استشاره يالنشآمى واستفسار عن الفور تشنر

[فالح القحطاني]

السلام عليكم ورحمة الله وبركـآته




اسعد الله صبآحكم



انا رجال ودي بجيب

وعرض علي الجيب التويوتا

الفور نشتر


2007



قير عايدي خليجي



انا ما استخدمت الموتر ولا اعرف عنه اي شي



ياليت الاخوان الي استخدموه او يعرفون احد استخدمه



يفيدنــآ




وشاكر لكم

[المنيعي1]

انا ما استخدمته ولكن ركبته اكثر من مرة الموتر حليل يمشي الحال بس لاتدور لاراحه ولا مركب زين

[الكشاات]

ان شاء الله الشباب يفيدونك

[ابوسفان]

شف اخوي فالح اذا هو ست سرندل ممتاز والراحه ما اقولك انه مريح مره لكنه زيه زي اي جيب ثاني انا معي 2009 ست سرندل تماتيك ولا اروع منه

لكن اذا انت راعي عفل يعني تمس والديه وتكفربه يقولون لاحظ يقولون انه النمره الثانيه تبدأ تطلع يعني تفصل مع المس لكن ودي يرد عليك واحد معه قير عادي

لكن تبي نشاط لا تأخذ الا ست سرندل

وهذا اللي عندي لعلي اكون جاوبت عليك

[فالح القحطاني]

الله لا يهينكم


يالنشـآمى



وشاكر لكم مشآركتكم



لكن انا ودي بوآحد معه قير عادي

يقدر يفيدني لان الموتر انا على وشك اشتريه


وياليت برضوآ تخبروني عن سعر الـ 2007 القير عايدي ومواصفاته


مع العلم ان الي بشتريه ماهو بالسعوديه

بالامارات يعني خليجي

[صقرحايل]

ماشاءالله تبارك الله
الله يعطيك من خيره ويكفيك شره
ان شريت قبلا يومين 2010سته اسرندل وقير تمتيك والقيمه وكاله109 الاف والله انه شى غير طبيعى من ناحيت القوه وشكر لك

[العابر2222]

اخوووي انا اشوف بقيمته شفلك لاندكروزر gxr او نيسان فتك مستعمل 2005 احسن منه بكثير

[ابو خالد 1992]

مع اخوي 2006 - 4 سرندل موتر كرف ماشي اكثر من 300.000 الف وزي الورد الزيت ما يغيره إلى كل 15.000 الف ولااحسن منه ماخلى ديره مار اح علية الكويت الامارات وفاجره بالدهنا و زي الحلاوه معه استخر و توكل على الله ولاتاخذ إلى 6 سرندل انشط

[لاخلى ولى عدم]

خذ سته سلندر كان تبي جيب يطربك بالنفود وبالخطوط

[الحسن القاضي]

الموتر بطران وأنا عندي 2008 VX2 ستة سلندر..
السيارة قوية قوة غير طبيعية (4000 سي سي) وهذي قوة لايستهان بها.
أهم شي عليك بالستة سلندر وأنا اللي عندي تماتيك.

أما موديل 2010 فهو موتر بطل ولا يعلى عليه.

[أبوحمييد]

ماشاء الله ممتاز بس خذ سته سرندل

[المتليك]

فكر باالتماتيك تراه احسن بكثير من العادي
وباالتوفيق انشاء الله
تحياتي لكم

[خادم الإسلام]

انا واحد من الأخوة معه واحد بــس 4سلندر ...... والله مايسوى شي .... أما الـ 6 سلندر مالي علم عنه ..وعليك بالإستخارة قبل كل شي ..... والله يكتب لك الخير .

[هايم مطر]

سياره حلوه بس غير مريحه من الداخل

والله يبارك لك

[راعي طخيمان]

وعليكم السلام ورحمة الله وبركاته
حياك الله اخوي فالح ...
انا معي فورتشنر 2007 فل كامل بدوف لوك وقير تماتيك ستة سلندر
موتر ممتاز وماشي معي لكن يعيبه شكله الخارجي
والله جلس معي سنه وزود مثل الحلاوه والموتر لا تسأل عن النشاط
4000 سي سي نفس مكينة الجي اكس ار والبرادو والاف جي وهو ((اخفهم وزن ))
ويعجبك بالنفود ويشفي غلك
وموتري 2007 لونه يسمونه لؤلؤي ماشي 51000 مسيوم مني 82000 بعيد الفطر
ولابعت الان الموتر للبيع ((البدي نظيف ((وكاله ))