تنبيه العضيب يختلف

[برهوش]

شباب اليوم انا في ورشة العضيب الي في الصناعية القديمة طريق الخرج شمال
وشكيت لهم الحال عن بعض الأصوات في السياراة واني كنت مغير الركب في فرعهم الجديد في السويدي شارع عائشة بن ابي بكر , رد علي وقال من قالك ان العضيب الي في السويدي فرع من فروعنا :confused: :confused: قلت ليه قال هذا ورشة العضيب لكزس وحنا ميزان العضيب :eek: :eek: قلت ايشششششش قال نعم
قالي هل شعارنا الميزان وسنة التأسيس موجود قلت لا قال تاكدت الحين انه مو فرعنا
الحذر الحذر ياشباب

[ميمون111]

يعطيك العافيه

[.أبوعبدالرحمن]

شيء خطير والله


الله يوفقك على التنبيه

[محواش]

يعطيك الف عافيه

[ابوريما99]

أنصب وأكذب ورشه وميزان في الدنيا كلها هي العضيب
خذت سمعه من زمان

اليرموك والمجد أفضل منها ألف مره

وأنا طلعت سيارتي من عندهم بعد ما اخذوا مني وزن وخربطه
بحوالي الـ 800 ريال

وأخر شي ستر الله علي

ماسك الدائري ومسرع
بجيب باترول 2006

الا والسيارات تأشر وتكبس
إلى ان جاء واحد قال فيه ماصورة تحت السيارة

وانزل اشوف

الا والقى مساعد الدركسون يحك في الأرض
يعني قدر الله وماشاء فعل

والا كان انقلبت بذا السبب

لا وارجع لهم ومشاكل وطقاق وخناق مع الإدارة
لين جابوا لي مساعد جديد
ومأدري هو اصلي والا لا بعد

[عزبة بر]

مشكور على التنبيه يالغالي :)

[جمره]

نعم فيها غشش واجد

[ضحية بيشة]

يااخوووان رجاء عن الغلط بسبب بسيط والعضيب له سمعته ووزنه بالصناعيه وافضل من

الاجانب الحراميه يكفي ان اداراته كلها شباب سعودي مو اجنبي ترمي السياره وتروح وترجع بكره

تحصل نص سيارتك مبدل وانت ماتدري ...اي ورشه يجي منها غلط حتى الوكاله لان اللي يشتغل بالسيارة

مو معصوم عن الغلط او النسيان او اي سبب ...لاكن نحكم على الاغلبيه من الناس تمدح فيهم ..بعدين

العضيب لكزس وفروعه بالمروج والميه والسويدي والصناعيه القديمه من افضل المراكز وارقاها تعامل ..

واذا احد يحس بالغبن اذا راح يصلح سيارته ودفع فلوس مستكثرها يتعلم هو بنفسه الصيانه ويرتاح ويريح المسلمين ...

[ضحية بيشة]

أنصب وأكذب ورشه وميزان في الدنيا كلها هي العضيب
خذت سمعه من زمان

اليرموك والمجد أفضل منها ألف مره

وأنا طلعت سيارتي من عندهم بعد ما اخذوا مني وزن وخربطه
بحوالي الـ 800 ريال

وأخر شي ستر الله علي

ماسك الدائري ومسرع
بجيب باترول 2006

الا والسيارات تأشر وتكبس
إلى ان جاء واحد قال فيه ماصورة تحت السيارة

وانزل اشوف

الا والقى مساعد الدركسون يحك في الأرض
يعني قدر الله وماشاء فعل

والا كان انقلبت بذا السبب

لا وارجع لهم ومشاكل وطقاق وخناق مع الإدارة
لين جابوا لي مساعد جديد
ومأدري هو اصلي والا لا بعد



وش فيك يابوريما طاب بالناااس هههههه تدري انك ذكرتني بالمصريين على قولتهم اللي يحب الحبيب النبي

يضرب ....طاب سب وبعدها تناقض نفسك وتمدح مره ثانيه ...طبعا ماتدري كيف لاكن انصحك تسأل

من له المجد واليرموك وتعرف معنى كلامي :D ...

[التل الصامت]

مشكور يا اخوي صاحب الموضوع

وانا عندي ملاحظة وهي

ان اذا جيت تركب شي اقعد على راسهم وشف كيف يسوون الشي
ولكن وعندنا وانا لاحظت بعيوني ناس يتركون السيارة ويرجعون بعدين
مو فاضي الاخ اللي ابغاء اوصله شف كيف يركبون الشي وتعلم علشان تحفظ فلوسك بعدين

والله يوفق الجميع لما يحبه ويرضه

[Abu Saad]

والله ما اردى من هذا الا هذا .
اي شي تجيهم علشانه يقولون لازم كبس ذراع ( ويكبسون من جيبك 200 ريال) ميه للذراع ومية للوزن ، وكنك يبوزيد ماغزيت ، مايتغير الا بوكك ينقص منه 200 .
ومافيه شي عندهم مانعرف لا نعرف ونص .. تعال كابسين كابسين الله لايعوق !!
بعض الميازين مثل الدرع تجيهم ويقولون ماندري وش في السيارة....
لكن العضيب وطقته شعارهم كابسين كابسين!
لو البوري خربان ...لازم كبس ذراع!
والسلام عليكم