مشكلة الحراره في الباترول .. أتعبتني

[محمد العتيبي]

السلام عليكم ورحمة الله وبركاته

كل عام وانتم بخير ومن العايدين قبل الزحمه

ياشباب عندي مشكلة الحراره في الباترول اتعبتني
سويت للرديتر تصييخ مشى مضبوط مدة شهر ورجع يحتر واذا على الخط توصل النص الحراره وينقص الماء ولا فيه اي اثر للماء انه يهرب او كذا والخراطيش كلها جديده والبلف جديد وكل شي جديد

اللي مرت عليه مثل هالحاله يعلمنا وكيف عالجها لاني والله تعبت

شاكر لكم
..

[محمد العتيبي]

باترول موديل 2001

[سر القمر]

السلام عليكم

اخي الكريم انا موتري 91 بهذلتني الحرارة لدرجة اني كنت بفك راس المكينة واخرطه ..
بس واحد نصحني وقال ركب رديتر جديد .. وفعلا ركبت جديد(صناعة وطنية) وتعدلت الحرارة واصبحت طبيعية ..

التصييخ ما ينفع يخرب الرديتر أكثر ..
شيك على كلتش المروحة حقت المكينة,اذا كان زين يعني الراديتر هو المشكلة ..


وفقك الله ويسر لك امورك ..

[هواوي تعديل]

هلا اخوي (محمد العتيبي)
أحتمال السرندل فيه رواسب وشوائب وقطع صداء قديم
أذا صيخت الأديتر أوغيرته يضبط فتره ثم يتسدد ثانيه
روح لصناعيه فيه بعض ورش الأديترات عندهم ضاغط ماء لغسيل السرندل وأزالة الشوائب
رح لهم وأغسل سرندلك وصيخ الأديتر أوغيره وأنشالله يضبط
ملاحضة:
شيك على تماتيك المروحه ومروحة المكيف اللي في الشبك
أنصحك لا تحط ألا أديتر ألمنيو لأنه أفضل من النحاس بكثير
ومويه أصليه

[classica]

أنا كانت عندي نفس المشكله ..غيرت الاديتر ..وغيرت توماتيك المروحه ولا نفع ..

وشيكت على الخراطيش ولا فيه تهريب ..


أخر شي طلع المشكله من الشكمان ((ماكتشفته الا قبل يومين )) تاصل الحراره النص مع الخط

والموتر مايمشي ...ورحت اقرب ورشه وشقيت الدبه وررراحت الحراره ...

[طير المحبه]

و الله دامك غيرت الخراطيش وغيرت البلف وصيخت الرديتر ولا زبط ..

غير الأديتر .. انا معي هلي وبهذلتن .. الحرارة اذا صارت طبيعيه على النص .. و بالليل تحت النص بشوي

غيرت البلف ولا نفع .. وبرضوا ينقص الماء ..

المهم وغيرت الاديتر و اللحين الحرارة و لله الحمد و المنه ماترتفع عن الخط التحتي ..

و اذا صارت محتميه تصير أقل من الربع ..

[classica]

كيف تعرف أن المشكله من الشكمان رح شف الهواء الي يطلع قوي ولا خفيف..أذا كان خفيف معناته الشكمان مكتووووم ....


وفيه بعد حاجه بسيطه يمكن من غطاء الاديتر أشتر غطاء ياباني 20 ولا 30 ريال ..

[adil33]

الرديتر احتمال يكون تفصيل اي نحاس او احتمال يكون المنيوم لكن مهتري ويحتاج تغيير والافضل تغير الرديتر وباذن الله تنتهي مشكلة الحرارة لخمس سنوات قدام

[فهد بن مشبب العاصمي]

جرب غير غطا الرديتر اخاف انه يبخر الماء ويقضي وترتفع حرارته

[عاشق البترول]

الله يكون في عونك ان شاء الله :)
انا جتني الحراره على فتك 2007 موتري وماخليت شي ماسويته تسييخ راديتر وبدلت الغطا حقت الراديتر وبدلت خراطيش ومافي فايده
لكن سو الي بقولك عليه وان شاء الله تخلص منها :)
1-ركب راديتر جديد وكاله
2-بدل كلش مروحه جديد وكاله
3-اشتر غطيات الراديتر الثنتين
وان شاء الله بتفتك من الحراره هذا الي انا سويته :)
والله المستعان .....
تقبل مروري...محبك عاشق البترول :)

[سوبر مكشات]

البترول موتر لكن دايم تجيه حمى


الحل
تروح لمحل عطارة وتاخذ عرف ديك وتدقه بنجر حق ام يتمان

ثم تخلطه مع لبن العصفور

وتشربه الموتر

بإذن الله بيضبطط.....



