ابغى حل لمشكلة سيارتي .....

[اصيل]

السلام عليكم ورحمة الله وبركاته:
عندي جيب قراند شيروكي 2002 8سلندر .....
الصراحه مافيه اي عيب .. الا عيب واحد وانا الا الان اعاني منها وهي
كل ما اجي آخذ ملف او دوار اسمع صوت قوي كنه صوت الدفرنس او ماشابه لاني ما افهم فيه الصراحه
وما ادري وش السبب مع اني رحت لورش كثيره اللي يشحم واللي ما ادري وش يسوي واللي يقولي
افصل الدبل الخفيف وكلام كثير سمعت ...مع ان الموتر نظيف جدا جدا جدا ...
المهم ابغاكم يا شباب تساعدوني في حل هل المشكله..
وفيه سؤال ثاني ؟؟؟
وشلون القراند في البر هل هو موتر بر قول وفعل والا لااااا.

[تبريزة]

نفس المشكله صارت مع واحد من الشباب

يطلع صوت مع اللفات بس جيب تايوتا

وكانت المشكله وشي ان الصواميل حقت الكفرات كانت مرتخيه

وحنا فكينا العامود وكل شي خطر على بالك سويناه
واخر شي طلعت الصواميل منحله

انت شيك عليهن يمكن يكون منهن ويمكن يكون شي ثاني
والله اعلم

ودمتم
اخوك
تبريزة

[اصيل]

ماقصرت ياأخوي تبريزه...
ويعطيك الف عافيه.

[شاص]

أبشر بالحل اللي مايكلفك ولايتعبك أخونا ماكس بور كفاك العنوة بموضوعه الرائع اللي بهالرابط

http://www.mekshat.com/vb/showthread.php?s=&threadid=21434

[tabuki]

السلام عليكم ورحمة الله وبركاته
شيك على الدفرنس قبل كل شي لان مشاكل الشروكي كثيرة

[قناص شقراء]

بسم الله الرحمن الرحيم

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

أظن ان المشكلة من عمود (الكردان) يكون مرتخي .


أخوكم : راعي الهواوي .

[جميل جمال]

اخوي اصيل ..

انا انصحك تسوي مثل ما قالك تبريزه ..

تاكد من انه بعض الصواميل ميب منحله ..

لانه صار لي نفس الشي اذا خشيت دوار طلع لي صوت .. وطلع لي رجه بالدركسون ..

اخر شي اكتشفت انه فيه صامولتين منحلات بكفر واحد ..

وسلامتك ..

[شايب الصمان]

مع أحترامي لأرائكم
المشكله هي= انه يوجد مثل الدسكات بالدفرنش الخلفي
وتحتاج الى فك وتغير ولكن ماهو ضروري تغيرها ممكن تفكها نهائيا
وأبشر بشرح وافي ...

[الجزوم]

السلام عليكم

اخي الكريم سيارتك ما فيها شي ولا تخلي حقين الورش يخربونها وهي سليمه ...

حيث ان بعض السيارات المزوده بقفل للدفرنس او ما يسمى مشروك تحدث اصوات اثناء الدوران او الرجوع

للخلف وهذا امر طبيعي حيث ان القفل مصمم للسير في خط مستقيم واثناء الدوران يحدث صوت عندما يفصل

القفل المهم لا تخلي احد يلعب فيه ...

اذا كنت غيرت الزيت مر على اي وكالة سيارات امريكيه مهوب لازم وكالة دوج وخذ منهم علبة زيت دفرنس

مشروك وهي في حجم علبة البيبسى تو زيت الفرامل بلاستيك شفاف فيها سائل عسلي وزوده للدفرنس ...

وللجميع التحية

الجزوم

[اصيل]

الف الف شكر يا اخوان على
الردود الجميله والمفيده وشكلي ابشتري الزيت هذا واشوف النتيجه



وشكرا...