متعصب ويساعده في تفوقه على الجكسار خفة وزنه بالنسبه للجكسار,,

غير صحيح للأسف
وواحد من الشباب معه فتك 2009 متقاوم الاسبوع الماضي مع جكس 2007
وراح الجكس عليه بتقريبا بماصورتين ... وراعي الفتك ولد خالتي وهو ناقلي

لكن لا تقارن المكينه ابدا ابدا بعمر وعمليه مكينة 4500 ,,, وحتى توضيبها تكون ارخص مكينة التويوتا ,,,

بدون نقاش

بشكل عام جيب التويوتا الى 2007 اكثر عمليه وارخص قطع غيار واكثر تماسك من الفتك,,, حتى في مسكة السعر تجد التويوتا يمشي 200 و300 الف وماسك سعره,,,

بالمنابة أحد الاصدقاء شاري 2009 فتك رجعه للوكاله 3 مرات مرتين لوزن الكبوت والرفارف والشمعات << تصدقون انها جايه من وكالتها ما وزنت ؟؟؟
والثالثه وهي الطامة رجعة عشان عمود الدبل يطلع صوت ؟؟؟

لا تنسى تعامل الوكالة السيء والمشهورين بطوال مدة جلوس السيارة لديهم ..

وللعلم موتره مامشا 10 الاف كيلو,,, ولهوب راعي جور على الموتر,,

من هذا يتبين انه حتى لو تفوق افتك في النشاط على الجكسار خذا لايدل تفوقه بشكل عام على الجكسار,,,

غير صحيح وسبق قلت لك

هذي عيوب الفتك ونتمنى نشوف عيوب اللاند للي يعيبونه,,
رجاءا اللي بيتناقش يتكلم بعقل ووقائع ولا يقول عكس الكلام ويظن انه جاب شي مفيد,,,


من عيوب للااند انه موب دفرنس من قدام

تدري بكم يعدلون فحجة الدفرنس وفحجة الفليور >> مجرد خاطرة

مقصات اوفليوروكالة((وحد من العيال فحص موتره عن البريدي بعد80الف كليو قال له ركب وجلب
وكلام فاضي مع ان الموتر 2006 يعتبرجديد)راعي الموتر موجود ياليت شركنا)
من تستخدمة شوي وانت تسمع صوت القرقعة في بطن الموتر !!!!!!

ما قد سمعنا بالقرقعة في غير النيسان ..

ولا واسعار قطع الغيار ماهي لم قلم
يعني العكس عند موزع الوكالة 1600ريال !!

للأسف تتكلم من خشمك ؛ أنا سائل عن عكس الاند بـ1150 وشاريه من التشليح
بـ200 ريال يعني أن ما علي طلب لقلة خرابه (صح ولا لا!)

ركبة ماتجي الا مع المقص كامل والمقص بـــ1500 اللي تحت فقط
ويالله عندك
ربطات الدفرس معروف عند اهل الاند وعندك دودات الدركسون للي تصلح ولا تنجح
ولا فية احد من اهل الاند الا يعرف تهرب الدودة
عموما
الباترول اريح بالخط ولافية كلام وراسي
والاند وقفه وله نطرة عند الناس
لكن الباترول الان انتشر حتى انك تدخل المعرض
ولا تلقى الا بطلعت الروح
وكل موتر له عيوب وله اجابيات
ونحن مجرد مستهلكين
يعني الموتر الزين نحول علية لوهوصنيصني بتكشت عليها طيب !!



عموماً حبيت أوصل أفكار فقط .. ليس ألا :D

بعض الناس يظن انا نبحث عن المشاكل فيزودها ويلعب لعبته بالمجادل

[m1m2m3m4m5m6]

على طاري فحجة الدفرنس 99% من اللي يعدلونها يعدلونها بالنار .. ومع ادنى مطب ترجع اردى من اول ...

الا ان كانك يراعي الفتك بتشتري جرم دفرنس كامل وفوق الالف وخمس او اكثر بعد.. وتنفض دفرنسك كاااااامل من كرونه وعكوس ورمانات وخرابيييط الدفرنس كامله وتركبها على الجرم الجديد والله يعينك على قيمة شغل اليد ...

غير ان نظام الفليور ازين تعليق للسياره وازين في الوعر وآمن باذن الله..

[عمرولدعلي]

1- باترول 91 ديزل ( حلو لولا خراباته )
2- فتك 2008 ( ممتاز لولا كثرة الأصوات والتخبيطه )
3- تاهو 2008 ( أحسن أحد بس لو ينطح المطاليع )
4- فوتشنر 2009 ( له أسبوع والحمد لله ممتاز جداً خف ومتانه )

[Mekshaati@]

مشكورين يا اخوان على الاضافة

[خالد الشمري20]

السلام عليكم ورحمة الله وبركاته

أول جيب شريته شروكي 94 قير عادي ما شاء الله تبارك الله

خفيف

حجمه مناسب

نشيط وقوي ما شاء الله تبارك الله

خدمني بالبر والكشتات شتاء وصيف

والتغاريز 4 مرات وطلع بدون سحب الا مره طيل 6 سنوات على كثر المكاشيت

.

[john silver]

اللي ينغزابه فالخليج على قو الحر وقل الصيانه الكروزر بلامنازع بعده يجي النيسان الفتك الـ 6 لكن خراباته بزود وقطعه نار تقل الماني مب ياباني

[Mekshaati@]

اللي ينغزابه فالخليج على قو الحر وقل الصيانه الكروزر بلامنازع بعده يجي النيسان الفتك الـ 6 لكن خراباته بزود وقطعه نار تقل الماني مب ياباني

صادق اللاند مامثله