النوم وسط الغمارة .. خوف ولا شطارة ؟

[دسم الشوارب]

بسم الله الرحمن الرحيم
العنوان مقتبسه من نشيدة من شريط المقناص
لكن الصدق
النوم وسط الغمارة .. خوف ولا شطارة ؟
خصوصاً ان أكثر الكشاته ما ينومون في الغمارة مثل ما أشوف
لكن إذا كان الجو برد والخيمة ما هنا زود أو مافيه خيمه
فمن الرفالة انه ماينوم في الغمارة ولو جاه من يهايط ويقول (خلك حرش)
نقول له هذا برد ماينلعب معه
خلك حرش لو الحد ديبان وعقارب الله يكفينا شرها ولا حتى ذيابة ونمور
قراءة المعوذات تحل مشكلتها
لكن الهبوب والصقع إذا نخرت العظم فعلى الصحة السلام
خاصة إذا توه قايم من النوم ونطح البرد
غير لو كان في السيارة وبدا يفتح الدرايش شوي شوي الين يتعود

هذه اطروحتي وماذا عندكم

[القناص الأسود]

في بعض الأحيان يكون خوف و في مرات يكون شطارة...

و لا نجد من لا يخاف على نفسه و لا تجد من لا يستخدم عقله...


عندنا في بعض المناطق لا ينفع تنام في خيمة...

لكن ينفع المبيت بمخيم... بالمخيم الشباب و الشياب و العدد كبير يفوق الـ20ــ
احياناً و كل شخص قربه السكين و البندقية و البعض عنده مسدسات و النار تكون مستعرة...

لذلك لا خوف و حتى الأصوات الكثيرة تخيف السباع...

أما لوكان العدد قليل 1 - 4 فالمبيت داخل السيارات افضل لو كان بالمنطقة سباع...

وهذا ما يحدث عندنا... والله الحافظ...

[شامخ ألهيلا]

خوف في حالة اني اكون لحالي بالخلا في منطقه بعيدة :( :( عن المدينه بمسافه
اما اذا قريب من المدينه والخطوط يمدحون الارض ;) ولاتنسون اذكار النوم والمعوذات

اما اذا شخصين او ثلاثه الكشات معه كل شي فراش نوم + فروة + رواق + الضوء شااب + بريق ماء دافي <<< وخليك ذيب لاتنام الا ببجامه ماركة حنتوش الصووف :D
زي بجايم الصعايده
ولاتقوم من النوم الي مقرب الفروة وداق اللطمه :good2:

ونوم العافيه باذن الله

[دوسريه كول]

من خاف سلم ........ طالما السياره موجوده ليه تنام بالارض .....الارض مومقياس للشجاعه او الجبن ..........انت نايم وماتدري وش بيصير لك من هالزواحف والقوارض ........مساكين اللي ينامون ع الارض ويروحون فطيس........ متوقعين انهم حتى بالنووووم يقدرون يحمون انفسهم ............ويعطيك العافيه

[باثفندر]

اظن النشيد موخوف لاكن شطارة ،، يمكن ،

مشكلة النوم بالسيارة وأنا أخوك إنه مهوب مريح مهما كانت السيارة مجهزة مامثل الأرض وأوقع نسبة كبيرة من الناس ماتنام إلا بالأرض حتى ببيوتها .

[سهيل تميم]

على حسب الموقف والمكان ..في حالة انه برد قارص ولايوجد خيمه او رواق .. التنزاني لايفي بالغرض مهما كان نوعه

في هذه الحالة النوم بالسياره ماعنك وعنه..الزم ماعلا الانسان صحته

[escape_man]

يقول المثل .. كل ينام على الجنب الي يريحه

[احمد الكنزى]

خوف في حالة اني اكون لحالي بالخلا في منطقه بعيدة :( :( عن المدينه بمسافه

[ابو محمد 276]

والله انا نمت بالسيارة خوف من البرد كانت درجة الحرارة 3 تحت الصفر في ام حزم قبل سنة او اكثر وشوف ايش معي في السيارة فراش النوم الفروة وبطانية ولابس جاكيت وملابسي على كلها و3 شراريب ومشغل المكيف الحار الين دفت السيارة وطفيتها سيارة كبيرة تاهو سادح المراتب كلها وفارش فراش النوم كامل وداخل بوسطة والله والذي نفسي بيدة اني لما قمت الساعة 6 الصباح ضهري مجمد البرد متعدي الشاص والبطانية والفراش والفروة والجاكيت والفنايل وضاربني ضرب ما يعلم فية الا الله واخوياي اللي في الخيمة بغو يموتون عاد كيف انا ياللي بالموتر هههههههه بالتوفيق

[سهم القناص]

النوم وسط الغمارة شطارة

[mngahi]

