جديد فتـ الخرج ـى محول نور (( ملف كامل صور))

[فتـ الخرج ـى]

أولا نصبح عليكم بعد الغيبة الطويلة هذي
ثانيا نبارك لكم دخول الشهر الكريم ولو إنها متأخرة
ثالثا نبارك لكم دخول الوسم

أقول ما ودك تدخل في الموضوع تحسون إني مسختها

بما أن كل واحد منا جالس يجمع عزبة ويرتبها للكشتات
حبيت أكون أول من ينزل لكم عن شي ينسها أكثر الناس
اللي هو محمل النور
http://kidm.jeeran.com/1.jpg
http://kidm.jeeran.com2.jpg
http://kidm.jeeran.com/3.jpg
http://kidm.jeeran.com/4.jpg
http://kidm.jeeran.com/5.jpg

أكثر الناس ياخذ معه لمبه وسلك ويشبكها علطول على البطارية ولا يدري أنه ممكن تفضى البطارية عليه
وناس إذا جيت بتخيم مخيم صغير يعني خيمة وحدة خذو معهم ماطور يفقع الراس

وجد أن الحل الأمثل لهذه المشكلة هو محول النور
بتقولون لي وين يبوي ينور خيمة أقولك نعم تقدر تشغل على المحول اللي مرفق صورة 3 لمبات إلى خمس
وهذا طبعا يعتمد على كم قاعدة لللمبة أنت حاط أنا مثلا حاط ثلاث لمبات
وميزة المحول أنك تشبكه في الولاعة وتخلي النور شغال إلى 8 ساعات وهذي أنا جربتها في أكثر من كشته
لو ما معك محول بتقعد تشغل سيارتك كل ساعة تقريبا

وميزة أخرى في المحول أن له فيش عشان تشبك فيه سلك النور يعني لو كان المحل منور مثلا شابين نار
حول الخيمة وفاتحين أحد الرواقات تقدر تشغل عليه تلفزيون أو شاحن كامرة فيديو أوغيره من الأجهزة الكهربائية

وهذا ياطوال العمار أنا شاريه كامل يشمل مايلي( محل كهرب , سلك نور فيه محل لـ 3 لمبات , 3 لمبات بيض)

أرجو أني ما طولت عليكم

[فتـ الخرج ـى]

http://kidm.jeeran.com/6.jpg
http://kidm.jeeran.com/7.jpg
http://kidm.jeeran.com/8.jpg
http://kidm.jeeran.com/9.jpg
http://kidm.jeeran.com/10.jpg
http://kidm.jeeran.com/11.jpg
http://kidm.jeeran.com/12.jpg

[عروان]

السلام عليكم ورحمة الله وبركاته

:D مثل اللي عندي بس الشنطة لونها بني.


شارية من السنيدي ببريدة بمئتين ريال.

تحياتي

[الطبيب]

السلام عليكم ورحمة الله وبركاته

شرح كافي ووافي

تابع على هذا المنوال

وهذا محولي اللي استخدمه

كمشاركه مني (( لاثراء الموضوع فقط ))

وهو بقوة 300 واط وتيار كهربائي 110 فولت

وله مخرجين

http://www.mekshat.com/pix/upload/images6/mk810_porsuply1.JPG


وهذه صور المخارج

http://www.mekshat.com/pix/upload/images6/mk810_outlet.JPG

هذا والله اعلم

والسلام ختام

[فتـ الخرج ـى]

نعم أنا كذلك شاريه من السنيدي بـ 200 ريال
مشكور أخوي الطبيب على اتحافنا بصورك

[أبو يوسف]

مشكور على الشرح الوافي اخوي فتى الخرج

انا عندي محول بس سعره بمية وعشرة
واللمبات مع أكواعها والاسلاك بتكلف خمسين اذا كثرت
باقي الشنطة وهي مميزة فعلا

مع التحية

[يزيد2002]

ياأخوان فيه استفسار بسيط

هل المحول اللي كهربه 220 اوفر من 110

لاني سمعت واحد يقوله وبغيت اسمع منكم يمكن احد جرب

[مهراس]

شهر مبارك:
ياأخوان أحد يعرف محل يبيعه بجده.