شف الحل الصدقي خل القلهي عنك

انا كان معي 95وسويت كل شي مابقى الا الراس

غيرت تماتيك مروحة (اصلي وحق ددسن وتجاري )كلهن شينات
غيرت التماتيك 5مرات
فالحل في المروحة حط مراوك كهرب اريح للحراره واقوى للموتر



الشي الاخر فك البلف كله


الشي الثالث

سو غسيل للرديتر والمكينة وكد قريت موضوع لواحد من الاعضاء سوا غسيل بالسفن اب 2قرورة عايله يصب نصه مع ماء ثم ياخذ دورة ثم يطلع الماء ثم قروره كامله مع ماء ثم الدوره الثالثه النص الباقي مع ماء ثم دوره بماء الحاله
ثم موية يعبيه بمويه اصليه

لكن تراي ماجربت السفن وانا منب مسوؤل انا مجرد ناقل وناقل الكفر ليس بكافر

ثم
شف دفع الشكمان اذا كان والضغط عادي يعني السياره واقفه بس شغاله يدف هوا فما فيه مشكله لانك اذا دعست طيرت الغبرات


الشي الاخير وهو حل قاسي بعض الشي حط رديتر 3رصات
المنيوم



طبعا الموتر اخر شي معي صرت اراقي واطعس والحراره نص
والراس مافيه ضغط يعني طير عقلي قلت ابفجر بالموتر الين يفقع لاني ما ادري وش العله

وشكلها شي الى الان ما اكتشف والشكوى لله

موتري صار شهيد بعد التجارب بهذي


وان كان فيه شي راسلني عالخاص لاني اذا رديت على موضوع ما ارجع له فارسلي الرابط عالخاص

[سوبر VTC]

و عليكم السلام و رحمة الله

احد الربع ركب غطاء جديد لباترول ربع سلقة
و اذا تعدا سرعه 120
الحرارة تعدا الخطين
طلعا مركب غطاء اللي يجي استكر برتقالي
رجع للوكيل
و ركب غطاء بدون استكر
و نامت الحرارة بين الخطين :good::good:


هنا مشكلة سابقة لاحد الاعضاء
حرارة الباترول 97 (http://www.mekshat.com/vb/showthread.php?t=202820)


***

تاكد من ليات المكيف الحار و البارد
راكبه على صدر الغمارة و يدخلن على للثلاجه
احد الربع قبل 3شهور معه فتك 2005 خبط الموتر الا شوي
الحرارة على الاتش
و السبب ليات الثلاجه اللي عند السلف
واحد منهن منشق :no:
888
نقطة اخرى
افتش الفرشة الارضية حقت الراكب و السواق
احتمال تحصل اثر ماء
لانه حصلت بالباترول و الباثفندر
انشعرت ماصورة ثلاجه المكيف و هرب الماء
ان حصلت ماء بالارضية تلحم الثلاجه و تضبط
ايضا
يوجد طبة بين القير و المكينه
تاكد من وجود اثر ماء
كد هربت لباترول سلقة 91
ان كان فيه تهريب ينزل القير و تغير
و تاكد من طبات السلندر
ايضا افتح غطاء الزيت اذا احتمى
و تاكد هل يوجد بخار ماء حليب ابيض على نفس الغطاء
اذا كان يوجد
فهو شعر بالراس او ضعف بوجه الراس
***

هنا جميع مواضيع الحرارة
من الاخ اسير الغضا جزاه الله خير

موضوع متكامل و رائع من العضو فني الشيروكيات :good::good::good:



1- هل تعاني من ارتفاع حرارة سيارتك هنا تجد الحل بإذن الله (http://www.mekshat.com/vb/showthread.php?t=146840) للعضوا فني شروكيات

2-حرارة السياره بهذلتني وبالنهايه اعانني الله عليها (http://www.mekshat.com/vb/showthread.php?t=161939) للعضواكبسوله2

3-اسباب ارتفاع درجة الحراره بالسياره (http://www.mekshat.com/vb/showthread.php?t=146306) للعضواشامخ الهيلا

4- نركب جرس بحيث يرن اذا وصلت الحراره للنص (http://www.mekshat.com/vb/showthread.php?t=221329) للعضوا اصيل حجازي

5- مروحة بلد مراوح كهرب حراره (http://www.mekshat.com/vb/showthread.php?t=196275) للعضوا بحر القصيد