يختلف شوي بحسب السيارة يوم كان عندي فورد f150 كان نومي في الصندوق الخلفي له او في الغمارة النصف وكان الكرسي في النصف حلو ومريح أنام فيه وقت يكون في الجو رطوبة او حشرات مزعجه و بعدما اشتريت جيب تويوتا كنت انام في الشنطه بعد رفع المقاعد و بعد ما اشتريت هالوكس غماره انحدر و احشر نفسي داخل كبينتها الواسعة الله لا يضيق علينا
لاكن النوم في الأرض أكثر من النوم في الغمارة و احسن تحس بتغير حتى في صحيانك من النوم تحس بنشاط مو طبيعي

يعطيكم العافية

[ابو عبدالملك 2]

بالنسبة اذا كان الواحد خايف فالسيارة ماترده الا عن السباع باذن الله اما البرد فانا جربت النوم في السيارة فوجدتها ابرد من الخارج وقمت من النوم وعظامي تنافظ والدم احس انه جامد في عروقي وكان المكان شعيب محارق

[دسم الشوارب]

مراحب القناص الاسود :هو ماحد ينوم في الغمارة ولوه خطر عليه الارض لكن اتوقع انهم ناسينها أصلاً . سرني مرورك وتعليقك ويامراحب بك
مراحب شامخ الهيلا : حنتوش يبيله جلد تمساح الله يهديك :d الله يسلم دروش .سررت بمرورك
مراحب دوسريه كول : عاد تخبرين الرجاجيل شجعان :) . سررت بمرورك
مراحب باثفندر : اما من جهتي مالي عن السليب هاي :) : سررت بمرورك
مراحب سهيل تميم : احسنت وسرني مرورك
مراحب بن غييثات : سرني ماقل ودل :)
مراحب احمد الكنزي : من اللي بيروح البر لحاله بس ! سررت بك اخي
مراحب ابومحمد : ياااو الحمد لله على سلامتك .. تلقى ربعك مافتحو الا عقب ماماع الثلج الضحى :)
بعدين معلومه ترى اللي يخلي السيارة باردة هو القزاز يعني لو انك حاط ستاير او مغطيها من برا او من جوا كان صارت أدفا .. وياهلا
مراحب سهم القناص : هو شطارة بس بعض الناس نشبه بيقول يالخواف يالرخو يا يا .. سررت بمرورك
مراحب منقاحي : النشاط هذا من الهوا النظيف والله اعلم . سررت بمرورك عزيزي
مراحب ابوعبدالملك : المشكلة مثل ماقلت لاخونا ابومحمد من القزاز . وسسرت بمرورك

[السد الغزير]

^^^^^^^^^^^^^
كنت بقول نفس ماقال بن غييثات



أعجبني رده كثير . .


والنوم في السيارة . ماأحد بيرقد فيها الا مضطر . وحتى جنب السيارة مضطر بعد . ونوم المضطر مافيه راحة . كلها مافيها راحة وكلن يرقد على الجنب اللي يريحه . وصراحة ماذكر اني رقدت في السيارة وقمت من نومي وانا مصحصح وشبعان نوم . اما الارض تكفي ثلاث ساعات تقوم نشيط ومتجدد وكل صوت يوعيك من نومك . ..

على فكرة ياصاحب الموضوع . حلوة طريقة سؤالك ؟:D

[مراسل الخير]

نوم السيارة غير مريح وخصوصا لطويل القامة.

[الضوء الرقمي]

النوم في السيارة اكيد ما هو مريح (مرض) لكن المضطر ينام فيها !!

[دسم الشوارب]

هلا بك اخوي السد الغزير ::




وكل صوت يوعيك من نومك . ..



على فكرة ياصاحب الموضوع . حلوة طريقة سؤالك ؟:D

مادام كل صوت يوعي من النوم اخاف محد باغيه :)
شكراً لتعليقك وإطرائك الجميل

مراحب مراسل الخير : عاد اذكر مره كشتنا ومعنا واحد طوييييل مره
والله مانام في الغمارة الا هو :D
ياهلابك عزيزي

مراحب الضوء الرقمي : إذا نام على الارض ويوم قام ورفع البطانية لفخه ذاك البرد بعد مرض :)
لكن الله يعز الخيمة
سررت بك

[شامخ ألهيلا]

دسم الشوارب
فيه مكان في هجرة ام الدوم يسموه مقلع طميه قريب مدينة الطايف
زي قولة السد الغزير كل شووي صوت يوعيك

لما اضلم علينا الليل وجينا بنام سمعنا مو اصوات الا سوااااااالف هههههههههههههههه
ومعنا شيبان كباار
قالو ياعيالي شيلوا عفشكم مالكم نوومه هناء
ههههههههههههههههههههههههههههههههههههه
عاد اخوك طويل ودب لاغماارة جمس ولا جيب تشيلني
حتى فراش البر تفصيل هههههههههههههههههه

اسعدك ربي يالذيب

[دسم الشوارب]