[مفتون صيد]

تسلم يا فتى الخرج ......... والله كنك تقراْ اللى في راسي .............. كنت ابسويها .... بس بشكل عادي مره ......... لكن طريقتك حلوه ..... جزاك الله خير

بس نصيحه من واحد مجرب لا تحاول تشبك المحول على الولاعة على طول .... حاول انك تسوي توصيله من بري : بحيث
انك تجيب سلكين بلونين مختلفين ......... 10 او 8 متر تقريباً او اقل على حسب الرغبة .
ومقضابين مثل حقات الاشتراك بس اصغر ... وولاعة تجارية من محلات ادوات الزينة
وزينها وارتح وتصير تشبك المحول على التوصيله الخارجيه وليست الداخلية ...
انا مسويها من زمان ولا استخدم الا هي حتى في وقت المطر في الليل مالها ثمن في انها تحافظ على المحول

[فتـ الخرج ـى]

مشكورين على الرد
أخوي وش تقصد بالولاعة التجارية وبعدين وش الفايدة منها
تكفى بالإجابة لاهنت

[الاحداثي]

الأخ فتي الخرج . جهد مشكور وما قصرت ...
اخوي مهراس : احتمال كبير تحصله عند ابن حميد ( جنوب جامعة الملك عبدالعزيز ) ..

اخوكم ,,,

((((((((((((((((((((((((((( الاحداثي )))))))))))))))))))))))))))

[فتـ الخرج ـى]

تسلم يا الاحداثي
على الرد

[يزيد2002]

الأصل كُتب بواسطة يزيد2002
ياأخوان فيه استفسار بسيط

هل المحول اللي كهربه 220 اوفر من 110
(يعني ما يصرف من البطارية واجد)
لاني سمعت واحد يقوله وبغيت اسمع منكم يمكن احد جرب


وشو دعوا محد رد :confused: :confused: :confused: :confused: :confused: :confused: :confused:

[عبدالله الصالح]

الله الله يبعدي يزيد 2002 اكيد ان الكهرباء 220 افضل من 110 لأ ن اوفر وافضل للمبات
اخوك القصمنجي...

[مفتون صيد]

يعني وانا اخوك اقصد الولاعاة اللى تنباع في محلات الزينة .....

احسن على اساس يكون تعاملك مع البطارية على طول .... ولا يلزع فيوز ولاعة السياره او يخرب سنتها لانها عسره تركيبها شوي واقوى في اعطاء الكهرب للمحول من ولاعة السياره
هذا من باب تجربة .... والله اعلم

[ابو ابراهيم2]

نعم محول جميل
انا اشتريته وشتريت بطاريه احملها من كهرب البيت وفي الصمان وبوسط البران اتابع منتديات مكشات
معي المحمول والمحول والبطاريه والحمد لله

[فتـ الخرج ـى]

مشكور أخوي مفتون صيد على التوضيح

[ابو درع]

يخوي انت مار من عند البيت ...

عندي اخو محولك ونفس ألمبات

يلزم أروح أتفقد تحت بيت ألدرجه

يخوي فيه وصله تحول من لولعه

الي البطاريه .

بدون متقطع السلك بس انتبه تقلب الاسلااك عل طول يحترق الفيروز

البطارية أحس للجهاز يصير بارد عل طول


تحياتي ..،

[فتـ الخرج ـى]

يعني تفضل أوصلة من برى

[راعي العزبة]

الله يعطيكم العافية على الصور الرائعة

[خوي النشاما]

طريقه جيده وهي معروفه عندنا من زمان والله يعطيل العافيه
اخوي فتي الخرج



خوي النشاما
__________

[فتـ الخرج ـى]

مشكورين على الرد