6- كيف تتصرف اذا ارتفعت درجة حرارة محرك سيارتك (http://www.mekshat.com/vb/showthread.php?p=61351) للعضوا كاتم اللهب

7-اسباب الحراره في محرك السياره (http://www.mekshat.com/vb/showthread.php?t=4468) للعضواالمكنيكي

8-الحل الجذري لحرارة اليوكن والمكيف (http://www.mekshat.com/vb/showthread.php?t=213086) للعضوا هانتر




تاكد من كلتش المروحة + البلف + الخراطيش
البلف لو كان قافل بسيط تضرب الحرارة على الاتش
لان الماء مايدور بالسرعه الكافيه من الاديتر الى المكينه
تاكد من طرمبه الماء لا تكون خربان

ان بغيت ورش بالرياض او بريده علمن

موفق

[محمد العتيبي]

الله لا يهينكم يالربع

سويت غسيل للرديتر والمكينه اليوم .. بس للاسف ماضبط
الحراره ماترسى على وضع اذا كانت السرعه 120 تحتر شوي وترجع تبرد وهكذا طول الخط لكن اذا اسرعت وصلت للنص ورجعت على الربع وتتعدا النص احياناً

[سوبر VTC]

الله لا يهينكم يالربع

سويت غسيل للرديتر والمكينه اليوم .. بس للاسف ماضبط
الحراره ماترسى على وضع اذا كانت السرعه 120 تحتر شوي وترجع تبرد وهكذا طول الخط لكن اذا اسرعت وصلت للنص ورجعت على الربع وتتعدا النص احياناً


طيب عندي حل لعله ينفع
اذا احتمى الموتر
فض الموتر و قف خصوصا اذا وصلت النص
و دس بنزين خل الابنص على 1.5 لمده دقيقة
اذا لاحظت ان انبير الحرارة ينزل :good:
فكلتش المروحه تمام :good:
و اذا كان خربان تدوره بيدك و يصير خفيف
طيب وش وضع الاديتر اثناء الغسل
هل به سدد ام لا ؟ ام يمشي الماء براحه
عند الغسل لازم يفك البلف عشان الماء يدور بسرعه
و بعد الغسل تركب بلف جديد
اذا كان الاديتر تعبان فلازم تغيره
يحتمل ان الراس به تنسيم و يحتمي الموتر
ادخل رابط اخوي فني شيروكي

[الاشعه]

انا معي فتك 2002 نفس لكلام ما فيه واحد ماعطني فتوه كلن يقول غط غيرمويه اصلي كلتش مروحه إلا ماله نهايه تصدق قلول الامبير حق الحراره خربان انتبه غيرت الاديتر مشاءلله طاحت الحراره شوف التصيخ تر فتره مؤقته مهوحل دائم فئذاالموضوع صارفجئه معناته الاديتر وسبب نقص المويه هويتبخر مع الي الخاص بزايد الانها ماتلحق تبردوشرح طويل خلك مركز على الاديتر

[aaag8006]

ياليت كل واحد عنده مشكلة يكتبها ويستفيد من تجارب الاخرين بدل نصب الورش وعلى راسهم ابويمن المخنز

[قايد تميم 1]

يعطيكم العافيه على هل المعلومات
لا هنتوا

[MZON 01]

السلام عليكم ورحمة الله وبركاته

كل عام وانتم بخير ومن العايدين قبل الزحمه

ياشباب عندي مشكلة الحراره في الباترول اتعبتني
سويت للرديتر تصييخ مشى مضبوط مدة شهر ورجع يحتر واذا على الخط توصل النص الحراره وينقص الماء
..

اخوى محمد مادام الماء ينقص تبيى ترتفع الحراره طبيعى

الحل : الكشف على طبات الماكينه وخاصه الراس التى بالصدر .هى وحده تكون صغيره..

فتح غطاء الاديتر وتشغيل المحرك مع دعس البنزين وملاحظه اذا تطاير الماءبقوه من غطاء الاديتر فهذا يعنى وجه الراس محترق .

او حل الواجي كل على حده وملاحظه وجود ماء على البوجي فهذ يعنى وجه الراس ايضا

طبات المبرد والكشف عليها... تحت الثلاجه.

فتح غطاء البلوف او الماكينه . ونفخ بالهواء الماسوره الصغيره بجانب الغطاء قليلا

وملاحظه وجود فقاقيع هواء من طبات الراس بين البلوف او الصبابات..

قد يكون الاديتر يحتاج لحام لوجود تسرب للماء صغيرا ولايشاهد لانه يتطاير مع الهواء عند المشي بسرعه...