مقلع طميه ؟؟!!
هذا الجبل اللي يقولون انه زعل وتحرك من محله ومشى مدري وين راح ؟
ياحظك عاد هذا من سنين وانا ودي اشوفه ولا كتب ربي
وجزاك الله خير اللي تطلع بشيبانك وتوسع صدورهم
بس الظاهر انك دفعت الضريبة :)
بعدين حل مشكلتك سهل
خل عنك الدبغ في الرزوز والمندي وتخف ويصير عادي عندك لو غمارة الهونداي :)
الله يوفقك اخوي ويا مراحب

[بن نقا]

نوم السيارة غير مريح وخصوصا لطويل القامة.
والله إن كنك داري عني .......
مرة من المرراريت قالي واحد من العيال نبي نقنص أرانب بالليل يعني ثلاث أو أربع ساعات وراجعين قلت طيب ,, أبو الشباب مامعه إستبنه ويوم دخلنا البر ودجنا لنا شوي وحنا نبنشر وين الاستبنه يابو خالد ؟؟ قال يخلف الله ولالنا الا النوم في السيارة والطول 180سم وهايلوكس 99 غمارة وحنا اثنين ........... ما أنسا هاك النومة ....
وكل عام وأنتم بخير

[دسم الشوارب]

وانت بخير اخ نقا

[أثنين وخميس]

من رأيي

النوم وسط الغمارة أزيـــــــن وأأمن

على الأقل أن جا شي ولا ماشي >>>>>>>>>> شغل السياره وهـــــــــج

وأدفى بعد


وعلشان أن سمعت صوت ما تتلفت كل شوي تكون واثق لأن بيبان السياره مسكره


وأذا جت على أنه يبا البرااد يفتح الدررررررررررايش


,,,,,,,,,,,,,,,,

[سعد ناصر]

بصراحة النوم في السيارة يفقدك لذة الصحراء .
ومن وجهة نظري المتواضعة لاأويد النوم في السيارة بتاتااااااااااااااااااا

[دسم الشوارب]

مراحب اثنين وخميس .. أفا .. وش اللي يهج :) ما حنابنهج
إذا جا شي ولا ما شي على قولتك استعنا بالله ثم طلعنا ابومشط
اما من ناحية العقلانية فكلامك عين العقل .. وسررت بمرورك
مراحب سعد ناصر : الصراحة اتوقع يكفي من لذتها نسيم الصباح بغض النظر عن وين كنت نايم
أما في البرد فالسلامة السلامة انوم في الغمارة ولذة الصحراء يمدي عليها..ولا وش رايك؟ ..سررت بمرورك وياهلا

[هاي لكزز]

اخوي لا افراط ولا تفريط والمؤمن خصيم نفسه اذا المنطقه ما تعرفها او تعرف ان فيها ضباع او سباع
ووووين تلاقي منطقه زي كذا ترا نادر بعدين اذا على البرد ترى السياره لها شبابيك و زجاجه امامية وخلفيه
يعني البرد ^ أس 2 ^^^

[دلووله22]

ربما قد يكون

[الطريق السريع]

يختلف على نوع السياره
خطتي لهذا العام
معي جيب صالون طبعا النوم بالسياره

1-الفراش اسفنج 4 سم مبطن +2وساده+بطانيه اسبانيه نفريين 2غاط+بطانيه عاديه
2_ السياره ابفصل غطاء للسياره الى حد القزاز من اشراع تنزاني لنومة الظهر
3_ تشغيل المكيف على الحار لين تدفى الغماره وبعدين اسكره
ناوي اخلي الغماره فندق الشيرتون
لامطر ولا هواء ولا برد ولا تراب ولا ندى ولا ذبان ولاشمس ولاصوت
(من تجربه بالكشتات 25 سنه لازم ترتيب نوم بالغماره بدون ترتيب ماهوكويس
مخمخ على الفكره وشف النتائج)

[هايم بالعالمي]

النوم في السياره امن بعد الله من السباع والزواحف

[M Fox]

نوم السيارة وجع ظهر مهب نوم واسئل مجرب ...

تيزي الخيمة مع فراش زين ويالله لك الحمد ... ولازم زود تصير متدحمل لابسن لك الدولاب كله ..

[دسم الشوارب]

مراحب هاي لكزز : كلام سليم وياهلا
مراحب دلولة 22 : وشو .. شكلك اول مره تشارك وودك تشوف اسمك :)
مراحب الطريق السريع : ماشاء الله شكلك راعي مزاج .اصولها وخل الدنيا للدنيا والريال تحت الرجل
مراحب هايم بالعالمي : يالله المستعان وين السباع .. ذلحين السباع تخاف

مراحب ام فوكس : ماتوجع اذا سونا مثل اخونا الطريق السريع

[قرناس الجنوب 2011]

هلا

قد يكون هناك ظرف لنوم وسط السيااارة وهو مثل مااقاالو من سبقوني فى الرد
بس اذا كنت بدوي اعتقد نوم الارض طيب با الحيل
كل الاحترام للجميع